Rooma 14:9 - Nyaa Shɔɔ Ɓɔɔ Laa a Ɓɛɛ

⁹ Ka ruu vuu keɓe kɔ, Kirisi vɔrɛ, a Laa wisi wu paa ningkãari tɔkn, tɔ̀ɔ, wu nwàng kaa Kpanti zang ɓɔɔ ri vɔlɔ tɔ, nɛɛ zang ɓɔɔ ri doo ningkãari ɓɛɛ.

Rooma 14:9 ပူးပေါင်းရင်းမြစ်များ

Matiyu 28:18

A Yeesɔ arɛ naa kɔɔ ri tɔɔ, “Laa a m naa tɔ ka yuu vuu ɓɔɔ ka lapa, nɛɛ ɓɔɔ ka tipi nandon.

Luka 24:26

Nɔɔ zi kpang nɛɛ Kirisi dang jĩng vuu keɓe ka gbongkarɛ, tɔ̀ɔ, zang a wu bannang ɓiɓɛ kpang ya?”

Yɔhana 12:24

N kɔ̀ɔ́ nɔɔ ruu ɓɔɔ niizang kɔ nwani, naa zang ɓaa jĩng zee ka tipi kpang, nwang ɓi ka nɔngkɔ, jĩng zee gbete. Zang nɛɛ ɓaa tɔ, wu tarɛ, wu shing jĩng kaa gaagaa.

Zang Shonang Yeesɔ 10:36

Laa shòng zang Isirela nyaa nɛɛ ruu ɓiɓɛ. Zang kɔɔ ri Ruu Tɔ̃ɔ Laa ɓɔɔ shing ri, ri nwang ka nyaa zɔɔ ɓɛɛ nɛɛ bii Yeesɔ Kirisi ɓɔɔ wukɔ kpanti zang piti ɓɛɛ.

Zang Shonang Yeesɔ 10:42

A á ruu nyaa nɛɛ ruu kɔɔ zang Ruu Tɔ̃ɔ Laa. Rùu kɔ̀ɔ́ zang nɛɛ Laa zɔ̃ng wukɔ nɛɛ wu nwang zang ɓɔɔ naa jɛ̃̀ɛ́ rɛɛ zang ɓɔɔ vɔ katɔ, nɛɛ zang ɓɔɔ nwang doo ningkãari ruu.

Rooma 10:9

Naa mɔɔ kɔɔ nɛɛ nyaa ɓaaɓɛ nɛɛ, “Yeesɔ kɔ Kpanti,” a mɔɔ ti shing danggn nɛɛ Laa wisi wu paa nɛɛ sàa. Laa ta yuu ɓaaɓɛ katɔ.

2 Koranti 5:14

Ɓi kasɛnang ɓɔɔ Kirisi kasɛ ruu nɛɛ mani kɔ yiti ruu. Ka ruu ɓɔɔ, ruu zi ɓuru tɔ nɛɛ, zang gbete vɔ tɔ ka ruu zang piti. Nwang ɓi kaa naa ɓɔɔ ri nandon ri vɔ jong nɛɛ wu ɓɛɛ.

1 Tesalonika 4:14

Ruu shing danggn tɔ nɛɛ, Yeesɔ vɔrɛ, a yuu paa tɔkn, a ruu ti shing danggn tɔ nɛɛ, Laa naa sɔɔrɔ zang ɓɔɔ ri shing danggn ka bii ɓiɓɛ, ɓɔɔ ri vɔlɔ tɔ ditɔ jong nɛɛ Yeesɔ Kirisi.

1 Tesalonika 5:10

Yeesɔ vɔ ka ruu ɓuru nɛɛ tɔ̀ɔ, ruu nwang kaa nɔng gbete nɛɛ wu, naa ruu doo ningkãari, kɔ́ ruu vɔlɔ katɔ, ka diki ɓɔɔ wu a kagn ɓɛɛ.

2 Timoti 4:1

N gàa mɔɔ nɛɛ nung Laa nɛɛ ɓɔɔ Yeesɔ Kirisi ɓɔɔ naa jɛ̃ɛ zang ɓɔɔ ri vɔlɔ tɔ, nɛɛ zang ɓɔɔ ri doo ningkãari ruu ɓɛɛ. Ka ruu ɓɔɔ, Yeesɔ Kirisi naa nwang nyaa ditɔ, naa roo kpanti, ka ruu nɔngkɔ, n kɔɔ mɔɔ ruu keɓe.

Yahudi 12:2

Ruu shing nɔɔ jĩng ka bii Yeesɔ ɓɔɔ wukɔ tusu ruu naa ɓɔɔ ruu shing danggn, ti shingnɛ danggn shinnang ɓuru wu nwang nyaa kiiri ɓɛɛ. Zang ɓɔɔ, ka ruu tĩnang ɓɔɔ Laa naa a wu ka tĩng, mã danggn ka ɓɔɔ zang ɓaa wu naa ka laa ɓɛɛ. Yee laa ka yusɛ̃ɛ náa ɓɔɔ zang ɓaa wu ɓɛɛ kpang, a daa nwàng ka nakn laa nwannang Kpanti Laa.

1 Bituru 1:21

Nɔɔ shing danggn ka bii Laa ka ruu ɓiɓɛ kɔ. Laa ɓɔɔ wisi wu paa nɛɛ sàa, a á wu bannang ɓɛɛ. Ka ruu nɔngkɔ, nɔɔ shing danggn, a nɔɔ ti shing jĩng ka bii Laa.

1 Bituru 4:5

Diki a doo kana, ɓɔɔ zang ɓɔɔ ri dãa nɔɔ keɓe, ri naa shii ka tĩng Laa, ri kɔɔ naa ɓɔɔ ri nwàng ka koo keɓe ɓɛɛ. Diki bee kpang, ɓɔɔ Laa naa dɔng zang ɓɔɔ ri ningkãari ka koo keɓe nɛɛ zang ɓɔɔ ri vɔlɔ tɔ ruu ɓɛɛ.

Vuu ɓɔɔ zang nwangsɛ Yɔhana 1:18

Nkɔ ti zang ɓɔɔ ningkãari ɓɛɛ. Bɛ̀ɛ́ n vɔ katɔ, a kãntang keɓe, n kaa ningkãari dòndòng. Saka ɓɔɔ zang puu nyaa gãa zang ɓɔɔ daa nɔng vɔrɔ nɛɛ ɓɔɔ koo rɛɛ suru, ka naa mɛɛ kɔ.

Vuu ɓɔɔ zang nwangsɛ Yɔhana 2:8

A kɔɔ m tɔkn nɛɛ, “Bèe zang nyaa shonang Laa ɓɔɔ ka lapa ɓɔɔ gãng jĩng ka zang Laa ɓɔɔ ri ka gari Simina ruu keɓe, mɔɔ kɔɔ wu nɛɛ, Wee ruu ɓɔɔ nwang nɛɛ nyaa zang ɓɔɔ wukɔ ka tĩng shɔɔnang wukɔ ti waa nyaa knti ɓɛɛ, ɓɔɔ vɔrɛ, a yupaa tɔkn ningkãari ɓɛɛ.