Rooma 2:10 - Nyaa Shɔɔ Ɓɔɔ Laa a Ɓɛɛ

¹⁰ A Laa naa a zang ɓɔɔ ri pálɛ̀ vuu tɔ̃ɔ kɔ bannang, wu ti dɔɔ ri, wu ti shing ri, ri nwáng ka nyaa zɔɔ. Gaayu nɛɛ zang Yahudi kɔ shɔɔnang, wu naa tɛɛ zang ɓɔɔ ri zang Yahudi kpang ɓɛɛ.

Rooma 2:10 ပူးပေါင်းရင်းမြစ်များ

Matiyu 10:13

Zang gãa ri nɛɛ ta nɔɔ nɛɛ yeti gbete, naa nwáng ditɔ nɔngkɔ. A zang gãa nɛɛ ta nɔɔ nɛɛ yeti gbete kpang, naa nwáng nɔngkɔ kpang.

Luka 1:79

Wu yakɛ nɔng kati. Tɔ̀ɔ, zang ɓɔɔ ri nwang ka nɔng ɓɔɔ tɔ̀ɔ katɔ, nɛɛ zang ɓɔɔ ri nwang ka nɔng vɔrɔ ɓɔɔ tɔ̀ɔ katɔ, ri zi nɔng kati. Wukɔ naa tusu ruu gbalang ɓɔɔ ruu nwang nɛɛ Laa waasɛ̃ ɓɛɛ.”

Luka 12:37

Tĩnang tãanang ɓi ɓɔɔ zang shonang ɓɔɔ dabang ɓarɛ arɛ naa ĩi ri ningkãari ɓɛɛ. N kɔ̀ɔ́ nɔɔ ruu ɓɔɔ niizang kɔ nwani, wukɔ naa tu fɔ̃ɔrɔ ɓiɓɛ jong, wu shing ri, ri nwang ka nɔng vuu shaanang, wu a ri vuu shaanang ri shaayi.

Luka 19:42

Kɔɔyi tɔɔ, “Nɔɔ nɛɛ zi vuu gbete ɓɔɔ atɛ nwannang ka nyaa zɔɔ katɔ, wukɔ nɛɛ tɔ̃ɔ. A zang waasɛ nɔɔ katɔ, nɔɔ zi kaa takpang.

Luka 22:14

Ka ɓɔɔ làá vuu shaanang nyaalaa bìí naa raa bii, Yeesɔ daa nwang ka nɔng vuu shaanang, a zang ɓɔɔ ri mantɛ vuu ka bii ɓiɓɛ ri naa nwang kaa jong.

Luka 9:48

A kɔɔ ri tɔɔ, “Zang piti ɓɔɔ ta jaa keɓe, ka ruu mɛɛ ta ɓi nkɔ. Zang ɓɔɔ nɛɛ ta m, ta zang ɓɔɔ shong m ɓɛɛ. Ka ruu ɓɔɔ zang ɓɔɔ shing gn nɛɛ wu ɓi zang bang kpang ka teteng manɛ, wukɔ zang bang manɛ.”

Yɔhana 12:26

Zang ɓɔɔ nɛɛ shòng m shonang, wu dũng, m ka knti. Nɔng ɓɔɔ n kagn zang shonang mɛɛ nwáng doo ka nɔngkɔ. Daa mɛɛ ti naa a zang ɓɔɔ palɛ m shonang bannang katɔ.”

Yɔhana 14:27

“Nɔɔ nwang waasɛ̃, vuu koo keɓe shing nɔɔ, nɔɔ nwáng waasɛ̃ kpang. Nwannang waasɛ̃ keɓe a ɓi nɛɛ bii mɛɛ. Yeti manɛ wu lasɛ kpang, nɔɔ ti kaa vɔrɔ kpang.

Yɔhana 16:33

N kɔɔ nɔɔ vuu keɓe, nɛɛ nɔɔ nwáng nɛɛ n, tɔɔ, nɔɔ nwáng kaa waasɛ̃. Nɔɔ dang jĩng katɔ ka koo keɓe. Nɔ́ɔ mã danggn kagn, n ɓá vuu ɓɔɔ ka koo keɓe yuu tɔ.”

Zang Shonang Yeesɔ 10:35

Ka zɔ̃ng zang kɔ ka koo nandon, zang ɓɔɔ nɛɛ kaa vɔrɔ Laa, nɛɛ ti palɛ vuu ɓɔɔ wu kasɛ, Laa ta wu ɓi katɔ.

Rooma 14:17

Ka ruu ɓɔɔ, vuu ɓɔɔ Laa kasɛ, wukɔ vuu shaanang nɛɛ vuu ɓoonang kpang. Laa kasɛ nɛɛ zang nwang zang tɔ̃ɔ ka tĩng ɓiɓɛ, ti kasɛ nɛɛ zang nwang ka nyaa zɔɔ nɛɛ wu, a zang ti tãa tĩnang ɓɔɔ Suru Laa shingnɛ ɓɛɛ.

Rooma 15:13

Laa ɓɔɔ wukɔ shingnɛ nɔɔ shing gn ɓɛɛ, wu shingnɛ nɔɔ tãa tĩnang gbãng gbãng ka yeti manɛ, yeti manɛ wu ti valɛ. Tɔ̀ɔ, Suru Laa wu a nɔɔ naa, nɔɔ shing gn kaa gbãng gbãng.

Rooma 2:7

Zang ɓɔɔ ri yi tĩng, ri palɛ ɓarɛ tɔ̃ɔ kɔ sasak, nɛɛ tɔ̀ɔ, Laa wu a ri bannang, wu dɔ̀ɔ ri, ri ti nwáng ningkãari dòndòng. Laa naa a ri suru bii ɓɔɔ waa nyaa kpang ɓɛɛ.

Rooma 2:9

Zang nandon ɓɔɔ ri palɛ vuu shi kpang, ri naa dang jĩng dɔɔli. Zang gaayu nɛɛ zang Yahudi kɔ shɔɔnang, wu tɛɛ zang ɓɔɔ ri zang Yahudi kpang ɓɛɛ.

Rooma 5:1

Wee ruu nwang zang tɔ̃ɔ tɔ ka tĩng Laa, ka ruu danggn ɓɔɔ ruu shing ka bii ɓiɓɛ ɓɛɛ. Ruu nwàng kaa nyaa zɔɔ nɛɛ Laa ka ruu Kpanti ɓuru Yeesɔ Kirisi.

Rooma 8:6

Naa zang rɛ̃rɛ shi kpang, naa ɓɔɔ bii shɔnzang kasɛ ɓɛɛ kɔ shɛ̃ɛning, nwǎng zang ɓi vɔrɔ. Naa zang rɛ̃rɛ ka yuu vuu ɓɔɔ Suru Laa kasɛ, Laa shingnɛ zang walɛ suru bii ɓɔɔ waa nyaa kpang, a yeti zang ti valɛ katɔ.

Rooma 9:21

Zang ɓɔɔ mãarɛ ɓari palɛ tapɔng katɔ naa ɓɔɔ yeti ɓiɓɛ kasɛ ɓɛɛ. Ka tapɔng gbete keɓe, mãa ɓari katɔ nɛɛ mani ziti. Ɓɔɔ gbete wu shing ka ruu vuu shaanang nɔng mung nwannang. Ɓɔɔ gbete wu nwãarɛ vuu shaanang diki waati kagn.

Rooma 9:23

Palɛ vuu keɓe nɛɛ wu tusu bannang ɓiɓɛ. Bannang ɓɔɔ wu nwangsɛ ruu, ɓɔɔgn ɓuru kɔng wu katɔ ɓɛɛ. Zang ɓɔɔ wu kpàlɛ̀ ri bii doo ka tĩng nɛɛ ri ta bannang ɓiɓɛ ɓɛɛ.

Galati 5:22

A Suru Laa shing zang ɓiri, zang wu kasɛ zang, zang wu tãa tĩnang, yeti zang wu valɛ katɔ, zang wu mã danggn, zang wu palɛ zang tɔ̃ɔ, zang wu pàlɛ̀ vuu ɓɔɔ tɔ̃ɔ ɓɛɛ, zang wu nwang zang ɓɔɔ zang shing danggn katɔ bii ɓiɓɛ.

Galati 5:6

Ruu nɛɛ ɓakɛ yuu tɔ nɛɛ Yeesɔ Kirisi, naa ruu yee shaa katɔ, naa ruu yee doo kpang, palɛ vuu ɓɔɔ ɓi kpang tingkiring. Vuu ɓɔɔ zang kasɛ ɓi danggn shinnang ɓɔɔ shing mɔɔ, mɔɔ kasɛ zang ɓɛɛ.

Filipi 4:7

Naa nɔɔ palɛ nɔngkɔ, yeti valɛnang ɓɔɔ a nɛɛ bii Laa, ɓɔɔ ɓa naa ɓɔɔ shɔnzang zi naa ɓɔɔ nwang ɓɛɛ katɔ, naa gãng jĩng ka ɓoro manɛ nɛɛ rɛ̃rɛnang manɛ, tɔ̀ɔ, vuu ɓɔɔ wu lee nɔɔ naa kaa tɔ̀ɔ́ bii kpang, ɓɔɔ nɔɔ zang Yeesɔ Kirisi ɓɛɛ.

1 Timoti 1:17

Rùu nandon ruu dɔ̀ɔ Laa ɓɔɔ wukɔ kpanti dòndòng ɓɛɛ ta. Laa ɓɔɔ vɔ ɓi jong kpang, zang ti zi wu ɓi jong nɛɛ jĩng kpang ɓɛɛ. Laa ɓɔɔ wukɔ gbete ɓɛɛ. Ruu a wu bannang ta dòndòng. Nɔngkɔ.

Yahudi 2:7

Mɔɔ shing wu, zang nyaa shonang ɓaaɓɛ ɓɔɔ ri ka lapa ri ɓa wu, a diki bee kaa tɔ̀ɔ́ dɔɔli kpang. A mɔɔ a wu bannang nɛɛ dɔ̀ɔnang,

Yakubu 2:22

Nɔɔ zi ka vuu ɓɔɔ Ibirayi palɛ keɓe kɔɔ nɛɛ shonang nɛɛ danggn shinnang ka bii Laa daa kaa nyaa gbete. Shonang Ibirayi kɔ shingnɛ danggn shinnang ɓiɓɛ daa kaa nyaa kiiri.

Yakubu 3:13

Ɓu wi zũng dɔɔli, a ti zi vuu dɔɔli ka teteng manɛ wiya? Wu palɛ vuu ɓɔɔ tɔ̃ɔ wu ti lakɛ jĩng kpang, tɔɔ zang zi zũnang ɓiɓɛ kati.

1 Bituru 1:7

Vuu gãsɛnang alɛ ka bii manɛ, tɔ̀ɔ, zang ri zi kati nɛɛ danggn ɓɔɔ nɔɔ shing ka bii Laa ɓi ɓɔɔ niizang kɔ nwani. Zinariya ɓɔɔ lasɛ katɔ ɓɛɛ, zang dɔɔ ka waa, tɔ̀ɔ, zang zirɛ nɛ́ɛ ɓɔɔ tɔ̃ɔ ɓɛɛ. Zang palɛ danggn shinnang manɛ ɓɔɔ ɓa zinariya shinang katɔ doo nɔngkɔ. Zang gãsɛ danggn ɓɔɔ nɔɔ shing ka bii Laa kãntang keɓe, ka ruu ɓɔɔ, ka diki ɓɔɔ Yeesɔ Kirisi naa nwang nyaa, zang wu dɔɔ nɔɔ, zang ti a nɔɔ bannang ka ruu danggn ɓɔɔ nɔɔ shing ɓɛɛ.

1 Bituru 5:4

Naa nɔɔ palɛ nɔngkɔ, ka diki ɓɔɔ Yeesɔ Kirisi ɓɔɔ wukɔ kpanti jagãng tusu yuu ɓiɓɛ nɛɛ tɔ̀ɔ, zang piti ri zi wu nɛɛ jĩng, naa a nɔɔ bannang. Zang kãng nɔɔ lapoo yuu kpanti ɓɔɔ kɔlɔ katɔ ɓɛɛ ka yuu. Kɔlɔnang lapoo keɓe tù ɓi kpang dòndòng.