Rooma 5:8 - Nyaa Shɔɔ Ɓɔɔ Laa a Ɓɛɛ

⁸ Laa tusu ruu naa ɓɔɔ wu kasɛ ruu ɓuru dɔɔli ɓɛɛ tɔ. Ka ɓɔɔ bɛ̀ɛ́ ruu doo zang ɓɔɔ ruu palɛ vuu shi kpang, Kirisi vɔ ka ruu ɓuru ɓɛɛ.

Rooma 5:8 ပူးပေါင်းရင်းမြစ်များ

Yɔhana 15:13

Zang kasɛnang ɓɔɔ ɓa ɓɔɔ zang wu a yuu ɓiɓɛ, nɛɛ zang nyɔ wu vɔrɔ ka ruu rɛɛ ɓeesang kagn kpang.

Yɔhana 3:16

Laa kasɛ zang ɓɔɔ ka koo keɓe dɔɔli, ka ruu nɔngkɔ, shong nyaa nɛɛ Jaa gbete ɓiɓɛ. Nɛɛ tɔ̀ɔ, zang ɓɔɔ nɛɛ shing danggn ka bii ɓiɓɛ wu shaarɛ kpang, wu wàlɛ̀ suru bii ɓɔɔ waa nyaa kpang kɔ jong.

Rooma 3:5

Naa vuu shi kpang ɓɔɔ ruu palɛ, shingnɛ, zang wu zi vuu tɔ̃ɔ ɓɔɔ Laa palɛ ɓɛɛ gbãng gbãng ɓɛɛ. Ruu kɔɔ ɓu kaa nɛɛ viya? Nɛɛ Laa nɛɛ dang ruu jĩng tɔ, pálɛ̀ shi kpang ya? (N rang yee m naa ɓɔɔ shɔnzang ri rangkɛ ɓɛɛ.)

Rooma 4:25

Laa a Yeesɔ nɛɛ wu vɔ ka ruu vuu shi kpang ɓuru. A Laa ti wisi wu paa tɔkn ningkãari nɛɛ tɔ̀ɔ, ruu nwang zang tɔ̃ɔ kaa tĩng Laa.

Rooma 5:20

Laa átɛ̀ nyaa dannang ɓiɓɛ nɛɛ tɔɔ, vuu shi kpang palɛnang wu shangnɛ. A ka nɔng ɓɔɔ vuu shi kpang shang dɔɔli, Laa palɛ tɔ̃ɔ ka nɔngkɔ gbãng gbãng.

Rooma 5:6

Kirisi vɔ ka ruu ɓuru, ɓɔɔ ruu palɛ vuu shi kpang ɓɛɛ. Ka laa ɓɔɔ Laa shingnɛ ɓɛɛ, bɛ̀ɛ́ ruu lakɛ naa gn ka bii kpang.

Rooma 5:7

Zang ɓɔɔ kàsɛ́ wu vɔ ka ruu zang ɓɔɔ ɓi zang tɔ̃ɔ, ka tĩng Laa kagn kpang. Zang ɓɔɔ náa kasɛ katɔ wu vɔ ka ruu zang ɓɔɔ palɛ zang tɔ̃ɔ ɓɛɛ,

Rooma 8:32

Laa zãa Jaa ɓiɓɛ jĩng dannang kpang, a zang wu, nɛɛ zang nyɔ wu vɔrɔ ka ruu ɓuru nandon. Naa a ruu vuu piti ɓi kaa tɔ̀ɔ́ waati nɛɛ wu ning kpang ya?

Rooma 8:39

Naa doo vuu ɓɔɔ ka lapa, nɛɛ vuu ɓɔɔ ka tipi dii. Vuu ɓɔɔ kagn ka teteng vuu ɓɔɔ Laa mã́arɛ̀ ɓɔɔ zunung ɓɔɔ wu basɛ ruu, nɛɛ kasɛnang ɓɔɔ Laa tusu ruu nɛɛ bii Kpanti ɓuru Yeesɔ Kirisi ɓɛɛ kpang.

Galati 2:20

Zang ɓaa m naa m tɔ laa nɛɛ Kirisi, ɓi tɔ̀ɔ́ nkɔ nwang ningkãari kpang. Ɓi kaa Kirisi ɓɔɔ ka bii mɛɛ kɔ nwang ningkãari. Nwannang kɔ n nwang kãntang ɓee, n nwang m kaa nɛɛ danggn ɓɔɔ n shing ka bii Jaa Laa ɓɔɔ kasɛ m, a á zang yuu ɓiɓɛ, nɛɛ zang nyɔ wu vɔrɔ ka ruu mɛɛ ɓɛɛ.

Afisa 2:7

Laa palɛ vuu keɓe, nɛɛ tɔ̀ɔ, ka koo ɓɔɔ a ka tĩng ɓɛɛ, wu tusu tɔ̃ɔ ɓɔɔ wu palɛ ɓɔɔ daa naa gãsɛnang kpang ɓɛɛ. Ka ruu vuu ɓɔɔ Yeesɔ Kirisi palɛ ɓɛɛ.

Afisa 5:2

Nɔɔ nwáng nwannang zɔɔ kasɛnang, naa ɓɔɔ Yeesɔ Kirisi kasɛ ruu ɓuru, a á yuu ɓiɓɛ nɛɛ zang nyɔ wu vɔrɔ ka ruu ɓuru ɓɛɛ. Suru bii ɓiɓɛ keɓe, ɓɔɔ wu a Laa, nwang kaa naa vuu ɓɔɔ á sɛ̃ɛ tɔ̃ɔ, ɓɔɔ zang dɔ̀ɔ́ Laa, a shingnɛ Laa tãa tĩnang ɓɛɛ.

1 Timoti 1:16

Ka ruu ruu keɓe kɔ, gn mɛɛ kɔng Laa, nɛɛ tɔ̀ɔ, Yeesɔ Kirisi wu túsú naa ɓɔɔ wu mã danggn nɛɛ n gbãng gbãng, wu tà yuu mɛɛ ɓɛɛ. Ɓɔɔ nkɔ pálɛ̀ vuu shi kpang n ɓa zang piti ɓɛɛ. Tɔ̀ɔ, zang piti ɓɔɔ ri naa shing danggn ka bii ɓiɓɛ, ri zi kati, ri walɛ suru bii ɓɔɔ waa nyaa kpang kati.

Yahudi 8:3

Ka ruu ɓɔɔ, zang zɔ̃ng kpanti zang ɓɔɔ ri dɔɔ vuu ka Gãa Laa, ɓu nɛɛ wu a Laa vuu ɓɔɔ zang alɛ wu, a wu ti dɔɔ ɓɔɔ. Doo nɔngkɔ, daa naa katɔ zang ɓɔɔ dɔɔ Laa vuu keɓe, wu walɛ vuu ɓɔɔ wu a Laa ɓɛɛ jong.

1 Bituru 3:18

Yeesɔ Kirisi nɛɛ yuu ɓiɓɛ dàng jĩng, ka ruu vuu shi kpang ɓuru a hangsɛ shonang keɓe doo gbete. Zang ɓɔɔ ɓi zang tɔ̃ɔ ka tĩng Laa, vɔ ka ruu zang ɓɔɔ ri palɛ ɓarɛ vuu ɓɔɔ daa bii kpang ɓɛɛ. Nɛɛ tɔ̀ɔ, wu atɛ ruu ka bii Laa. Zang ri nyɔ wu vɔrɔ, a Laa wisi wu paa nɛɛ sàa tɔkn.

1 Yɔhana 3:16

Yeesɔ Kirisi tusu ruu, rúu zang kasɛnang ka ɓɔɔ wu mãlɛ́ bii ɓiɓɛ ka ruu ɓuru ɓɛɛ. Ka ruu nɔngkɔ, ruu mãlɛ́ bii ɓuru ta jong ka ruu manzung ɓuru.