Rooma 16:17 - Nyaa Shɔɔ Ɓɔɔ Laa a Ɓɛɛ

¹⁷ Manzung, ɓɔɔ ri dũng doo Laa kɔ ɓɛɛ, n gaa nɔɔ katɔ, nɔɔ gãng jĩng ka zang ɓɔɔ ri basɛ teteng zang, a ri ti shing zang ɓɔɔ ri shing danggn, ri yaa gbalang Laa ɓɛɛ. Ri tusu nɔɔ vuu náa ɓɔɔgn naa ɓɔɔ zang tusu nɔɔ tɔ ɓɛɛ kpang. Nɔɔ yaa gbalang ɓarɛ katɔ.

Rooma 16:17 ပူးပေါင်းရင်းမြစ်များ

Matiyu 18:17

Nɛɛ ti tãa nyaa zang kaɓa kpang kɔ doori, tɔ̀ɔ mɔɔ daa kɔɔ zang Laa ɓɔɔ nimbang kati. Nɛɛ ɓaa shoo ka nyaa zang Laa ɓɔɔ nimbang kpang kɔ doori, tɔ̀ɔ mɔɔ yaa wu nɔngkɔ, naa ɓɔɔ mɔɔ yaa zang ɓɔɔ dũng Laa kpang ɓɛɛ, kɔ zang ɓɔɔ ta saka tipi ɓɛɛ.

Matiyu 18:7

Jĩng dannang kagn yuu koo keɓe, ka ruu vuu ɓɔɔ nwãarɛ zang ka yeti ɓiɓɛ ɓɛɛ. Vuu ɓɔɔ naa weɓe, a ɓi katɔ, a jĩng dannang kagn yuu shɔnzang ɓɔɔ vuu keɓe a nɛɛ bii ɓiɓɛ ɓɛɛ.

Matiyu 7:15

“Nɔɔ gãng jĩng ka zang sèé ɓɔɔ ri tɔɔ, ri zang nyaa shonang Laa ɓɛɛ. Ri a ka bii manɛ náa mɛ̀ɛrɛ́ ɓɔɔ pálɛ̀ zang vuu kpang ɓɛɛ, a yeti ɓarɛ nwang naa zaa wisi ɓɔɔ jĩng raa ri katɔ ɓɛɛ.

Luka 17:1

Yeesɔ kɔɔ zang ɓɔɔ ri mantɛ vuu ka bii ɓiɓɛ tɔɔ, “Vuu ɓɔɔ nwãarɛ zang, zang palɛ vuu shi kpang a ɓi ditɔ kɔ nwani. Jĩng dannang kagn yuu zang ɓɔɔ vuu keɓe a nɛɛ bii ɓiɓɛ ɓɛɛ.

Zang Shonang Yeesɔ 15:24

Ruu tãa nyaa nɛɛ zang ɓɔ̀ɔ́gn ri daa nɛɛ teteng ɓuru, ri daa kpãa nɔɔ, ri lasɛ nɔɔ yeti nɛɛ vuu ɓɔɔ ri kɔɔrɔ ɓɛɛ. Rùu ti kɔɔ ri vuu ɓɔɔ kagn nɛɛ ri daa kɔɔ nɔɔ kpang.

1 Koranti 11:18

Vuu ɓɔɔ tĩng shɔɔnang keɓe. Zang ri kɔɔ m nɛɛ, ɓɔɔ nɔɔ dũng Laa ɓɛɛ, nɔɔ nɛɛ kpalɛ zɔɔ tɔ nɔɔ basɛ zɔɔ ka vaa ka bm bm, nɔɔ shing jĩng nɛɛ zɔɔ kpang. N zirɛ mɔɔ kɔɔ nɛɛ ruu keɓe niizang.

1 Koranti 3:3

Nɔɔ nwang doo naa zang koo keɓe, ka ruu ɓɔɔ, nɔɔ kaa doo sũnyaa nɛɛ zɔɔ, nɔɔ haa doo nyaa nɛɛ zɔɔ ɓɛɛ. Nɔɔ zi kpang nɛɛ naa nɔɔ pálɛ̀ nɔngkɔ, nɔɔ doo naa zang koo keɓe kɔ kpang ya? Nɔɔ palɛ wu naa ɓɔɔ zang piti palɛ ɓɛɛ kpang ya?

Galati 2:4

Ruu keɓe gaayu ka ɓɔɔ zang varɛ ɓɔɔ ri nwãarɛ zang nɛɛ ri dũng dòo Kirisi kɔ, ri kasɛ ɓarɛ katɔ nɛɛ, zang yèe wu shaa. Zang keɓe ɓɔɔ ri shɛ̃ɛ ka teteng ɓuru nɛɛ ri zili naa ɓuru, ri ti kãa gbalang naa ɓɔɔ zang ta yuu ɓuru ka ɓɔɔ ruu ɓakɛ yuu nɛɛ Yeesɔ Kirisi ɓɛɛ, ɓee. Ri kasɛ nɛɛ ri risi ruu naa jaafoo.

Filipi 3:17

Rɛɛ manzung, nɔɔ kãa gbalang ɓɔɔ nɔɔ palɛ vuu naa ɓɔɔ n palɛ ɓɛɛ nɔɔ nandon. Nɔɔ ti pɛ̃ɛrɛ zang ɓɔɔ ri nwang nwannang tɔ̃ɔ naa weɓe jong. Rùu nwàng nɔɔ ɓuru kaa gbalang ɓɔɔ nɔɔ dũng ɓɛɛ.

Kolosi 2:8

Nɔɔ gãng jĩng kagn, zang ɓɔɔ nɛ̀ɛ́ nwãarɛ nɔɔ nɛɛ zũnang ɓɔɔ a nɛɛ bìí shɔnzang, ɓɔɔ nwàng zang vuu tɔ̃ɔ kpang ɓɛɛ. Zũnang ɓɔɔ nwáng ɓi nɛɛ vuu ɓɔɔ dabang ri tusu ka tĩng a ɓɔɔ nɛɛ nyaa dannang sèé ɓɔɔ shɔnzang ri túsù ɓɛɛ, wu nɛɛ bii Yeesɔ Kirisi kpang ɓɛɛ.

2 Tesalonika 3:6

Rɛɛ manzung ɓuru, ruu dang nɔɔ nyaa nɛɛ nung Kpanti ɓuru Yeesɔ Kirisi nɛɛ nɔɔ ɓákɛ̀ yuu nɛɛ zang ɓɔɔ ri dũng doo Laa kɔ, ɓɔɔ ri nwang nwannang rang ɓɛɛ kpang. A ri dũng nyaa ɓuru kpang ɓɛɛ.

1 Timoti 1:3

Ka ɓɔɔ n yupaa Makidoniya daanang, n kɔ̀ɔ mɔɔ n tɔ̀ɔ, mɔɔ nwang ka Afisa ka nɔngkɔ. Zang ɓɔɔ ri kagn ka nɔngkɔ, ɓɔɔ ri tusu vuu ɓɔɔ niizang kpang, shaarɛ ri nyaa nɛɛ ri yaa ta.

2 Timoti 3:5

Ri naa palɛ bii mɔɔ kɔ̀ɔ́ nɛɛ ri dṹng Laa nɛɛ yeti gbete, a nwannang ɓarɛ tusu ɓi nɛɛ ri dũng Laa kpang tingkiring. Ruu ɓaaɓɛ wu hãa kagn nɛɛ rɛɛ zɔ̃ng zang keɓe kpang.

Titu 3:10

Zang ɓɔɔ nɛɛ tɔɔ wu basɛ teteng zang, shàarɛ̀ wu nyaa doo ziti kɔ nwani. Ka knti weɓe, ruu ɓaaɓɛ wu hãa tɔ̀ɔ́ kagn nɛɛ wu kpang.

1 Yɔhana 2:19

Ri nwáng nɛɛ teteng ɓuru, ka ruu ɓɔɔ, bɛ̀ɛ́ ri ɓarɛ zang ɓuru ɓɔɔ niizang kpang kɔ nwani ɓɛɛ. Naa ri nɛɛ zang ɓuru, ri nɛɛ nwàng dòo nɛɛ ruu. Daanang ɓarɛ kɔ tusu zang nɛɛ, zang ɓuru kagn teteng ɓarɛ gbete kpang.

Yahuza 1:19

Wee zang ɓɔɔ ri shing nɔɔ, nɔɔ basɛ zɔɔ kɔ, ɓɔɔ ri dũng ɓarɛ vuu ɓɔɔ ri tãa nɛɛ bii ɓɛɛ, a Suru Laa ɓi kaa tɔ̀ɔ́ bii ɓarɛ kpang.