Rooma 15:8 - Nyaa Shɔɔ Ɓɔɔ Laa a Ɓɛɛ

⁸ N kɔ̀ɔ nɔɔ, Kirisi nwàng zang ɓɔɔ palɛ zang Yahudi shonang, tɔɔ, wu tusu nɛɛ Laa palɛ vuu ɓɔɔ wu kɔɔyi nɛɛ wu pálɛ̀ ɓɛɛ katɔ. Tɔɔ, wu shingnɛ, nyaa ɓɔɔ wu a rɛɛ dabang ɓuru wu nwang kaa niizang.

Rooma 15:8 ပူးပေါင်းရင်းမြစ်များ

Matiyu 15:24

A Yeesɔ kɔɔ ri tɔɔ, “Zang shong m ka ruu zang Isirela, ɓɔɔ naa mɛɛrɛ ɓɔɔ ning gbalang katɔ ɓɛɛ kɔ shɛ̃ɛning.”

Matiyu 20:28

Naa ɓɔɔ n Jaa Shɔnzang n arɛ, nɛɛ zang shong m shonang kpang, n arɛ nɛɛ n shong m zang kɔ jong, n ti mãlɛ́ bii mɛɛ ka ruu zang dɔɔli nɛɛ tɔɔ n ta yuu ɓarɛ.”

Yɔhana 1:11

Á ka bii zang laa gãa ɓiɓɛ, a zang ɓiɓɛ ti ta wu kpang.

Yɔhana 10:16

Mɛ̀ɛrɛ́ mɛɛ ɓɔɔ ti kagn, ɓɔɔ ri ka vaa keɓe kpang ɓɛɛ. N atɛ ri ditɔ jong. Ri naa tã̀á yee mɛɛ ditɔ, tɔ̀ɔ, ri nwang kaa vàa gbete, jagãng ɓarɛ ti gbete.

Zang Shonang Yeesɔ 13:46

A Bulu nɛɛ Baranaba ri rang yee, ri kaa vɔrɔ kpang, tɔɔ, “Ruu nɛɛ rang nɔkɔ Ruu Laa shɔɔnang. Ka ruu ɓɔɔ, nɔɔ bɛ̃ɛyi, nɔɔ tusu yuu manɛ naa nɔɔ daa naa ɓɔɔ nɔɔ walɛ suru bii ɓɔɔ waa nyaa kpàng kpang, ruu raa jĩng kaa bii zang ɓɔɔ ri zang Isirela kpang ɓɛɛ.

Rooma 11:22

Ka ruu nɔngkɔ, nɔɔ zi naa ɓɔɔ Laa jɛ̃ɛ zang ruu nɛɛ gnvɔ, nɛɛ tɔ̃ɔ ɓɔɔ wu palɛ zang ɓɛɛ. Jɛ̃ɛ zang ɓɔɔ ri palɛ vuu shi kpang ruu nɛɛ gnvɔ ning, a pàlɛ́ ɓi kaa nɔkɔ tɔ̃ɔ, nɔɔ nɛɛ yaa tɔ̃ɔ ɓɔɔ wu palɛ nɔɔ kpang ɓɛɛ. Naa nɔngkɔ kpang, zang dɔlɔ nɔɔ ditɔ jong.

Rooma 11:30

Ɓɔɔ nɔɔ zang ɓɔɔ nɔɔ zi Laa kpang ɓɛɛ, naa ɓɔɔ ka tĩng nɔɔ ɓaa shoo ka nyaa Laa kpang, kãntang keɓe gn manɛ kɔng Laa tɔ, ka ruu ɓɔɔ, zang Yahudi ri ɓaa shoo ka nyaa Laa kpang ɓɛɛ.

Rooma 15:16

N nwàng zang shonang Yeesɔ Kirisi, nɛɛ n palɛ zang ɓɔɔ ri zang Yahudi kpang shonang. N kɔɔ ri Ruu Tɔ̃ɔ Laa, tɔ̀ɔ, zang ɓɔɔ ri zi Laa kpang, ri nwang kaa naa vuu ɓɔɔ zang a Laa, ɓɔɔ shing Laa wu tãa tĩnang ɓɛɛ. Ɓɔɔ Suru Laa risi nwang tɔ̃ɔ ɓɛɛ.

Rooma 3:26

Kãntang keɓe, yée laa kaa tɔ, ka vuu shi kpang ɓɔɔ shɔnzang ri palɛ ɓɛɛ, tɔ̀ɔ, wu tusu zang tɔ̃ɔ ɓiɓɛ. Ka gbalang keɓe, Laa tusu zang nɛɛ wu ɓi zang tɔ̃ɔ, nɛɛ wu ti shing zang piti ɓɔɔ ri shing danggn ka bii Yeesɔ Kirisi, ri nwang zang tɔ̃ɔ ka tĩng ɓiɓɛ.

Rooma 3:3

A zang ɓɔɔ ri nɛɛ shing danggn kpang, ka teteng ɓarɛ ɓɛɛ? Ka ruu nɔngkɔ, Laa pálɛ̀ vuu ɓɔɔ wu a nyaa nɛɛ wu pálɛ̀ ɓɛɛ takpang ya?

Rooma 4:16

Ka ruu nɔngkɔ, vuu di yuu ɓi ka danggn ɓɔɔ zang shing ka bii Laa ɓɛɛ. Tɔ̀ɔ, Laa wu palɛ vuu ɓɔɔ wu a nyaa nɛɛ wu palɛ ɓɛɛ kati, ka ruu ɓɔɔ Laa palɛ tɔ̃ɔ katɔ ɓɛɛ. Laa a nyaa keɓe wu ka ruu zɔ̃ng Ibirayi ɓɔɔ ri dũng nyaa ɓɔɔ Laa dangnɛ ɓɛɛ kpang. Ɓi ɓɔɔ zang piti ɓɔɔ ri zɔ̃ng Ibirayi ka ruu ɓɔɔ ri shing danggn naa ɓɔɔ wu shing ɓɛɛ. Ibirayi ɓi kaa dabang ɓuru nandon.

1 Koranti 1:12

Vuu ɓɔɔ n kɔɔ nɔɔ keɓe, nɔɔ kúsù yuu manɛ ka vaa vaa. Zang ɓu ka teteng manɛ kɔɔyi nɛɛ, “N dũng m Bulu,” zang ɓɔɔ nɛɛ, “N dũng m Apolo,” zang ɓɔɔ nɛɛ, “N dũng m Bituru”. A zang ɓɔɔ kɔɔyi nɛɛ, “N dũng m Kirisi.”

1 Koranti 10:19

N kɔ̀ɔ́ ɓu nɛɛ viya? N kɔ̀ɔ́ ɓu nɛɛ vaka vuu ɓɔɔ ya? A vuu shaanang ɓɔɔ zang a vaka palɛ vuu ɓɔɔ katɔ ya?

1 Koranti 10:29

Mɔɔ yáa vuu shaanang kaɓa ka ruu rɛ̃rɛnang zang kaɓa, wu ka ruu rɛ̃rɛnang ɓaaɓɛ kpang. Zang ɓɔɔ kɔɔyi nɛɛ, “N yáa vuu ɓɔɔ n palɛ ɓɛɛ, nɛɛ ka ruu ɓɔɔ, zang ɓɔɔ rɛ̃rɛ nɛɛ n pálɛ̀ vuu shi kpang ka ruu viya?

1 Koranti 15:50

Manzung, n kɔ̀ɔ́ nɔɔ nɛɛ vuu ɓɔɔ zang mãa nɛɛ yɔpɔ nɛɛ kaka, a ɓɔɔ zĩi, daa nɔng ɓɔɔ Laa roo kpanti ɓi kpang. Vuu ɓɔɔ pṹng katɔ, nwang vuu ɓɔɔ pũ̀ng kpang ɓi kpang.

2 Koranti 1:20

Ka ruu ɓɔɔ, nyaa ɓɔɔ Laa a zang nandon, Laa palɛ katɔ nɛɛ bii ɓiɓɛ kɔ. Ka ruu nɔngkɔ, ruu nɛɛ kɔɔ tɔ nɛɛ, “Wu nwang nɔngkɔ,” nɛɛ bii Yeesɔ Kirisi. Ruu a Laa ɓuru bannang.

Afisa 2:12

Ka laa kaɓa, bɛ̀ɛ́ nɔɔ shing danggn gň ka bii Yeesɔ Kirisi kpang. Bɛɛ nɔɔ manɛ zang zanti, ka tipi Isirela, a nɔɔ manɛ ka teteng zang Laa kpang. Rɛɛ nyaa ɓɔɔ Laa mã nɛɛ zang ɓiɓɛ, a á ri nyaa kagn, ɓi ɓɔɔ manɛ kpang. Nɔɔ nwang manɛ ka koo keɓe, vuu ɓɔɔ zang shing gn kagn ɓɛɛ kpang, a Laa manɛ ti kagn kpang.