Rooma 3:2 - Nyaa Shɔɔ Ɓɔɔ Laa a Ɓɛɛ

² Nwǎng zang vuu katɔ dɔɔli. Laa a zang Yahudi kɔ Ruu ɓiɓɛ ka naa, nɛɛ ri yiti.

Rooma 3:2 ပူးပေါင်းရင်းမြစ်များ

Yɔhana 5:39

Nɔɔ ĩi jĩng ka ɓɔɔ nɔɔ gã labeenang waasɛ̃, ka ruu ɓɔɔ, nɔɔ kɔɔ nɛɛ nɔɔ wàlɛ́ suru bii ɓɔɔ waa nyaa kpang katɔ kagn ɓɛɛ. Labeenang Laa keɓe, kɔɔ ruu ka yuu mɛɛ kɔ.

Zang Shonang Yeesɔ 7:38

Musa keɓe kɔ nwang nɛɛ rɛɛ zang Isirela ɓɔɔ ri kpalɛ zɔɔ ka jĩngti, a ɓɔɔ zang nyaa shonang Laa ɓɔɔ ka lapa ɓɔɔ rang wu yee ka kɔpɔ Sinayi ɓɛɛ, a ɓɔɔ rɛɛ dabang ɓuru. Wukɔ ti tà ruu rúu Laa ɓɔɔ a zang suru bii ɓɛɛ, a á ruu.

Rooma 1:2

Ruu Tɔ̃ɔ keɓe, Laa á nyaa ɓiɓɛ tɔ dòo tɛ̃ɛ tɛ̃ɛ ka tĩng, nɛɛ bii rɛɛ zang nyaa shonang ɓiɓɛ, a zang ti bee ka yeti labeenang ɓiɓɛ.

Rooma 2:18

Mɔɔ zi vuu ɓɔɔ Laa kasɛ nɛɛ mɔɔ palɛ ɓɛɛ tɔ, a nyaa ɓɔɔ Laa dang ɓɛɛ, ti tusu mɔɔ tɔ nɛɛ, mɔɔ zɔ̃ng vuu ɓɔɔ tɔ̃ɔ ɓɛɛ.

Rooma 3:1

A zang Yahudi, ri ɓa zang ɓɔɔ ri zang Yahudi kpang ɓu kaa nɛɛ viya? Shaa yeenang nwǎng zang ɓu viya?

Rooma 3:3

A zang ɓɔɔ ri nɛɛ shing danggn kpang, ka teteng ɓarɛ ɓɛɛ? Ka ruu nɔngkɔ, Laa pálɛ̀ vuu ɓɔɔ wu a nyaa nɛɛ wu pálɛ̀ ɓɛɛ takpang ya?

Rooma 9:4

Rikɔ zang Isirela, Laa shing ri, ri ràa wujɛ ɓiɓɛ, a tusu ri bannang ɓiɓɛ. Laa mã nyaa nɛɛ ri, a ri nyaa ɓɔɔ wu dangnɛ ɓɛɛ. Rikɔ zunung Laa bannang ka gbalang ɓɔɔ tɔ̃ɔ ɓɛɛ. A Laa ti a rikɔ nyaa.

1 Koranti 9:17

Naa nkɔ nɛɛ rɛ̃rɛ nɛɛ yeti mɛɛ nɛɛ, n kɔ̀ɔrɔ́ zang Ruu Tɔ̃ɔ Laa, n nɛɛ shing jĩng katɔ nɛɛ zang a m vuu ɓɔɔ. Á ɓi nkɔ rɛ̃rɛ nɛɛ n palɛ shonang keɓe kpang, ɓi Laa yaa m shonang keɓe ka naa, a dang m nyaa nɛɛ n pàlɛ̀ wu.

2 Koranti 5:19

Vuu ɓɔɔ n kɔɔ keɓe, Laa kãa gbalang ɓɔɔ wu rìsí zang koo piti, ri nwang rɛɛ wusang ɓiɓɛ nɛɛ bii Yeesɔ Kirisi. Yaa ri gbalang vuu shi kpang ɓɔɔ ri palɛ ɓɛɛ, yiti ka yeti ɓiɓɛ kpang. A ti a ruu shonang keɓe tɔ nɛɛ, ruu kɔɔ zang, nɛɛ wu kasɛ wu rìsí zang piti, ri nwang wusang ɓiɓɛ.

Galati 2:7

Ri zi ɓarɛ katɔ kɔ jong nɛɛ, Laa a m shonang tɔ nɛɛ n kɔ̀ɔ zang ɓɔɔ ri zang Yahudi kpang Ruu Tɔ̃ɔ, naa ɓɔɔ shing Bituru, nɛɛ wu kɔɔ zang Yahudi Ruu Tɔ̃ɔ ɓɛɛ.

1 Timoti 6:20

Timoti, gãng jĩng ka vuu ɓɔɔ Laa a mɔɔ ka naa ɓɛɛ waasɛ̃. Mɔɔ ɓaa shoo ka yee sãnsãnrãng ɓɔɔ zang rangkɛ kpang. Mɔɔ ti laa nyaa ka yuu vuu ɓɔɔ zang suu sèé nɛɛ wukɔ “zũnang” ɓɛɛ kpang.

Yahudi 5:12

Niizang, kãntang keɓe nɔkɔ nɛɛ tusu zang vuu kati, a nɔɔ kasɛ nɛɛ zang ɓɔɔ wu paasɛ nɔɔ ruu niizang ɓɔɔ kpãa kpang, ɓɔɔ ka Ruu Laa ɓɛɛ tusunang tɔkn. Nɛɛ nɔngkɔ, zang wu a nɔɔ míi, wu vuu shaanang ɓɔɔ lakɛ katɔ kpang.

1 Bituru 4:11

Zang ɓɔɔ Laa nɛɛ a wu naa yee rannang, wu rang yee ɓɔɔ a nɛɛ bii Laa ɓɛɛ. Zang ɓɔɔ nɛɛ zunung ɓɔɔ wu shǒng zang katɔ, wu shong nɛɛ kaka ɓɔɔ Laa a wu piti. Nɔɔ palɛ nɔngkɔ tɔ̀ɔ, zang ri dɔɔ Laa ka ruu vuu piti, ka ruu Yeesɔ Kirisi. Bannang nɛɛ naa vuu palɛnang ɓi ɓɔɔ ɓiɓɛ kɔ dòndòng. Nɔngkɔ.

Vuu ɓɔɔ zang nwangsɛ Yɔhana 19:10

A n tang nɛɛ gutu ka tĩng ɓiɓɛ, n tɔɔ n bang wu kaa tɔ, a kɔɔ m tɔɔ, “Mɔ́ɔ palɛ vuu keɓe kpang tingkiring, ruu ɓuru zang shonang Laa nɛɛ mɔɔ, nɛɛ rɛɛ ɓaazung ɓɔɔ ri shing danggn tɔ, ka ruu ɓɔɔ niizang ɓɔɔ Yeesɔ tùsù ri ɓɛɛ. Báng ɓaa Laa.” Ka ruu ɓɔɔ, ruu niizang ɓɔɔ Yeesɔ nwangsɛ ruu, rɛɛ zang nyaa shonang Laa, ri walɛ ruu ɓɔɔ ri kɔɔrɔ zang ka wukɔ ɓɛɛ.

Vuu ɓɔɔ zang nwangsɛ Yɔhana 22:6

A zang nyaa shonang Laa ɓɔɔ ka lapa ɓɛɛ kaɓa, kɔɔ m nɛɛ, “Rɛɛ vuu keɓe, ri daa ɓɔɔ zang shing gn kagn ɓɛɛ katɔ, a ti ruu ɓɔɔ niizang kɔ nwani. Kpanti Laa ɓɔɔ a rɛɛ zang nyaa shonang ɓiɓɛ naa, ri kɔɔ zang ruu ɓiɓɛ ɓɛɛ, shong zang nyaa shonang ɓiɓɛ ɓɔɔ ka lapa ɓɛɛ, nɛɛ wu naa tusu rɛɛ zang ɓɔɔ palɛ wu shonang ɓɛɛ, vuu ɓɔɔ bɛ̀ɛ́ zang palɛ kaa tɔ ɓɛɛ.”