Rooma 16:5 - Nyaa Shɔɔ Ɓɔɔ Laa a Ɓɛɛ

⁵ Nɔɔ jèe m zang ɓɔɔ ri dũng Laa ɓɔɔ ri kpálɛ̀ yuu ka gãa ɓarɛ nyaa jong. Nɔ́ɔ jèe m masang Abinɛtu ɓɔɔ n kasɛ wu dɔɔli ɓɛɛ nyaa. Wukɔ zang tĩng shɔɔnang ka tipi Asiya ɓɔɔ shing danggn ka bii Yeesɔ Kirisi ɓɛɛ.

Rooma 16:5 ပူးပေါင်းရင်းမြစ်များ

Matiyu 18:20

Ka ruu ɓɔɔ, nɔng ɓɔɔ zang ziti, kɔ zang taati ri kpalɛ zɔɔ kagn, ka ruu nung mɛɛ, n kagn teteng ɓarɛ ɓɛɛ.”

Zang Shonang Yeesɔ 16:6

Suru Laa zãa ri Ruu Laa kɔɔnang ka tipi Asiya ka ruu nɔngkɔ, ri tɛ̀ɛrɛ̀ tipi Fijiya nɛɛ ɓɔɔ Galatiya.

Zang Shonang Yeesɔ 18:12

Ka ɓɔɔ zang Rooma naa yi Gaaliyo gɔmna tipi Akaya, zang Yahudi ri kpalɛ zɔɔ, a ri yi Bulu ri daa nɛɛ wu ka nɔng ɓɔɔ zang jɛ̃ɛ zang ruu kagn ɓɛɛ.

Zang Shonang Yeesɔ 18:27

Apolo kɔɔ ka yeti ɓiɓɛ nɛɛ wu daa ka Akaya, a rɛɛ zang ɓɔɔ ri dũng Laa ri mã wu danggn, a ri bee zang ɓɔɔ ri dũng Laa ka nɔng ɓɔɔ wu daa ɓɛɛ labeenang nɛɛ ri ta wu waasɛ̃. Ɓɔɔ wu shɛ̃ɛ nɔng, yi rɛɛ zang ɓɔɔ Laa yi ri naa kagn, a ri shing danggn ka bii Laa, naa ka bii dɔɔli.

Zang Shonang Yeesɔ 2:9

Ruu álɛ̀ ɓuru nɛɛ tipi Fatiya, nɛɛ tipi Madiya, nɛɛ tipi Elama, nɛɛ tipi Masopotaami, nɛɛ tipi Yahudi, nɛɛ tipi Kapaadoosiya, nɛɛ tipi Pontu, ɓɔɔ tipi Asiya,

Rooma 11:16

Naa borodi ɓɔɔ zang gaayu zang sharɛ nɛɛ tɔ̃ɔ ka jĩng Laa, borodi ɓɔɔ nimbang keɓe, ɓi kaa doo tɔ̃ɔ kɔ. Naa zang a Laa dĩiri laa nɛɛ tɔ̃ɔ, rɛɛ nasãng laa ɓi doo ɓɔɔ ɓiɓɛ kɔ.

Rooma 15:26

Ka ruu ɓɔɔ, zang ɓɔɔ ri dũng Laa ɓɔɔ ri ka Makidoniya nɛɛ Akaya ri zɔ̃ng nɛɛ yeti ɓarɛ nɛɛ ri yi zang ɓɔɔ vuu ka naa ɓarɛ kpang, ɓɔɔ ri ka teteng zang ɓɔɔ ri dũng Laa ka Urushalima ɓɛɛ naa ka bii.

Rooma 16:12

Nɔɔ jèe m rɛɛ Tarafina nɛɛ Tarafusa nyaa. Ri pàlɛ́ Laa doo shonang kɔ. Nɔ́ɔ ti jèe masang Barasisa ɓɔɔ n kasɛ wu dɔɔli ɓɛɛ nyaa. Ɓi jaa soro ɓɔɔ pálɛ́ shonang Kpanti Yeesɔ tɔ dɔɔli ɓɛɛ.

Rooma 16:4

Ri á zang yuu ɓarɛ nɛɛ, zang nyɔ rikɔ jong vɔrɔ, ka nung ɓɔɔ zang nyɔ m ɓɛɛ. N zãa ri tɔ gbãng gbãng. Wu nkɔ zã̀á ri ka bm kpang, zang ɓɔɔ bɛ̀ɛ́ ri zi Laa kpang, a ri dũng kaa Laa nandon, ri zã̀á ri jong.

Rooma 16:6

Nɔɔ jèe Marayamu ɓɔɔ palɛ shonang tɔ gbãng gbãng ka ruu manɛ ɓɛɛ, nyaa.

Rooma 16:8

Nɔɔ jèe m masang Ampiliyalu ɓɔɔ n kasɛ wu gbãng gbãng nyaa, ka ruu ɓɔɔ, wu zang Kpanti Kirisi naa nkɔ ɓɛɛ.

1 Koranti 16:15

Rɛɛ manzung, nɔɔ zi tɔ nɛɛ Sitifana nɛɛ zang ɓɔɔ ri ka gãa ɓiɓɛ rikɔ tá Ruu Tɔ̃ɔ Laa shɔɔnang ka tipi Akaya. Ri ti a yuu ɓarɛ tɔ nɛɛ ri palɛ shonang ri yi zang ɓɔɔ ri dũng Laa naa ka bii.

1 Koranti 16:19

Zang ɓɔɔ ri dũng Laa ɓɔɔ ri ka tipi Asiya nandon, ri jee nɔɔ nyaa. Akpiila nɛɛ Pirisila, nɛɛ zang ɓɔɔ ri dũng Laa ɓɔɔ ri kpalɛ zɔɔ ka gãa ɓarɛ, ri ti jee nɔɔ nyaa jong tɔ̃ɔ tɔ̃ɔ. Ka ruu ɓɔɔ, nɔɔ nɛɛ ri gbete ka bii Kpanti Yeesɔ ɓɛɛ.

2 Koranti 1:1

Labeenang keɓe a nɛɛ bii mɛɛ nkɔ Bulu, ɓɔɔ Laa kasɛ m katɔ, a n nwang zang shonang Yeesɔ Kirisi ɓɛɛ. A ɓɔɔ manzung ɓuru Timoti, ɓɔɔ dũng doo Laa kɔ ɓɛɛ. Ruu bèé zang ɓɔɔ ri dũng Laa ɓɔɔ ri ka Koranti, nɛɛ zang Laa nandon ɓɔɔ ri ka tipi Akaya nandon ɓɛɛ.

2 Koranti 9:2

N zi tɔ, nɔɔ kasɛ nɛɛ nɔɔ yi ri naa katɔ ka bii, a ruu ti rangkɛ ruu tɔ bang bang ka yuu manɛ ka tipi Makidoniya. N kɔɔyi nɛɛ, “Rɛɛ manzung ɓuru ɓɔɔ ri ka gari Akaya ri kpalɛ bii tɔ dòo sáa ɓɔɔ, nɛɛ ri yi zang kaɓa naa ka bii.” Kasɛnang ɓɔɔ nɔɔ kasɛ nɛɛ nɔɔ yi ri naa ka bii zàrɛ̀ zang nimbang tɔ ka teteng ɓarɛ.

Kolosi 4:15

Nɔ́ɔ kɔɔ manzung ɓuru ɓɔɔ ri ka gari Lawodikiya nɛɛ, ruu jee ri nyaa. A ɓɔɔ jaa soro ɓɔɔ zang ɓaa wu nɛɛ Nimfa ɓɛɛ, nɛɛ zang ɓɔɔ ri dũng Laa ɓɔɔ ri kpalɛ zɔɔ ka gãa ɓiɓɛ ɓɛɛ.

Filimon 1:2

Ruu bee mɔɔ labeenang keɓe, nɛɛ zang ɓɔɔ ri dũng Laa ɓɔɔ ri kpálɛ̀ yuu ka gãa ɓaaɓɛ ɓɛɛ. A ɓɔɔ kaa maanaa ɓuru Afiya nɛɛ Akipu ɓɔɔ pàlɛ́ Laa doo shonang kɔ naa rukɔ ɓɛɛ.

Yakubu 1:18

Wukɔ kasɛ nɛɛ yuu ɓiɓɛ, a shing rùu, rùu nwang wujɛ ɓiɓɛ, nɛɛ yee ɓiɓɛ ɓɔɔ niizang ɓɛɛ. Nɛɛ tɔ̀ɔ, ruu nwang kaa naa jamari rɛɛ vuu ɓɔɔ wu mã́arɛ̀ ɓɛɛ.

3 Yɔhana 1:1

Masang Gaayu, ɓɔɔ n kasɛ ruu ɓaaɓɛ katɔ niizang ɓɛɛ, nkɔ zang bang, n bèé mɔɔ labeenang keɓe.

Vuu ɓɔɔ zang nwangsɛ Yɔhana 14:4

Zang keɓe nandon, ɓi rikɔ zang ɓɔɔ ri palɛ dũndũng nɛɛ zang soro kpang, ri yiti yuu ɓarɛ waasɛ̃ ɓɛɛ. Rikɔ ti dũlu Jaa Mɛ̀ɛrɛ́ ka knti ka nɔng ɓɔɔ wu dàá ɓɛɛ piti. Zang tà yuu ɓarɛ kɔ, nɛɛ teteng rɛɛ shɔnzang, a zang a Laa nɛɛ Jaa Mɛɛrɛ ɓiɓɛ ri.