Rooma 6:16 - Nyaa Shɔɔ Ɓɔɔ Laa a Ɓɛɛ

¹⁶ Nɔɔ zi tɔ nɛɛ, naa nɔɔ a zang ɓɔɔ yuu manɛ nɛɛ nɔɔ nwang jaafoo ɓiɓɛ, nɔɔ ɓaa shoo ka nyaa ɓiɓɛ. Nɔɔ manɛ jaafòó zang gãa ɓɔɔ nɔɔ ɓaa shoo ka nyaa ɓiɓɛ ɓɛɛ. Naa nɔɔ ɓaa shoo doo ka nyaa vuu shi kpang ɓɔɔ nwǎng zang vɔrɔ ɓɛɛ, naa nɔɔ ti ɓaa shoo ka nyaa Laa, tɔ̀ɔ, Laa wu ta nɔɔ nɛɛ nɔɔ zang tɔ̃ɔ ka tĩng ɓiɓɛ ɓɛɛ.

Rooma 6:16 ပူးပေါင်းရင်းမြစ်များ

Matiyu 20:4

a kɔɔ ri tɔɔ, ‘Nɔɔ dita jong nɔɔ daa palɛ m shonang ka jaa mɛɛ, tɔ̀ɔ n a nɔɔ vuu ɓɔɔ daa naa katɔ ɓɛɛ.’ A zang shonang kaɓa ri daa kati.

Matiyu 6:24

“Zang gbete pàlɛ̀ zang ziti shonang ka laa gbete kpang, ka ruu ɓɔɔ, kasɛ ruu zang gbete wu bɛ̃ɛ ɓɔɔ gbete. Ɓaa shoo ka nyaa ɓɔɔ gbete wu risi ɓɔɔ gbete naa vuu ɓɔɔ kpang ɓɛɛ. Ka ruu nɔngkɔ, zang wu ɓakɛ Laa dũnnang ɓi nɛɛ vuu naa kãanang kpang.

Yɔhana 8:34

Yeesɔ kɔɔ ri tɔɔ, “N kɔɔ nɔɔ ruu ɓɔɔ niizang kɔ nwani, zang ɓɔɔ nɛɛ huu shoo nɛɛ vuu shi kpang palɛnang, ɓi kaa jaafoo vuu shi kpang.

Rooma 11:2

Laa bɛ̃ɛ zang ɓiɓɛ ɓɔɔ wu zɔ̃́ng ri bɛ̀ɛ́ zang gaayu koo mãanang gn kpang, kpàng. Nɔɔ zi vuu ɓɔɔ labeenang Laa kɔɔ ka ɓɔɔ bɛ̀ɛ́ Iliya gaa Laa ka yuu zang Isirela kpang ya? Iliya kɔɔyi tɔɔ,

Rooma 12:1

Rɛɛ manzung, ka ruu tɔ̃ɔ palɛnang Laa, ɓɔɔ Laa tusu ruu dɔɔli ɓɛɛ, n gaa nɔɔ katɔ gbãng gbãng. Nɔɔ a Laa yuu manɛ, naa vuu ɓɔɔ zang dɔɔ wu ɓɛɛ. Nɔɔ nɛɛ a wu yuu manɛ tɔ naa vuu vaa ɓɔɔ zang dɔɔ wu ɓɛɛ, a nɔɔ kaa doo ningkãari ɓɛɛ. Nɔɔ shing yuu manɛ kaa gbãng gbãng nɔɔ pàlɛ́ wu shonang ɓɔɔ shing wu, wu tãa tĩnang manɛ ɓɛɛ. Wee gbalang ɓɔɔ Laa kàsɛ̀ nɛɛ nɔɔ báng wu ɓɛɛ kɔ.

Rooma 6:17

Ruu zãa Laa tɔ, ka ruu ɓɔɔ, bɛ̀ɛ́ nɔɔ manɛ jaafòó vuu shi kpang ɓɔɔ nɔɔ palɛ ɓɛɛ. A nɔɔ naa ɓaa shoo ka ruu ɓɔɔ niizang ka vuu ɓɔɔ zang tusu nɔɔ, a nɔɔ tarɛ nɛɛ yeti manɛ nandon.

1 Koranti 3:16

Nɔɔ zi kpang nɛɛ nɔkɔ Gãa Laa, a Suru Laa nwàng ka yeti manɛ kpang ya?

1 Koranti 5:6

Daa naa ɓɔɔ nɔɔ tuu yuu manɛ naa wee nɔɔ pálɛ̀ ɓee kpang. Nɔɔ zi kpang nɛɛ yisi tɔkɔlɔng tàntɛ́ yeti borodi bàanang wu shing borodi wu puuyi kpang ya?

1 Koranti 6:2

Nɔɔ zi kpang nɛɛ, zang ɓɔɔ ri dũng Laa kɔ ri naa jɛ̃ɛ zang koo ruu kpang ya? Naa nɔkɔ naa jɛ̃ɛ zang koo ruu, a nɔɔ dɔ̀ng zɔɔ ruu, ka ruu vuu tɔkɔlɔng tɔkɔlɔng ɓɔɔ nɔɔ pàlɛ́ zɔɔ ɓɛɛ kpang ya?

1 Koranti 6:3

Nɔɔ zi kpang nɛɛ rukɔ naa jɛ̃ɛ rɛɛ zang nyaa shonang Laa ɓɔɔ ri ka lapa ruu kpang ya? Nɛɛ nɔngkɔ, a ruu dɔ̀ng zang ruu ka yuu vuu ɓɔɔ ruu pàlɛ́ zɔɔ ka koo keɓe kpang ka ruu viya?

1 Koranti 6:9

Nɔɔ zi tɔ nɛɛ, zang ɓɔɔ ri ta yeti shi kpang, ri daa nɔng ɓɔɔ Laa roo kpanti kpang. Nɔ́ɔ nwãarɛ yuu manɛ kpang. Zang ɓɔɔ ri palɛ dũndũng, zang ɓɔɔ ri bang vaka, zang ɓɔɔ ri rooro nɛɛ soro zang, zang varɛ ɓɔɔ ri rooro doo nɛɛ zang varɛ kɔ ɓɛɛ.

1 Koranti 9:13

Nɔɔ zi tɔ nɛɛ, zang ɓɔɔ ri palɛ shonang ka yeti Gãa Laa, ri walɛ vuu shaanang ka yeti vuu ɓɔɔ zang ri alɛ ka Gãa Laa ɓɛɛ. Zang ɓɔɔ ri ti palɛ shonang ka nɔng ɓɔɔ zang dɔɔ Laa vuu kagn, ri walɛ vuu ɓɔɔ zang ri dɔɔ Laa ɓɛɛ jong.

1 Koranti 9:24

Naa zang gɛ̃ɛ zang nɛɛ ri yurɛ, zang dɔɔli ri yuku, a zang a ɓi kaa zang gbete, ɓɔɔ à tĩng shɔɔnang kɔ vuu. Nɔɔ yuku nabm, tɔ̀ɔ, zang wu a nɔɔ vuu.

2 Bituru 2:19

Ri kɔɔrɔ zang kaɓa nɛɛ ri naa yaa ri naa ditɔ, a ɓeekpang ɓɔɔ ri rang yee keɓe, ri zunung naa ɓɔɔ ri yaa vuu shi kpang ɓɔɔ ri palɛ ɓɛɛ kpang. Naa vuu ɓɔɔ yiti zang, zang zunung yaanang kpang, zang nwang ɓi kaa jaafoo vuu bìí.