Rooma 6:23 - Nyaa Shɔɔ Ɓɔɔ Laa a Ɓɛɛ

²³ Zang nɛɛ palɛ vuu shi kpang tɔ, zang vɔ katɔ. Vuu ɓɔɔ Laa a ruu waati, ɓi suru bii ɓɔɔ waa nyaa kpang ɓɛɛ. Ka ruu ɓɔɔ, ruu ɓákɛ́ bii tɔ, nɛɛ Kpanti ɓuru Yeesɔ Kirisi ɓɛɛ.

Rooma 6:23 ပူးပေါင်းရင်းမြစ်များ

Matiyu 25:46

“Ri naa daa ɓarɛ ka nɔng jĩng dannang ɓɔɔ waa nyaa kpang ɓɛɛ. A zang ɓiɓɛ kaɓa, ri naa wàlɛ́ ɓarɛ kaa suru bii ɓɔɔ waa nyaa kpang ɓɛɛ.”

Yɔhana 10:28

N a ri suru bii ɓɔɔ waa nyaa kpang ɓɛɛ. Ri vɔ ɓarɛ takpang. Zang ɓɔɔ ti zunung ɓɔɔ wu ta ri ka naa mɛɛ nɛɛ kaka kpang.

Yɔhana 17:2

Ka ruu ɓɔɔ, mɔɔ a m naa tɔ ka yuu zang piti. Mɔɔ nɛɛ, n a zang ɓɔɔ mɔɔ a m ri ka naa, suru bii ɓɔɔ waa nyaa kpang ta ɓɛɛ.

Yɔhana 3:36

Zang ɓɔɔ nɛɛ shing danggn ka bii Jaa, wàlɛ̀ Suru bii ɓɔɔ waa nyaa kpang tɔ. Zang ɓɔɔ nɛɛ bɛ̃ɛ Jaa wàlɛ̀ suru bii ɓɔɔ waa nyaa kpang ɓi kpang. Jĩng dannang kagn yuu ɓiɓɛ ning.

Yɔhana 4:14

Zang piti ɓɔɔ ɓoo mii ɓɔɔ n a wu, sutu mãa wu takpang, ka ruu ɓɔɔ, mii ɓɔɔ n a wu, nwàng kaa naa sɔlɔng mii ka yeti ɓiɓɛ ɓɛɛ. Sɔlɔng mii ɓɔɔ nwangsɛ mii ɓɔɔ á wu suru bii ɓɔɔ waa nyaa kpang ɓɛɛ.”

Yɔhana 4:36

Zang jaa lannang wàlɛ́ ɓi kaa vuu ɓɔɔ Laa shing wu katɔ ɓɛɛ. Kpalɛ zang ɓiɓɛ kana, tɔɔ ri walɛ suru bii ɓɔɔ waa nyaa kpang ɓɛɛ. Tɔɔ, zang ɓɔɔ ɓaa jĩng vuu, nɛɛ zang ɓɔɔ naa yeeyi ri tãa tĩnang kaa nyaa zɔɔ.

Yɔhana 5:24

“N kɔ̀ɔ́ nɔɔ ruu ɓɔɔ niizang kɔ nwani, zang ɓɔɔ nɛɛ tãa ruu ɓɔɔ n kɔɔ ɓɛɛ, nɛɛ ti shing danggn ka bii zang ɓɔɔ shong m, wàlɛ́ suru bii ɓɔɔ waa nyaa kpang katɔ. Laa ti naa dɔng wu ruu ɓi takpang. Ɓa yuu vɔrɔ ɓɔɔ suru tɔ, wɔ ɓi tɔ.

Yɔhana 6:27

Nɔ́ɔ dang jĩng nɛɛ nɔɔ kãa vuu shaanang ɓɔɔ lasɛ katɔ ɓɛɛ kpang. Nɔɔ dang jĩng ka nɔng vuu shaanang ɓɔɔ lasɛ kpang dòndòng, ɓɔɔ n Jaa Shɔnzang n naa a nɔɔ ɓɛɛ. Ka ruu ɓɔɔ, wukɔ zang ɓɔɔ Laa tusu nɛɛ wu a wu naa tɔ ɓɛɛ.”

Yɔhana 6:40

Ka ruu ɓɔɔ, Daa mɛɛ kasɛ nɛɛ zang ɓɔɔ nɛɛ shing jĩng ka bii mɛɛ ɓɔɔ n Jaa, nɛɛ ti shing danggn ka bìí mɛɛ, wu walɛ suru bii ɓɔɔ waa nyaa kpang ɓɛɛ. N ti naa wisi wu paa, n a wu suru bii ka diki ɓɔɔ koo waa nyaa ɓɛɛ.”

Yɔhana 6:68

Siman Bituru kasɛ wu nyaa tɔɔ, “Kpanti, ruu daa kaa bii wiya? Mɔkɔ kɔ̀ɔ́ ruu ɓɔɔ a zang suru bii ɓɔɔ waa nyaa kpang ɓɛɛ.

Rooma 1:32

Ri zi tɔ nɛɛ nyaa dannang Laa kɔɔyi nɛɛ zang ɓɔɔ ri palɛ vuu ɓɔɔ naa weɓe, daa naa ɓɔɔ zang nyɔ ri vɔrɔ ɓɛɛ. Ri huu shoo wu ka nɔng palɛnang kɔ shɛ̃ɛning kpang, ri tãa tĩnang zang ɓɔɔ ri pálɛ̀ vuu keɓe ɓɛɛ.

Rooma 2:7

Zang ɓɔɔ ri yi tĩng, ri palɛ ɓarɛ tɔ̃ɔ kɔ sasak, nɛɛ tɔ̀ɔ, Laa wu a ri bannang, wu dɔ̀ɔ ri, ri ti nwáng ningkãari dòndòng. Laa naa a ri suru bii ɓɔɔ waa nyaa kpang ɓɛɛ.

Rooma 5:12

Naa ɓɔɔ vuu shi kpang a ka koo, nɛɛ bii zang gbete, a vuu shi kpang atɛ vɔrɔ. Kãntang keɓe zang piti ri palɛ vuu shi kpang tɔ, ka ruu nɔngkɔ, vɔrɔ nwáng vuu zang piti tɔ.

Rooma 5:17

Vɔrɔ roo kpanti, ka ruu vuu shi kpang ɓɔɔ Adamu gbete palɛ. A zang gãsɛ vuu keɓe kaa tɔ̀ɔ́ nɛɛ vuu ɓɔɔ Yeesɔ palɛ ɓɛɛ kpang. Zang ɓɔɔ Laa nɛɛ palɛ ri tɔ̃ɔ dɔɔli, a shing ri waati, ri nwáng zang tɔ̃ɔ ka tĩng ɓiɓɛ. Ri nwáng ningkãari, ri roo kpanti nɛɛ bii zang gbete keɓe, Yeesɔ Kirisi.

Rooma 5:21

Ka ruu nɔngkɔ, naa ɓɔɔ vuu shi kpang roo kpanti nɛɛ bii vɔrɔ, tɔ̃ɔ Laa ti roo kpanti doo nɔngkɔ nɛɛ bii nwannang tɔ̃ɔ ka tĩng Laa. Tɔ̀ɔ, ruu walɛ suru ɓɔɔ waa nyaa kpang nɛɛ bii Kpanti ɓuru Yeesɔ Kirisi.

Rooma 6:16

Nɔɔ zi tɔ nɛɛ, naa nɔɔ a zang ɓɔɔ yuu manɛ nɛɛ nɔɔ nwang jaafoo ɓiɓɛ, nɔɔ ɓaa shoo ka nyaa ɓiɓɛ. Nɔɔ manɛ jaafòó zang gãa ɓɔɔ nɔɔ ɓaa shoo ka nyaa ɓiɓɛ ɓɛɛ. Naa nɔɔ ɓaa shoo doo ka nyaa vuu shi kpang ɓɔɔ nwǎng zang vɔrɔ ɓɛɛ, naa nɔɔ ti ɓaa shoo ka nyaa Laa, tɔ̀ɔ, Laa wu ta nɔɔ nɛɛ nɔɔ zang tɔ̃ɔ ka tĩng ɓiɓɛ ɓɛɛ.

Rooma 6:21

Nɔɔ wàlɛ̀ ɓu vi ka vuu ɓɔɔ nɔɔ pálɛ́, ɓɔɔ kãntang keɓe yusɛ̃ɛ ɓarɛ tuu nɔɔ kaa tɔ ɓee viya? Vuu kaɓa nwàng nɔɔ vɔrɔ.

Rooma 8:13

Naa ruu nwang naa ɓɔɔ bii ɓuru kasɛ, ruu vɔ katɔ. A naa Suru Laa yi ruu naa kagn, ruu yaa vuu shi kpang ɓɔɔ ruu palɛ dɔ̃ɔ gbete, ruu nwáng ditɔ ningkãari.

Rooma 8:38

N zi m tɔ nɛɛ, vuu ɓɔɔ basɛ ruu kagn nɛɛ kasɛnang ɓɔɔ Laa kasɛ ruu nɛɛ mani ɓɛɛ kpang. Naa ruu vɔ doo katɔ, naa ruu doo ningkãari, naa doo zang nyaa shonang Laa ɓɔɔ ri ka lapa, nɛɛ zang nyaa shonang Laa ɓɔɔ bang bang ɓɔɔ ri ka lapa ɓɛɛ, naa doo vuu ɓɔɔ kagn kãntang, nɛɛ vuu ɓɔɔ naa a ka tĩng ɓɛɛ.

Rooma 8:39

Naa doo vuu ɓɔɔ ka lapa, nɛɛ vuu ɓɔɔ ka tipi dii. Vuu ɓɔɔ kagn ka teteng vuu ɓɔɔ Laa mã́arɛ̀ ɓɔɔ zunung ɓɔɔ wu basɛ ruu, nɛɛ kasɛnang ɓɔɔ Laa tusu ruu nɛɛ bii Kpanti ɓuru Yeesɔ Kirisi ɓɛɛ kpang.

Rooma 8:6

Naa zang rɛ̃rɛ shi kpang, naa ɓɔɔ bii shɔnzang kasɛ ɓɛɛ kɔ shɛ̃ɛning, nwǎng zang ɓi vɔrɔ. Naa zang rɛ̃rɛ ka yuu vuu ɓɔɔ Suru Laa kasɛ, Laa shingnɛ zang walɛ suru bii ɓɔɔ waa nyaa kpang, a yeti zang ti valɛ katɔ.

Galati 3:10

Zang ɓɔɔ ri shing gn ɓarɛ nɛɛ naa ri dũng nyaa dannang, ri nwang zang tɔ̃ɔ katɔ ka tĩng Laa, Laa naa dɔng ri ruu ditɔ. Ka ruu ɓɔɔ, zang bee ka labeenang Laa nɛɛ, “Zang piti ɓɔɔ nɛɛ dũng vuu piti ɓɔɔ zang bee ka yeti labeenang nyaa dannang Laa diki diki kpang, Laa dɔng wu ruu tɔ.”

Titu 1:2

Tɔ̀ɔ, ri shing gn ka suru bii ɓɔɔ waa nyaa kpang, ɓɔɔ Laa ɓɔɔ suu sèé kpang a zang nyaa bɛ̀ɛ́ zang mãa koo gn kpang ɓɛɛ.

Yakubu 1:15

Rɛ̃rɛnang keɓe nɛɛ ɓaa mɔɔ saara tɔ ka yeti, wu shing mɔɔ, mɔɔ palɛ vuu shi kpang. Vuu shi kpang nɛɛ nwang vuu bii ɓaaɓɛ tɔ, wu nwàng mɔɔ vɔrɔ kati.

1 Yɔhana 2:25

Vuu ɓɔɔ Yeesɔ kɔɔyi tɔɔ, wu naa a ruu, wukɔ suru bii ɓɔɔ waa nyaa kpang ɓɛɛ.

Vuu ɓɔɔ zang nwangsɛ Yɔhana 21:8

A ɓɔɔ zang ɓɔɔ ri kaa vɔrɔ, nɛɛ zang ɓɔɔ ri shing danggn ka bii Laa kpang ɓɛɛ, nɛɛ zang ɓɔɔ shi kpang kagn bii ɓarɛ ɓɛɛ, nɛɛ zang ɓɔɔ ri nyɔ zang vɔrɔ ɓɛɛ, nɛɛ zang ɓɔɔ ri palɛ dũndũng, nɛɛ zang ɓɔɔ ri shaa nvaa, nɛɛ zang ɓɔɔ ri bang vaka, nɛɛ zang sèé nandon, zang naa tasɛ ri ɓarɛ ka too waa, ɓɔɔ tari ɓɔɔ ri shaa waa katɔ kagn ɓɛɛ. Wee kɔ vɔrɔ ɓɔɔ zang vɔrɛ daa kaa doo ziti ɓɛɛ kɔ.”