Rooma 4:15 - Nyaa Shɔɔ Ɓɔɔ Laa a Ɓɛɛ

¹⁵ Ka ruu ɓɔɔ, naa zang ɓɔɔ ta nyaa Laa, Laa dang zang jĩng katɔ ɓɛɛ. A nɔng ɓɔɔ nyaa dannang kagn kpang, zang tɔɔ kpang nɛɛ zang ta nyaa ɓɔɔ zang dangnɛ tɔ kpang.

Rooma 4:15 ပူးပေါင်းရင်းမြစ်များ

Yɔhana 15:22

Naa n nɛ̀ɛ́ á tɔ, n nɛ̀ɛ́ ràng ri ruu tɔ kpang, zang nɛɛ tɔɔ kpang nɛɛ ri palɛ vuu shi kpang tɔ kpang. Kãntang keɓe, n a tɔ, n tusu ri vuu shi kpang tɔ ri ti yaa kpang, vuu ɓɔɔ ri kɔɔ ɓɛɛ takpang.

Yɔhana 3:36

Zang ɓɔɔ nɛɛ shing danggn ka bii Jaa, wàlɛ̀ Suru bii ɓɔɔ waa nyaa kpang tɔ. Zang ɓɔɔ nɛɛ bɛ̃ɛ Jaa wàlɛ̀ suru bii ɓɔɔ waa nyaa kpang ɓi kpang. Jĩng dannang kagn yuu ɓiɓɛ ning.

Rooma 1:17

Ka ruu ɓɔɔ, Ruu Tɔ̃ɔ Laa kɔ tusu zang naa ɓɔɔ Laa shingnɛ, zang wu nwang zang tɔ̃ɔ ka tĩng ɓiɓɛ ɓɛɛ. Nwannang tɔ̃ɔ ɓɔɔ gaayu nɛɛ danggn shinnang, wu waa nyaa nɛɛ mani ɓɛɛ. Naa ɓɔɔ Labeenang Laa kɔɔ ɓɛɛ nɛɛ, “Zang ɓɔɔ ɓi zang tɔ̃ɔ ka tĩng Laa, ka ruu danggn ɓɔɔ wu shing ka bii Laa ɓɛɛ, wukɔ walɛ suru bii.”

Rooma 5:13

Ɓɔɔ Laa átɛ́ nyaa dannang ɓiɓɛ gn kpang, bɛ̀ɛ́ vuu shi kpang kagn koo. A Laa bee vuu ɓɔɔ kaa tɔ̀ɔ́ yuu vuu shi kpang, kpang, ka ruu ɓɔɔ, bɛ̀ɛ́ dang nyaa gn kpang ɓɛɛ.

1 Koranti 15:56

Vɔrɔ nyɔ zang ɓi ka ruu vuu shi kpang ɓɔɔ zang palɛ ɓɛɛ. Vuu shi kpang ti walɛ kaka ɓi ka nyaa dannang ɓɔɔ Laa a ɓɛɛ.

Galati 3:10

Zang ɓɔɔ ri shing gn ɓarɛ nɛɛ naa ri dũng nyaa dannang, ri nwang zang tɔ̃ɔ katɔ ka tĩng Laa, Laa naa dɔng ri ruu ditɔ. Ka ruu ɓɔɔ, zang bee ka labeenang Laa nɛɛ, “Zang piti ɓɔɔ nɛɛ dũng vuu piti ɓɔɔ zang bee ka yeti labeenang nyaa dannang Laa diki diki kpang, Laa dɔng wu ruu tɔ.”

Galati 3:19

Zang dang nyaa ɓu ka ruu viya? Nɛɛ zang zi vuu ɓɔɔ zang ɓaa nɛɛ vuu shi kpang palɛnang kati. Zɔ̃ng Ibirayi keɓe, ɓɔɔ Laa a nyaa ka yuu ɓiɓɛ nɛɛ a tɔ, nyaa dannang ti di nyaa ɓi kaa tɔ. Zang nyaa shonang Laa ɓɔɔ ka lapa ɓɛɛ rikɔ atɛ nyaa dannang keɓe, a á shɔnzang gbete ɓɔɔ nwang ɓi kaa naa zang ɓɔɔ shii ka teteng Laa nɛɛ zang piti ɓɛɛ.

Afisa 5:6

Zang ɓɔɔ wu nwãarɛ nɔɔ nɛɛ nyaa shoko kpang. Ɓi ka ruu rɛɛ vuu shi kpang keɓe kɔ, gnvɔ shaa Laa nɛɛ zang ɓɔɔ ri dũng nyaa ɓiɓɛ kpang ɓɛɛ.

Kolosi 3:6

Ka ruu rɛɛ vuu ɓɔɔ naa weɓe kɔ, Laa naa dǎng zang ɓɔɔ ri ta nyaa ɓɔɔ wu dang ɓɛɛ jĩng.

1 Yɔhana 3:4

Zang ɓɔɔ palɛ vuu shi kpang, ɓa nyaa ɓɔɔ Laa dang ɓɛɛ, ka ruu ɓɔɔ, nyaa ɓɔɔ Laa dangnɛ ɓanang, zang ɓaa wukɔ nɛɛ vuu shi kpang ɓɛɛ.

Vuu ɓɔɔ zang nwangsɛ Yɔhana 19:15

Yere bang ɓɔɔ wɔng nyaa dɔɔli nwangnɛ nyaa ɓiɓɛ. Yere ɓɔɔ wu kúlù zang ɓɔɔ ri shing jĩng nɛɛ wu kpang ɓɛɛ, nɛɛ mani nandon. Naa roo kpanti ka yuu ɓarɛ nɛɛ laa naa yitinang kpanti, ɓɔɔ zang palɛ nɛɛ saka ɓɛɛ. Ti naa kãng jaa inabi ka too ɓɔɔ zang kãng kagn, ɓɔɔ ɓi wukɔ gnvɔ bang Laa, Laa ɓɔɔ ɓa zang piti katɔ ɓɛɛ.