Rooma 5:1 - Nyaa Shɔɔ Ɓɔɔ Laa a Ɓɛɛ

¹ Wee ruu nwang zang tɔ̃ɔ tɔ ka tĩng Laa, ka ruu danggn ɓɔɔ ruu shing ka bii ɓiɓɛ ɓɛɛ. Ruu nwàng kaa nyaa zɔɔ nɛɛ Laa ka ruu Kpanti ɓuru Yeesɔ Kirisi.

Rooma 5:1 ပူးပေါင်းရင်းမြစ်များ

Luka 19:38

Ri kɔɔrɔ kana nɛɛ, “Laa wu a Kpanti ɓɔɔ a nɛɛ nung Kpanti Laa tĩnang tãanang. Nwannang ka nyaa zɔɔ kagn lapa. Zang wu ti dɔɔ Laa ɓɔɔ ka lapa kpala kpala ɓɛɛ ta.”

Luka 19:42

Kɔɔyi tɔɔ, “Nɔɔ nɛɛ zi vuu gbete ɓɔɔ atɛ nwannang ka nyaa zɔɔ katɔ, wukɔ nɛɛ tɔ̃ɔ. A zang waasɛ nɔɔ katɔ, nɔɔ zi kaa takpang.

Luka 2:14

“Zang wu dɔɔ Kpanti Laa ɓɔɔ ka lapa kpala kpala ta. Zang ɓɔɔ Laa tãa tĩnang ɓarɛ katɔ ka tipi keɓe, ri ti tãa tĩnang nwannang ta.”

Yɔhana 14:27

“Nɔɔ nwang waasɛ̃, vuu koo keɓe shing nɔɔ, nɔɔ nwáng waasɛ̃ kpang. Nwannang waasɛ̃ keɓe a ɓi nɛɛ bii mɛɛ. Yeti manɛ wu lasɛ kpang, nɔɔ ti kaa vɔrɔ kpang.

Yɔhana 16:33

N kɔɔ nɔɔ vuu keɓe, nɛɛ nɔɔ nwáng nɛɛ n, tɔɔ, nɔɔ nwáng kaa waasɛ̃. Nɔɔ dang jĩng katɔ ka koo keɓe. Nɔ́ɔ mã danggn kagn, n ɓá vuu ɓɔɔ ka koo keɓe yuu tɔ.”

Yɔhana 20:31

Zang bee weɓe, nɛɛ tɔ̀ɔ, nɔɔ shing danggn kati, nɛɛ Yeesɔ kɔ Kirisi, Jaa Laa. Nɔɔ nɛɛ shing danggn tɔ ka bii ɓiɓɛ, nɔ́ɔ walɛ suru bii kati.

Yɔhana 5:24

“N kɔ̀ɔ́ nɔɔ ruu ɓɔɔ niizang kɔ nwani, zang ɓɔɔ nɛɛ tãa ruu ɓɔɔ n kɔɔ ɓɛɛ, nɛɛ ti shing danggn ka bii zang ɓɔɔ shong m, wàlɛ́ suru bii ɓɔɔ waa nyaa kpang katɔ. Laa ti naa dɔng wu ruu ɓi takpang. Ɓa yuu vɔrɔ ɓɔɔ suru tɔ, wɔ ɓi tɔ.

Zang Shonang Yeesɔ 10:36

Laa shòng zang Isirela nyaa nɛɛ ruu ɓiɓɛ. Zang kɔɔ ri Ruu Tɔ̃ɔ Laa ɓɔɔ shing ri, ri nwang ka nyaa zɔɔ ɓɛɛ nɛɛ bii Yeesɔ Kirisi ɓɔɔ wukɔ kpanti zang piti ɓɛɛ.

Rooma 1:17

Ka ruu ɓɔɔ, Ruu Tɔ̃ɔ Laa kɔ tusu zang naa ɓɔɔ Laa shingnɛ, zang wu nwang zang tɔ̃ɔ ka tĩng ɓiɓɛ ɓɛɛ. Nwannang tɔ̃ɔ ɓɔɔ gaayu nɛɛ danggn shinnang, wu waa nyaa nɛɛ mani ɓɛɛ. Naa ɓɔɔ Labeenang Laa kɔɔ ɓɛɛ nɛɛ, “Zang ɓɔɔ ɓi zang tɔ̃ɔ ka tĩng Laa, ka ruu danggn ɓɔɔ wu shing ka bii Laa ɓɛɛ, wukɔ walɛ suru bii.”

Rooma 1:7

Ka ruu nɔngkɔ, n bèé nɔɔ nandon laa keɓe, ɓɔɔ nɔɔ ka gari Rooma, ɓɔɔ Laa kasɛ ruu manɛ katɔ, a zɔ̃ngkɔ nɔɔ nɛɛ nɔ́ɔ naa nwang zang ɓiɓɛ ɓɛɛ. Daa ɓuru Laa nɛɛ, Kpanti ɓuru Yeesɔ Kirisi ri yi nɔɔ naa ka bii, a ri ti shing yeti manɛ ri valɛ katɔ.

Rooma 10:10

Ka ruu ɓɔɔ, zang nɛɛ shing danggn nɛɛ yeti, tɔ̀ɔ Laa wu risi zang, zang nwang zang tɔ̃ɔ ka tĩng ɓiɓɛ ɓɛɛ. Zang nɛɛ kɔɔ tɔ nɛɛ nyaa zang, Laa wu ti, ta yuu zang kati.

Rooma 10:15

A zang ɓɔɔ yuu paa biya wu daa kɔɔ zang Ruu Laa, zang nɛɛ shong wu katɔ kpang ɓɛɛ viya? Labeenang Laa kɔɔyi tɔɔ, “Zang ɓɔɔ ri à Ruu Tɔ̃ɔ kɔɔnang, doo ɓarɛ shili dɔɔli.”

Rooma 14:17

Ka ruu ɓɔɔ, vuu ɓɔɔ Laa kasɛ, wukɔ vuu shaanang nɛɛ vuu ɓoonang kpang. Laa kasɛ nɛɛ zang nwang zang tɔ̃ɔ ka tĩng ɓiɓɛ, ti kasɛ nɛɛ zang nwang ka nyaa zɔɔ nɛɛ wu, a zang ti tãa tĩnang ɓɔɔ Suru Laa shingnɛ ɓɛɛ.

Rooma 15:13

Laa ɓɔɔ wukɔ shingnɛ nɔɔ shing gn ɓɛɛ, wu shingnɛ nɔɔ tãa tĩnang gbãng gbãng ka yeti manɛ, yeti manɛ wu ti valɛ. Tɔ̀ɔ, Suru Laa wu a nɔɔ naa, nɔɔ shing gn kaa gbãng gbãng.

Rooma 15:33

Laa ɓɔɔ wukɔ shingnɛ ruu nwàng ka nyaa zɔɔ, wu nwang nɛɛ nɔɔ nandon. Nɔngkɔ.

Rooma 3:22

Laa shíng zang, zang nwáng zang tɔ̃ɔ ka tĩng ɓiɓɛ, ka ruu danggn ɓɔɔ zang shing ka bii Yeesɔ Kirisi ɓɛɛ. Ɓi ɓɔɔ zang piti ɓɔɔ ri shing danggn ka bii Kirisi ɓɛɛ, ka ruu ɓɔɔ, Laa shɛ̃ɛrɛ zang ɓi kpang ɓɛɛ.

Rooma 3:30

Laa ɓi gbete kak. Shing zang ɓɔɔ ri yee shaa katɔ, ri nwang zang tɔ̃ɔ ka tĩng ɓiɓɛ ka ruu danggn ɓɔɔ ri shing ɓɛɛ. Wu ti shing zang ɓɔɔ ri yee shaa kpang, ri nwáng zang tɔ̃ɔ doo ka ruu danggn ɓɔɔ ri shing ɓɛɛ kɔ.

Rooma 4:5

A zang ɓɔɔ palɛ shonang tɔ̃ɔ ɓi kpang, nɛɛ shing danggn ɓi ka bii Laa, ɓɔɔ shing zang ɓɔɔ palɛ vuu shi kpang, wu nwang zang tɔ̃ɔ. Zang keɓe, danggn ɓɔɔ wu shingnɛ risi wu, wu nwang zang tɔ̃ɔ ka tĩng Laa.

Rooma 5:11

Wu wee kɔ shɛ̃ɛning kpang. Laa shingnɛ nɛɛ, ruu tãa tĩnang nɛɛ bii Kpanti ɓuru Yeesɔ Kirisi ɓɔɔ shing ruu tɔ kãntang ruu kaa wusang Laa ɓee.

Rooma 5:18

Bɛɛ zang nɛɛ dang zang piti jĩng katɔ, ka ruu vuu shi kpang ɓɔɔ zang gbete palɛ ɓɛɛ. A ka ruu vuu tɔ̃ɔ ɓɔɔ Yeesɔ Kirisi gbete palɛ ɓɛɛ, Laa shingnɛ zang piti ri nwang zang tɔ̃ɔ. Wu ti a ri suru bii.

Rooma 6:23

Zang nɛɛ palɛ vuu shi kpang tɔ, zang vɔ katɔ. Vuu ɓɔɔ Laa a ruu waati, ɓi suru bii ɓɔɔ waa nyaa kpang ɓɛɛ. Ka ruu ɓɔɔ, ruu ɓákɛ́ bii tɔ, nɛɛ Kpanti ɓuru Yeesɔ Kirisi ɓɛɛ.

Rooma 9:30

Ruu kɔ̀ɔ́ ɓu nɛɛ viya? Ruu kɔɔ nɛɛ, zang ɓɔɔ ri zang Yahudi kpang, ɓɔɔ bɛ̀ɛ́ ri tɔɔ ri risi yuu ɓarɛ, ri nwang zang tɔ̃ɔ ka tĩng Laa kpang. A Laa risi ri tɔ, ri nwáng zang tɔ̃ɔ tɔ ka tĩng ɓiɓɛ, ka ruu danggn ɓɔɔ ri shing ka bii ɓiɓɛ ɓɛɛ.

Galati 2:16

Naa dòo nɔngkɔ, ruu zi ɓuru tɔ nɛɛ shɔnzang nwáng zang tɔ̃ɔ ka tĩng Laa ka ruu danggn ɓɔɔ wu shing ka bii Yeesɔ Kirisi kɔ shɛ̃ɛning, wu ka ruu ɓɔɔ zang keɓe palɛ vuu ɓɔɔ nyaa dannang kasɛ ɓɛɛ kpang. Ruu shing danggn tɔ jong ka bii Yeesɔ Kirisi, tɔ̀ɔ, ruu nwang zang tɔ̃ɔ ka tĩng Laa nɛɛ bii danggn ɓɔɔ ruu shing ka bii Kirisi ɓɛɛ. Wu ka ruu ɓɔɔ, ruu palɛ vuu ɓɔɔ nyaa dannang kasɛ ɓɛɛ kpang. Ka ruu ɓɔɔ, zang nwàng zang tɔ̃ɔ ɓi jong ka tĩng Laa, ka ɓɔɔ zang palɛ vuu ɓɔɔ nyaa dannang kasɛ ɓɛɛ kpang.

Galati 3:25

Kãntang kɔ, laa ɓɔɔ ruu shing danggn ka bii Yeesɔ a tɔ ɓee, wu tɔ̀ɔ́ nyaa dannang kɔ yiti ruu kpang.

Galati 5:22

A Suru Laa shing zang ɓiri, zang wu kasɛ zang, zang wu tãa tĩnang, yeti zang wu valɛ katɔ, zang wu mã danggn, zang wu palɛ zang tɔ̃ɔ, zang wu pàlɛ̀ vuu ɓɔɔ tɔ̃ɔ ɓɛɛ, zang wu nwang zang ɓɔɔ zang shing danggn katɔ bii ɓiɓɛ.

Afisa 2:7

Laa palɛ vuu keɓe, nɛɛ tɔ̀ɔ, ka koo ɓɔɔ a ka tĩng ɓɛɛ, wu tusu tɔ̃ɔ ɓɔɔ wu palɛ ɓɔɔ daa naa gãsɛnang kpang ɓɛɛ. Ka ruu vuu ɓɔɔ Yeesɔ Kirisi palɛ ɓɛɛ.

Filipi 3:9

Ń ti nwang ɓɔɔ ɓiɓɛ. Laa wu tuu m zang tɔ̃ɔ ka tĩng ɓiɓɛ, ka ruu ɓɔɔ, n shing danggn ka bii Kirisi ɓɛɛ. Wu ka ruu vuu ɓɔɔ kagn ɓɔɔ n palɛ ɓɛɛ kpang, wu ti ka ruu ɓɔɔ n dũng nyaa ɓɔɔ zang Yahudi dang ɓɛɛ kpang. Ɓi Laa kɔ risi m, n nwang zang tɔ̃ɔ ka tĩng ɓiɓɛ, ka ruu ɓɔɔ, n shing danggn ka bii ɓiɓɛ ɓɛɛ.

Kolosi 1:20

A Laa kasɛ tɔ, nɛɛ wu sɔɔrɔ koo piti ka bii ɓiɓɛ nɛɛ bii Jaa. Zĩi Jaa ɓɔɔ tɛ̃ɛ ka yuu laa kɔ shingnɛ Laa nwang kaa nyaa zɔɔ nɛɛ shɔnzang, a sɔɔrɔ vuu piti ka bii ɓiɓɛ. Vuu ɓɔɔ ka lapa nɛɛ tipi ɓɛɛ.

Kolosi 3:15

Yeti valɛnang ɓɔɔ Yeesɔ Kirisi a zang, wukɔ wu nwang ka yeti manɛ gbãng gbãng. Ka ruu ɓɔɔ, Laa ɓaa nɔɔ nyaa nɛɛ nɔɔ nwang bii gbete, tɔ̀ɔ, wu a nɔɔ yeti valabm keɓe kɔ ɓɛɛ. Nɔ́ɔ ti zãa wu katɔ.

1 Tesalonika 5:23

Laa ɓɔɔ shing zang, zang ri nwang ka nyaa zɔɔ, wu palɛ nɔɔ, nɔɔ nwang zang tɔ̃ɔ dɔ̃ɔ gbete. Wu shingnɛ zang ɓɔɔ wu tɔɔ kpang nɛɛ nɔɔ palɛ vuu shi kpang tɔ kpang, ka diki ɓɔɔ Kpanti Yeesɔ Kirisi a kagn ɓɛɛ.

2 Tesalonika 3:16

Ruu gaa Laa ɓɔɔ wukɔ shing yeti ɓuru wu valɛ ɓɛɛ, wu shingnɛ yeti manɛ wu valɛ katɔ diki diki, naa ka gbalang kiya piti. Kpanti ɓuru wu nwang nɛɛ nɔɔ nandon.

Yahudi 13:20

N gaa Laa ɓɔɔ shingnɛ, zang nwáng ka nyaa zɔɔ, ɓɔɔ wisi Kpanti ɓuru Yeesɔ paa tɔkn nɛɛ sàa ɓɛɛ. Yeesɔ ɓɔɔ wukɔ kpanti jagãng mɛ̀ɛrɛ́ ɓɛɛ, ka ruu zĩi ɓiɓɛ ɓɔɔ Laa mã nyaa ɓɔɔ gbinggbing nɛɛ mani ɓɛɛ.