Rooma 5:12 - Nyaa Shɔɔ Ɓɔɔ Laa a Ɓɛɛ

¹² Naa ɓɔɔ vuu shi kpang a ka koo, nɛɛ bii zang gbete, a vuu shi kpang atɛ vɔrɔ. Kãntang keɓe zang piti ri palɛ vuu shi kpang tɔ, ka ruu nɔngkɔ, vɔrɔ nwáng vuu zang piti tɔ.

Rooma 5:12 ပူးပေါင်းရင်းမြစ်များ

Rooma 3:23

Zang piti ri palɛ vuu shi kpang tɔ, ri daa naa ɓɔɔ ri walɛ bannang ɓɔɔ Laa a zang ɓɛɛ takpang.

Rooma 5:18

Bɛɛ zang nɛɛ dang zang piti jĩng katɔ, ka ruu vuu shi kpang ɓɔɔ zang gbete palɛ ɓɛɛ. A ka ruu vuu tɔ̃ɔ ɓɔɔ Yeesɔ Kirisi gbete palɛ ɓɛɛ, Laa shingnɛ zang piti ri nwang zang tɔ̃ɔ. Wu ti a ri suru bii.

Rooma 5:19

Naa ɓɔɔ zang gbete ta nyaa dannang Laa, a shingnɛ zang dɔɔli ri raa zang ɓɔɔ ri palɛ vuu shi kpang tɔ ɓɛɛ. Doo nɔngkɔ, zang gbete dũng nyaa Laa, a naa shingnɛ zang dɔɔli ri nwàng zang tɔ̃ɔ ka tĩng Laa.

Rooma 5:21

Ka ruu nɔngkɔ, naa ɓɔɔ vuu shi kpang roo kpanti nɛɛ bii vɔrɔ, tɔ̃ɔ Laa ti roo kpanti doo nɔngkɔ nɛɛ bii nwannang tɔ̃ɔ ka tĩng Laa. Tɔ̀ɔ, ruu walɛ suru ɓɔɔ waa nyaa kpang nɛɛ bii Kpanti ɓuru Yeesɔ Kirisi.

Rooma 6:21

Nɔɔ wàlɛ̀ ɓu vi ka vuu ɓɔɔ nɔɔ pálɛ́, ɓɔɔ kãntang keɓe yusɛ̃ɛ ɓarɛ tuu nɔɔ kaa tɔ ɓee viya? Vuu kaɓa nwàng nɔɔ vɔrɔ.

Rooma 6:23

Zang nɛɛ palɛ vuu shi kpang tɔ, zang vɔ katɔ. Vuu ɓɔɔ Laa a ruu waati, ɓi suru bii ɓɔɔ waa nyaa kpang ɓɛɛ. Ka ruu ɓɔɔ, ruu ɓákɛ́ bii tɔ, nɛɛ Kpanti ɓuru Yeesɔ Kirisi ɓɛɛ.

1 Koranti 15:56

Vɔrɔ nyɔ zang ɓi ka ruu vuu shi kpang ɓɔɔ zang palɛ ɓɛɛ. Vuu shi kpang ti walɛ kaka ɓi ka nyaa dannang ɓɔɔ Laa a ɓɛɛ.

Afisa 2:3

Niizang bɛ̀ɛ́ ɓeleng ruu nandon naa rikɔ, ruu nwáng nwannang ɓuru ka doo vuu ɓɔɔ bii shɔnzang ɓuru kasɛ ɓɛɛ. A ruu palɛ vuu piti dàa naa vuu ɓɔɔ bii ɓuru kasɛ, a rɛ̃rɛnang ɓuru ti kasɛ ɓɛɛ. A gnvɔ ti shaa Laa dɔɔli, ka ruu ɓuru nɛɛ zang piti ɓɔɔ ri palɛ rɛɛ vuu keɓe ɓɛɛ.

Yakubu 1:15

Rɛ̃rɛnang keɓe nɛɛ ɓaa mɔɔ saara tɔ ka yeti, wu shing mɔɔ, mɔɔ palɛ vuu shi kpang. Vuu shi kpang nɛɛ nwang vuu bii ɓaaɓɛ tɔ, wu nwàng mɔɔ vɔrɔ kati.

Yakubu 3:2

Ka ruu ɓɔɔ rùu nandon jĩng kpantɛ ruu katɔ diki diki ɓɛɛ. Zang ɓɔɔ nɛɛ tɔɔ, nyaa kpantɛ wu ɓi jong ka nɔng yee rannang kpang, zang keɓe ɓi shɔnzang tɔ̃ɔ ka vuu ɓɔɔ wu palɛ ɓɛɛ. Zunung naa ɓɔɔ wu shing yuu ɓiɓɛ katɔ.