Rooma 15:18 - Nyaa Shɔɔ Ɓɔɔ Laa a Ɓɛɛ

¹⁸ N rang yee, n waasɛ vuu ɓɔɔ kpang ka yuu vuu ɓɔɔ Kirisi shing m n palɛ ɓɛɛ. Ka ɓɔɔ n shing zang ɓɔɔ ri zang Yahudi kpang, ri ɓaa shoo kaa tɔ ka nyaa Laa ɓɛɛ. N shing ri nɛɛ rúu ɓɔɔ n kɔɔ ri, nɛɛ vuu ɓɔɔ n palɛ ɓɛɛ.

Rooma 15:18 ပူးပေါင်းရင်းမြစ်များ

Matiyu 25:16

Zang shonang yɔɔ gbete ɓɔɔ ta saka jaka maani kaɓa, tuu saka ɓiɓɛ daa hooro vuu ɓɔɔ wu naa mãlɛ́ nɛɛ mani tantɛnang. A naa walɛ jaka ɓɔɔgn nɔ́ng maani.

Maraku 16:20

A zang ɓɔɔ ri mantɛ vuu ka bii Yeesɔ ri daa kati, ri daa rang yee Laa kaa nɛɛ nɔng piti, piti. A Kpanti Yeesɔ ti palɛ shonang nɛɛ ri ning. Tusu zang nɛɛ yee ɓɔɔ zang ɓɔɔ ri mantɛ vuu ka bii ɓiɓɛ ri rangnɛ, ɓi niizang kɔ nwani. Ka ruu ɓɔɔ, zang zi ka vuu ɓɔɔ ri palɛ ɓɔɔ zang zirɛ zang mã naa ka danggn ɓɛɛ.]

Zang Shonang Yeesɔ 14:27

Ri shɛ̃ɛ Antakiya tɔ, ri kpalɛ zang ɓɔɔ ri dũng Laa ɓɛɛ, a ri kɔɔ ri vuu ɓɔɔ Laa yi ri naa kagn ri palɛ ɓɛɛ. Naa ɓɔɔ Laa puu zang ɓɔɔ ri zang Isirela kpang gbalang tɔ jong nɛɛ ri shing danggn ka bìí ɓiɓɛ ɓɛɛ.

Zang Shonang Yeesɔ 15:12

Zang ɓɔɔ ri kpalɛ zɔɔ, ri nwang kaa kikiri, ka ɓɔɔ ri tãa naa ɓɔɔ Baranaba nɛɛ Bulu ri kɔɔrɔ vuu ɓɔɔ zang zirɛ zang mã naa ka danggn, ɓɔɔ Laa yi ri naa kagn, ri pálɛ̀ ka teteng zang ɓɔɔ ri zang Isirela kpang ɓɛɛ.

Zang Shonang Yeesɔ 15:4

Ɓɔɔ ri shɛ̃ɛ Urushalima zang ɓɔɔ ri dũng Laa nɛɛ rɛɛ zang shonang Yeesɔ nɛɛ rɛɛ zang bang bang, ri ta ri waasɛ̃. A Bulu nɛɛ Baranaba ri kɔɔ ri vuu ɓɔɔ Laa yi ri naa kagn a ri palɛ ɓɛɛ.

Zang Shonang Yeesɔ 21:19

Bulu jee ri nyaa, a gaa tɔɔsung ɓɔɔ wu kɔɔrɔ ri vuu ɓɔɔ Laa palɛ ka teteng zang ɓɔɔ ri zang Isirela kpang, ka ruu shonang ɓɔɔ wu palɛ ɓɛɛ. Kɔɔ ri ruu keɓe gbete gbete nandon.

Zang Shonang Yeesɔ 26:20

Ɓɔɔ tĩng shɔɔnang n kɔɔ zang Ruu Laa ka Damasiku, a n ti daa kɔɔ ka Urushalima, a n ti riki tipi Yahudi nandon. N ti kɔɔ rɛɛ zang ɓɔɔ ri zang Isirela kpang jong n tɔɔ ri yaa vuu shi kpang ɓɔɔ ri palɛ ɓɛɛ, ri a ka bii Laa. Ri ti pálɛ́ vuu ɓɔɔ zang zi kagn nɛɛ ri yaa vuu shi kpang ɓɔɔ ri palɛ ɓɛɛ tɔ ɓɛɛ.

Rooma 1:5

Laa a ruu gbalang nɛɛ bii ɓiɓɛ kɔ, a ruu nwàng zang shonang ɓiɓɛ ka ruu Yeesɔ, tɔ̀ɔ, rúu gɔ̃ zang koolaa nandon ri shing danggn, ri ti dũng nyaa ɓiɓɛ.

Rooma 16:26

A kãntang keɓe labeenang ɓɔɔ zang nyaa shonang Laa ri beere shing tɔ, ruu niizang nwangsɛ bii tɔ. Laa ɓɔɔ nwàng ɓi ningkãari dòndòng, ti kɔɔ tɔ nɛɛ zang koo piti ri zi ruu ɓɔɔ niizang keɓe. Tɔ̀ɔ, zang piti ri ɓaa shoo kaa nyaa Laa, ri shing danggn kaa bii ɓiɓɛ.

Rooma 6:17

Ruu zãa Laa tɔ, ka ruu ɓɔɔ, bɛ̀ɛ́ nɔɔ manɛ jaafòó vuu shi kpang ɓɔɔ nɔɔ palɛ ɓɛɛ. A nɔɔ naa ɓaa shoo ka ruu ɓɔɔ niizang ka vuu ɓɔɔ zang tusu nɔɔ, a nɔɔ tarɛ nɛɛ yeti manɛ nandon.

2 Koranti 11:31

Laa ɓɔɔ wukɔ Laa, wukɔ ti Daa Kpanti Yeesɔ Kirisi ɓɔɔ zang piti dɔɔ wu dòndòng ɓɛɛ, zi tɔ, n suu sèé kpang.

2 Koranti 12:6

Naa n kasɛ nɛɛ n rangkɛ yee bang bang ka yuu mɛɛ, n palɛ vuu shoko kpang, ka ruu ɓɔɔ, n kɔɔrɔ m ruu ɓɔɔ niizang ɓɛɛ. A n kɔɔrɔ ruu bang bang kaa tɔ̀ɔ́ yuu mɛɛ kpang, ka ruu ɓɔɔ, n kasɛ zang ɓɔɔ wu rɛ̃rɛ nɛɛ n ɓa naa wee n ɓee katɔ kpang. N kasɛ zang rɛ̃rɛ ka yuu vuu ɓɔɔ zang zirɛ n palɛ nɛɛ vuu ɓɔɔ zang tãayi n kɔɔ ɓɛɛ.

2 Koranti 3:5

Vuu ɓɔɔ kagn ka bii ɓuru, ɓɔɔ shingnɛ ruu kɔɔyi nɛɛ, ruu zunung shonang keɓe palɛnang katɔ kpang. Kaka ɓuru a ɓi nɛɛ bii Laa.

2 Koranti 6:1

Ka shonang kɔ ruu pálɛ̀ ka nyaa zɔɔ nɛɛ Laa ɓee, ruu gàa nɔɔ ɓɔɔ Laa pàlɛ̀ nɔɔ tɔ̃ɔ tɔ ɓɛɛ, wu nwàng naa pàlɛ̀ nɔɔ ka dalɛ waati kpang.

Galati 2:8

Ka ruu ɓɔɔ, naa ɓɔɔ Laa shing Bituru nɛɛ wu nwang zang shonang Yeesɔ ka teteng zang Yahudi, Laa shing m doo nɔngkɔ nɛɛ naa vuu palɛnang ɓiɓɛ, nɛɛ n nwang zang shonang Yeesɔ ka teteng zang ɓɔɔ ri zang Yahudi kpang.

Kolosi 3:17

Vuu ɓɔɔ nɔɔ kɔɔyi nɛɛ vuu ɓɔɔ nɔɔ palɛ piti, nɔɔ pálɛ́ ka nung Yeesɔ Kirisi, ka ɓɔɔ nɔɔ zãa Laa ɓɔɔ wukɔ Daa nɛɛ bii ɓiɓɛ ɓɛɛ.

2 Tesalonika 2:17

Wu mã nɔɔ danggn gbãng gbãng, tɔ̀ɔ, diki diki nɔɔ palɛ vuu ɓɔɔ tɔ̃ɔ, nɔɔ ti kɔɔrɔ ruu ɓɔɔ tɔ̃ɔ ɓɛɛ.

Yahudi 11:8

Danggn shinnang Ibirayi shing wu ka ɓɔɔ zang ɓaa wu nyaa nɛɛ wu daa nɔng ɓɔɔ naa nwáng ɓɔɔ ɓiɓɛ ɓɛɛ, ɓaa shoo a daayi. Naa doo ka ɓɔɔ wu zi nɔng ɓɔɔ wu daa kpang ɓɛɛ.

Yahudi 5:9

Ka ɓɔɔ hangsɛ shonang ɓiɓɛ tɔ ɓɛɛ, nwàng zang ɓɔɔ ta yuu zang nandon, ɓɔɔ ri dũng nyaa ɓiɓɛ ɓɛɛ. Tɔ̀ɔ, yuu ɓarɛ ɓɔɔ zang tarɛ, wu nwang kaa ɓɔɔ gbinggbing ɓɛɛ.

Yakubu 1:22

Nɔɔ palɛ vuu ɓɔɔ ruu keɓe kɔɔ ɓɛɛ katɔ. Nɔ́ɔ nwãarɛ yuu manɛ nɛɛ ruu tãanang kɔ shɛ̃ɛning kpang.

1 Yɔhana 3:18

Wujɛ mɛɛ, ruu kasɛ nɔɔ zang, wu nɛɛ nyaa waati kpang. Zang kasɛnang ɓuru wu nwang ɓɔɔ niizang, ka vuu ɓɔɔ ruu pálɛ̀ ɓɛɛ ning.

Yahuza 1:9

Naa dòo Maakel ɓɔɔ wukɔ kpanti zang nyaa shonang Laa ɓɔɔ ri ka lapa ɓɛɛ, ka ɓɔɔ ri laa zɔɔ nyaa nɛɛ Sheetang ka yuu vɔrɔ Musa, dãa Sheetang kpang. Kɔɔ wu katɔ waati nɛɛ “Laa wu dang mɔɔ jĩng.”