Rooma 3:10 - Nyaa Shɔɔ Ɓɔɔ Laa a Ɓɛɛ

¹⁰ Naa ɓɔɔ labeenang Laa kɔɔyi ɓɛɛ nɛɛ, “Zang ɓɔɔ palɛ tɔ̃ɔ kagn gbete ka jĩng Laa kpang.

Rooma 3:10 ပူးပေါင်းရင်းမြစ်များ

Matiyu 15:19

Ka ruu ɓɔɔ vuu shi kpang ɓɔɔ ka yeti shɔnzang kɔ shing zang, zang rɛ̃rɛ vuu shi kpang. Zang nyɔ zang vɔrɔ, roonang nɛɛ soro zang ɓɔɔgn, roonang nɛɛ jaa soro ɓɔɔ zang gee ka takpang ɓɛɛ. Zang ti ɓɔɔ shɔngɓɔ, zang zɛ̃ɛ zang nyaa, zang ti rang yee shi kpang ka yuu zang.

Maraku 10:18

A Yeesɔ kasɛ wu nyaa tɔɔ, “Mɔɔ ɓaa m nɛɛ zang tɔ̃ɔ ka ruu viya?” Zang tɔ̃ɔ ɓi kagn kpang, ɓi Kpanti Laa kɔ tɔ̃ɔ gbete.

Rooma 11:8

Naa ɓɔɔ Labeenang Laa kɔɔ ɓɛɛ nɛɛ, “Vuu ɓɔɔ yirɛ, a nɔng ka lɛ̀ɛ́kɔ, Laa shing tɔ yeti ɓarɛ zi vuu ɓɔɔ kpang. Laa a ri jĩng ɓɔɔ zi nɔng kpang, nɛɛ shoo ɓɔɔ tãa nɔng kpang ɓɛɛ”.

Rooma 3:11

Zang ɓɔɔ ti zi vuu ɓɔɔ kagn kpang, zang ɓɔɔ ti kãa nɔng Laa kagn gbete kpang.

Rooma 3:23

Zang piti ri palɛ vuu shi kpang tɔ, ri daa naa ɓɔɔ ri walɛ bannang ɓɔɔ Laa a zang ɓɛɛ takpang.

Rooma 3:4

Wu nɔngkɔ kpang. Naa zang piti ri suu sèé, Laa palɛ ɓi vuu ɓɔɔ niizang ɓɛɛ. Naa ɓɔɔ Labeenang Laa kɔɔyi ɓɛɛ nɛɛ, “Mɔɔ nɛɛ rang yee, zang piti ri zi katɔ nɛɛ yee ɓaaɓɛ niizang. Naa zang ɓàá mɔɔ nyaavaa, mɔkɔ mɔɔ shaayi.”

Titu 3:3

Ka ruu ɓɔɔ, ɓeleng ruu nɛɛ yuu ɓuru bɛ̀ɛ́ ruu palɛ vuu shoko, ruu ɓaa shoo ka nyaa Laa kpang, zang nwãarɛ ruu. Ruu nwang ɓuru jaafoo, vuu ɓɔɔ bii ɓuru kasɛ ɓɛɛ, nɛɛ vuu ɓɔɔ shingnɛ zang tãa tĩnang ɓɛɛ ka zɔ̃ng zɔ̃ng. Ruu sùúkãng ka nɔng vuu shi kpang palɛnang nɛɛ sũnyaa kaanang. Zang piti bɛ̃ɛ ruu katɔ, a ruu ti bɛ̃ɛ zang piti.

1 Bituru 1:16

Naa ɓɔɔ zang bée ka tĩng tɛ̃ɛ tɛ̃ɛ ka yeti labeenang Laa ɓɛɛ nɛɛ, “Nɔ́ɔ pálɛ̀ vuu shi kpang ka nwannang manɛ kpang, ka ruu ɓɔɔ, shi kpang ɓi kagn bii mɛɛ kpang tingkiring ɓɛɛ.”

Vuu ɓɔɔ zang nwangsɛ Yɔhana 21:8

A ɓɔɔ zang ɓɔɔ ri kaa vɔrɔ, nɛɛ zang ɓɔɔ ri shing danggn ka bii Laa kpang ɓɛɛ, nɛɛ zang ɓɔɔ shi kpang kagn bii ɓarɛ ɓɛɛ, nɛɛ zang ɓɔɔ ri nyɔ zang vɔrɔ ɓɛɛ, nɛɛ zang ɓɔɔ ri palɛ dũndũng, nɛɛ zang ɓɔɔ ri shaa nvaa, nɛɛ zang ɓɔɔ ri bang vaka, nɛɛ zang sèé nandon, zang naa tasɛ ri ɓarɛ ka too waa, ɓɔɔ tari ɓɔɔ ri shaa waa katɔ kagn ɓɛɛ. Wee kɔ vɔrɔ ɓɔɔ zang vɔrɛ daa kaa doo ziti ɓɛɛ kɔ.”

Vuu ɓɔɔ zang nwangsɛ Yɔhana 22:15

Zang ɓɔɔ ri palɛ vuu shi kpang, nɛɛ rɛɛ nvaa, nɛɛ zang ɓɔɔ ri palɛ dũndũng, nɛɛ zang ɓɔɔ ri nyɔkɔ zang vɔrɔ, nɛɛ zang ɓɔɔ ri bang vaka, a zang piti ɓɔɔ ri suru sèé, ɓɔɔ ri ti tãa tĩnnang sèé suunang katɔ ɓɛɛ, ri naa nwang ɓarɛ ka yuu knti gari bìí, ri daa yeti ɓiɓɛ kpang.