Rooma 2:25 - Nyaa Shɔɔ Ɓɔɔ Laa a Ɓɛɛ

²⁵ Nɔɔ nɛɛ dũng nyaa ɓɔɔ Laa dang ɓɛɛ katɔ, shaa yeenang manɛ tɔ̃ɔ. Nɔɔ nɛɛ ta nyaa ɓɔɔ Laa dang ɓɛɛ katɔ, nɔɔ nɛ̀ɛ́ yee shaa kpang gbã̀ágbãa.

Rooma 2:25 ပူးပေါင်းရင်းမြစ်များ

Zang Shonang Yeesɔ 7:51

“Nɔɔ taarɛ yuu dɔɔli. Yeti manɛ nɛɛ shoo manɛ nɔɔ dòo katɔ. Nɔɔ kàsɛ̀ nɛɛ nɔɔ tãa vuu ɓɔɔ Suru Laa kɔ̀ɔ́ nɔɔ kpang. Nɔɔ pálɛ̀ dòó vuu ɓɔɔ rɛɛ dáa manɛ ri palɛ ɓɛɛ kɔ.

Rooma 2:13

Ka ruu ɓɔɔ, zang raa zang tɔ̃ɔ ka ting Laa, wu ka rúu Ruu Laa ɓɔɔ zang tãa ɓɛɛ kɔ shɛ̃ɛning kpang. Ɓi zang ɓɔɔ ri palɛ vuu ɓɔɔ Laa dang nyaa nɛɛ zang palɛ ɓɛɛ kɔ, Laa ɓáa ri nɛɛ ri zang tɔ̃ɔ.

Rooma 2:23

Mɔɔ dɔ̀ɔ́ bii nɛɛ, nyaa ɓɔɔ Laa dangnɛ manɛ kagn. Nɔɔ nɛɛ ta nyaa ɓɔɔ Laa dang ɓɛɛ tɔ, nɔɔ shingnɛ zang sèng Laa kpang.

Rooma 2:26

Naa zang ɓɔɔ yèe shaa kpang, dũng vuu ɓɔɔ Laa dang nyaa ka yuu ɓiɓɛ katɔ, Laa rìsí wu, wu nwang naa zang ɓɔɔ yee shaa katɔ ɓɛɛ.

Rooma 2:27

Ka ruu nɔngkɔ, zang ɓɔɔ ri yee shaa ɓarɛ kpang, ri naa ɓa nɔɔ ditɔ zang Yahudi, ri nɛɛ dũng nyaa ɓɔɔ Laa dang katɔ ɓɛɛ. Ka ruu ɓɔɔ, nɔkɔ zi nyaa ɓɔɔ Laa dangnɛ, a zang ti yee nɔɔ shaa katɔ, a nɔɔ tá nyaa ɓɔɔ Laa dang ɓɛɛ katɔ ɓɛɛ.

Rooma 2:28

Ɓu wi zang Yahudi ɓɔɔ niizang wiya? Ɓi zang ɓɔɔ zang yee wu shaa katɔ, a ti ta bii naa zang Yahudi ɓɛɛ kpang.

1 Koranti 7:19

Naa zang yee shaa katɔ, naa zang yee shaa doo kpang, palɛ vuu ɓɔɔ kpang. Vuu ɓɔɔ ɓa weɓe nandon, zang ri dũng rɛɛ nyaa ɓɔɔ Laa dang ɓɛɛ.

Galati 6:13

Naa doo zang ɓɔɔ ri yee shaa, ri dũng nyaa ɓɔɔ zang dang ɓɛɛ kpang. Ri kasɛ ɓarɛ nɛɛ nɔɔ yee shaa, nɛɛ tɔ̀ɔ ri tuu yuu ɓarɛ kati nɛɛ nɔɔ kasɛ tɔ zang yee nɔɔ shaa tɔ.

Galati 6:15

Naa zang yee shaa katɔ, naa zang yee shaa doo kpang, ɓi vuu keɓe kɔ kpãa m kpang. Vuu ɓɔɔ ɓa weɓe, ɓi naa ɓɔɔ Laa kɔ̃sɔ ruu tɔ, ruu nwang zang shɔɔ tɔ ɓɛɛ.