Rooma 15:16 - Nyaa Shɔɔ Ɓɔɔ Laa a Ɓɛɛ

¹⁶ N nwàng zang shonang Yeesɔ Kirisi, nɛɛ n palɛ zang ɓɔɔ ri zang Yahudi kpang shonang. N kɔɔ ri Ruu Tɔ̃ɔ Laa, tɔ̀ɔ, zang ɓɔɔ ri zi Laa kpang, ri nwang kaa naa vuu ɓɔɔ zang a Laa, ɓɔɔ shing Laa wu tãa tĩnang ɓɛɛ. Ɓɔɔ Suru Laa risi nwang tɔ̃ɔ ɓɛɛ.

Rooma 15:16 ပူးပေါင်းရင်းမြစ်များ

Zang Shonang Yeesɔ 13:2

Diki ɓɔɔgn ri bang Laa, a ri seng nyaalaa a Suru Laa kɔɔ ri tɔɔ, “Nɔɔ zɔ̃ng m Shaawulu nɛɛ Baranaba ka ruu shonang, ɓɔɔ n ɓàa ri nyaa ɓɛɛ.”

Zang Shonang Yeesɔ 20:24

N ti tɔɔ m kpang nɛɛ suru bii mɛɛ daa naa vuu ɓɔɔ tɔ kpang. Ǹ kasɛ n palɛ vuu ɓɔɔ zang shong m ɓɛɛ, n ti hangsɛ shonang ɓɔɔ Kpanti Yeesɔ a m nɛɛ n palɛ ɓɛɛ. Shonang ɓɔɔ nɛɛ n kɔɔrɔ zang rúu, ka yuu tɔ̃ɔ ɓɔɔ Laa pàlɛ́ zang ɓɛɛ.

Zang Shonang Yeesɔ 20:32

“N yaa nɔɔ tɔ, ka naa Laa nɛɛ yee ɓiɓɛ. Yee ɓiɓɛ ɓɔɔ zunung ɓɔɔ wu yiti nɔɔ, nɔ́ɔ bangnɛ wu ti a nɔɔ tĩnang tãanang ɓɔɔ wu shing zang ɓɔɔ wu shɛ̃ɛrɛ ri katɔ ɓɛɛ.

Zang Shonang Yeesɔ 22:21

A Kpanti kɔɔ m tɔɔ, ‘Dita, N shong mɔɔ ka nɔng beebang, ka bii zang ɓɔɔ ri zang Isirela kpang ɓɛɛ.’ ”

Zang Shonang Yeesɔ 9:15

A Kpanti Yeesɔ kɔɔ wu tɔɔ, “Dita ka ruu ɓɔɔ n zɔ̃́ng wu tɔ, nɛɛ wu pàlɛ̀ m shonang ɓɛɛ. Wu daa kɔɔrɔ zang ɓɔɔ ri zang Isirela kpang, nɛɛ rɛɛ kpanti ɓarɛ, nɛɛ zang Isirela, ruu mɛɛ kati ɓɛɛ.

Rooma 1:1

Labeenang keɓe, a nɛɛ bii mɛɛ nkɔ Bulu ɓɔɔ n jaafoo Yeesɔ Kirisi ɓɛɛ. A n ti zang shonang ɓɔɔ Yeesɔ zɔ̃ng m, a shing m nɛɛ, n kɔ̀ɔrɔ̀ zang Ruu Tɔ̃ɔ Laa ɓɛɛ.

Rooma 11:13

N rang yee kaa nɛɛ nɔkɔ ɓɔɔ nɔɔ zang Yahudi kpang ɓɛɛ. Laa shong m nɛɛ n pálɛ́ shonang ka teteng manɛ ɓɛɛ, ka ruu nɔngkɔ, n dɔ̀ɔ́ bii ka ruu shonang ɓɔɔ wu a m nɛɛ n palɛ ɓɛɛ.

Rooma 15:18

N rang yee, n waasɛ vuu ɓɔɔ kpang ka yuu vuu ɓɔɔ Kirisi shing m n palɛ ɓɛɛ. Ka ɓɔɔ n shing zang ɓɔɔ ri zang Yahudi kpang, ri ɓaa shoo kaa tɔ ka nyaa Laa ɓɛɛ. N shing ri nɛɛ rúu ɓɔɔ n kɔɔ ri, nɛɛ vuu ɓɔɔ n palɛ ɓɛɛ.

Rooma 15:19

Nɛɛ vuu ɓɔɔ zang zirɛ zang mã naa ka danggn, a ɓɔɔ vuu ɓɔɔ Suru Laa palɛ nɛɛ naa vuu palɛnang ɓiɓɛ ɓɛɛ. Ka rakɛnang ɓɔɔ n gaayu nɛɛ Urushalima, n riki nɔng nandon, n daa nɛɛ mani ka Ilirikum ɓɛɛ, n hangsɛ zang Ruu Laa kɔɔnang tɔ nandon ka yuu Kirisi.

Rooma 15:20

Vuu ɓɔɔ n kasɛ ka yeti mɛɛ gbete ɓɛɛ, ɓi nɛɛ ɓɔɔ n kɔɔ zang Ruu Tɔ̃ɔ Laa ka nɔng ɓɔɔ zang tãa ruu Yeesɔ Kirisi gn kpang ɓɛɛ. Ka ruu ɓɔɔ, nɛ̀ɛ́ nwang naa ɓɔɔ n mãa gãa m ka yuu doo gãa ɓɔɔ zang ɓɔɔgn loo ɓɛɛ, ɓɛɛ.

Rooma 15:29

N zi tɔ nɛɛ n nɛɛ a tɔ ka bii manɛ, n shingnɛ Kirisi wu palɛ nɔɔ tɔ̃ɔ gbãng gbãng.

Rooma 5:5

Ruu nɛɛ yaa gn naa kpang, yusɛ̃ɛ tuu ruu kpang, ka ruu ɓɔɔ, Laa shìng ruu zɔ̃ng zang kasɛnang ɓiɓɛ tɔ, ka yeti ɓuru nɛɛ bii Suru ɓiɓɛ ɓɔɔ wu a ruu ɓɛɛ.

1 Koranti 3:5

Zang ɓaa wi nɛɛ Apolo wiya? Zang ɓaa wi nɛɛ Bulu wiya? Ruu ɓuru zang shonang Laa kɔ shɛn. Nɔɔ zi Kirisi nɛɛ naa ɓuru.

1 Koranti 4:1

N kasɛ zang piti ri zirɛ nɛɛ ɓɔɔ ruu zang shonang Yeesɔ Kirisi, ruu dũng wu ɓɛɛ, Laa a ruu vuu ɓɔɔ wu waasɛ katɔ ɓɛɛ tɔ ka naa, nɛɛ ruu gãng jĩng kagn.

1 Koranti 6:19

Nɔɔ zi kpang nɛɛ bìí manɛ nwàng ɓi naa Gãa Laa ɓɔɔ Suru Laa nwang kagn ɓɛɛ kpang ya? Laa shing Suru ɓiɓɛ ka yeti manɛ. Bii manɛ ɓi ɓɔɔ manɛ kpang, ɓi ɓɔ̀ɔ́ Laa.

2 Koranti 11:23

Ri zang ɓɔɔ palɛ Yeesɔ Kirisi shonang ya? N palɛ Yeesɔ shonang, n ɓa ri katɔ. N rang yee naa zang shoko. N palɛ shonang tɔ gbãng gbãng, n ɓa ri katɔ. Zang mã m ka sãa doo dɔɔli ɓa ri katɔ, zang nyɔ m tɔ nɛɛ gbãa dɔɔli, ɓa ɓɔɔ ɓarɛ katɔ. A zang yàarɛ́ m nung vɔrɔ gbete diki diki.

2 Koranti 5:20

Ruu nwàng ɓuru kaa naa zang nyaa shonang Yeesɔ Kirisi, mɔɔ kɔɔ nɛɛ Laa nɛɛ yuu ɓiɓɛ bàkɛ́ zang nɛɛ bii ɓuru. Ruu gaa nɔɔ ka nung ɓɔɔ Yeesɔ nɛ̀ɛ́ gaa nɔɔ ɓɛɛ. Nɔɔ yáa Laa wu risi nɔɔ nɔ́ɔ nwang wusang ɓiɓɛ.

2 Koranti 8:5

Vuu ɓɔɔ ri pálɛ́ ɓa ɓɔɔ ruu shing gn katɔ. Ri gaayu ri a Kpanti Yeesɔ yuu ɓarɛ, a ri ti naa a ruu yuu ɓarɛ kaa jong naa ɓɔɔ Laa kasɛ ɓɛɛ.

Galati 3:5

Laa a nɔɔ Suru ɓiɓɛ, a ti palɛ vuu ɓɔɔ zang zirɛ zang mã naa ka danggn ka teteng manɛ. Palɛ ka ruu ɓɔɔ nɔɔ pálɛ̀ vuu ɓɔɔ nyaa dannang kasɛ ɓɛɛ ya, kɔ palɛ ka ruu ɓɔɔ, nɔɔ tãa Ruu Tɔ̃ɔ, a nɔɔ shing danggn ɓɛɛ?

Afisa 2:18

Nɛɛ bii Yeesɔ Kirisi, ruu nandon ruu walɛ gbalang anang ka tĩng Daa nɛɛ bii Suru gbete keɓe.

Afisa 2:22

Zang mãa nɔɔ kana jong ka bii ɓiɓɛ nɔng gbete, tɔ̀ɔ, nɔ́ɔ raa gãa ɓɔɔ Laa nwàng kagn nɛɛ bii Suru ɓiɓɛ ɓɛɛ.

Afisa 5:2

Nɔɔ nwáng nwannang zɔɔ kasɛnang, naa ɓɔɔ Yeesɔ Kirisi kasɛ ruu ɓuru, a á yuu ɓiɓɛ nɛɛ zang nyɔ wu vɔrɔ ka ruu ɓuru ɓɛɛ. Suru bii ɓiɓɛ keɓe, ɓɔɔ wu a Laa, nwang kaa naa vuu ɓɔɔ á sɛ̃ɛ tɔ̃ɔ, ɓɔɔ zang dɔ̀ɔ́ Laa, a shingnɛ Laa tãa tĩnang ɓɛɛ.

Filipi 2:17

Danggn ɓɔɔ nɔɔ shing ka bii Yeesɔ Kirisi nwang naa vuu ɓɔɔ nɔɔ dɔɔ Laa ɓɛɛ. Naa zang tɛ̃ɛ zĩi mɛɛ doo ka yuu vuu kɔ nɔɔ dɔɔ Laa ɓee, n tãa m tĩnang nɛɛ nɔɔ.

Filipi 4:18

Nɔɔ a m vuu piti ɓɔɔ daa naa katɔ ɓɛɛ tɔ. Nɔɔ ti gisi vuu ɓɔɔ tɔ dɔɔli ɓa vuu ɓɔɔ n shing gn ɓiɓɛ tɔ. Ɓɔɔ Abafaroditu atɛ m vuu ɓɔɔ nɔɔ alɛ wu. Vuu bìí daa m katɔ, vuu ɓɔɔ n kasɛ ɓɛɛ takpang. Vuu keɓe nwang naa vuu ɓɔɔ á sɛ̃ɛ tɔ̃ɔ ɓɛɛ, vuu ɓɔɔ zang dɔɔ Laa ɓɔɔ shingnɛ Laa tãa tĩnang ɓɛɛ.

1 Tesalonika 2:2

Nɔɔ zi naa ɓɔɔ zang dang ruu jĩng, a zang dãlɛ ruu ka Filipi tɔ, a ruu naa a ka bii manɛ ka Tesalonika. Zang dɔɔli nɛɛ ri zãa ruu Ruu Tɔ̃ɔ kɔɔnang ka gari manɛ, a Laa mã ruu danggn doo nɛɛ mani, a ruu kɔɔ nɔɔ Ruu Tɔ̃ɔ ɓɔɔ a nɛɛ bii ɓiɓɛ ɓɛɛ.

1 Tesalonika 2:9

Rɛɛ manzung, n tɔɔ n kpàá nɔɔ danggn. Nɔɔ zi naa ɓɔɔ ruu palɛ shonang dɔɔli tɔ. Ruu pálɛ́ shonang nɛɛ zĩi nɛɛ laagɛ̃, ruu walɛ vuu shaanang ɓuru, tɔ̀ɔ ruu kpãa nɔɔ kaa takpang, ka ɓɔɔ ruu kɔɔ nɔɔ Ruu Tɔ̃ɔ ɓɔɔ ka yuu Laa ɓɛɛ.

1 Tesalonika 5:23

Laa ɓɔɔ shing zang, zang ri nwang ka nyaa zɔɔ, wu palɛ nɔɔ, nɔɔ nwang zang tɔ̃ɔ dɔ̃ɔ gbete. Wu shingnɛ zang ɓɔɔ wu tɔɔ kpang nɛɛ nɔɔ palɛ vuu shi kpang tɔ kpang, ka diki ɓɔɔ Kpanti Yeesɔ Kirisi a kagn ɓɛɛ.

1 Timoti 1:11

Vuu ɓɔɔ niizang keɓe, ɓi ka Ruu Tɔ̃ɔ Laa, ɓɔɔ Laa ɓɔɔ daa naa ɓɔɔ zang piti dɔɔ wu katɔ, a m nɛɛ n kɔɔ zang ɓɛɛ.

1 Timoti 2:7

Ka ruu nɔngkɔ, Laa shing m, zang ɓɔɔ palɛ shonang ɓɛɛ. Nɛɛ n kɔ̀ɔ zang ɓɔɔ ri zang Isirela kpang Ruu Tɔ̃ɔ Laa, n ti tùsù ri danggn shinang ɓɔɔ niizang ɓɛɛ. N kɔɔ ruu ɓɔɔ niizang kɔ nwani. N suu wu sèé kpang.

2 Timoti 1:11

Laa zɔ̃ng m nɛɛ n nwang zang shonang Yeesɔ, n tusu zang vuu, a n ti kɔ̀ɔ zang Ruu Tɔ̃ɔ Laa.

Yahudi 13:16

Danggn wu ti ning nɔɔ tɔ̃ɔ palɛnang nɛɛ vuu basɛnang nɛɛ zɔɔ kpang, ka ruu ɓɔɔ, Laa tãa tĩnang zɔ̃ng vuu keɓe ɓa vuu ɓɔɔ ruu dɔ̀ɔ́ wu katɔ ɓɛɛ.

1 Bituru 1:12

A Laa tusu ri nɛɛ ri pàlɛ́ ɓi yuu ɓarɛ shonang kpang, ri pàlɛ́ ɓi nɔkɔ. Kãntang keɓe, zang ɓɔɔ ri kɔ̀ɔrɔ̀ nɔɔ Ruu Laa, ri kɔɔ nɔɔ rɛɛ vuu keɓe tɔ, naa ɓɔɔ Suru Laa ɓɔɔ à nɛɛ lapa a ri naa ɓɛɛ. Zang nyaa shonang Laa ɓɔɔ ri ka lapa, ri kasɛ nɛɛ ri zi rɛɛ vuu keɓe jong.

1 Bituru 2:5

Nɔɔ ɓɔɔ Yeesɔ Kirisi a nɔɔ suru bii tɔ ɓɛɛ, nɔɔ nwàng doo naa rɛɛ tari kɔ. Tari ɓɔɔ Laa mãa gãa ɓɔɔ suru nwang kagn ɓɛɛ. Nɔɔ manɛ zang ɓɔɔ Laa zɔ̃ng ri nɛɛ ri nwang zang ɓɔɔ ri dɔ̀ɔ́ wu vuu ɓɛɛ. Nɛɛ tɔ̀ɔ, nɔ́ɔ shòng wu kaa nɛɛ yeti manɛ piti naa ɓɔɔ wu tãa tĩnang ɓɛɛ, ka ruu Yeesɔ Kirisi.