Rooma 6:4 - Nyaa Shɔɔ Ɓɔɔ Laa a Ɓɛɛ

⁴ Ka ɓɔɔ zang pàlɛ̀ ruu batizima, nwàng naa ruu vɔ katɔ nɛɛ Kirisi, a zang gbã̀a ruu nɛɛ wu. Tɔɔ, zang naa wisi ruu paa kaa jong naa ɓɔɔ Daa ɓiɓɛ wisi wu paa nɛɛ bannang ɓiɓɛ, nɛɛ tɔ̀ɔ, ruu nwang nwannang kaa naa ɓɔɔgn.

Rooma 6:4 ပူးပေါင်းရင်းမြစ်များ

Yɔhana 11:40

Yeesɔ kɔɔ wu tɔɔ, “N kɔɔ mɔɔ kpang nɛɛ, naa mɔɔ shing danggn mɔɔ zi bannang Laa katɔ kpang ya?”

Yɔhana 2:11

Wee vuu ɓɔɔ zang zirɛ zang mã naa ka danggn ɓɔɔ Yeesɔ gaayu palɛnang ɓɛɛ kɔ, ka gari Kaana ɓɔɔ ka tipi Galili ɓɛɛ. Tusu zang bannang ɓiɓɛ kaa nɔngkɔ, a zang ɓɔɔ ri mantɛ vuu ka bii ɓiɓɛ ri shing danggn kaa bii ɓiɓɛ gbãng gbãng.

Zang Shonang Yeesɔ 2:24

Laa ta wu nɛɛ naa vɔrɔ, a wisi wu paa nɛɛ saa ka ruu ɓɔɔ, daa naa ɓɔɔ vɔrɔ yiti wu kpang ɓɛɛ.

Zang Shonang Yeesɔ 2:32

Laa wisi Yeesɔ keɓe paa tɔ nɛɛ sàa, ruu nandon ruu zi katɔ nɛɛ jĩng ɓuru.

Rooma 6:19

N rang nɔɔ yee, n gãsɛ nɔɔ vuu nɛɛ vuu ɓɔɔ ruu zi diki diki ɓɛɛ. Ka ruu ɓɔɔ, bii shɔnzang manɛ lakɛ naa ka bii, ka vuu zinang kpang ɓɛɛ. Bɛ̀ɛ́ nɔɔ á dũndũng, nɛɛ vuu shi kpang, yuu manɛ dɔ̃ɔ gbete naa jaafoo, kãntang keɓe, nɔɔ á yuu manɛ doo nɔngkɔ dɔ̃ɔ gbete, nɔɔ palɛ vuu ɓɔɔ tɔ̃ɔ ɓɛɛ, tɔ̀ɔ, nɔɔ nwang kaa zang Laa niizang.

Rooma 6:3

Nɔɔ zi kpang ya? Ka ɓɔɔ zang palɛ ruu batizima, zang ɓakɛ ruu nɛɛ Yeesɔ Kirisi, a ruu vɔ jong naa ɓɔɔ wu vɔ ɓɛɛ.

Rooma 6:8

Ruu nɛɛ vɔ nɛɛ Kirisi, ruu zi tɔ ruu naa nwáng ningkãari jong nɛɛ wu.

Rooma 6:9

Ruu zi tɔ, vɔrɔ palɛ Kirisi vuu ɓɔɔ ɓi takpang. Yeesɔ vɔrɛ, a zang wisi wu paa tɔkn ningkãari, vɔ ɓi takpang.

Rooma 7:6

Kãntang keɓe, Laa ta ruu tɔ nɛɛ naa nyaa dannang ɓiɓɛ, ka ruu ɓɔɔ, ruu nwalɛ ɓuru kaa naa zang ɓɔɔ vuu shi kpang roo kpanti tɔ̀ɔ́ yuu ɓarɛ kpang ɓɛɛ. Kãntang keɓe, ruu pàlɛ́ Laa shonang kaa tɔ, ka gbalang ɓɔɔgn, ka ɓɔɔ ruu ɓaa shoo ka nyaa Suru ɓiɓɛ ɓɛɛ. Wu ka gbalang gbaala, ka ɓɔɔ ruu dũng nyaa dannang Laa, ɓɔɔ zang bée nɛɛ naa ɓɛɛ kpang.

Rooma 8:11

Laa ɓɔɔ wisi Yeesɔ paa nɛɛ saa, suru ɓiɓɛ nɛɛ nwàng ka yeti manɛ, Laa keɓe ɓɔɔ wisi Kirisi paa nɛɛ saa, a nɔɔ suru bii ditɔ. A nɔɔ suru bii nɛɛ bii Suru ɓiɓɛ ɓɔɔ nwang ka yeti manɛ ɓɛɛ.

1 Koranti 6:14

Naa ɓɔɔ Laa wisi Kpanti Yeesɔ Kirisi paa nɛɛ saa. Laa naa wisi ruu paa ditɔ jong nɛɛ saa nɛɛ naa vuu palɛnang ɓiɓɛ.

2 Koranti 13:4

Ka ɓɔɔ zang ɓaa wu naa ka laa, bɛ̀ɛ́ lakɛ naa ka bii kpang, a nwàng ningkãari kãntang keɓe nɛɛ naa vuu palɛnang Laa. Ka ɓɔɔ ruu ɓakɛ zɔɔ nɛɛ wu ɓɛɛ, ruu lakɛ naa doo ka bii kpang kɔ. Vuu ɓɔɔ ruu naa palɛ nɛɛ nɔɔ, ruu naa ɓakɛ yuu kaa nɛɛ Kirisi, ruu walɛ naa vuu palɛnang Laa kati, ruu palɛ nɔɔ shonang nɛɛ mani.

2 Koranti 5:17

Ka ruu nɔngkɔ, zang ɓɔɔ nɛɛ ɓakɛ yuu ɓiɓɛ tɔ nɛɛ Yeesɔ Kirisi, ɓi kaa zang shɔɔ. Gbalang nwannang gbaala ɓiɓɛ ɓa ɓi tɔ. Nwannang ka gbalang shɔɔ gaayu tɔ.

Afisa 4:17

N kɔɔ vuu keɓe nɛɛ nung Kpanti Yeesɔ, n ti shaarɛ nɔɔ nyaa. Nɔ́ɔ nwàng nwannang manɛ tɔ̀ɔ́ naa zang ɓɔɔ ri zi Laa kpang, kpang. Zang ɓɔɔ rɛ̃rɛnang ɓarɛ daa naa ɓi kpang tɔ̃ɔri ɓɛɛ.

Afisa 5:8

Ɓeleng bɛ̀ɛ́ nɔɔ nwang ka nɔng ɓɔɔ tɔ̀ɔ katɔ ɓɛɛ, a wee nɔɔ raa zang Kpanti Yeesɔ tɔ ɓee, nɔɔ manɛ kaa nɔng ɓɔɔ yakɛ katɔ ɓɛɛ. Ka ruu nɔngkɔ, nɔɔ nwang nwannang manɛ kaa naa zang ɓɔɔ ri ɓarɛ kaa zang nɔng ɓɔɔ yakɛ katɔ ɓɛɛ.

Kolosi 3:10

Nɔ̀ɔ hãa bii shɔɔ tɔ, ɓɔɔ Laa risi shɔɔ diki diki ka doo nwannang ɓiɓɛ ɓɛɛ. Tɔ̀ɔ, wu shíng nɔɔ, nɔ́ɔ zi wu kaa dɔ̃ɔ gbete.

Kolosi 4:1

Dabang gãa, nɔɔ pàlɛ́ jaafoo manɛ vuu ɓɔɔ tɔ̃ɔ, a ti daa naa katɔ ɓɛɛ. Danggn wu ning nɔɔ kpang, dabang gãa manɛ ɓi doogn kɔ ka lapa.

1 Bituru 3:21

Mii kaɓa tùsú zang ɓi kaa batizima ɓɔɔ kãntang keɓe ta yuu manɛ ɓɛɛ. Batizima ɓɔɔ zang pàlɛ́ nɔɔ, sɔɔ nɔɔ manɛ bii rĩiti manɛ kpang, ɓi vuu ɓɔɔ ruu gaa Laa nɛɛ mani, nɛɛ wu kɔsɔ ruu vuu shi kpang nɛɛ yeti ɓuru ɓɛɛ. Laa ta yuu ɓuru ka ruu ɓɔɔ Yeesɔ Kirisi yupaa nɛɛ sàa ɓɛɛ.

1 Yɔhana 2:6

Zang ɓɔɔ nɛɛ tɔɔ, wu zang Yeesɔ Kirisi nwang dòo naa ɓɔɔ Yeesɔ Kirisi nwáng ɓɛɛ kɔ.