Rooma 4:11 - Nyaa Shɔɔ Ɓɔɔ Laa a Ɓɛɛ

¹¹ Zang yèe Ibirayi shaa ɓi kaa nɛɛ knti. Shaa kɔ zang yee wu ɓee, ɓi vuu ɓɔɔ zang zi kagn nɛɛ Laa kasɛ wu katɔ ka ruu danggn ɓɔɔ wu shing ka bii Laa. Laa ti ta wu nɛɛ, wu zang tɔ̃ɔ ka tĩng ɓiɓɛ ɓɛɛ. Laa tá wu bɛ̀ɛ́ zang yee wu shaa gn kpang. Ka ruu nɔngkɔ, Ibirayi kɔ nwang kaa dabang zang piti ɓɔɔ ri shing danggn ka bii Laa. A Laa ti ta ri tɔ, nɛɛ ri zang tɔ̃ɔ ka tĩng ɓiɓɛ, naa zang yee ri shaa ti katɔ kpang ɓɛɛ.

Rooma 4:11 ပူးပေါင်းရင်းမြစ်များ

Matiyu 16:16

Siman Bituru kasɛ wu nyaa tɔɔ, “Mɔkɔ Kirisi, (zang ɓɔɔ naa a ɓɛɛ.) Jaa Kpanti Laa ɓɔɔ vɔ ɓi kpang ɓɛɛ.”

Matiyu 8:11

N kɔɔ nɔɔ, zang zanti dɔɔli naa a nɛɛ paa ɓɔɔ laa nwang nɔng, a ɓɔɔ nɛɛ dii ɓɔɔ laa hãa nyaa kagn, naa nwàng nɛɛ rɛɛ Ibirayi nɛɛ Ishaaku, a ɓɔɔ Yakubu ka nɔng vuu shaanang, ka nɔng ɓɔɔ Laa roo Kpanti ɓɛɛ.

Luka 19:9

A Yeesɔ kɔɔ Zaka tɔɔ, “Lɛɛkɔ Laa ta yuu zang ɓɔɔ ri ka gãa keɓe tɔ. Ka ruu ɓɔɔ, mɔɔ ɓaa doo jaa Ibirayi kɔ ɓɛɛ.

Yɔhana 3:33

Zang ɓɔɔ nɛɛ ta rúu ɓiɓɛ, tusu zang tɔ, nɛɛ vuu ɓɔɔ Laa kɔɔ ɓɛɛ ɓi niizang.

Yɔhana 3:36

Zang ɓɔɔ nɛɛ shing danggn ka bii Jaa, wàlɛ̀ Suru bii ɓɔɔ waa nyaa kpang tɔ. Zang ɓɔɔ nɛɛ bɛ̃ɛ Jaa wàlɛ̀ suru bii ɓɔɔ waa nyaa kpang ɓi kpang. Jĩng dannang kagn yuu ɓiɓɛ ning.

Yɔhana 6:35

Yeesɔ kɔɔ ri kati tɔɔ, “Nkɔ borodi ɓɔɔ a zang suru bii ɓɛɛ. Zang ɓɔɔ nɛɛ a ka bìí mɛɛ, nyɔkɔ nyɔ wu takpang. Zang ɓɔɔ nɛɛ ti shing danggn ka bìí mɛɛ, sutu mãa wu takpang.

Yɔhana 6:40

Ka ruu ɓɔɔ, Daa mɛɛ kasɛ nɛɛ zang ɓɔɔ nɛɛ shing jĩng ka bii mɛɛ ɓɔɔ n Jaa, nɛɛ ti shing danggn ka bìí mɛɛ, wu walɛ suru bii ɓɔɔ waa nyaa kpang ɓɛɛ. N ti naa wisi wu paa, n a wu suru bii ka diki ɓɔɔ koo waa nyaa ɓɛɛ.”

Yɔhana 6:47

N kɔ̀ɔ́ nɔɔ ruu ɓɔɔ niizang kɔ nwani, zang ɓɔɔ nɛɛ shing danggn ka bii mɛɛ, suru bii ɓɔɔ waa nyaa kpang kagn bii ɓiɓɛ.

Yɔhana 8:33

Ri kasɛ wu nyaa nɛɛ, “Ruu ɓuru zɔ̃ng Ibirayi, ruu nwàng jaafoo zang ɓɔɔ, ɓuru gngn kpang. Mɔɔ kɔɔ biya nɛɛ zang yaa ruu naa katɔ viya?”

Rooma 10:11

Labeenang Laa kɔɔyi tɔ̀ɔ, “Zang piti ɓɔɔ nɛɛ shing danggn ka bii ɓiɓɛ yusɛ̃ɛ tuu wu kpang.”

Rooma 10:4

Ka ruu ɓɔɔ, Kirisi shing tɔ naa vuu palɛnang nyaa dannang Laa di nyaa tɔ ɓɛɛ. Zang ɓɔɔ nɛɛ shing danggn ka bii Laa, Laa risi wu kaa tɔ wu nwang zang tɔ̃ɔ ka tĩng ɓiɓɛ.

Rooma 10:6

A ka yuu naa ɓɔɔ Laa risi zang ri nwang zang tɔ̃ɔ tɔ ka tĩng ɓiɓɛ ka ruu danggn ɓɔɔ ri shing ka bii ɓiɓɛ, Musa kɔɔyi nɛɛ, “Mɔ́ɔ hɛ̃ɛ yuu ɓaaɓɛ kpang nɛɛ, Ɓu wi vangnɛ daa ka lapa wiya?” (Wu daa atɛ Kirisi ka tipi.)

Rooma 3:22

Laa shíng zang, zang nwáng zang tɔ̃ɔ ka tĩng ɓiɓɛ, ka ruu danggn ɓɔɔ zang shing ka bii Yeesɔ Kirisi ɓɛɛ. Ɓi ɓɔɔ zang piti ɓɔɔ ri shing danggn ka bii Kirisi ɓɛɛ, ka ruu ɓɔɔ, Laa shɛ̃ɛrɛ zang ɓi kpang ɓɛɛ.

Rooma 3:26

Kãntang keɓe, yée laa kaa tɔ, ka vuu shi kpang ɓɔɔ shɔnzang ri palɛ ɓɛɛ, tɔ̀ɔ, wu tusu zang tɔ̃ɔ ɓiɓɛ. Ka gbalang keɓe, Laa tusu zang nɛɛ wu ɓi zang tɔ̃ɔ, nɛɛ wu ti shing zang piti ɓɔɔ ri shing danggn ka bii Yeesɔ Kirisi, ri nwang zang tɔ̃ɔ ka tĩng ɓiɓɛ.

Rooma 3:30

Laa ɓi gbete kak. Shing zang ɓɔɔ ri yee shaa katɔ, ri nwang zang tɔ̃ɔ ka tĩng ɓiɓɛ ka ruu danggn ɓɔɔ ri shing ɓɛɛ. Wu ti shing zang ɓɔɔ ri yee shaa kpang, ri nwáng zang tɔ̃ɔ doo ka ruu danggn ɓɔɔ ri shing ɓɛɛ kɔ.

Rooma 4:10

Vuu keɓe nwang gn vi nɔngkɔ viya? Ka knti ɓɔɔ Ibirayi yee shaa tɔ ɓɛɛ ya? Kɔ bɛ̀ɛ́ yee shaa gn kpang ya? Vuu keɓe nwang nɔngkɔ bɛ̀ɛ́ yee shaa gn kpang.

Rooma 9:30

Ruu kɔ̀ɔ́ ɓu nɛɛ viya? Ruu kɔɔ nɛɛ, zang ɓɔɔ ri zang Yahudi kpang, ɓɔɔ bɛ̀ɛ́ ri tɔɔ ri risi yuu ɓarɛ, ri nwang zang tɔ̃ɔ ka tĩng Laa kpang. A Laa risi ri tɔ, ri nwáng zang tɔ̃ɔ tɔ ka tĩng ɓiɓɛ, ka ruu danggn ɓɔɔ ri shing ka bii ɓiɓɛ ɓɛɛ.

Rooma 9:33

Zang bee ka yeti labeenang Laa nɛɛ, “Nɔɔ ɓaa shoo, ǹ shing tari ka Siyona, ɓɔɔ zang kpaa doo kagn ɓɛɛ. Tari bang ɓɔɔ shíng zang, zang watɛ ɓɛɛ. Zang piti ɓɔɔ nɛɛ shing danggn ka bii ɓiɓɛ yusɛ̃ɛ tuu wu kpang.”

Rooma 9:6

N tɔɔ kpang nɛɛ, Laa palɛ vuu ɓɔɔ wu a zang nyaa kagn kpàng, kpang. Ka ruu ɓɔɔ wu zang Isirela nandon kɔ, zang ɓɔɔ Laa shɛ̃ɛrɛ ri nɛɛ ri zang ɓiɓɛ kɔ kpang.

2 Koranti 1:22

Shing vuu ka bii ɓuru, tɔ̀ɔ, zang ri zi kaa gn nɛɛ rùu ɓɔɔ ɓiɓɛ. A á ruu Suru ɓiɓɛ tɔ ka yeti, tɔ̀ɔ, ruu zi kaa gn nɛɛ naa á ruu vuu ɓɔɔ wu shing ruu katɔ ɓɛɛ ditɔ nandon.

Galati 3:22

A zang bee ɓi tɔ, ka labeenang Laa nɛɛ, shɔnzang ɓɔɔ ka koo nandon, ri nwàng ɓarɛ naa ɓɔɔ vuu shi kpang mã ri ka sãa ɓɛɛ. Tɔɔ vuu ɓɔɔ Laa a nyaa ka yuu ɓiɓɛ ka doo danggn shinnang ka bii Yeesɔ Kirisi wu raa ɓɔ̀ɔ́ zang ɓɔɔ ri shing danggn tɔ kati.

Galati 3:29

Naa nɔɔ zang Yeesɔ Kirisi, nɔɔ manɛ kaa zɔ̃ng Ibirayi, a nɔɔ naa ta vuu ɓɔɔ Laa a nyaa ka yuu ɓiɓɛ katɔ.

Galati 3:7

Nɔɔ zi ka wukɔ nɛɛ zang ɓɔɔ ri shing danggn ka bii Laa rikɔ wujɛ Ibirayi ɓɔɔ niizang ɓɛɛ.

Galati 5:5

Ɓɔɔ ɓuru, ruu shing gn ɓuru nɛɛ Laa naa shing rùu rúu nwang zang tɔ̃ɔ ka tĩng ɓiɓɛ nɛɛ naa vuu palɛnang Suru ɓiɓɛ, a ɓɔɔ ka ruu danggn ɓɔɔ ruu shing ka bii Yeesɔ ɓɛɛ. Wee vuu ɓɔɔ ruu gã ɓɛɛ kɔ.

Galati 6:16

Zang piti ɓɔɔ ri nwang nwannang naa ɓɔɔ n kɔɔ ɓɛɛ, ɓɔɔ rikɔ zang ɓɔɔ Laa shɛ̃ɛrɛ ri ɓɛɛ, Laa wu shingnɛ yeti ɓarɛ wu valɛ, a gn ɓarɛ wu ti kɔng wu katɔ.

Afisa 1:13

Nɔɔ doo nɔngkɔ. Ka ɓɔɔ nɔɔ tãa ruu ɓɔɔ niizang, Ruu Tɔ̃ɔ ɓɔɔ ta yuu manɛ, ka ɓɔɔ nɔɔ shing danggn ka bii Yeesɔ Kirisi, a Laa a nɔɔ Suru ɓiɓɛ ɓɔɔ wu a nyaa ɓɛɛ, tɔ̀ɔ, zang zi kati nɛɛ nɔɔ manɛ kaa zang Laa.

Afisa 4:30

Nɔ́ɔ lasɛ Suru Laa yeti kpang, ka ruu ɓɔɔ, Suru Laa kɔ tusu nɛɛ nɔɔ manɛ zang Laa ɓɛɛ. Suru keɓe kɔ tusu zang nɛɛ diki a ditɔ, ɓɔɔ Laa naa ta yuu manɛ ɓɛɛ.

Filipi 3:9

Ń ti nwang ɓɔɔ ɓiɓɛ. Laa wu tuu m zang tɔ̃ɔ ka tĩng ɓiɓɛ, ka ruu ɓɔɔ, n shing danggn ka bii Kirisi ɓɛɛ. Wu ka ruu vuu ɓɔɔ kagn ɓɔɔ n palɛ ɓɛɛ kpang, wu ti ka ruu ɓɔɔ n dũng nyaa ɓɔɔ zang Yahudi dang ɓɛɛ kpang. Ɓi Laa kɔ risi m, n nwang zang tɔ̃ɔ ka tĩng ɓiɓɛ, ka ruu ɓɔɔ, n shing danggn ka bii ɓiɓɛ ɓɛɛ.

Yahudi 11:7

Danggn shinnang Nuhu kɔ shing wu, ɓaa shoo ka nyaa ɓɔɔ Laa shaarɛ wu ka yuu vuu ɓɔɔ naa a ka tĩng ɓɔɔ wu zi gn kpang ɓɛɛ. Ɓaa shoo ka nyaa Laa, a palɛ laana ɓɔɔ wu tá yuu zang ɓɔɔ ri ka gãa ɓiɓɛ ɓɛɛ. Túsú ka danggn ɓɔɔ wu shíng ɓɛɛ nɛɛ, zang koo keɓe ri palɛ ɓarɛ vuu shi kpang, a raa kaa zang ɓɔɔ Laa tɔɔ wu ɓi zang tɔ̃ɔ ɓɛɛ, ka ruu danggn ɓɔɔ wu shing ɓɛɛ.

2 Bituru 1:1

Labeenang keɓe, nɛɛ naa mɛɛ, nkɔ Siman Bituru, nkɔ jaafoo Yeesɔ Kirisi, nkɔ ti zang shonang ɓiɓɛ. N bèé nɔɔ labeenang keɓe, nɔɔ nandon ɓɔɔ nɔɔ shing danggn tɔ ka bii Yeesɔ Kirisi naa ɓɔɔ ruu shing jong ɓɛɛ. Ka ruu tɔ̃ɔ Yeesɔ Kirisi ɓɔɔ wukɔ ta yuu ɓuru nɛɛ nɔɔ, nɛɛ tɔ̃ɔ Laa, ruu walɛ gbalang, a ruu shing danggn keɓe.

Vuu ɓɔɔ zang nwangsɛ Yɔhana 9:4

Zang kɔɔ ri nɛɛ, ri pálɛ̀ rɛɛ wisi nɛɛ vuu ɓɔɔ takɛ ka tipi nɛɛ rɛɛ laa vuu ɓɔɔ kpang. Zang nɛɛ ri ta ɓarɛ shɔnzang ɓɔɔ zang ɓang vuu ɓɔɔ zang zi nung kagn nɛɛ ri zang Laa ka nyaating ɓarɛ kpang kɔ shɛ̃ɛning.