Rooma 15:5 - Nyaa Shɔɔ Ɓɔɔ Laa a Ɓɛɛ

⁵ Laa ɓɔɔ wukɔ shing nɔɔ, nɔɔ mã danggn, nɔɔ ti yi tĩng ka vuu ɓɔɔ nɔɔ shing gn palɛnang ɓɛɛ, wu shingnɛ nɔ́ɔ nwang ka nyaa zɔɔ. Nɔ́ɔ pálɛ́ shonang ɓɔɔ Yeesɔ Kirisi pálɛ́ ɓɛɛ.

Rooma 15:5 ပူးပေါင်းရင်းမြစ်များ

Zang Shonang Yeesɔ 4:32

Zang ɓɔɔ ri shing danggn tɔ nandon, yeti ɓarɛ gbete. Zang ɓɔɔ tɔɔ kpang nɛɛ vuu naa ɓiɓɛ, ɓi ɓɔ̀ɔ́ ɓiɓɛ ka bm kpang. Ri basɛ vuu ka naa ɓarɛ nɛɛ zɔɔ ri nandon.

Rooma 12:16

Nɔɔ gãng jĩng ka zang ɓɔɔ, naa ɓɔɔ nɔɔ gãng jĩng ka yuu manɛ ɓɛɛ. Nɔ́ɔ tuu yuu manɛ kpang. Nɔɔ ɓakɛ̀ yuu manɛ nɛɛ zang ɓɔɔ ri zang bang bang kpang. Nɔɔ rɛ̃̀rɛ̀ kpang nɛɛ nɔɔ zũng manɛ katɔ kpang.

Rooma 15:13

Laa ɓɔɔ wukɔ shingnɛ nɔɔ shing gn ɓɛɛ, wu shingnɛ nɔɔ tãa tĩnang gbãng gbãng ka yeti manɛ, yeti manɛ wu ti valɛ. Tɔ̀ɔ, Suru Laa wu a nɔɔ naa, nɔɔ shing gn kaa gbãng gbãng.

Rooma 15:3

Ka ruu ɓɔɔ, Kirisi palɛ ɓi vuu ɓɔɔ wu tãa tĩnang ka bm kpang ɓɛɛ. Naa ɓɔɔ labeenang Laa kɔɔ ɓɛɛ, “Dãanang ɓɔɔ zang dãa nɔɔ, zang dãa Nkɔ”.

1 Koranti 1:10

Manzung, n gaa nɔɔ ka ruu Kpanti ɓuru Yeesɔ Kirisi, nyaa manɛ wu daa gbete, ka vuu ɓɔɔ nɔɔ kɔɔ ɓɛɛ. Nɔ́ɔ ti kusu zɔɔ kpang. Rɛ̃rɛnang manɛ wu daa gbete, nɔ́ɔ ti palɛ vuu gbete.

2 Koranti 13:11

Manzung ɓɔɔ ri dũng doo Laa kɔ ɓɛɛ, n di nyaa labeenang keɓe nɛɛ, “Laa wu nwang nɛɛ nɔɔ.” Nɔɔ palɛ vuu ɓɔɔ shingnɛ nɔɔ nwang nyaa kiiri ɓɛɛ, nɔ́ɔ ɓaa shoo ka vuu ɓɔɔ n kɔɔ nɔɔ ɓɛɛ, nyaa manɛ wu daa zɔɔ gbete, a nɔ́ɔ ti nwang ka nyaa zɔɔ. Laa ɓɔɔ kàsɛ̀ ruu zang katɔ, a ti shingnɛ zang ri nwáng ka nyaa zɔɔ, naa nwang ditɔ nɛɛ nɔɔ.

2 Koranti 7:6

A Laa ɓɔɔ wukɔ mã zang ɓɔɔ ri yaa gn naa tɔ danggn ɓɛɛ, mã ruu danggn nɛɛ anang Titu.

Afisa 5:2

Nɔɔ nwáng nwannang zɔɔ kasɛnang, naa ɓɔɔ Yeesɔ Kirisi kasɛ ruu ɓuru, a á yuu ɓiɓɛ nɛɛ zang nyɔ wu vɔrɔ ka ruu ɓuru ɓɛɛ. Suru bii ɓiɓɛ keɓe, ɓɔɔ wu a Laa, nwang kaa naa vuu ɓɔɔ á sɛ̃ɛ tɔ̃ɔ, ɓɔɔ zang dɔ̀ɔ́ Laa, a shingnɛ Laa tãa tĩnang ɓɛɛ.

Filipi 1:27

Nwannang manɛ, wu nwang naa ɓɔɔ Ruu Tɔ̃ɔ Yeesɔ Kirisi kɔɔ ɓɛɛ. Wukɔ daayi, tɔ̀ɔ, naa n naa leng nɔɔ, naa n nɛɛ ti leng nɔɔ dòo kpang, n tãa nyaa katɔ nɛɛ rɛ̃rɛnang manɛ dàá gbete. N ti tãa katɔ nɛɛ nɔɔ kpalɛ yuu nɛɛ zɔɔ, nɔɔ shii gbãng gbãng, nɔɔ kasɛ nɛɛ zang ri shing danggn ka Ruu Tɔ̃ɔ Laa.

Filipi 2:2

N gaa nɔɔ katɔ rɛ̃rɛnang manɛ wu daa gbete, nɔ́ɔ kasɛ ruu zɔɔ katɔ, nɔ́ɔ ti ɓakɛ yuu nɛɛ zɔɔ, nɔ́ɔ kasɛ nyaa zɔɔ katɔ, tɔ̀ɔ, n tãa tĩnang kaa nyaa kiiri.

Filipi 3:16

Vuu ɓɔɔ ɓa vuu piti ɓɛɛ, ruu dũng rɛɛ vuu ɓɔɔ bɛ̀ɛ́ ruu dũng ɓɛɛ kɔ sasak.

Filipi 4:2

Ruu ɓɔɔ n kɔ̀ɔ́ Afodiya nɛɛ Sitiki keɓe. N gaa ri gbãng gbãng, n zɔ̃ɔrɔ ri katɔ, ri nwang ka nyaa zɔɔ, ka ruu ɓɔɔ, ri ɓarɛ zang Kpanti Yeesɔ ɓɛɛ.

1 Bituru 3:20

Suru shi kpang keɓe, ɓi ɓɔ̀ɔ́ zang ɓɔɔ ri bɛ̃ɛ Ruu Laa dũnnang doo tɛ̃ɛ tɛ̃ɛ, ka ɓɔɔ Laa mã danggn, gã ri ka diki ɓɔɔ Nuhu pálɛ̀ laana ɓɛɛ. Ka diki kaɓa, zang mantaati ɓɔɔ ri vang laana, ri wɔrɛ.

1 Bituru 3:8

N hangsɛ nɔɔ nyaa ruu kaa nɛɛ ruu keɓe. Nɔɔ nandon nyaa manɛ wu daa gbete, gn zɔɔ wu kɔng nɔɔ katɔ, nɔɔ kasɛ ruu zang ɓɔɔ ri dũng doo Laa kɔ katɔ, ka ruu ɓɔɔ ri ɓarɛ rɛɛ ɓaazung ɓɛɛ. Nɔ́ɔ ti pàlɛ̀ zɔɔ tɔ̃ɔ katɔ, a nɔ́ɔ ti lakɛ jĩng kpang.

2 Bituru 3:15

Nɔɔ zirɛ, Kpanti ɓuru Yeesɔ Kirisi suukãng, ka ruu ɓɔɔ, nɔ́ɔ walɛ gbalang Laa wu ta yuu manɛ kati ɓɛɛ. Manzung ɓuru Bulu ɓɔɔ ruu kasɛ ruu ɓiɓɛ katɔ ɓɛɛ, bee nɔɔ labeenang dòo nɔngkɔ, nɛɛ zũnang ɓɔɔ Laa a wu ɓɛɛ, a kɔɔ nɔɔ doo naa weɓe kɔ.

2 Bituru 3:9

Zang ɓɔɔ ri kɔɔyi nɛɛ Laa sùu zang kãng dɔɔli, pálɛ̀ vuu ɓɔɔ wu kɔɔyi nɛɛ wu palɛ ɓɛɛ kpang. Ɓi nɔngkɔ kpang, Laa mã ɓi danggn kɔ jong nɛɛ nɔɔ. Laa yaa zang ɓi gbalang nɛɛ, wu yaa vuu shi kpang ɓɔɔ wu palɛ ɓɛɛ. Kasɛ kpang nɛɛ zang ɓɔɔ wu shaarɛ kpang, kasɛ nɛɛ zang piti ri kɔ̃sɔ yeti, ri yaa vuu shi kpang ɓɔɔ ri palɛ ɓɛɛ.