Rooma 2:15 - Nyaa Shɔɔ Ɓɔɔ Laa a Ɓɛɛ

¹⁵ Vuu ɓɔɔ ri palɛ kɔ túsù nɛɛ, vuu ɓɔɔ Laa dang nyaa ka yuu ɓiɓɛ kagn yeti ɓarɛ. Yeti ɓarɛ ti tusu doo nɔngkɔ. Ka ruu ɓɔɔ, lee ɓɔɔ rɛ̃rɛnang ɓarɛ kɔɔ ri nɛɛ ri palɛ vuu shi kpang tɔ, lee ɓɔɔ wu ti kɔ̀ɔ ri nɛɛ, vuu ɓɔɔ ri palɛ ɓɛɛ tɔ̃ɔ ɓɛɛ.

Rooma 2:15 ပူးပေါင်းရင်းမြစ်များ

Yɔhana 8:9

Ɓɔɔ ri tãa ruu keɓe, ri daarɛ nandon gbete gbete. Rɛɛ zang bang kɔ ri gaayu daarɛnang shɔɔnang. Zang yaa kaa Yeesɔ ka bm nɛɛ jaa soro bìí ka nɔng ɓɔɔ wu shii ɓɛɛ.

Zang Shonang Yeesɔ 23:1

Bulu shù zang ɓɔɔ ri jɛ̃ɛ zang ruu jĩng ka bii, a kɔɔyi tɔɔ, “Rɛɛ manzung, n palɛ shonang ka tĩng Laa nɛɛ rɛ̃rɛnang mɛɛ kalang kalang, a nɛɛ mani lɛɛkɔ keɓe.”

Zang Shonang Yeesɔ 24:16

Ka ruu nɔngkɔ, n kasɛ nɛɛ diki diki n palɛ vuu ɓɔɔ tɔ̃ɔ ka tĩng Laa nɛɛ tĩng shɔnzang piti.

Rooma 2:14

Zang ɓɔɔ ri zang Isirela kpang, ri zi nyaa ɓɔɔ Laa dang ɓɛɛ ɓarɛ kpang. A ri nɛɛ pálɛ̀ vuu ɓɔɔ Laa dang nyaa ka yuu ɓiɓɛ nɛɛ zang palɛ ɓɛɛ, rikɔ nwàng kaa nyaa dannang nɛɛ yuu ɓarɛ. A ri zi nyaa ɓɔɔ Laa dang ɓɛɛ kaa takpang.

Rooma 2:27

Ka ruu nɔngkɔ, zang ɓɔɔ ri yee shaa ɓarɛ kpang, ri naa ɓa nɔɔ ditɔ zang Yahudi, ri nɛɛ dũng nyaa ɓɔɔ Laa dang katɔ ɓɛɛ. Ka ruu ɓɔɔ, nɔkɔ zi nyaa ɓɔɔ Laa dangnɛ, a zang ti yee nɔɔ shaa katɔ, a nɔɔ tá nyaa ɓɔɔ Laa dang ɓɛɛ katɔ ɓɛɛ.

Rooma 9:1

Vuu kɔ n kɔ̀ɔ́ ɓee, niizang kɔ nwani. N suu sèé kpang, kaa ruu ɓɔɔ, n m zang Kirisi ɓɛɛ. Rɛ̃rɛnang mɛɛ ɓɔɔ Suru Laa roo kpanti kagn, ti kɔɔyi nɛɛ niizang, n suu sèé kpang.

2 Koranti 1:12

Vuu ɓɔɔ shingnɛ ruu tuu yuu ɓuru kagn gbete, rɛ̃rɛnang ɓuru kɔɔ ruu nɛɛ, nwannang ɓuru ka koo keɓe, nɛɛ vuu ɓɔɔ rùu palɛ nɛɛ nɔɔ, rùu palɛ niizang nɛɛ yeti gbete, naa ɓɔɔ Laa kasɛ ɓɛɛ. Ruu palɛ wu ka doo zũnang yuu ɓuru kpang, ruu palɛ nɛɛ naa vuu palɛnang tɔ̃ɔ ɓɔɔ Laa pàlɛ́ ruu ɓɛɛ.

2 Koranti 5:11

Ruu zi vuu ɓɔɔ zang ɓaa nɛɛ zang kaa vɔrɔ Laa tɔ, ka ruu nɔngkɔ, ruu bàkɛ́ zang piti. Laa zi ruu nung tɔ dɔ̃ɔ gbete, n ti shing gn nɛɛ, ka yeti manɛ, nɔɔ zi ruu nung tɔ gbãng gbãng.

1 Timoti 4:2

Ɓi zang sèé ɓɔɔ ri nwãarɛ zang, nɛɛ vuu palɛnang kɔ ri tusu zang zɔ̃ng vuu keɓe. Zang keɓe ri rɛ̃̀rɛ́ ɓarɛ ka vuu ɓɔɔ Sheetang kasɛ ɓɛɛ.

Titu 1:15

Ka jĩng zang ɓɔɔ ri dũng Laa nɛɛ yeti gbete, vuu piti ɓi tɔ̃ɔ kɔ nandon. A zang ɓɔɔ vuu shi kpang palɛnang lasɛ ri tɔ, ɓɔɔ ri shing danggn ɓarɛ ka ruu ɓɔɔ niizang kpang, vuu ɓɔɔ tɔ̃ɔ ɓi kagn kpang. Ka ruu ɓɔɔ, vuu shi kpang ɓɔɔ ri palɛ lasɛ rɛ̃rɛnang ɓarɛ tɔ ɓɛɛ.