Rooma 16:10 - Nyaa Shɔɔ Ɓɔɔ Laa a Ɓɛɛ

¹⁰ Nɔɔ jèe m Abali ɓɔɔ zang ri zi tɔ nɛɛ palɛ Kirisi shonang nɛɛ yeti gbete ɓɛɛ nyaa. Nɔ́ɔ ti jèe m zang ɓɔɔ ri ka gãa Aristobulu ɓɛɛ nyaa.

Rooma 16:10 ပူးပေါင်းရင်းမြစ်များ

Rooma 14:18

Zang ɓɔɔ nɛɛ palɛ Kirisi shonang naa weɓe, shingnɛ, Laa tãa tĩnang, wu ti shingnɛ, shɔnzang wu kasɛ vuu ɓɔɔ wu palɛ ɓɛɛ.

Rooma 16:3

Nɔɔ jèe m Pirisila nɛɛ ɓeevɛ Akpiila nyaa. Zang ɓɔɔ ruu pálɛ̀ Yeesɔ Kirisi shonang nɛɛ ri ɓɛɛ.

Rooma 16:7

Nɔ́ɔ jee Adaranika nɛɛ Yuniya, ɓɔɔ ri doo zang Yahudi naa nkɔ, ɓɔɔ zang mã ri nɛɛ n ka sãa ɓɛɛ nyaa. Zang zi ri nung tɔ gbãng gbãng ka teteng rɛɛ zang shonang Kirisi. Rikɔ gaayu Laa dũnnang shɔɔnang, a n naa dũngnɛ.

Rooma 8:11

Laa ɓɔɔ wisi Yeesɔ paa nɛɛ saa, suru ɓiɓɛ nɛɛ nwàng ka yeti manɛ, Laa keɓe ɓɔɔ wisi Kirisi paa nɛɛ saa, a nɔɔ suru bii ditɔ. A nɔɔ suru bii nɛɛ bii Suru ɓiɓɛ ɓɔɔ nwang ka yeti manɛ ɓɛɛ.

1 Koranti 11:19

Nɔɔ basɛ zɔɔ katɔ, ka ruu ɓɔɔ, naa nɔngkɔ kpang, zang zi zang ɓɔɔ ri dũng Yeesɔ Kirisi nɛɛ yeti gbete kpang ɓɛɛ.

2 Koranti 12:2

Sáa ɓa tɔ kopi tu dɛ̃ɛti lɛ̀ɛ́kɔ, yɔɔ ɓɔɔ dũng Laa kagn, n zi wu nung katɔ, Laa tuu wu daa nɛɛ wu ka lapa ɓɔɔ bee katɔ kpala kpala ɓɛɛ. Naa Laa túu wu ka bii keɓe dàá lapa nɛɛ wu ya, naa ti ka bii shɔnzang kpang ya? N zi kpang. Ɓi Laa kɔ zi gbete.

2 Koranti 2:9

N bèe nɔɔ labeenang kaɓa, ka ruu ɓɔɔ, n kasɛ n gãsɛ nɔɔ ɓɛɛ, n zirɛ naa nɔɔ dũng vuu ɓɔɔ n kɔɔ nɔɔ katɔ, ka vuu piti ɓɛɛ.

2 Koranti 5:17

Ka ruu nɔngkɔ, zang ɓɔɔ nɛɛ ɓakɛ yuu ɓiɓɛ tɔ nɛɛ Yeesɔ Kirisi, ɓi kaa zang shɔɔ. Gbalang nwannang gbaala ɓiɓɛ ɓa ɓi tɔ. Nwannang ka gbalang shɔɔ gaayu tɔ.

2 Koranti 8:22

Ka ruu nɔngkɔ, ruu shong manzung ɓuru nɛɛ ri. Ruu gãsɛ wu tɔ dɔɔli, ruu zirɛ, kasɛ katɔ wu yì zang naa ka bii. A wee shing gn tɔ ka bii manɛ gbãng gbãng ɓee, kasɛ kaa tɔ gbãng gbãng wu yi nɔɔ naa ka bii.

Galati 1:22

Ka diki kaɓa, bɛ̀ɛ́ zang ɓɔɔ ri dũng Kirisi ka tipi Yahudi ri zi m gn nɛɛ jĩng ɓarɛ kpang.

Filipi 2:22

A nɔɔ nandon, nɔɔ zi tɔ nɛɛ Timoti tusu tɔ nɛɛ wu ɓi zang tɔ̃ɔ. N nɛɛ wu, ruu kɔɔrɔ zang Ruu Tɔ̃ɔ Laa ka nyaa zɔɔ. Ka shonang kɔ ruu palɛ ɓee, dũng m, naa ɓɔɔ jaa dũng daa ɓiɓɛ ɓɛɛ.

1 Timoti 3:10

Zang gã̀sɛ̀ ri ka gbongkarɛ. Ri nɛɛ shaa vuu ɓɔɔ zang gãsɛ ri kagn keɓe tɔ, tɔ̀ɔ, zang a ri naa shonang palɛnang kati.

2 Timoti 4:19

Mɔɔ jèe m Akpiila nɛɛ ɓeeso Pirisila nyaa, nɛɛ zang ɓɔɔ ri ka gãa Onɛsiforu nandon.

1 Bituru 1:7

Vuu gãsɛnang alɛ ka bii manɛ, tɔ̀ɔ, zang ri zi kati nɛɛ danggn ɓɔɔ nɔɔ shing ka bii Laa ɓi ɓɔɔ niizang kɔ nwani. Zinariya ɓɔɔ lasɛ katɔ ɓɛɛ, zang dɔɔ ka waa, tɔ̀ɔ, zang zirɛ nɛ́ɛ ɓɔɔ tɔ̃ɔ ɓɛɛ. Zang palɛ danggn shinnang manɛ ɓɔɔ ɓa zinariya shinang katɔ doo nɔngkɔ. Zang gãsɛ danggn ɓɔɔ nɔɔ shing ka bii Laa kãntang keɓe, ka ruu ɓɔɔ, ka diki ɓɔɔ Yeesɔ Kirisi naa nwang nyaa, zang wu dɔɔ nɔɔ, zang ti a nɔɔ bannang ka ruu danggn ɓɔɔ nɔɔ shing ɓɛɛ.