Rooma 16:7 - Nyaa Shɔɔ Ɓɔɔ Laa a Ɓɛɛ

⁷ Nɔ́ɔ jee Adaranika nɛɛ Yuniya, ɓɔɔ ri doo zang Yahudi naa nkɔ, ɓɔɔ zang mã ri nɛɛ n ka sãa ɓɛɛ nyaa. Zang zi ri nung tɔ gbãng gbãng ka teteng rɛɛ zang shonang Kirisi. Rikɔ gaayu Laa dũnnang shɔɔnang, a n naa dũngnɛ.

Rooma 16:7 ပူးပေါင်းရင်းမြစ်များ

Yɔhana 14:20

Diki kaɓa nɛɛ a tɔ, nɔɔ naa zi ka lɛ̀ɛ́kɔ nɛɛ, Daa ka yeti mɛɛ, n ti kagn yeti ɓiɓɛ. A ɓɔɔ n nɛɛ nɔɔ, ruu ti gbete.

Yɔhana 15:2

Nasãng mɛɛ ɓɔɔ nɛɛ ra jaa kpang, Daa mɛɛ dɔng katɔ. Nasãng ɓɔɔ nɛɛ ra jaa katɔ, kpɛ̃lɛ bii ɓiɓɛ katɔ, tɔ̀ɔ, wu gisi jaa ránang kaa dɔɔli.

Yɔhana 6:56

Zang ɓɔɔ nɛɛ shaa yɔpɔ bii mɛɛ, nɛɛ ti ɓoo zĩi mɛɛ, nwang ɓi nɛɛ n, n ti nwáng ka yeti ɓiɓɛ.

Rooma 16:10

Nɔɔ jèe m Abali ɓɔɔ zang ri zi tɔ nɛɛ palɛ Kirisi shonang nɛɛ yeti gbete ɓɛɛ nyaa. Nɔ́ɔ ti jèe m zang ɓɔɔ ri ka gãa Aristobulu ɓɛɛ nyaa.

Rooma 16:11

Nɔɔ jèe m Hirodiyɔn nyaa. Hirodiyɔn ɓi doo zang Yahudi kɔ naa nkɔ. Nɔ́ɔ ti jèe m zang ɓɔɔ ri dũng doo Kpanti Yeesɔ kɔ ɓɔɔ ri ka gãa Narikisa ɓɛɛ nyaa.

Rooma 16:21

Timoti zang ɓɔɔ ruu palɛ shonang nɛɛ wu jée nɔɔ nyaa. Lukiyu, nɛɛ Jaasong a ɓɔɔ Susibatara ɓɔɔ ri doo zang Yahudi kɔ, ri jée nɔɔ nyaa jong.

Rooma 16:3

Nɔɔ jèe m Pirisila nɛɛ ɓeevɛ Akpiila nyaa. Zang ɓɔɔ ruu pálɛ̀ Yeesɔ Kirisi shonang nɛɛ ri ɓɛɛ.

Rooma 16:6

Nɔɔ jèe Marayamu ɓɔɔ palɛ shonang tɔ gbãng gbãng ka ruu manɛ ɓɛɛ, nyaa.

Rooma 16:8

Nɔɔ jèe m masang Ampiliyalu ɓɔɔ n kasɛ wu gbãng gbãng nyaa, ka ruu ɓɔɔ, wu zang Kpanti Kirisi naa nkɔ ɓɛɛ.

Rooma 16:9

Nɔ́ɔ jèe m Urubanu zang ɓɔɔ ruu palɛ shonang Kirisi nɛɛ wu ɓɛɛ nyaa. Nɔɔ ti jèe m masang Isitaki ɓɔɔ n kasɛ wu dɔɔli ɓɛɛ nyaa.

Rooma 8:1

Zang ɓɔɔ ri nwang tɔ gbete nɛɛ Yeesɔ Kirisi, Laa dɔng ri ruu ɓarɛ takpang.

Rooma 8:11

Laa ɓɔɔ wisi Yeesɔ paa nɛɛ saa, suru ɓiɓɛ nɛɛ nwàng ka yeti manɛ, Laa keɓe ɓɔɔ wisi Kirisi paa nɛɛ saa, a nɔɔ suru bii ditɔ. A nɔɔ suru bii nɛɛ bii Suru ɓiɓɛ ɓɔɔ nwang ka yeti manɛ ɓɛɛ.

Rooma 9:3

Naa nɛ̀ɛ́ yi ri naa ka bii katɔ, n nɛ̀ɛ́ gàa Laa wu kù m nyaa. Ń nwàng tɔ̀ɔ́ zang Kirisi kpang, ka ruu rɛɛ manzung ɓɔɔ zɔ̃ng ɓuru gbete ɓɛɛ.

1 Koranti 1:30

Nɔɔ ɓákɛ̀ zɔɔ nɛɛ Yeesɔ Kirisi, ka Ruu Laa kɔ gbete. Ti doo Laa kɔ shingnɛ Yeesɔ Kirisi a ruu zũnang ɓɔɔ niizang ɓɛɛ. Ti ka ruu Yeesɔ Kirisi kɔ, Laa zí ruu naa zang ɓiɓɛ ɓɔɔ ri tɔ̃ɔ ɓɛɛ. A ti tá yuu ɓuru tɔ ka vuu shi kpang nandon, risi ruu, ruu nwang zang ɓiɓɛ.

2 Koranti 11:23

Ri zang ɓɔɔ palɛ Yeesɔ Kirisi shonang ya? N palɛ Yeesɔ shonang, n ɓa ri katɔ. N rang yee naa zang shoko. N palɛ shonang tɔ gbãng gbãng, n ɓa ri katɔ. Zang mã m ka sãa doo dɔɔli ɓa ri katɔ, zang nyɔ m tɔ nɛɛ gbãa dɔɔli, ɓa ɓɔɔ ɓarɛ katɔ. A zang yàarɛ́ m nung vɔrɔ gbete diki diki.

2 Koranti 12:2

Sáa ɓa tɔ kopi tu dɛ̃ɛti lɛ̀ɛ́kɔ, yɔɔ ɓɔɔ dũng Laa kagn, n zi wu nung katɔ, Laa tuu wu daa nɛɛ wu ka lapa ɓɔɔ bee katɔ kpala kpala ɓɛɛ. Naa Laa túu wu ka bii keɓe dàá lapa nɛɛ wu ya, naa ti ka bii shɔnzang kpang ya? N zi kpang. Ɓi Laa kɔ zi gbete.

2 Koranti 5:17

Ka ruu nɔngkɔ, zang ɓɔɔ nɛɛ ɓakɛ yuu ɓiɓɛ tɔ nɛɛ Yeesɔ Kirisi, ɓi kaa zang shɔɔ. Gbalang nwannang gbaala ɓiɓɛ ɓa ɓi tɔ. Nwannang ka gbalang shɔɔ gaayu tɔ.

2 Koranti 5:21

Yeesɔ Kirisi palɛ vuu shi kpang ɓi gngn kpang, a ka ruu ɓuru, Laa risi wu naa zang ɓɔɔ pálɛ̀ vuu shi kpang ɓɛɛ. A ka ruu vuu keɓe kɔ, yuu ɓɔɔ ruu ɓakɛ nɛɛ Yeesɔ Kirisi shingnɛ, ruu nwàng zang tɔ̃ɔ ka tĩng Laa.

Galati 1:22

Ka diki kaɓa, bɛ̀ɛ́ zang ɓɔɔ ri dũng Kirisi ka tipi Yahudi ri zi m gn nɛɛ jĩng ɓarɛ kpang.

Galati 2:2

N daayi, ka ruu ɓɔɔ, Laa kɔɔ m nɛɛ n daayi ɓɛɛ. Ka ɓɔɔ n shɛ̃ɛ nɔng, n ɓaa rɛɛ zang bang nyaa dang gbete. Ruu nwáng nɛɛ ri, a n kɔɔ ri rúu Ruu Tɔ̃ɔ ɓɔɔ n kɔɔrɔ zang ɓɔɔ ri zang Isirela kpang ɓɛɛ. N kasɛ nɛɛ shonang ɓɔɔ n pálɛ́ ka tĩng, nɛɛ ɓɔɔ n palɛ kãntang, wu shaarɛ waati kpang.

Galati 2:6

A zang ɓɔɔ zang tɔɔ ri ɓarɛ zang bang ɓɛɛ (ruu mɛɛ hãa kagn nɛɛ naa ɓɔɔ ɓeleng ri nwang ka tĩng ɓɛɛ kpang. Laa palɛ vuu ɓi jong gn dang gbete kpang). Rɛɛ zang bang kaɓa ri kɔ̀ɔ m vuu ɓɔɔ kagn shɔɔ kpang.

Galati 5:6

Ruu nɛɛ ɓakɛ yuu tɔ nɛɛ Yeesɔ Kirisi, naa ruu yee shaa katɔ, naa ruu yee doo kpang, palɛ vuu ɓɔɔ ɓi kpang tingkiring. Vuu ɓɔɔ zang kasɛ ɓi danggn shinnang ɓɔɔ shing mɔɔ, mɔɔ kasɛ zang ɓɛɛ.

Galati 6:15

Naa zang yee shaa katɔ, naa zang yee shaa doo kpang, ɓi vuu keɓe kɔ kpãa m kpang. Vuu ɓɔɔ ɓa weɓe, ɓi naa ɓɔɔ Laa kɔ̃sɔ ruu tɔ, ruu nwang zang shɔɔ tɔ ɓɛɛ.

Afisa 2:10

Laa kɔ mãa ruu, ka yuu ɓɔɔ ruu ɓakɛ nɛɛ Yeesɔ Kirisi, nɛɛ ruu nwang nwannang ɓɔɔ ruu palɛ shonang ɓɔɔ tɔ̃ɔ, ɓɔɔ Laa kpàlɛ̀ ruu bii, doo ka tĩng, nɛɛ ruu naa palɛ ɓɛɛ.

Kolosi 4:10

Arisitaku ɓɔɔ zang mã jong ka sãa nɛɛ n ɓɛɛ, jee nɔɔ nyaa. Maraku ɓɔɔ dabang ɓarɛ gbete nɛɛ Baranaba ɓɛɛ, jee nɔɔ nyaa jong. (N kɔɔ nɔɔ ruu tɔ ka yuu ɓiɓɛ nɛɛ, nɛɛ a tɔ, nɔɔ ta wu waasɛ̃.)

Filimon 1:23

Epafara, masang ɓɔɔ zang mã m nɛɛ wu ka ruu Yeesɔ Kirisi ɓɛɛ, jee mɔɔ nyaa.

1 Yɔhana 4:13

Suru ɓiɓɛ ɓɔɔ wu a ruu, wukɔ tusu ruu nɛɛ, ruu nwang nɛɛ Laa, a Laa ti ka yeti ɓuru.

1 Yɔhana 5:20

Ruu zi tɔ nɛɛ, Jaa Laa arɛ tùsù ruu gbalang ɓɔɔ ruu zi Laa ɓɔɔ wukɔ niizang ɓɛɛ. Ruu ɓuru ɓɔɔ Laa keɓe kɔ, ka ruu ɓɔɔ, ruu ɓuru ɓɔɔ Jaa ɓiɓɛ Yeesɔ Kirisi ɓɛɛ. Yeesɔ Kirisi keɓe wukɔ Laa niizang, wukɔ ti suru bii ɓɔɔ waa nyaa kpang ɓɛɛ.

Vuu ɓɔɔ zang nwangsɛ Yɔhana 1:9

Nkɔ Yɔhana manzung manɛ, ɓɔɔ ruu ɓakɛ zɔɔ tɔ nɛɛ Yeesɔ ɓɛɛ. Ruu mã danggn nɛɛ zɔɔ ka jĩng ɓɔɔ ruu dangnɛ, ka ruu ɓɔɔ, Yeesɔ kpanti ɓuru ɓɛɛ. Zang shing m ka tipi ɓɔɔ mii kiiri wu nyaa ka teteng, ɓɔɔ zang ɓaa nɛɛ Patimu ɓɛɛ, ka ruu ɓɔɔ, n kɔɔ zang Ruu Laa ɓɔɔ Yeesɔ kasɛ tɔ, nɛɛ ɓi niizang ɓɛɛ.