Rooma 5:2 - Nyaa Shɔɔ Ɓɔɔ Laa a Ɓɛɛ

² Laa pàlɛ̀ ruu tɔ̃ɔ kɔ̀ rùu kagn ɓee, nɛɛ bii ɓiɓɛ kɔ, ka ruu danggn ɓɔɔ ruu shing ɓɛɛ. Ka ruu nɔngkɔ, ruu tãa tĩnang ka wee ruu shing jĩng ka tĩng, nɛɛ Laa naa a ruu bannang ɓiɓɛ jong ɓee.

Rooma 5:2 ပူးပေါင်းရင်းမြစ်များ

Matiyu 25:21

“Yɔɔ gãa ɓiɓɛ tɔɔ, ‘Nn hn, mɔɔ zang shonang tɔ̃ɔ ɓɔɔ ɓaa shoo ka nyaa zang, ti palɛ vuu tɔ̃ɔ ɓɛɛ. Mɔɔ palɛ vuu tɔ̃ɔ, ka vuu ɓɔɔ tɔkɔlɔng, n shing mɔɔ ka yuu vuu ɓɔɔ dɔɔli ɓɛɛ. A ta, mɔɔ tãa tĩnang nɛɛ n.’

Yɔhana 10:7

Ka ruu nɔngkɔ, Yeesɔ kɔɔ tɔkn nɛɛ, “N kɔɔ nɔɔ ruu ɓɔɔ niizang kɔ nwani, nkɔ nyaa vàa mɛ̀ɛrɛ́.

Yɔhana 10:9

Nkɔ nyaa vàa. Zang ɓɔɔ nɛɛ tù nɛɛ bii mɛɛ, zang ta yuu ɓiɓɛ katɔ. Ti hãa nyaa, wu nwangnɛ, wu ti walɛ nɔng shaanang ɓɔɔ tɔ̃ɔ ɓɛɛ.

Yɔhana 14:6

Yeesɔ kɔɔ wu tɔɔ, “Nkɔ gbalang, nkɔ niizang, nkɔ suru bii. Zang ɓɔɔ nɛɛ tɔɔ wu daa bii Daa, sɔɔ nɛɛ bii mɛɛ kɔ gbete.

Yɔhana 5:24

“N kɔ̀ɔ́ nɔɔ ruu ɓɔɔ niizang kɔ nwani, zang ɓɔɔ nɛɛ tãa ruu ɓɔɔ n kɔɔ ɓɛɛ, nɛɛ ti shing danggn ka bii zang ɓɔɔ shong m, wàlɛ́ suru bii ɓɔɔ waa nyaa kpang katɔ. Laa ti naa dɔng wu ruu ɓi takpang. Ɓa yuu vɔrɔ ɓɔɔ suru tɔ, wɔ ɓi tɔ.

Zang Shonang Yeesɔ 14:27

Ri shɛ̃ɛ Antakiya tɔ, ri kpalɛ zang ɓɔɔ ri dũng Laa ɓɛɛ, a ri kɔɔ ri vuu ɓɔɔ Laa yi ri naa kagn ri palɛ ɓɛɛ. Naa ɓɔɔ Laa puu zang ɓɔɔ ri zang Isirela kpang gbalang tɔ jong nɛɛ ri shing danggn ka bìí ɓiɓɛ ɓɛɛ.

Rooma 11:20

Nɔngkɔ niizang. Zang dɔlɔ ri, ka ruu ɓɔɔ ri shing danggn kpang ɓɛɛ. A nɔɔ tèng nɔng ɓarɛ ɓi kaa ruu ɓɔɔ nɔɔ shing danggn tɔ ɓɛɛ. Nɔ́ɔ tuu yuu manɛ ka ruu ɓɔɔ nɔɔ tèng nɔng ɓarɛ tɔ kpang, nɔɔ kaa vɔrɔ kɔ jong.

Rooma 12:12

Gn ɓɔɔ nɔɔ shing ka vuu ɓɔɔ a ɓɛɛ, wu shing nɔɔ, nɔ́ɔ tãa tĩnang. Zang nɛɛ dang nɔɔ jĩng, nɔɔ mã danggn. Nɔɔ gaa Laa diki diki.

Rooma 14:4

Mɔɔ dɔng zang shonang zang ɓɔɔ ruu kpang. Ɓi dabang gãa ɓiɓɛ kɔ kɔɔ shɛ̃ɛning nɛɛ zang shonang ɓiɓɛ palɛ vuu tɔ̃ɔ. Nɛɛ ti palɛ shi kpang wukɔ kɔɔyi. Shii ditɔ, ka ruu ɓɔɔ, Laa yi wu naa katɔ ka bii wu shiiyi ɓɛɛ.

Rooma 15:13

Laa ɓɔɔ wukɔ shingnɛ nɔɔ shing gn ɓɛɛ, wu shingnɛ nɔɔ tãa tĩnang gbãng gbãng ka yeti manɛ, yeti manɛ wu ti valɛ. Tɔ̀ɔ, Suru Laa wu a nɔɔ naa, nɔɔ shing gn kaa gbãng gbãng.

Rooma 2:7

Zang ɓɔɔ ri yi tĩng, ri palɛ ɓarɛ tɔ̃ɔ kɔ sasak, nɛɛ tɔ̀ɔ, Laa wu a ri bannang, wu dɔ̀ɔ ri, ri ti nwáng ningkãari dòndòng. Laa naa a ri suru bii ɓɔɔ waa nyaa kpang ɓɛɛ.

Rooma 3:23

Zang piti ri palɛ vuu shi kpang tɔ, ri daa naa ɓɔɔ ri walɛ bannang ɓɔɔ Laa a zang ɓɛɛ takpang.

Rooma 5:5

Ruu nɛɛ yaa gn naa kpang, yusɛ̃ɛ tuu ruu kpang, ka ruu ɓɔɔ, Laa shìng ruu zɔ̃ng zang kasɛnang ɓiɓɛ tɔ, ka yeti ɓuru nɛɛ bii Suru ɓiɓɛ ɓɔɔ wu a ruu ɓɛɛ.

Rooma 8:1

Zang ɓɔɔ ri nwang tɔ gbete nɛɛ Yeesɔ Kirisi, Laa dɔng ri ruu ɓarɛ takpang.

Rooma 8:24

Zang tà yuu ɓuru ka ruu gn ɓɔɔ ruu shing ɓɛɛ kɔ. A ruu nɛɛ zi vuu ɓɔɔ ruu shing gn ka yuu ɓiɓɛ tɔ, ɓi tɔ̀ɔ́ gn shinnang kpang. Zang shing gn ɓi jong ka yuu vuu ɓɔɔ zang zi tɔ ɓɛɛ kpang.

1 Koranti 15:1

Manzung, n kaaɓi n kpaa nɔɔ danggn Ruu Tɔ̃ɔ ɓɔɔ ɓeleng n kɔɔ nɔɔ ka tĩng ka yuu Yeesɔ Kirisi ɓɛɛ. Bɛɛ nɔɔ ta ruu bìí tɔ, a nɔɔ shii tɔ kagn nɛɛ kaka manɛ gbãng gbãng.

2 Koranti 3:18

Ɓɔɔ ruu dũng Laa nɔngkɔ, sɛ̃ɛ fɔ̃ɔrɔ keɓe zùu jĩng ɓuru kpang, ruu zi bannang Kpanti Laa katɔ. Bannang keɓe, ɓɔɔ a nɛɛ bii Kpanti Laa ɓɔɔ ɓi suru ɓɛɛ, rìsí ruu kana, tɔ̀ɔ, ruu nwang naa wukɔ. Ti gìsí ruu bannang ɓɔɔ naa ɓɔɔ ɓiɓɛ gbãng gbãng ɓɛɛ kana, ka yuu zɔɔ, yuu zɔɔ.

2 Koranti 4:17

Jĩng dannang kɔ ruu dang ɓee, bee kpang. Daa doo vuu ɓɔɔ a ɓɛɛ kpang. Jĩng dannang keɓe, atɛ vuu ɓɔɔ bang katɔ, ɓɔɔ nwang ɓi dòndòng. Vuu ɓɔɔ zang gãsɛ nɛɛ mani ɓi kagn kpang.

Afisa 2:18

Nɛɛ bii Yeesɔ Kirisi, ruu nandon ruu walɛ gbalang anang ka tĩng Daa nɛɛ bii Suru gbete keɓe.

Afisa 3:12

Ka yuu ɓɔɔ ruu ɓakɛ nɛɛ wu, a ɓɔɔ danggn ɓɔɔ ruu shing ka bii ɓiɓɛ, ruu daa katɔ ka tĩng Laa, bii zaa ruu kpang. Zang ɓɔɔ ti zãa ruu kpang.

Afisa 6:13

Ka ruu nɔngkɔ, nɔɔ sèe vuu waa sĩiri tanang Laa ta, tɔ̀ɔ diki ɓɔɔ shi kpang keɓe nɛ́ɛ a tɔ, nɔɔ shii bang kaa nɛɛ sheetang ka ɓɔɔ wu a nyaa gaanang nɛɛ nɔɔ ɓɛɛ. Nɔɔ nɛɛ gáa nyaa tɔ nɛɛ wu, nɔɔ nɛɛ shaa wu tɔ, nɔɔ shii kaa nɛɛ doo, ka nɔng manɛ gbãng gbãng.

2 Tesalonika 2:16

Ruu gaa Kpanti ɓuru Yeesɔ Kirisi nɛɛ yuu ɓiɓɛ nɛɛ Daa ɓuru Laa ɓɔɔ ri kasɛ ruu ka tĩng, ɓɔɔ ka ruu tɔ̃ɔ ɓiɓɛ mã ruu danggn a shingnɛ ruu shing gn gbãng gbãng ɓɛɛ.

Yahudi 3:6

A Yeesɔ nwáng zang ɓɔɔ zang shing gn katɔ ka bii ɓiɓɛ ka Gãa Laa nandon, ka ruu ɓɔɔ, wu ɓi Jaa ɓɛɛ. Rukɔ Gãa keɓe, ruu nɛɛ yiti danggn ɓɔɔ ruu mãrɛ gbãng gbãng, nɛɛ gn ɓɔɔ ruu shingnɛ kɔ, ruu dɔɔ bii nɛɛ mani ɓee ɓɛɛ.

Yahudi 6:18

Vuu keɓe ziti, vuu ɓɔɔ Laa tũng, nɛɛ nyaa ɓɔɔ wu a ɓɛɛ, ri kɔ̃sɔ kpang, a Laa ti suu sèé ka yuu ɓarɛ kpang. Ka ruu nɔngkɔ, rùu ɓɔɔ rùu yurɛ, ruu walɛ nɔng waanang, zang mã ruu danggn gbãng gbãng nɛɛ ruu yiti gn vuu ɓɔɔ zang shing ruu ka tĩng keɓe gbatagbata.

1 Bituru 3:18

Yeesɔ Kirisi nɛɛ yuu ɓiɓɛ dàng jĩng, ka ruu vuu shi kpang ɓuru a hangsɛ shonang keɓe doo gbete. Zang ɓɔɔ ɓi zang tɔ̃ɔ ka tĩng Laa, vɔ ka ruu zang ɓɔɔ ri palɛ ɓarɛ vuu ɓɔɔ daa bii kpang ɓɛɛ. Nɛɛ tɔ̀ɔ, wu atɛ ruu ka bii Laa. Zang ri nyɔ wu vɔrɔ, a Laa wisi wu paa nɛɛ sàa tɔkn.

Vuu ɓɔɔ zang nwangsɛ Yɔhana 21:11

Bannang Laa yakɛ kana nɔng, gari bìí kɔlɔ naa tari ɓɔɔ tɔ̃ɔ, naa tari ɓɔɔ zang ɓaa nɛɛ Jasifa ɓɛɛ, ti kɔlɔ katɔ kalang kalang naa vĩilaa.

Vuu ɓɔɔ zang nwangsɛ Yɔhana 21:23

Ruu zang gari kaɓa hãa ɓi kagn nɛɛ laa nɛɛ shala kpang, ka ruu ɓɔɔ, bannang Laa yakɛ nɔng ka nɔng kaɓa a Jaa Mɛ̀ɛrɛ́ ti nwang naa waa zàáng sɔɔ ɓɔɔ yakɛ gari kaɓa ɓɛɛ.

Vuu ɓɔɔ zang nwangsɛ Yɔhana 21:3

N tãa yee nabm nwangnɛ, nɔng láa nwannang kpanti, kɔɔyi nɛɛ “Zirɛ, Laa a tɔ, naa nwang kaa teteng shɔnzang. Naa nwang kaa nɛɛ ri, ri naa nwang kaa zang ɓiɓɛ jong. Laa nɛɛ yuu ɓiɓɛ naa nwang nɛɛ ri, ti naa nwang kaa Laa ɓarɛ.

Vuu ɓɔɔ zang nwangsɛ Yɔhana 3:21

Zang ɓɔɔ nɛɛ shii gbãng gbãng, nɛɛ ɓa yuu vuu gãsɛnang, n kasɛ tɔ, wu naa nwang nɛɛ n, ka laa kpanti roonang mɛɛ. Naa ɓɔɔ n ɓa yuu vuu gãsɛnang ka tĩng, n naa nwàng nɛɛ Daa mɛɛ ka laa kpanti roonang ɓiɓɛ ɓɛɛ.