Rooma 2:12 - Nyaa Shɔɔ Ɓɔɔ Laa a Ɓɛɛ

¹² Zang ɓɔɔ ri zang Yahudi kpang, ɓɔɔ ri zi nyaa dannang Laa kpang ɓɛɛ, ɓɔɔ ri palɛ vuu shi kpang, ri shaarɛ doo nɛɛ mani. Ka wee zang jɛ̃ɛ ri ruu ka doo nyaa ɓɔɔ Musa dangnɛ kpang ɓee. Zang jɛ̃ɛ ɓi zang Yahudi ɓɔɔ ri palɛ vuu shi kpang ruu ka doo nyaa ɓɔɔ Musa dang ɓɛɛ, ka ruu ɓɔɔ, ri zi nyaa ɓɔɔ Musa dangnɛ ɓarɛ tɔ ɓɛɛ.

Rooma 2:12 ပူးပေါင်းရင်းမြစ်များ

Matiyu 11:22

N kɔ̀ɔ́ nɔɔ, ka diki ɓɔɔ Kpanti Laa naa jɛ̃ɛ zang ruu, gn zang Taya nɛɛ Sidong naa kɔng wu ɓa ɓɔɔ manɛ katɔ.

Matiyu 11:24

N kɔɔ nɔɔ ka diki ɓɔɔ Kpanti Laa naa jɛ̃ɛ zang ruu, gn zang Sɔɔdom naa kɔng wu ɓa ɓɔɔ manɛ katɔ.”

Yɔhana 19:11

Yeesɔ kasɛ wu nyaa tɔɔ, “Mɔɔ nɛ̀ɛ́ zunung ɓɔɔ mɔɔ pàlɛ́ m vuu ɓɔɔ kpang, naa Laa nɛ̀ɛ́ a mɔɔ naa kpang ɓɛɛ. Ka ruu nɔngkɔ, vuu shi kpang zang ɓɔɔ ri a mɔɔ n ka naa kɔ, ɓa ɓɔɔ ɓaaɓɛ.”

Zang Shonang Yeesɔ 2:23

Zang a nɔɔ yɔɔ keɓe, ka naa ɓɔɔ Laa shíng doo ka tĩng ɓɛɛ. Ti Laa kɔ kasɛ a nɔɔ ɓaa wu naa ka laa. Zang ɓɔɔ ri zi Laa kpang ri nyɔ wu vɔrɔ.

Rooma 1:32

Ri zi tɔ nɛɛ nyaa dannang Laa kɔɔyi nɛɛ zang ɓɔɔ ri palɛ vuu ɓɔɔ naa weɓe, daa naa ɓɔɔ zang nyɔ ri vɔrɔ ɓɛɛ. Ri huu shoo wu ka nɔng palɛnang kɔ shɛ̃ɛning kpang, ri tãa tĩnang zang ɓɔɔ ri pálɛ̀ vuu keɓe ɓɛɛ.

Rooma 4:15

Ka ruu ɓɔɔ, naa zang ɓɔɔ ta nyaa Laa, Laa dang zang jĩng katɔ ɓɛɛ. A nɔng ɓɔɔ nyaa dannang kagn kpang, zang tɔɔ kpang nɛɛ zang ta nyaa ɓɔɔ zang dangnɛ tɔ kpang.

Rooma 8:3

Vuu ɓɔɔ nyaa dannang Laa zunung palɛnang kpang, ka ruu ɓɔɔ, bii shɔnzang lakɛ naa bii kpang, Laa palɛ tɔ. Laa ningsi vuu shi kpang ka bii shɔnzang, ka ɓɔɔ wu shong nyaa nɛɛ Jaa ɓiɓɛ ɓɔɔ arɛ, tuu bii naa bii shɔnzang ɓɔɔ palɛ vuu shi kpang ɓɛɛ.

1 Koranti 9:21

Naa n nɛ̀ɛ zang ɓɔɔ ri dũ̀ng nyaa dannang Musa kpang, n palɛ vuu naa ɓɔɔ ri palɛ ɓɛɛ. Tɔ̀ɔ, n atɛ ri jong ri naa dũng Yeesɔ Kirisi. N tɔɔ kpang nɛɛ, n dũ̀ng nyaa dannang Laa kpang, kpang. N dũng m nyaa dannang Yeesɔ Kirisi.

Galati 3:10

Zang ɓɔɔ ri shing gn ɓarɛ nɛɛ naa ri dũng nyaa dannang, ri nwang zang tɔ̃ɔ katɔ ka tĩng Laa, Laa naa dɔng ri ruu ditɔ. Ka ruu ɓɔɔ, zang bee ka labeenang Laa nɛɛ, “Zang piti ɓɔɔ nɛɛ dũng vuu piti ɓɔɔ zang bee ka yeti labeenang nyaa dannang Laa diki diki kpang, Laa dɔng wu ruu tɔ.”

Galati 3:22

A zang bee ɓi tɔ, ka labeenang Laa nɛɛ, shɔnzang ɓɔɔ ka koo nandon, ri nwàng ɓarɛ naa ɓɔɔ vuu shi kpang mã ri ka sãa ɓɛɛ. Tɔɔ vuu ɓɔɔ Laa a nyaa ka yuu ɓiɓɛ ka doo danggn shinnang ka bii Yeesɔ Kirisi wu raa ɓɔ̀ɔ́ zang ɓɔɔ ri shing danggn tɔ kati.

Yakubu 2:10

Zang ɓɔɔ nɛɛ dũng nyaa dannang Laa nandon tɔ̃ɔ tɔ̃ɔ, a naa ta gbete, nwang ɓi kaa naa ɓɔɔ ta nandon ɓɛɛ.