Rooma 16:21 - Nyaa Shɔɔ Ɓɔɔ Laa a Ɓɛɛ

²¹ Timoti zang ɓɔɔ ruu palɛ shonang nɛɛ wu jée nɔɔ nyaa. Lukiyu, nɛɛ Jaasong a ɓɔɔ Susibatara ɓɔɔ ri doo zang Yahudi kɔ, ri jée nɔɔ nyaa jong.

Rooma 16:21 ပူးပေါင်းရင်းမြစ်များ

Zang Shonang Yeesɔ 13:1

Ka teteng zang ɓɔɔ ri dũng Laa ka Antakiya ɓɛɛ rɛɛ zang nyaa shonang Laa kagn nɛɛ rɛɛ maalang. Zang keɓe ɓi rɛɛ Baranaba, nɛɛ Simiyon ɓɔɔ zang ɓaa wu nɛɛ “Zang vĩiri” ɓɛɛ. Nɛɛ Lukiyu yɔɔ Kiranɛ, a ɓɔɔ Manaya ɓɔɔ báng ka yeti gãa gbete nɛɛ Hiridu ɓɛɛ, a ɓɔɔ Shaawulu.

Zang Shonang Yeesɔ 17:14

Zang ɓɔɔ ri dũng Laa, ri tantɛ Bulu dɔ̃nang nɛɛ wu daa ka nyaa waapo. A zang yaa Siila nɛɛ Timoti ɓarɛ kaa Beriya ka nɔngkɔ.

Zang Shonang Yeesɔ 17:5

Zang Yahudi ɓɔɔ ri shing danggn kpang, ri kaa sũnyaa, a ri gaarɛ zang shi kpang ɓɔɔ ri rakɛ kɛɛm kɛɛm ɓɛɛ. Ri gaayu nyaa haanang ka gari, ri daa ka gãa yɔɔ ɓɔɔgn zang ɓaa wu nɛɛ Jaasong, ka nɔng ɓɔɔ ri kãa rɛɛ Bulu nɛɛ Siila nɛɛ ri nwàngsɛ́ ri zang ka biling ɓɛɛ.

Zang Shonang Yeesɔ 18:5

Ɓɔɔ Timoti nɛɛ Siila ri a nɛɛ Makidoniya, Bulu raa jĩng ɓi kaa Ruu Laa kɔɔrɔnang dɔ̃ɔ gbete. Kɔɔrɔ zang Yahudi nɛɛ Yeesɔ kɔ Kirisi.

Zang Shonang Yeesɔ 19:22

Shong zang ɓɔɔ ri yi wu naa ka shonang ri ziti, Timoti nɛɛ Erasitu ka tĩng ka Makidoniya, a nwang kaa Asiya tɔkn tɔkɔlɔng.

Zang Shonang Yeesɔ 20:4

Soopata jaa Firifu, yɔɔ gari Beriya daa nɛɛ wu, a ɓɔɔ zang gari Tesalonika rɛɛ Arisitaku nɛɛ Sakundu, nɛɛ Gaayu yɔɔ gari Daabe, nɛɛ Timoti a ɓɔɔ kaa rɛɛ Tikiku nɛɛ Torofimu zang tipi Asiya.

Rooma 16:11

Nɔɔ jèe m Hirodiyɔn nyaa. Hirodiyɔn ɓi doo zang Yahudi kɔ naa nkɔ. Nɔ́ɔ ti jèe m zang ɓɔɔ ri dũng doo Kpanti Yeesɔ kɔ ɓɔɔ ri ka gãa Narikisa ɓɛɛ nyaa.

Rooma 16:7

Nɔ́ɔ jee Adaranika nɛɛ Yuniya, ɓɔɔ ri doo zang Yahudi naa nkɔ, ɓɔɔ zang mã ri nɛɛ n ka sãa ɓɛɛ nyaa. Zang zi ri nung tɔ gbãng gbãng ka teteng rɛɛ zang shonang Kirisi. Rikɔ gaayu Laa dũnnang shɔɔnang, a n naa dũngnɛ.

Rooma 9:3

Naa nɛ̀ɛ́ yi ri naa ka bii katɔ, n nɛ̀ɛ́ gàa Laa wu kù m nyaa. Ń nwàng tɔ̀ɔ́ zang Kirisi kpang, ka ruu rɛɛ manzung ɓɔɔ zɔ̃ng ɓuru gbete ɓɛɛ.

2 Koranti 1:1

Labeenang keɓe a nɛɛ bii mɛɛ nkɔ Bulu, ɓɔɔ Laa kasɛ m katɔ, a n nwang zang shonang Yeesɔ Kirisi ɓɛɛ. A ɓɔɔ manzung ɓuru Timoti, ɓɔɔ dũng doo Laa kɔ ɓɛɛ. Ruu bèé zang ɓɔɔ ri dũng Laa ɓɔɔ ri ka Koranti, nɛɛ zang Laa nandon ɓɔɔ ri ka tipi Akaya nandon ɓɛɛ.

2 Koranti 1:19

Ka ruu ɓɔɔ, Yeesɔ Kirisi Jaa Laa, ɓɔɔ Siila nɛɛ Timoti, a ɓɔɔ nkɔ, ruu kɔɔ ruu ɓiɓɛ ka teteng manɛ ɓɛɛ, ɓi zang ɓɔɔ kasɛ nyaa nɛɛ “Nn” a ɓɔɔ nɛɛ “Kpang, kpang.” Yeesɔ kɔɔ ɓi ruu ɓɔɔ niizang kɔ diki diki, ta nyaa ziti ɓi jong kpang.

Filipi 1:1

Labeenang keɓe nɛɛ bii mɛɛ Bulu nɛɛ Timoti, ɓɔɔ ruu jaafoo Yeesɔ Kirisi ɓɛɛ. Ruu bèé nɔɔ, zang Laa nandon, ɓɔɔ nɔɔ shing danggn tɔ ka bii Yeesɔ Kirisi, ɓɔɔ nɔɔ ka gari Filipi ɓɛɛ. A ɓɔɔ nɔkɔ zang bang bang nɛɛ zang ɓɔɔ ri palɛ shonang ka ruu zang Laa ɓɛɛ.

Kolosi 1:1

Labeenang keɓe nɛɛ bii mɛɛ nkɔ Bulu ɓɔɔ Laa kɔ kasɛ, a n nwàng zang shonang Yeesɔ Kirisi ɓɛɛ, a ɓɔɔ kaa manzung ɓuru Timoti.

1 Tesalonika 1:1

Labeenang keɓe, nɛɛ bii mɛɛ Bulu, a ɓɔɔ Siila nɛɛ Timoti. Ruu bee zang ɓɔɔ ri dũng Yeesɔ Kirisi ka gari Tesalonika, ɓɔɔ ri zang Daa ɓuru Laa nɛɛ Kpanti Yeesɔ Kirisi ɓɛɛ. Laa wu palɛ nɔɔ tɔ̃ɔ, wu ti shingnɛ yeti manɛ wu valɛ katɔ.

1 Tesalonika 3:2

A ruu shong manzung ɓuru Timoti, ɓɔɔ palɛ Laa shonang nɛɛ ruu ka gbalang Ruu Tɔ̃ɔ ɓɔɔ ka yeti Kirisi ɓɔɔ ruu kɔɔrɔ zang ɓɛɛ. Ruu tɔɔ wu naa shing nɔɔ, nɔɔ shii gbãng gbãng, wu ti mã nɔɔ danggn, nɔɔ yaa danggn ɓɔɔ nɔɔ shing ka bii Yeesɔ ɓɛɛ kpang.

1 Tesalonika 3:6

Wee Timoti gbãayu tɔ ka bii ɓuru, ti atɛ ruu nyaa tɔ̃ɔ tɔ, nɛɛ nɔɔ shing danggn doo ka bii Yeesɔ, a nɔɔ ti kasɛ ruu katɔ. A ti kɔɔ ruu nɛɛ nɔɔ rɛ̃rɛ tɔ̃ɔ diki diki ka yuu ɓuru, nɛɛ nɔɔ kasɛ nɛɛ nɔɔ zi ruu doo naa ɓɔɔ ruu kasɛ nɔɔ zinang ɓɛɛ kɔ.

2 Tesalonika 1:1

Labeenang keɓe nɛɛ bii mɛɛ Bulu, a ɓɔɔ kaa Siila nɛɛ Timoti. Ruu bee zang ɓɔɔ ri dũng Laa ɓɔɔ ri ka gari Tesalonika ɓɛɛ. Ɓɔɔ ri zang Daa ɓuru Laa, nɛɛ Kpanti ɓuru Yeesɔ Kirisi ɓɛɛ.

1 Timoti 1:2

N bèé mɔkɔ Timoti ɓɔɔ ka gbalang Laa dũnnang, mɔɔ ɓaa kaa jaa mɛɛ ɓɔɔ n kasɛ ɓɛɛ. N gaa Laa ɓɔɔ wukɔ Daa ɓuru nɛɛ Yeesɔ Kirisi Kpanti ɓuru, gn ɓaaɓɛ wu kɔng ri jong, ri ti pàlɛ̀ mɔɔ tɔ̃ɔ, ri shingnɛ mɔɔ nwang waasɛ̃.

1 Timoti 6:11

A ɓɔɔ ɓaaɓɛ Timoti, ɓɔɔ mɔɔ ɓaa zang Laa ɓɛɛ, yaa vuu keɓe ɓaa nandon. Kãa ɓaa gbalang ɓɔɔ mɔɔ nwang zang tɔ̃ɔ ka tĩng Laa ɓɛɛ diki diki, zang ɓɔɔ dũng Laa niizang ɓɛɛ, zang ɓɔɔ shing danggn ka bii Laa ɓɛɛ, zang ɓɔɔ kasɛ zang katɔ ɓɛɛ, zang ɓɔɔ mã danggn dɔɔli ɓɛɛ, a ɓɔɔ zang ɓɔɔ pàlɛ́ zang tɔ̃ɔ ɓɛɛ.

1 Timoti 6:20

Timoti, gãng jĩng ka vuu ɓɔɔ Laa a mɔɔ ka naa ɓɛɛ waasɛ̃. Mɔɔ ɓaa shoo ka yee sãnsãnrãng ɓɔɔ zang rangkɛ kpang. Mɔɔ ti laa nyaa ka yuu vuu ɓɔɔ zang suu sèé nɛɛ wukɔ “zũnang” ɓɛɛ kpang.

2 Timoti 1:2

N bee mɔkɔ Timoti jaa mɛɛ, ɓɔɔ n kasɛ mɔɔ dɔɔli ɓɛɛ. N gaa Laa ɓɔɔ wukɔ Daa ɓuru nɛɛ Kpanti ɓuru Yeesɔ Kirisi, gn ɓaaɓɛ wu kɔng ri katɔ, ri palɛ mɔɔ tɔ̃ɔ, ri ti shingnɛ mɔɔ nwang waasɛ̃.

Yahudi 13:23

N kasɛ nɔɔ tãayi nɛɛ, zang yaa manzung ɓuru Timoti naa tɔ nɛɛ sãa. Nɛɛ à pati, ruu naa zi nɔɔ nɛɛ wu.