Rooma 15:14 - Nyaa Shɔɔ Ɓɔɔ Laa a Ɓɛɛ

¹⁴ Manzung ɓɔɔ ri dũng doo Laa kɔ ɓɛɛ, n nɛɛ yuu mɛɛ n zi tɔ, nɔɔ palɛ tɔ̃ɔ dɔɔli. Nɔɔ ti zi vuu ɓɔɔ nɔɔ palɛ tɔ nandon. Nɔɔ zunung naa ɓɔɔ nɔɔ tusu zɔɔ vuu tɔ.

Rooma 15:14 ပူးပေါင်းရင်းမြစ်များ

1 Koranti 1:5

Pàlɛ̀ nɔɔ tɔ̃ɔ tɔ waasɛ̃, ɓɔɔ nɔɔ shing danggn ka bii Yeesɔ Kirisi ka gbalang náabm̀ náabm̀. Shing nɔɔ, a nɔɔ zi vuu ɓɔɔ niizang, a nɔɔ ti zunung yee ɓiɓɛ rannang ɓɛɛ.

1 Koranti 12:8

Suru Laa a zang gbete naa, wu rang yee nɛɛ zũnang. Suru gbete keɓe, wu ti a zang ɓɔɔ naa, wu kɔɔ vuu ɓɔɔ Laa tusu wu ɓɛɛ.

1 Koranti 13:2

Naa Laa a m naa vuu palɛnang, naa ɓɔɔ n kɔɔrɔ vuu ɓɔɔ Laa tusu m ɓɛɛ. Naa n ti zi vuu piti. Vuu ɓɔɔ Laa waasɛ katɔ ka yuu ɓiɓɛ n ti zi tɔ jong. Naa Laa a m dòo zɔ̃ng danggn shinnang ɓɔɔ naa n zunung katɔ, n kɔɔ kɔpɔ wu dɔ̃sɔ ka nɔng ɓɔɔgn. Naa n kasɛ zang kpang, n m vuu ɓɔɔ kpang tingkiring.

1 Koranti 8:1

N kaaɓi, n rang yee ka yuu vuu shaanang ɓɔɔ zang bang vaka nɛɛ mani ɓɛɛ. Nɔɔ tɔɔ, ruu nandon ruu zi vuu ɓɔɔ niizang tɔ. Niizang, ruu nandon ruu zi vuu tɔ. A zɔ̃ng vuu zinang kaɓa shing zang, zang wu tuu yuu ɓiɓɛ. Ɓi zɔɔ kasɛnang kɔ yi zang naa ka bii dɔɔli.

1 Koranti 8:10

Naa zang ɓɔɔ kɔɔ ɓi nɛɛ zɔ̃ng vuu shaanang kaɓa shing ri, ri nwáng zang shi kpang, ri zì mɔɔ zang ɓɔɔ mɔɔ zì ɓaa tɔ, mɔɔ nwang ka gãa vaka mɔɔ shaa vuu shaanang ɓɔɔ zang nwãa ka ruu vaka bannang. Shing wu katɔ wu naa shaa vuu shaanang vaka jong.

1 Koranti 8:7

A kaa tɔ̀ɔ́ zang piti ri zi tɔ nɛɛ vaka ɓi vuu ɓɔɔ kpang, kpang. Zang ɓɔɔ kagn ɓɔɔ bii ĩi ri tɔ nɛɛ vaka. Kãntang ri zi ɓarɛ nɛɛ vuu shaanang kaɓa ɓi ɓɔɔ vaka. Ka ruu nɔngkɔ, naa ri shaa zɔ̃ng vuu shaanang kaɓa ri rɛ̃rɛ ɓarɛ nɛɛ vuu shaanang kaɓa shing ri, ri nwang zang shi kpang.

2 Koranti 8:7

Ka vuu piti, nɔɔ ɓa zang ɓɔɔ ri dũng Laa ɓɔɔ nimbang tɔ. Nɔkɔ ka ting, ka danggn ɓɔɔ nɔɔ shing ka bii Yeesɔ Kirisi, ka naa ɓɔɔ nɔɔ kɔɔrɔ zang Ruu Tɔ̃ɔ Laa ɓɛɛ. Ka naa ɓɔɔ nɔɔ zi ruu ɓɔɔ niizang, ka ɓɔɔ nɔɔ kasɛ shonang palɛnang katɔ ɓɛɛ, a ɓɔɔ ti ka naa ɓɔɔ nɔɔ kasɛ ruu. Ka ruu nɔngkɔ, n kasɛ nɔkɔ nɔ́ɔ sɔɔ tĩng ka shonang keɓe, ɓɔɔ tusu nɛɛ nɔɔ kàsɛ̀ zang katɔ ɓɛɛ.

Afisa 5:9

Ka ruu ɓɔɔ, ɓi nɔng yakɛnang kɔ nwangsɛ vuu piti ɓɔɔ tɔ̃ɔ, nɛɛ ɓɔɔ waasɛ̃, nɛɛ ɓɔɔ niizang ɓɛɛ.

Filipi 1:11

N ti gaa Laa nɛɛ nɔ́ɔ walɛ nwannang tɔ̃ɔ ɓɔɔ a nɛɛ bii Yeesɔ Kirisi ɓɛɛ, nɔ́ɔ ti palɛ vuu ɓɔɔ tɔ̃ɔ jong. Zang ɓɔɔ ri zi vuu tɔ̃ɔ ɓɔɔ nɔɔ palɛ, ri dɔ̀ɔ Laa, ri ti a wu bannang ka ruu vuu keɓe.

Filipi 1:7

Daa naa ɓɔɔ n rɛ̃rɛ zɔ̃ng rɛ̃rɛnang keɓe tɔ ka yuu manɛ nandon, ka ruu ɓɔɔ, n kasɛ ruu manɛ katɔ ka yeti mɛɛ dɔɔli ɓɛɛ. Ka ruu ɓɔɔ, nɔɔ nɛɛ n, ruu zi tɔ̃ɔ ɓɔɔ Laa palɛ ruu ka nyaa zɔɔ tɔ. Kãntang kɔ wee zang mã m ka sãa, a ɓɔɔ ti ka laa ɓɔɔ n shii ka nɔng ɓɔɔ zang jɛ̃ɛ zang ruu ɓɛɛ. N tusu zang nɛɛ Ruu Tɔ̃ɔ Laa ɓi niizang kɔ nwani ɓɛɛ.

Kolosi 3:16

Yee Yeesɔ Kirisi wu nwang ka yeti manɛ dɔ̃ɔ gbete, ka ɓɔɔ nɔɔ tusu vuu, a nɔɔ ti kpɛ̃ɛrɛ zɔɔ vuu nɛɛ zũnang ɓɛɛ. Nɔɔ gaa soo ɓɔɔ nɔɔ dɔɔ Laa nɛɛ mani, nɛɛ ɓɔɔ nɔɔ zãa wu nɛɛ mani nɛɛ ɓɔɔ Suru Laa kpɛ̃ɛrɛ zang ɓɛɛ. Nɔɔ ti zãa wu ka yeti manɛ.

1 Tesalonika 5:11

Ka ruu nɔngkɔ, nɔɔ mã zɔɔ danggn, nɔɔ yi zɔɔ naa ka bii. Nɔɔ shing danggn kaa gbãng gbãng naa wee nɔɔ palɛ ɓee.

1 Tesalonika 5:14

Rɛɛ manzung ɓuru, ruu gaa nɔɔ, nɔɔ shaarɛ zang ɓɔɔ ri nwalɛ waati nyaa katɔ, nɔɔ mã zang ɓɔɔ ri yaa gn naa danggn pati nɔɔ yi zang ɓɔɔ ri lakɛ naa ka bii kpang naa ka bii, a nɔɔ ti mã danggn nɛɛ zang piti.

2 Tesalonika 1:11

Vuu ɓɔɔ shingnɛ ruu gaa nɔɔ Laa diki diki ɓɛɛ kɔ. Ruu kɔɔ Laa ɓuru nɛɛ wu shingnɛ nɔ́ɔ daa naa nwannang kɔ wu ɓàa nɔɔ nyaa nɛɛ nɔɔ nwang ɓee katɔ. Wu ti shingnɛ nɔɔ palɛ tɔ̃ɔ ɓɔɔ nɔɔ kasɛ nɛɛ nɔɔ palɛ ɓɛɛ nandon. Wu ti yi nɔɔ naa ka bii nɛɛ naa vuu palɛnang ɓiɓɛ, nɔ́ɔ nwang nwannang ɓɔɔ daa naa ɓɔɔ zang ɓɔɔ ri shing danggn tɔ ɓɛɛ.

2 Timoti 1:5

Danggn ɓɔɔ mɔɔ shing gbãng gbãng, ning m kpang, naa ɓɔɔ nabang ɓaaɓɛ Looyi nɛɛ naaɓɛ Yunis, ri shing ɓɛɛ. N ti zi zɔ̃ng danggn shinnang keɓe kagn yeti ɓaaɓɛ.

Filimon 1:21

N zi tɔ, mɔɔ palɛ vuu ɓɔɔ n kɔɔ mɔɔ ɓɛɛ katɔ. Mɔɔ ti palɛ ɓa katɔ.

Yahudi 5:12

Niizang, kãntang keɓe nɔkɔ nɛɛ tusu zang vuu kati, a nɔɔ kasɛ nɛɛ zang ɓɔɔ wu paasɛ nɔɔ ruu niizang ɓɔɔ kpãa kpang, ɓɔɔ ka Ruu Laa ɓɛɛ tusunang tɔkn. Nɛɛ nɔngkɔ, zang wu a nɔɔ míi, wu vuu shaanang ɓɔɔ lakɛ katɔ kpang.

Yahudi 6:9

Masang ɓɔɔ, n kasɛ nɔɔ dɔɔli ɓɛɛ, naa ruu ràng yee doo nɔngkɔ, ruu zi tɔ, ɓɔɔ manɛ, nɔɔ shìi manɛ ka vuu tɔ̃ɔ ɓɔɔ shingnɛ, Laa ta yuu manɛ ɓɛɛ.

2 Bituru 1:12

Ka ruu nɔngkɔ, n kpàarɛ́ nɔɔ danggn rɛɛ vuu keɓe dòo nɛɛ mani ka wee nɔɔ zi ri tɔ, a nɔɔ ti shii tɔ gbãng gbãng ka yuu ruu niizang kɔ nɔɔ ta ɓee.

1 Yɔhana 2:21

N bèé nɔɔ wu ka ruu ɓɔɔ nɔɔ zi ruu ɓɔɔ niizang kpang ɓɛɛ kpang. N bèé nɔɔ, ka ruu ɓɔɔ, nɔɔ zi tɔ ɓɛɛ. Nɔɔ ti zi tɔ nɛɛ, ruu sèé hãa naa ɓi kagn nɛɛ ruu ɓɔɔ niizang kpang.