Rooma 5:3 - Nyaa Shɔɔ Ɓɔɔ Laa a Ɓɛɛ

³ A ruu ti, tãa tĩnang ka jĩng dannang ɓuru ka ruu ɓɔɔ ruu zi tɔ jĩng dannang shing ruu, ruu mã danggn ɓɛɛ.

Rooma 5:3 ပူးပေါင်းရင်းမြစ်များ

Luka 21:19

Nɔɔ nɛɛ mã danggn tɔ kagn nɔɔ ta yuu manɛ katɔ.

Zang Shonang Yeesɔ 5:41

Rɛɛ zang shonang Yeesɔ ri yaa nɔng ruu jɛ̃ɛnang ri tãa ɓarɛ tĩnang, nɛɛ Laa zirɛ ri daa naa ɓɔɔ ri dang jĩng ka ruu nung Yeesɔ tɔ.

Rooma 5:11

Wu wee kɔ shɛ̃ɛning kpang. Laa shingnɛ nɛɛ, ruu tãa tĩnang nɛɛ bii Kpanti ɓuru Yeesɔ Kirisi ɓɔɔ shing ruu tɔ kãntang ruu kaa wusang Laa ɓee.

Rooma 8:23

Wu vuu ɓɔɔ Laa mãarɛ kɔ tãa kɔnang gbete kpang. Rùu ɓɔɔ Suru Laa ɓɔɔ Laa gaayu a ruu nwang ka yeti ɓuru ɓee, ruu ju doo nɔngkɔ ka yeti ɓuru, ka wee ruu gã diki ɓɔɔ Laa naa kɔ̀ɔ́yi nɛɛ ruu kaa wujɛ ɓiɓɛ ɓɛɛ, tɔ̀ɔ, bii ɓuru wu wɔ kaa nandon.

Rooma 9:10

A wu ti weɓe kɔ shɛ̃ɛning kpang. Ka ɓɔɔ Rebeka túu jaa, yì dabang ɓuru Ishaaku wujɛ ziti.

2 Koranti 4:17

Jĩng dannang kɔ ruu dang ɓee, bee kpang. Daa doo vuu ɓɔɔ a ɓɛɛ kpang. Jĩng dannang keɓe, atɛ vuu ɓɔɔ bang katɔ, ɓɔɔ nwang ɓi dòndòng. Vuu ɓɔɔ zang gãsɛ nɛɛ mani ɓi kagn kpang.

2 Koranti 8:19

Wu nɔngkɔ shɛ̃ɛning kpang, zang ɓɔɔ ri dũng Laa, ri zɔ̃ng wu tɔ, nɛɛ wu rakɛ nɛɛ ruu, ka ɓɔɔ ruu daa nɛɛ vuu kɔ zang kpalɛ ɓee. Vuu kɔ ruu bàsɛ́ ɓee, tɔ̀ɔ, wu a Kpanti Yeesɔ Kirisi bannang, wu ti tusu nɛɛ ruu kasɛ katɔ ruu yi zang ɓɔɔ ri dũng doo Laa kɔ naa ka bii.

Afisa 3:13

Ka ruu nɔngkɔ, n gaa nɔɔ, nɔ́ɔ yaa gn naa ka ruu jĩng ɓɔɔ n dang ka ruu manɛ ɓee kpang. Jĩng dannang mɛɛ keɓe kɔ, a nɔɔ bannang.

Filipi 1:29

Laa ɓɔɔ yàa nɔɔ gbalang nɛɛ nɔ́ɔ shing danggn ka bii Kirisi ɓɛɛ, ti yaa nɔɔ gbalang tɔ nɛɛ nɔ́ɔ dang jĩng ka ruu ɓiɓɛ.

Yakubu 1:12

Zang ɓɔɔ zang nɛɛ gãsɛ wu, nɛɛ watɛ kpang wukɔ tãa tĩnang. Ka ruu ɓɔɔ, nɛɛ shìi kakata, nɛɛ watɛ kpang, naa ta vuu ɓɔɔ Kpanti Laa tɔɔ wu a zang ɓɔɔ kasɛ wu katɔ ɓɛɛ. Vuu keɓe wukɔ suru bii ɓɔɔ waa nyaa kpang ɓɛɛ.

1 Bituru 3:14

Naa zang dàng mɔɔ doo jĩng, ka ruu ɓɔɔ mɔɔ palɛ vuu ɓɔɔ daa bii katɔ, Laa pàlɛ́ mɔɔ tɔ̃ɔ katɔ. Ka ruu nɔngkɔ, mɔɔ kaa vɔrɔ zang ɓɔɔ ri kasɛ nɛɛ ri palɛ mɔɔ shi kpang, kpang. Vuu ɓɔɔ wu ti kpãa mɔɔ kpang.