Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Rooma 3:9 - Nyaa Shɔɔ Ɓɔɔ Laa a Ɓɛɛ

9 Nɛɛ nɔngkɔ, ɓɔɔ ruu zang Yahudi ruu ɓa zang ɓɔɔ ri zang Yahudi kpang ɓu kaa tɔ ya? Nɔngkɔ kpang tingkiring. N kɔ̀ɔ nɔɔ ka tĩng nɛɛ zang Yahudi nɛɛ zang ɓɔɔ ri zang Yahudi kpang nandon, ri palɛ vuu shi kpang katɔ.

အခန်းကိုကြည့်ပါ။ ကော်ပီ




Rooma 3:9
21 ပူးပေါင်းရင်းမြစ်များ  

Ɓu doo ɓɔɔ zang Farisi ɓɔɔ ɓaa Yeesɔ nyaa zi naa weɓe, kɔɔ ka yeti ɓiɓɛ tɔɔ, “Naa yɔɔ keɓe nɛɛ zang nyaa shonang Laa, nɛɛ zi jaa soro kɔ lee wu naa ka bii ɓɛɛ tɔ. Nɛɛ ti zi naa nwannang jaa soro keɓe tɔ, ka ruu ɓɔɔ, jaa soro keɓe ɓi zang ɓɔɔ palɛ vuu shi kpang ɓɛɛ.”


Gnvɔ Laa tusu bii tɔ nɛɛ lapa, ka yuu zang piti ɓɔɔ ri palɛ vuu shi kpang, nɛɛ zang ɓɔɔ yeti ɓarɛ shi kpang, ɓɔɔ ri kasɛ nɛɛ zang zi vuu ɓɔɔ niizang ka yuu Laa kpang, nɛɛ yeti shi kpang ɓarɛ ɓɛɛ.


Ka ruu ɓɔɔ, Laa risi zang piti naa zang ɓɔɔ wu mã ri ka sãa, ka ruu ɓɔɔ, ri ɓaa shoo ka nyaa ɓiɓɛ kpang ɓɛɛ. Nɛɛ tɔɔ, gn ɓarɛ wu kɔng wu kati.


Ruu keɓe, kɔɔ ɓu kaa nɛɛ viya? Zang Isirela ri ĩi vuu ɓɔɔ ri kãa ɓɛɛ kpang. Ɓi zang ɓɔɔ Laa zɔ̃ngkɔ rikɔ ri ĩiyi. Zang nimbang ri huuru shoo ɓarɛ katɔ, ri tãa nyaa ɓɔɔ Laa ɓayi ɓarɛ takpang.


Masang, mɔɔ kɔɔ zang katɔ nɛɛ zang ri palɛ vuu shi kpang tɔ ya? Naa mɔɔ doo zang kiya, daa naa ɓɔɔ mɔɔ kɔɔ zang ɓɔɔ nɔngkɔ kpang. Ka ruu ɓɔɔ naa mɔɔ dɔng zang ɓɔɔ ruu ka yuu vuu ɓɔɔ ri palɛ, a mɔɔ palɛ doo vuu ɓɔɔ ri palɛ ɓɛɛ kɔ, mɔɔ dɔng ɓaa yuu ɓaaɓɛ ruu.


A zang Yahudi, ri ɓa zang ɓɔɔ ri zang Yahudi kpang ɓu kaa nɛɛ viya? Shaa yeenang nwǎng zang ɓu viya?


Ruu zi ɓuru tɔ nɛɛ, vuu ɓɔɔ zang bèe ka yeti nyaa ɓɔɔ Laa dangnɛ, ɓi ɓɔ̀ɔ́ zang ɓɔɔ ri dũng ɓarɛ nyaa dannang keɓe ɓɛɛ. Tɔ̀ɔ, wu zãa shɔnzang nandon nyaa jãanang kati. Tɔ̀ɔ, wu shingnɛ Laa wu naa jɛ̃ɛ zang koo nandon ruu kati.


Naa vuu shi kpang ɓɔɔ ruu palɛ, shingnɛ, zang wu zi vuu tɔ̃ɔ ɓɔɔ Laa palɛ ɓɛɛ gbãng gbãng ɓɛɛ. Ruu kɔɔ ɓu kaa nɛɛ viya? Nɛɛ Laa nɛɛ dang ruu jĩng tɔ, pálɛ̀ shi kpang ya? (N rang yee m naa ɓɔɔ shɔnzang ri rangkɛ ɓɛɛ.)


A nɛɛ nɔngkɔ ɓɛɛ, rúu pálɛ́ vuu shi kpang ta, ka ruu ɓɔɔ ɓi nyaa dannang Laa roo kpanti ka yuu ɓuru kpang, ɓi tɔ̃ɔ Laa rooyi ɓɛɛ ya? Kpang tingkiring.


Ruu zi ɓuru tɔ nɛɛ nyaa ɓɔɔ Laa dangnɛ ɓi vuu suru, a n m kaa shɔnzang. N raa m kaa naa jaafoo vuu shi kpang palɛnang.


N kɔ̀ɔ́ ɓu nɛɛ viya? N kɔ̀ɔ́ ɓu nɛɛ vaka vuu ɓɔɔ ya? A vuu shaanang ɓɔɔ zang a vaka palɛ vuu ɓɔɔ katɔ ya?


A n palɛ ɓu kaa biya? Naa ɓɔɔ n palɛ keɓe. N gaa Laa nɛɛ Suru ɓɔɔ Laa a m ɓɛɛ, n ti gàa Laa jong nɛɛ rɛ̃rɛnang mɛɛ. N gáa soo nɛɛ Suru ɓɔɔ Laa a m ɓɛɛ, n ti gáa soo jong nɛɛ rɛ̃rɛnang mɛɛ.


Ɓɔɔ mɔɔ zi yuu ɓaaɓɛ nɛɛ mɔɔ ɓa zang piti katɔ ɓɛɛ, mɔɔ ɓu wiya? Vuu ɓaaɓɛ ɓɔɔ kagn ɓɔɔ wu Laa kɔ a mɔɔ kpang kagn ya? Laa kɔ nɛɛ a mɔɔ vuu piti, a mɔɔ rangkɛ yee vi bang bang ka yuu vuu kaɓa naa kaka ɓaaɓɛ a mɔɔ viya?


Zang ɓɔɔ ri shing gn ɓarɛ nɛɛ naa ri dũng nyaa dannang, ri nwang zang tɔ̃ɔ katɔ ka tĩng Laa, Laa naa dɔng ri ruu ditɔ. Ka ruu ɓɔɔ, zang bee ka labeenang Laa nɛɛ, “Zang piti ɓɔɔ nɛɛ dũng vuu piti ɓɔɔ zang bee ka yeti labeenang nyaa dannang Laa diki diki kpang, Laa dɔng wu ruu tɔ.”


A zang bee ɓi tɔ, ka labeenang Laa nɛɛ, shɔnzang ɓɔɔ ka koo nandon, ri nwàng ɓarɛ naa ɓɔɔ vuu shi kpang mã ri ka sãa ɓɛɛ. Tɔɔ vuu ɓɔɔ Laa a nyaa ka yuu ɓiɓɛ ka doo danggn shinnang ka bii Yeesɔ Kirisi wu raa ɓɔ̀ɔ́ zang ɓɔɔ ri shing danggn tɔ kati.


Pálɛ̀ vuu ɓɔɔ kpang, naa ri nwãarɛ zang doo katɔ, naa ri nwãarɛ zang ka takpang, n tãa m tĩnang, ka ruu ɓɔɔ, Ruu Kirisi kɔ ɓa vuu piti, a zang ti kɔɔrɔ zang ruu bìí kana ɓɛɛ. N tãa m kaa tĩnang kɔ sasak.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ