Rooma 2:11 - Nyaa Shɔɔ Ɓɔɔ Laa a Ɓɛɛ

¹¹ Ka ruu ɓɔɔ, Laa jɛ̃ɛ zang ruu ɓi jong gn dang gbete kpang ɓɛɛ.

Rooma 2:11 ပူးပေါင်းရင်းမြစ်များ

Matiyu 22:16

A ri shong zang ɓɔɔ ri mantɛ vuu ka bii ɓarɛ nɛɛ zang ɓɔɔ dũng knti Kpanti Hiridu tɔɔ, ri daa kɔɔ Yeesɔ nɛɛ, “Maalang, ruu zi tɔ, mɔɔ suu see ɓáa kpang. Mɔɔ tùsú zang ɓáa vuu ɓɔɔ niizang, ɓɔɔ Laa kasɛ nɛɛ zang wu palɛ ɓɛɛ. Ruu ɓaaɓɛ hãa ɓi kagn nɛɛ vuu ɓɔɔ shɔnzang rɛ̃rɛ ɓɛɛ kpang, ka ruu ɓɔɔ, mɔɔ ti shɛ̃ɛrɛ zang ɓáa kpang ɓɛɛ.

Luka 20:21

A zang keɓe ri hɛ̃ɛ wu nɛɛ “Maalang, ruu zi tɔ vuu ɓɔɔ mɔɔ kɔɔyi, nɛɛ vuu ɓɔɔ mɔɔ tusu piti tɔ̃ɔ. Mɔɔ shɛ̃ɛrɛ zang ɓaa kpang. Mɔɔ túsù Ruu Laa ɓaa tɔ̃ɔ tɔ̃ɔ.

Zang Shonang Yeesɔ 10:34

A Bituru gaa tɔɔsung yee rannang kati tɔɔ, “Niizang, n zi tɔ kati nɛɛ Laa shɛ̃ɛrɛ zang ɓi kpang.

Rooma 9:14

Rùu kɔ̀ɔ́ ɓu kaa nɛɛ viya? Nɛɛ Laa palɛ vuu gn dang gbete ya? Nɔngkɔ kpang tingkiring.

Galati 2:6

A zang ɓɔɔ zang tɔɔ ri ɓarɛ zang bang ɓɛɛ (ruu mɛɛ hãa kagn nɛɛ naa ɓɔɔ ɓeleng ri nwang ka tĩng ɓɛɛ kpang. Laa palɛ vuu ɓi jong gn dang gbete kpang). Rɛɛ zang bang kaɓa ri kɔ̀ɔ m vuu ɓɔɔ kagn shɔɔ kpang.

Afisa 6:9

Dabang gãa, nɔɔ nwang doo nɔngkɔ nɛɛ jaafoo manɛ. Nɔ́ɔ kɔɔ ri vuu ɓɔɔ hing ri bii manɛ anang kpang. Danggn wu ning nɔɔ kpang, dabang gãa manɛ ɓɔɔ wukɔ ti ɓɔɔ ɓarɛ ɓi gbete ka lapa. Zang ɓɔɔ jɛ̃̀ɛ ruu ɓi jong gn dang gbete kpang ɓɛɛ.

Kolosi 3:25

A zang ɓɔɔ pálɛ̀ ɓi vuu shi kpang, naa zang keɓe doo wiya, zang naa pàlɛ́ wu vuu ɓi dòo ka dóo vuu shi kpang ɓɔɔ wu pálɛ̀ ɓɛɛ kɔ. Ka ruu ɓɔɔ, Laa palɛ vuu ɓi jong gn dang gbete kpang ɓɛɛ.

1 Bituru 1:17

Nɔɔ nɛɛ gàá Laa, nɔɔ ɓáa wu nɛɛ, “Daa” nɛɛ nɔngkɔ, nɔɔ kaa vɔrɔ ɓiɓɛ ka nwannang tɔ̃ɔ manɛ ka vuu piti ɓɔɔ nɔɔ palɛ, ka wee nɔɔ nwang zanti ka koo keɓe ɓee. Ka ruu ɓɔɔ, Laa ɓɔɔ wukɔ Daa manɛ, dɔ̀ng zang ruu ɓi gn dang gbete kpang, ka naa ɓɔɔ wu palɛ vuu ɓiɓɛ ɓɛɛ.