Rooma 15:26 - Nyaa Shɔɔ Ɓɔɔ Laa a Ɓɛɛ

²⁶ Ka ruu ɓɔɔ, zang ɓɔɔ ri dũng Laa ɓɔɔ ri ka Makidoniya nɛɛ Akaya ri zɔ̃ng nɛɛ yeti ɓarɛ nɛɛ ri yi zang ɓɔɔ vuu ka naa ɓarɛ kpang, ɓɔɔ ri ka teteng zang ɓɔɔ ri dũng Laa ka Urushalima ɓɛɛ naa ka bii.

Rooma 15:26 ပူးပေါင်းရင်းမြစ်များ

Matiyu 25:40

“A Kpanti naa kasɛ ri nyaa nɛɛ, ‘N kɔɔ nɔɔ ruu ɓɔɔ niizang kɔ nwani, vuu piti ɓɔɔ nɔɔ palɛ zang gbete ɓɔɔ wukɔ tɔkɔlɔng ka teteng rɛɛ manzung keɓe, nɔɔ pàlɛ̀ nkɔ.’

Matiyu 26:11

Nɔɔ nwálɛ̀ manɛ nɛɛ zang ɓɔɔ vuu ka naa kpang diki diki, a n nwáng nɛɛ nɔɔ sasak kpang.

Luka 14:13

Mɔɔ nɛɛ tɔɔ mɔɔ a zang vuu shaanang, gáarɛ́ zang ɓɔɔ vuu ka naa ɓarɛ kpang, nɛɛ zang ɓɔɔ kàa katɔ, nɛɛ zang ɓɔɔ doo shãa katɔ, nɛɛ zang ɓɔɔ jĩng ringtang ɓɛɛ.

Luka 6:20

Yeesɔ tuu jĩng pɛ̃ɛrɛ zang ɓɔɔ ri mantɛ vuu ka bii ɓiɓɛ, a kɔɔ ri nɛɛ: “Tĩnang tãanang ɓi ɓɔɔ manɛ, ɓɔɔ vuu ka naa manɛ kpang ɓɛɛ. Ka ruu ɓɔɔ, Laa naa a nɔkɔ vuu tɔ̃ɔ ɓɔɔ wu a zang ɓɔɔ ri ta wu nɛɛ wukɔ Kpanti ɓɛɛ.

Zang Shonang Yeesɔ 16:12

Ruu yupaa nɛɛ nihn, ruu daa kaa Filipi ɓɔɔ wukɔ gari bang ka tipi Makidoniya ɓɛɛ. Gari keɓe, ɓi gari zang Rooma. Ruu nwang ka gari keɓe, diki bee ruu katɔ tɔkɔlɔng.

Zang Shonang Yeesɔ 16:9

Nɛɛ zĩi Bulu rɔ̃kɔ. Zi yɔɔ tipi Makidoniya shiiyi gaa wu nɛɛ, “Tárɛ mɔɔ a ka tipi Makidoniya mɔɔ naa yi ruu naa ka bii.”

Zang Shonang Yeesɔ 18:12

Ka ɓɔɔ zang Rooma naa yi Gaaliyo gɔmna tipi Akaya, zang Yahudi ri kpalɛ zɔɔ, a ri yi Bulu ri daa nɛɛ wu ka nɔng ɓɔɔ zang jɛ̃ɛ zang ruu kagn ɓɛɛ.

Zang Shonang Yeesɔ 19:21

Ka knti ɓɔɔ vuu keɓe palɛ tɔ nɔngkɔ, Bulu kɔɔ ka yeti ɓiɓɛ nɛɛ wu sɔɔ nɛɛ tipi Makidoniya nɛɛ tipi Akaya wu daa kaa Urushalima. A ti kɔɔyi nɛɛ, “N nɛɛ daa tɔ Urushalima, n daa katɔ, n daa zi Rooma.”

Zang Shonang Yeesɔ 9:13

A Hananiya kasɛ nyaa tɔɔ, “Kpanti, zang dɔɔli ri kɔɔ m ruu tɔ ka yuu yɔɔ keɓe, ka ruu vuu shi kpang ɓɔɔ wu palɛ zang ɓaaɓɛ ka Urushalima ɓɛɛ.

1 Koranti 16:15

Rɛɛ manzung, nɔɔ zi tɔ nɛɛ Sitifana nɛɛ zang ɓɔɔ ri ka gãa ɓiɓɛ rikɔ tá Ruu Tɔ̃ɔ Laa shɔɔnang ka tipi Akaya. Ri ti a yuu ɓarɛ tɔ nɛɛ ri palɛ shonang ri yi zang ɓɔɔ ri dũng Laa naa ka bii.

1 Koranti 16:5

N mangnɛ nɛɛ n dàá ka tipi Makidoniya, tɔ̀ɔ, n a nɔng manɛ kati, ka ruu ɓɔɔ n tɔ̀ɔ, n sɔ́ɔ tipi Makidoniya ɓɛɛ.

2 Koranti 1:16

Bɛɛ n mangnɛ nɛɛ, n leng nɔɔ ka gbalang ɓɔɔ n daa Makidoniya ɓɛɛ, n nɛɛ ti gbãayu kaa tɔ, n ti sɔɔ nɔng manɛ. Tɔ̀ɔ, nɔ́ɔ yi m naa kaa bii, nɛɛ vuu ɓɔɔ n daa Yahudi nɛɛ mani ɓɛɛ.

2 Koranti 11:9

Ka ɓɔɔ n dòo nɛɛ nɔɔ, kɔ́pɔ̀ nɛɛ ka naa mɛɛ kpang, n kpãa zang gbete ka teteng manɛ nɛɛ wu yi m naa ka bii kpang. Manzung ɓuru ɓɔɔ ri dũng doo Laa kɔ, ɓɔɔ ri a nɛɛ tipi Makidoniya, rikɔ a m vuu piti ɓɔɔ n kasɛ ɓɛɛ. N ĩ̀i nɔɔ ka yuu, nɛɛ nɔkɔ nɔɔ yi m naa ka bii kpang. N ĩi kãntang keɓe kpang, n ti ĩ̀i nɔɔ kpang dòndòng.

2 Koranti 2:13

A ka ruu ɓɔɔ n ĩi manzung Titu ka nɔng kpang, vuu bìí kpãa m ka yeti dɔɔli. Ka ruu nɔngkɔ, n yaa rɛɛ zang gari kaɓa, a n daa ka gari Makidoniya.

2 Koranti 7:5

Ka knti ɓɔɔ ruu naa shɛ̃ɛ Makidoniya tɔ, ruu ɔ̃sɔ kpang tingkiring. Jĩng dannang ɓi nɛɛ nɔng piti, piti, zang ri haa nyaa nɛɛ ruu, ruu ti kaa vɔrɔ ka yeti ɓuru.

2 Koranti 9:12

Ka ruu ɓɔɔ, vuu kɔ nɔɔ palɛ ɓee, a wu zang ɓɔɔ ri dũng Laa kɔ shɛ̃ɛning vuu ɓɔɔ ri kasɛ ɓɛɛ kpang, ti shing jong zang dɔɔli ri zãa Laa.

2 Koranti 9:2

N zi tɔ, nɔɔ kasɛ nɛɛ nɔɔ yi ri naa katɔ ka bii, a ruu ti rangkɛ ruu tɔ bang bang ka yuu manɛ ka tipi Makidoniya. N kɔɔyi nɛɛ, “Rɛɛ manzung ɓuru ɓɔɔ ri ka gari Akaya ri kpalɛ bii tɔ dòo sáa ɓɔɔ, nɛɛ ri yi zang kaɓa naa ka bii.” Kasɛnang ɓɔɔ nɔɔ kasɛ nɛɛ nɔɔ yi ri naa ka bii zàrɛ̀ zang nimbang tɔ ka teteng ɓarɛ.

2 Koranti 9:4

Naa zang Makidoniya ri a nɛɛ n ka bii manɛ, ri ĩiyi nɔɔ kpalɛ bii gn nɛɛ vuu manɛ kpang, yusɛ̃ɛ tuu ruu dɔɔli. Ruu yaa yusɛ̃ɛ ɓɔɔ tuu nɔɔ ɓi ka nɔngkɔ. Ka ruu ɓɔɔ, n kɔɔ ri ruu ka yuu manɛ, nyaa zaa m kpang ɓɛɛ.

Filipi 4:15

Nɔɔ zang Filipi, nɔɔ nɛɛ yuu manɛ nɔɔ zi tɔ, nɛɛ ka diki ɓɔɔ n gaayu ɓɔɔ n kɔɔrɔ zang ruu tɔ̃ɔ Laa, n gaayu nɛɛ laa ɓɔɔ n yupaa n yaa Makidoniya ɓɛɛ, nɔkɔ yi m naa ka bii shɛ̃ɛning. Zang ɓɔɔ ri dũng Laa ɓɔɔ, ri ɓakɛ yuu nɛɛ n, ka nɔng zɔɔ vuu alɛnang nɛɛ talɛnang, kpang.

1 Tesalonika 1:7

Ka ruu nɔngkɔ, nɔɔ nwang manɛ kaa zɔ̃ng zang ɓɔɔ, zang ɓɔɔ ri dũng Laa ka Makidoniya nɛɛ Akaya nandon ri masɛ nwannang manɛ ɓɛɛ.

1 Tesalonika 1:8

Ka ruu ɓɔɔ, wu Ruu Tɔ̃ɔ ɓɔɔ ka yuu Yeesɔ Kirisi ɓɔɔ nwang nɛɛ bii manɛ, bàa wu tipi Makidoniya nɛɛ Akaya kɔ shɛ̃ɛning kpang. Ruu danggn ɓɔɔ nɔɔ shing ka bii Laa, bàa nɔng tɔ jong piti piti. Vuu ɓɔɔ naa ruu kɔɔ ɓɛɛ tɔ̀ɔ́ kagn kpang.

1 Tesalonika 4:10

A nɔɔ ti tusu naa ɓɔɔ nɔɔ kasɛ rɛɛ ɓaazung ɓɔɔ ri dũng doo Laa kɔ ka Makidoniya ɓɛɛ tɔ. Ka ruu nɔngkɔ, rɛɛ manzung ɓuru, ruu gaa nɔɔ nɛɛ nɔɔ palɛ nɔngkɔ sasak.

1 Timoti 1:3

Ka ɓɔɔ n yupaa Makidoniya daanang, n kɔ̀ɔ mɔɔ n tɔ̀ɔ, mɔɔ nwang ka Afisa ka nɔngkɔ. Zang ɓɔɔ ri kagn ka nɔngkɔ, ɓɔɔ ri tusu vuu ɓɔɔ niizang kpang, shaarɛ ri nyaa nɛɛ ri yaa ta.

Filimon 1:5

Ka ruu ɓɔɔ, n tãa nyaa danggn ɓɔɔ mɔɔ shing ka bii Kpanti ɓuru Yeesɔ Kirisi, a ɓɔɔ ti naa ɓɔɔ mɔɔ kàsɛ̀ rɛɛ zang Laa ɓɛɛ.