Rooma 4:16 - Nyaa Shɔɔ Ɓɔɔ Laa a Ɓɛɛ

¹⁶ Ka ruu nɔngkɔ, vuu di yuu ɓi ka danggn ɓɔɔ zang shing ka bii Laa ɓɛɛ. Tɔ̀ɔ, Laa wu palɛ vuu ɓɔɔ wu a nyaa nɛɛ wu palɛ ɓɛɛ kati, ka ruu ɓɔɔ Laa palɛ tɔ̃ɔ katɔ ɓɛɛ. Laa a nyaa keɓe wu ka ruu zɔ̃ng Ibirayi ɓɔɔ ri dũng nyaa ɓɔɔ Laa dangnɛ ɓɛɛ kpang. Ɓi ɓɔɔ zang piti ɓɔɔ ri zɔ̃ng Ibirayi ka ruu ɓɔɔ ri shing danggn naa ɓɔɔ wu shing ɓɛɛ. Ibirayi ɓi kaa dabang ɓuru nandon.

Rooma 4:16 ပူးပေါင်းရင်းမြစ်များ

Luka 19:9

A Yeesɔ kɔɔ Zaka tɔɔ, “Lɛɛkɔ Laa ta yuu zang ɓɔɔ ri ka gãa keɓe tɔ. Ka ruu ɓɔɔ, mɔɔ ɓaa doo jaa Ibirayi kɔ ɓɛɛ.

Rooma 15:8

N kɔ̀ɔ nɔɔ, Kirisi nwàng zang ɓɔɔ palɛ zang Yahudi shonang, tɔɔ, wu tusu nɛɛ Laa palɛ vuu ɓɔɔ wu kɔɔyi nɛɛ wu pálɛ̀ ɓɛɛ katɔ. Tɔɔ, wu shingnɛ, nyaa ɓɔɔ wu a rɛɛ dabang ɓuru wu nwang kaa niizang.

Rooma 3:22

Laa shíng zang, zang nwáng zang tɔ̃ɔ ka tĩng ɓiɓɛ, ka ruu danggn ɓɔɔ zang shing ka bii Yeesɔ Kirisi ɓɛɛ. Ɓi ɓɔɔ zang piti ɓɔɔ ri shing danggn ka bii Kirisi ɓɛɛ, ka ruu ɓɔɔ, Laa shɛ̃ɛrɛ zang ɓi kpang ɓɛɛ.

Rooma 3:30

Laa ɓi gbete kak. Shing zang ɓɔɔ ri yee shaa katɔ, ri nwang zang tɔ̃ɔ ka tĩng ɓiɓɛ ka ruu danggn ɓɔɔ ri shing ɓɛɛ. Wu ti shing zang ɓɔɔ ri yee shaa kpang, ri nwáng zang tɔ̃ɔ doo ka ruu danggn ɓɔɔ ri shing ɓɛɛ kɔ.

Rooma 4:11

Zang yèe Ibirayi shaa ɓi kaa nɛɛ knti. Shaa kɔ zang yee wu ɓee, ɓi vuu ɓɔɔ zang zi kagn nɛɛ Laa kasɛ wu katɔ ka ruu danggn ɓɔɔ wu shing ka bii Laa. Laa ti ta wu nɛɛ, wu zang tɔ̃ɔ ka tĩng ɓiɓɛ ɓɛɛ. Laa tá wu bɛ̀ɛ́ zang yee wu shaa gn kpang. Ka ruu nɔngkɔ, Ibirayi kɔ nwang kaa dabang zang piti ɓɔɔ ri shing danggn ka bii Laa. A Laa ti ta ri tɔ, nɛɛ ri zang tɔ̃ɔ ka tĩng ɓiɓɛ, naa zang yee ri shaa ti katɔ kpang ɓɛɛ.

Rooma 5:1

Wee ruu nwang zang tɔ̃ɔ tɔ ka tĩng Laa, ka ruu danggn ɓɔɔ ruu shing ka bii ɓiɓɛ ɓɛɛ. Ruu nwàng kaa nyaa zɔɔ nɛɛ Laa ka ruu Kpanti ɓuru Yeesɔ Kirisi.

Rooma 9:8

Nɛɛ nɔngkɔ, wu wujɛ Ibirayi nandon wujɛ Laa kpang. Ɓi wujɛ ɓɔɔ Laa a nyaa, a zang yì Ibirayi ri, rikɔ zɔ̃ng Ibirayi.

Galati 3:14

Yeesɔ Kirisi palɛ vuu keɓe nɛɛ, tɔ̀ɔ wu shingnɛ, tĩnang ɓɔɔ Laa a Ibirayi nyaa ka yuu ɓiɓɛ, wu raa kaa ɓɔ̀ɔ́ zang ɓɔɔ ri zang Yahudi kpang, ri nɛɛ shing gn ka bii ɓiɓɛ ɓɛɛ. Tɔ̀ɔ, rùu ɓɔɔ ruu shing danggn tɔ ka bii Kirisi, Laa wu a ruu Suru ɓiɓɛ ɓɔɔ a ruu nyaa ka ruu ɓiɓɛ kati.

Galati 3:16

Ruu keɓe doo nɔngkɔ, Laa a ɓi Ibirayi nɛɛ zɔ̃ng ɓiɓɛ rɛɛ nyaa keɓe. Laa kɔɔ kpang ka yeti labeenang ɓiɓɛ nɛɛ, “Rɛɛ zɔ̃ng ɓaaɓɛ” Kpang. Nɛɛ nwàng kaa naa ráng yee ka yuu zang dɔɔli. Kɔɔyi tɔɔ, “Zɔ̃ng ɓaaɓɛ.” Rang yee ka yuu zang gbete kɔ nwani. Zang gbete keɓe wukɔ Kirisi.

Galati 3:22

A zang bee ɓi tɔ, ka labeenang Laa nɛɛ, shɔnzang ɓɔɔ ka koo nandon, ri nwàng ɓarɛ naa ɓɔɔ vuu shi kpang mã ri ka sãa ɓɛɛ. Tɔɔ vuu ɓɔɔ Laa a nyaa ka yuu ɓiɓɛ ka doo danggn shinnang ka bii Yeesɔ Kirisi wu raa ɓɔ̀ɔ́ zang ɓɔɔ ri shing danggn tɔ kati.

Afisa 2:5

Ka ɓɔɔ bɛ̀ɛ́ ruu nwang naa ruu vɔlɔ katɔ, ka ruu vuu shi kpang ɓɔɔ ruu palɛ ɓɛɛ. Laa shingnɛ ruu nwang ningkãari nɛɛ Yeesɔ Kirisi. Ɓi tɔ̃ɔ ɓɔɔ Laa palɛ kɔ shingnɛ zang ta yuu manɛ.

Afisa 2:8

Ka ruu ɓɔɔ, zang ta yuu manɛ ɓi ka ruu tɔ̃ɔ ɓɔɔ Laa palɛ nɔɔ, ka ruu danggn ɓɔɔ nɔɔ shing ɓɛɛ. Ɓi vuu ɓɔɔ nɔkɔ palɛ nɛɛ yuu manɛ kpang, ɓi Laa a nɔɔ waati.

Titu 3:7

Tɔ̀ɔ, ka ruu tɔ̃ɔ Yeesɔ Kirisi, ruu nwang zang tɔ̃ɔ kaa tĩng Laa, a ruu wàlɛ́ suru bii ɓɔɔ waa nyaa kpang ɓɔɔ ruu shing gn ɓiɓɛ kati.

2 Bituru 1:10

Ka ruu nɔngkɔ, rɛɛ manzung, n gaa nɔɔ, nɔɔ shing jĩng kagn, nɔɔ palɛ rɛɛ vuu keɓe nɛɛ kaka manɛ, ka ruu ɓɔɔ, Laa ɓaa nɔɔ nyaa a ti zɔ̃ng nɔɔ nɛɛ nɔ́ɔ palɛ naa weɓe kɔ ɓɛɛ. Naa nɔɔ palɛ rɛɛ vuu keɓe, nɔɔ yaa gbalang Laa kpang dòndòng.