Rooma 15:32 - Nyaa Shɔɔ Ɓɔɔ Laa a Ɓɛɛ

³² Tɔ̀ɔ, n tãa tĩnang kaa ɓɔɔ n á ka bii manɛ ɓɛɛ. Laa nɛɛ kasɛ tɔ ɓɛɛ, tɔ̀ɔ, n tãa tĩnang jĩng ɓɔɔ n naa leng ka nɔɔ, n ɔ̃sɔ kati.

Rooma 15:32 ပူးပေါင်းရင်းမြစ်များ

Zang Shonang Yeesɔ 18:21

Ɓɔɔ wu tɔɔ wu daa kaa tɔ, kɔɔ ri katɔ kɔ jong nɛɛ, “Laa nɛɛ kasɛ tɔ, n gbãayu ditɔ ka bii manɛ.” A vang laana kaa nɛɛ Afisa.

Zang Shonang Yeesɔ 27:1

Zang naa kɔɔ ruu nɛɛ ruu daa tipi Italiya nɛɛ laana, ka ruu nɔngkɔ, zang a Yuliya zang bang sɔɔja Rooma, rɛɛ Bulu nɛɛ zang ɓɔɔ zang mã ri ka sãa ɓɛɛ. Yuliya ɓi ka teteng rɛɛ sɔɔja ɓɔɔ zang ɓaa ri nɛɛ “Sɔɔja Kayisa Agɔsitu ɓɛɛ.”

Rooma 15:29

N zi tɔ nɛɛ n nɛɛ a tɔ ka bii manɛ, n shingnɛ Kirisi wu palɛ nɔɔ tɔ̃ɔ gbãng gbãng.

1 Koranti 16:18

Ri mã m danggn tɔ naa ɓɔɔ ri mã nɔɔ tɔ ɓɛɛ. Zang ɓɔɔ naa weɓe daa naa ɓɔɔ nɔɔ seng ri tɔ.

1 Koranti 4:19

Laa nɛɛ kasɛ nyaa tɔ, diki bee kpang, n a ditɔ ka nɔng manɛ. N naa zi kati nɛɛ jĩng mɛɛ, vuu ɓɔɔ zang ɓɔɔ ri lakɛ jĩng keɓe, ri nɛɛ ri zunung palɛnang tɔ ɓɛɛ. Wu vuu ɓɔɔ ri kɔɔ nɛɛ nyaa kɔ shɛ̃ɛning ɓɛɛ kpang.

2 Koranti 7:13

Ka ruu nɔngkɔ, ruu mã danggn kati. Ruu mã danggn katɔ kɔ shɛ̃ɛning kpang, ruu tãa tĩnang tɔkn gbãng gbãng ka ruu tĩnang ɓɔɔ Titu tãa ɓɛɛ. Ka ruu ɓɔɔ, kɔɔ ruu naa ɓɔɔ nɔɔ nandon nɔɔ shing wu, wu yaa rɛ̃rɛnang ɓɔɔ bɛ̀ɛ́ wu rɛ̃rɛ ɓɛɛ.

2 Timoti 1:16

Kpanti Yeesɔ Kirisi wu palɛ Onɛsiforu nɛɛ zang gãa ɓiɓɛ tɔ̃ɔ, ka ruu ɓɔɔ, lée ka ɓɔɔ wu yi m naa ka bii diki diki kpang ɓɛɛ. Yusɛ̃ɛ ɓɔɔ zang mã m ka sãa tuu wu kpang.

Filimon 1:20

Masang ɓɔɔ n kasɛ mɔɔ dɔɔli ɓɛɛ, n gaa Laa, mɔɔ palɛ m tɔ̃ɔ keɓe jong, ka ruu kpanti ɓuru. Shing m yeti mɛɛ wu valɛ, ka ruu ɓɔɔ, mɔɔ manzung ka ruu danggn ɓɔɔ ruu shing ka bii Yeesɔ ɓɛɛ.

Filimon 1:7

Masang, naa ɓɔɔ mɔɔ kasɛ zang ɓɛɛ, shing m̌ tɔ, n tãa tĩnang, ti mã m danggn tɔ gbãng gbãng. Mɔ̀ɔ ti shing tɔ yeti zang Laa valɛ tɔ.

Yakubu 4:15

Nɔɔ kɔ̀ɔ manɛ nɛɛ “Laa nɛɛ kasɛ tɔɔ, ruu nwang doo ningkãari, rùu palɛ vuu keɓe nɛɛ vuu kaɓa.”