Rooma 15:1 - Nyaa Shɔɔ Ɓɔɔ Laa a Ɓɛɛ

¹ Ɓɔɔ ruu shing danggn ɓuru tɔ gbãng gbãng ɓɛɛ, ruu yi zang ɓɔɔ ri shing danggn doo rɛ̃rɛkɛ naa ka bii, ri shing danggn jong gbãng gbãng. Rúu pálɛ̀ vuu ɓɔɔ shing ruu, rukɔ tãa tĩnang ka bm gbete kpang.

Rooma 15:1 ပူးပေါင်းရင်းမြစ်များ

Rooma 14:1

Zang ɓɔɔ nɛɛ shing danggn doo rɛ̃rɛkɛ, nɔɔ ta wu katɔ ka teteng manɛ. Nɔ́ɔ laa nyaa kaa tɔ̀ɔ́ nɛɛ wu ka ruu vuu ɓɔɔ nɔɔ kasɛ nɛɛ wu palɛ, nɛɛ vuu ɓɔɔ wu kasɛ nɛɛ wu palɛ ɓɛɛ kpang.

Rooma 14:2

Zang ɓɔɔ danggn shinnang ɓiɓɛ yàá wu gbalang katɔ wu shaa vuu piti, a zang ɓɔɔ shing danggn doo rɛ̃rɛkɛ shaa ɓi sɔ̃ngkɔ kɔ shɛ̃ɛning.

Rooma 4:20

Ibirayi yaa danggn ɓɔɔ wu shing ka bii Laa ɓɛɛ kpang, a ti yaa gn naa ka ruu, nyaa ɓɔɔ Laa a wu ɓɛɛ kpang. Danggn ɓɔɔ wu shing ka bii Laa, a wu kaka, a dɔɔ Laa kati.

1 Koranti 4:10

Ruu nwang kaa naa zang shoko, ka ruu Yeesɔ Kirisi. Nɔɔ tuu yuu manɛ naa zang ɓɔɔ ri zũng katɔ ɓɔɔ ri ɓakɛ yuu kaa nɛɛ Yeesɔ Kirisi ɓɛɛ. Rùu lakɛ naa ɓuru bii kpang. Kaka ɓi kagn bii manɛ. Zang seng nɔɔ manɛ katɔ, ruu ɓuru zang ɓɔɔ zang palɛ ri vuu yusɛ̃ɛ ɓɛɛ.

1 Koranti 9:22

Naa n nwàng nɛɛ zang ɓɔɔ ri shing danggn gn gbãng gbãng ka vuu ɓɔɔ ri shing danggn kagn ɓɛɛ kpang, n risi yuu mɛɛ naa ri. Tɔ̀ɔ, n atɛ ri, ri naa dũng Yeesɔ Kirisi. Naa zang nwang doo naa viya, n kasɛ tɔ n risi yuu mɛɛ naa ri. Tɔ̀ɔ, n palɛ vuu ɓɔɔ n zunung katɔ nandon, n gɔ̃ zang ɓɔɔ nɛɛ teteng ɓarɛ ri a ka bii Laa, tɔ̀ɔ, Laa wu ta yuu ɓarɛ kati.

2 Koranti 12:10

Ka ruu nɔngkɔ, n tãa tĩnang ka ɓɔɔ n lakɛ naa ka bii kpang, nɛɛ dãanang ɓɔɔ zang dãa m, nɛɛ vuu ɓɔɔ kpãa m ka yeti, nɛɛ jĩng ɓɔɔ zang dang m, nɛɛ vuu ɓɔɔ kpãarɛ m ka zɔ̃ng zɔ̃ng ɓɛɛ ka ruu Yeesɔ Kirisi. Ka ruu ɓɔɔ, kaka nɛɛ tɔ̀ɔ́ ka bii mɛɛ kpang, n tãa kaka ka laa kaɓa kɔ jong.

Afisa 6:10

N di nyaa kaa nɛɛ ruu keɓe, naa vuu palɛnang Kpanti Yeesɔ wu shing nɔɔ, nɔ́ɔ shii nɛɛ kaka ka yuu ruu gn kɔ nɔɔ shing ka bii ɓiɓɛ ɓee.

Filipi 2:4

Zang ɓu wu shing jĩng ka vuu ɓɔɔ yeti ɓiɓɛ kasɛ ɓɛɛ kɔɔ shɛ̃ɛning kpang, wu shing jĩng jong ka vuu ɓɔɔ ɓeezung kasɛ ɓɛɛ.

1 Tesalonika 5:14

Rɛɛ manzung ɓuru, ruu gaa nɔɔ, nɔɔ shaarɛ zang ɓɔɔ ri nwalɛ waati nyaa katɔ, nɔɔ mã zang ɓɔɔ ri yaa gn naa danggn pati nɔɔ yi zang ɓɔɔ ri lakɛ naa ka bii kpang naa ka bii, a nɔɔ ti mã danggn nɛɛ zang piti.

2 Timoti 2:1

Ka ruu nɔngkɔ, Jaa mɛɛ, tɔ̃ɔ ɓɔɔ Laa pàlɛ̀ mɔɔ ɓɛɛ, wu shingnɛ mɔɔ shii nɛɛ kaka. Tɔ̃ɔ keɓe, ɓi ɓɔɔ ɓuru ɓɔɔ ruu ɓakɛ zɔɔ ɓuru tɔ nɛɛ Yeesɔ Kirisi ɓɛɛ.

1 Yɔhana 2:14

Daa wujɛ, n bèé nɔɔ vuu keɓe, ka ruu ɓɔɔ, nɔɔ zi Yeesɔ ɓɔɔ nwáng ka tĩng tɔ ɓɛɛ. Yeesɔ nwáng nɛɛ Laa, bɛ̀ɛ́ Laa gaayu koo mãanang gn kpang. Jasang, n bèé nɔɔ ruu keɓe, ka ruu ɓɔɔ, nɔɔ lakɛ katɔ ɓɛɛ. Yee Laa nwàng ka yeti manɛ kɔ, a nɔɔ ti ɓa Sheetang yuu tɔ.