Rooma 5:6 - Nyaa Shɔɔ Ɓɔɔ Laa a Ɓɛɛ

⁶ Kirisi vɔ ka ruu ɓuru, ɓɔɔ ruu palɛ vuu shi kpang ɓɛɛ. Ka laa ɓɔɔ Laa shingnɛ ɓɛɛ, bɛ̀ɛ́ ruu lakɛ naa gn ka bii kpang.

Rooma 5:6 ပူးပေါင်းရင်းမြစ်များ

Rooma 11:26

Naa ɓɔɔ zang naa ta yuu zang Isirela nandon keɓe. Labeenang Laa kɔɔyi tɔɔ, “Zang ɓɔɔ tá yuu zang naa nwang nyaa nɛɛ gari Siyona. Tɔɔ wu shingnɛ zɔ̃ng Yakubu ri yaa vuu shi kpang palɛnang kati.

Rooma 4:25

Laa a Yeesɔ nɛɛ wu vɔ ka ruu vuu shi kpang ɓuru. A Laa ti wisi wu paa tɔkn ningkãari nɛɛ tɔ̀ɔ, ruu nwang zang tɔ̃ɔ kaa tĩng Laa.

Rooma 4:5

A zang ɓɔɔ palɛ shonang tɔ̃ɔ ɓi kpang, nɛɛ shing danggn ɓi ka bii Laa, ɓɔɔ shing zang ɓɔɔ palɛ vuu shi kpang, wu nwang zang tɔ̃ɔ. Zang keɓe, danggn ɓɔɔ wu shingnɛ risi wu, wu nwang zang tɔ̃ɔ ka tĩng Laa.

Rooma 5:10

Ka ɓɔɔ bɛ̀ɛ́ ruu shing jĩng gn nɛɛ Laa kpang, Laa shingnɛ ruu nwáng nɛɛ wu ka nyaa zɔɔ ka ruu Jaa ɓiɓɛ ɓɔɔ vɔ ka ruu ɓuru ɓɛɛ. Wee ruu nwang tɔ ka nyaa zɔɔ nɛɛ Laa ɓee, Jaa ɓiɓɛ ta yuu ɓuru katɔ, ka ruu ɓɔɔ, nwàng ɓi ningkãari ɓɛɛ.

Rooma 5:7

Zang ɓɔɔ kàsɛ́ wu vɔ ka ruu zang ɓɔɔ ɓi zang tɔ̃ɔ, ka tĩng Laa kagn kpang. Zang ɓɔɔ náa kasɛ katɔ wu vɔ ka ruu zang ɓɔɔ palɛ zang tɔ̃ɔ ɓɛɛ,

Rooma 5:8

Laa tusu ruu naa ɓɔɔ wu kasɛ ruu ɓuru dɔɔli ɓɛɛ tɔ. Ka ɓɔɔ bɛ̀ɛ́ ruu doo zang ɓɔɔ ruu palɛ vuu shi kpang, Kirisi vɔ ka ruu ɓuru ɓɛɛ.

Rooma 8:32

Laa zãa Jaa ɓiɓɛ jĩng dannang kpang, a zang wu, nɛɛ zang nyɔ wu vɔrɔ ka ruu ɓuru nandon. Naa a ruu vuu piti ɓi kaa tɔ̀ɔ́ waati nɛɛ wu ning kpang ya?

Rooma 8:34

Ɓu wi dɔ̌ng ri ruu wiya? Ɓi Yeesɔ Kirisi ɓɔɔ vɔrɛ, Laa wisi wu paa nɛɛ saa. Nwang ka nakn Laa. Wukɔ ti bàkɛ́ Laa ka ruu ɓuru.

Galati 2:20

Zang ɓaa m naa m tɔ laa nɛɛ Kirisi, ɓi tɔ̀ɔ́ nkɔ nwang ningkãari kpang. Ɓi kaa Kirisi ɓɔɔ ka bii mɛɛ kɔ nwang ningkãari. Nwannang kɔ n nwang kãntang ɓee, n nwang m kaa nɛɛ danggn ɓɔɔ n shing ka bii Jaa Laa ɓɔɔ kasɛ m, a á zang yuu ɓiɓɛ, nɛɛ zang nyɔ wu vɔrɔ ka ruu mɛɛ ɓɛɛ.

Galati 4:4

A ka ɓɔɔ laa ɓɔɔ Laa shingnɛ naa arɛ, Laa naa shong nyaa nɛɛ Jaa ɓiɓɛ. Jaa keɓe jaa soro yi wu, a ti dũng nyaa ɓɔɔ Laa dang zang Yahudi nɛɛ ri dũngnɛ.

Afisa 5:2

Nɔɔ nwáng nwannang zɔɔ kasɛnang, naa ɓɔɔ Yeesɔ Kirisi kasɛ ruu ɓuru, a á yuu ɓiɓɛ nɛɛ zang nyɔ wu vɔrɔ ka ruu ɓuru ɓɛɛ. Suru bii ɓiɓɛ keɓe, ɓɔɔ wu a Laa, nwang kaa naa vuu ɓɔɔ á sɛ̃ɛ tɔ̃ɔ, ɓɔɔ zang dɔ̀ɔ́ Laa, a shingnɛ Laa tãa tĩnang ɓɛɛ.

Kolosi 2:13

Bɛ̀ɛ́ ɓeleng nɔɔ nwang manɛ naa zang ɓɔɔ ri vɔlɔ katɔ ɓɛɛ, ka ruu vuu shi kpang ɓɔɔ nɔɔ pálɛ́ ɓɛɛ. A ɓɔɔ ti, ka ruu ɓɔɔ, nɔɔ manɛ zang Isirela kpang, nɔɔ zi nyaa dannang Laa kpang ɓɛɛ. A kãntang keɓe Laa a nɔɔ suru bii tɔ, naa ɓɔɔ Yeesɔ Kirisi. A ti kɔsɔ ruu vuu shi kpang ɓuru tɔ nandon.

1 Tesalonika 5:9

Ka ruu ɓɔɔ, Laa zɔ̃ngkɔ ruu nɛɛ wu dɔng rùu ruu, tɔ̀ɔ, ruu dang jĩng ka diki ɓɔɔ wu naa jɛ̃ɛ zang ruu ɓɛɛ kpang. Zɔ̃ngkɔ ruu nɛɛ wu ta yuu ɓuru nɛɛ bii Kpanti ɓuru Yeesɔ Kirisi.

1 Timoti 1:9

Zang dang nyaa wu ka ruu zang tɔ̃ɔ kpang. Ɓi ka ruu zang ɓɔɔ ri takɛ nyaa ɓɔɔ zang dang ɓɛɛ, nɛɛ zang ɓɔɔ ri ɓaa shoo ka nyaa zang kpang ɓɛɛ. A bɔɔ ka ruu zang ɓɔɔ ri shing gn ka bii Laa kpang, nɛɛ zang ɓɔɔ ri palɛ vuu shi kpang ɓɛɛ. Ka ruu zang ɓɔɔ ri seng Laa kpang, ri ti seng vuu tɔ̃ɔ kpang ɓɛɛ. Nɛɛ ɓɔɔ ka ruu zang ɓɔɔ ri nyɔ daa ɓarɛ nɛɛ nàá ɓarɛ vɔrɔ ɓɛɛ, nɛɛ zang ɓɔɔ ri nyɔkɔ zang vɔrɔ ɓɛɛ.

Titu 2:12

Tɔ̃ɔ ɓiɓɛ keɓe, kɔ tusu ruu, ruu yaa nwannang ta naa zang ɓɔɔ ri zi Laa kpang ɓɛɛ, nɛɛ naa zang ɓɔɔ ri kasɛ ruu vuu koo ɓɛɛ. Ruu nwangnɛ, ruu yiti yuu ɓuru katɔ, ruu nwang nwannang ɓɔɔ tɔ̃ɔ ɓɛɛ, ruu dũng Laa ka nwannang ɓuru ka koo keɓe.

Yahudi 8:3

Ka ruu ɓɔɔ, zang zɔ̃ng kpanti zang ɓɔɔ ri dɔɔ vuu ka Gãa Laa, ɓu nɛɛ wu a Laa vuu ɓɔɔ zang alɛ wu, a wu ti dɔɔ ɓɔɔ. Doo nɔngkɔ, daa naa katɔ zang ɓɔɔ dɔɔ Laa vuu keɓe, wu walɛ vuu ɓɔɔ wu a Laa ɓɛɛ jong.

Yahudi 9:26

Naa nɛɛ nɔngkɔ, Kirisi nɛ̀ɛ́ dàng jĩng tɔ, ka yuu zɔɔ, yuu zɔɔ, ɓu doo ɓɔɔ koo gaayu ɓɛɛ. A kaa tɔ̀ɔ́ nɔngkɔ kpang. Kirisi nwang nyaa kaa doo gbete kak, paasɛ takpang, ka wee koo waa nyaa kaa tɔ ɓee, nɛɛ tɔ̀ɔ, wu kɔsɔ vuu shi kpang nɛɛ yuu ɓiɓɛ ɓɔɔ wu a ɓɛɛ.

1 Bituru 1:20

Ɓɔɔ bɛ̀ɛ́ Laa mãa koo gn kpang, Laa zɔ̃ng Yeesɔ Kirisi nɛɛ wu ta yuu zang nɔngkɔ. A kãntang keɓe, ka wee koo waa nyaa kaa tɔ ɓee, Laa nwangsɛ wu, ka ruu manɛ kɔ.

2 Bituru 3:7

A yee ɓɔɔ Laa rangnɛ kɔ shingnɛ, lapa nɛɛ tipi ɓɔɔ kãntang keɓe, wu nwangnɛ, wu gã diki ɓɔɔ waa naa lasɛ vuu ɓɔɔ ka yeti ɓiɓɛ nandon ɓɛɛ. Yaa vuu piti ka nɔngkɔ, nɛɛ diki ɓɔɔ wu naa dɔng zang piti ruu, wu ti ningsi zang ɓɔɔ ri palɛ vuu shi kpang, a ri dũng wu kpang ɓɛɛ.

Yahuza 1:15

Wu naa jɛ̃ɛ zang nandon ruu, wu dɔ̀ng zang ɓɔɔ ri palɛ vuu shi kpang, ɓɔɔ ri dũng Laa kpang ɓɛɛ ruu, ka ruu vuu shi kpang ɓɔɔ ri palɛ ka gbalang ɓarɛ ɓɛɛ. A ɓɔɔ ti ka vuu shi kpang ɓɔɔ zang ɓɔɔ ri dũ̀ng Laa kpang keɓe ri kɔɔrɔ ka yuu Laa ɓɛɛ.”

Yahuza 1:18

Ri kɔɔ nɔɔ nɛɛ, “Diki ɓɔɔ koo waa nyaa kagn nɛɛ a tɔ, zang ri naa nwang nyaa, ri naa kpaa nɔɔ, ri naa dũng ɓarɛ vuu shi kpang ɓɔɔ yeti ɓarɛ ɓɔɔ zi Laa kpang kasɛ ɓɛɛ.”

Yahuza 1:4

Zang ɓɔɔ ri dũ̀ng Laa kpang, ɓɔɔ kagn ri hãa tɔ ka teteng manɛ nɛɛ nwĩiri, ruu zi kpang. Zang ɓɔɔ ri kɔ̃sɔ ruu tɔ̃ɔ ɓɔɔ Laa ɓuru pàlɛ́ zang, nwang ri ɓarɛ kaa naa zang yaa ri gbalang dũndũng palɛnang, a ri bɛ̃ɛ Yeesɔ Kirisi ɓɔɔ wukɔ gbete, Kpanti nɛɛ dabang ɓuru ɓɛɛ. Labeenang Laa kɔɔ ruu ɓi tɔ ka yuu ruu kɔ zang dɔ̀ng ri ɓee.