Rooma 4:21 - Nyaa Shɔɔ Ɓɔɔ Laa a Ɓɛɛ

²¹ Zi ɓi tɔ gbãng gbãng ka yeti ɓiɓɛ, nɛɛ Laa zunung ɓɔɔ wu palɛ vuu ɓɔɔ wu a nyaa ɓɛɛ katɔ.

Rooma 4:21 ပူးပေါင်းရင်းမြစ်များ

Matiyu 19:26

Yeesɔ pɛ̃ɛrɛ ri, a kɔɔ ri tɔɔ, “Vuu keɓe shɔnzang zunung palɛnang kpang, a Laa zunung vuu piti palɛnang ɓi katɔ.”

Luka 1:1

N jee mɔɔ nyaa Dabang Tiyofilu. Mɔɔ zi tɔ nɛɛ zang dɔɔli ri bee vuu ɓɔɔ zang palɛ ka teteng ɓuru tɔ,

Luka 1:37

Vuu ɓɔɔ kpãa Laa palɛnang ɓi kagn kpang.”

Luka 1:45

Tĩnang tãanang ɓi ɓɔɔ ɓaaɓɛ ɓɔɔ mɔɔ shing danggn nɛɛ vuu ɓɔɔ Kpanti Laa kɔɔyi naa nwang ditɔ naa ɓɔɔ Laa kɔɔ ɓɛɛ.”

Rooma 14:4

Mɔɔ dɔng zang shonang zang ɓɔɔ ruu kpang. Ɓi dabang gãa ɓiɓɛ kɔ kɔɔ shɛ̃ɛning nɛɛ zang shonang ɓiɓɛ palɛ vuu tɔ̃ɔ. Nɛɛ ti palɛ shi kpang wukɔ kɔɔyi. Shii ditɔ, ka ruu ɓɔɔ, Laa yi wu naa katɔ ka bii wu shiiyi ɓɛɛ.

Rooma 14:5

Zang ɓɔɔ kɔɔ ɓi nɛɛ, diki keɓe ɓa diki ɓɔɔ nimbang katɔ. Zang ɓɔɔ ti kɔɔ ɓi nɛɛ diki piti ɓi gbete. Zang ɓɔɔ wu rɛ̃rɛ ka yeti ɓiɓɛ waasɛ̃, ka yuu vuu ɓɔɔ wu shing gn nɛɛ tɔ̃ɔ ɓɛɛ.

Rooma 8:38

N zi m tɔ nɛɛ, vuu ɓɔɔ basɛ ruu kagn nɛɛ kasɛnang ɓɔɔ Laa kasɛ ruu nɛɛ mani ɓɛɛ kpang. Naa ruu vɔ doo katɔ, naa ruu doo ningkãari, naa doo zang nyaa shonang Laa ɓɔɔ ri ka lapa, nɛɛ zang nyaa shonang Laa ɓɔɔ bang bang ɓɔɔ ri ka lapa ɓɛɛ, naa doo vuu ɓɔɔ kagn kãntang, nɛɛ vuu ɓɔɔ naa a ka tĩng ɓɛɛ.

2 Koranti 9:8

A Laa ti zunung ɓɔɔ wu a nɔɔ vuu piti ɓɔɔ ɓa ɓɔɔ nɔɔ kasɛ ɓɛɛ katɔ, tɔ̀ɔ, nɔɔ walɛ vuu piti ɓɔɔ nɔɔ kasɛ ɓɛɛ kaa nandon. Nɔ́ɔ ti walɛ vuu dɔɔli ɓa ɓɔɔ nɔɔ kasɛ katɔ, tɔ̀ɔ, nɔ́ɔ palɛ̀ zang tɔ̃ɔ kaa nɛɛ mani ka zɔ̃ng zɔ̃ng.

2 Timoti 1:12

N dang jĩng ka ruu rɛɛ vuu keɓe kɔ. A n yaa gn naa m gn kpang tingkiring, ka ruu ɓɔɔ, n zi zang ɓɔɔ n shing danggn ka bii ɓiɓɛ tɔ ɓɛɛ. A n ti zi m tɔ nɛɛ, zunung ɓɔɔ wu yìtí m vuu ɓɔɔ wu a m ka naa tɔ, diki ɓɔɔ koo waa nyaa wu a nɛɛ mani.

Yahudi 11:13

Zang keɓe nandon, ri vɔlɔ, bɛ̀ɛ́ ri shing danggn doo katɔ. Ri walɛ vuu ɓɔɔ zang a ri nyaa ka yuu ɓiɓɛ kpang. Ri zili waati nɛɛ nɔng beebang, a ri kasɛ katɔ ka yeti ɓarɛ. A ri ti kasɛ tɔ nɛɛ, ri ɓarɛ zang zanti, a ri ti nwang ɓarɛ ka teteng zang ɓɔɔ ɓi zang ɓarɛ kpang ɓɛɛ ka koo.

Yahudi 11:19

Ibirayi rɛ̃rɛ ka yeti ɓiɓɛ nɛɛ Laa zunung ɓɔɔ wu wisi Ishaaku paa nɛɛ vɔrɔ katɔ. Ɓɔɔ zang yàa wu Ishaaku ningkãari, nwáng kaa naa vɔ katɔ, a yupaa tɔkn.