Rooma 14:2 - Nyaa Shɔɔ Ɓɔɔ Laa a Ɓɛɛ

² Zang ɓɔɔ danggn shinnang ɓiɓɛ yàá wu gbalang katɔ wu shaa vuu piti, a zang ɓɔɔ shing danggn doo rɛ̃rɛkɛ shaa ɓi sɔ̃ngkɔ kɔ shɛ̃ɛning.

Rooma 14:2 ပူးပေါင်းရင်းမြစ်များ

Rooma 14:1

Zang ɓɔɔ nɛɛ shing danggn doo rɛ̃rɛkɛ, nɔɔ ta wu katɔ ka teteng manɛ. Nɔ́ɔ laa nyaa kaa tɔ̀ɔ́ nɛɛ wu ka ruu vuu ɓɔɔ nɔɔ kasɛ nɛɛ wu palɛ, nɛɛ vuu ɓɔɔ wu kasɛ nɛɛ wu palɛ ɓɛɛ kpang.

Rooma 14:14

N ɓɔɔ n shing danggn tɔ nɛɛ bii Kpanti Yeesɔ ɓɛɛ, n zi m tɔ nɛɛ, vuu shaanang ɓɔɔ ɓi shi kpang, ɓi kagn kpang. Naa zang ɓɔɔ nɛɛ tɔɔ vuu keɓe shi kpang, ɓi ti shi kpang ka jĩng ɓiɓɛ.

Rooma 14:20

Mɔɔ lasɛ vuu ɓɔɔ Laa palɛ, ka ruu vuu shaanang kpang. Vuu shaanang piti ɓi tɔ̃ɔ. A naa nɔɔ shaa vuu piti ɓɔɔ shing zang ɓɔɔ, wu pálɛ́ vuu shi kpang, nɔɔ palɛ vuu shi kpang tɔ.

Rooma 15:1

Ɓɔɔ ruu shing danggn ɓuru tɔ gbãng gbãng ɓɛɛ, ruu yi zang ɓɔɔ ri shing danggn doo rɛ̃rɛkɛ naa ka bii, ri shing danggn jong gbãng gbãng. Rúu pálɛ̀ vuu ɓɔɔ shing ruu, rukɔ tãa tĩnang ka bm gbete kpang.

1 Koranti 10:25

Shaa yɔpɔ ɓɔɔ zang mãlɛ́ ka lumang ɓɛɛ, mɔɔ hɛ̃ɛlɛ zang ruu ka yuu ɓiɓɛ kpang. Ka ruu ɓɔɔ, mɔɔ nɛɛ rɛ̃rɛ nɛɛ mɔɔ palɛ vuu shi kpang tɔ ɓɛɛ.

1 Koranti 8:9

Nɔɔ zi manɛ tɔ nɛɛ, Laa yaa ruu gbalang tɔ, ruu shaa zɔ̃ng vuu shaanang ɓu nandon. Nɔɔ palɛ waasɛ̃ nɔɔ nɛ̀ɛ́ shing zang ɓɔɔ danggn shinnang ɓarɛ zũng gn kpang ri nɛɛ palɛ vuu shi kpang.

1 Koranti 9:22

Naa n nwàng nɛɛ zang ɓɔɔ ri shing danggn gn gbãng gbãng ka vuu ɓɔɔ ri shing danggn kagn ɓɛɛ kpang, n risi yuu mɛɛ naa ri. Tɔ̀ɔ, n atɛ ri, ri naa dũng Yeesɔ Kirisi. Naa zang nwang doo naa viya, n kasɛ tɔ n risi yuu mɛɛ naa ri. Tɔ̀ɔ, n palɛ vuu ɓɔɔ n zunung katɔ nandon, n gɔ̃ zang ɓɔɔ nɛɛ teteng ɓarɛ ri a ka bii Laa, tɔ̀ɔ, Laa wu ta yuu ɓarɛ kati.

Galati 2:12

Ɓɔɔ zang varɛ ɓɔɔ Yakub shong ri, ri a nɔng kaɓa gn kpang, Bituru shaa vuu shaanang nɔng gbete nɛɛ manzung ɓuru ɓɔɔ ri zang Yahudi kpang ɓɛɛ. Ɓɔɔ ri naa shɛ̃ɛ nɔng, Bituru gɔ̃ bii, shaa vuu shaanang tɔ̀ɔ́ nɛɛ ri kpang, ka ruu ɓɔɔ, kaa vɔrɔ zang ɓɔɔ ri kasɛ ɓarɛ nɛɛ zang yèe zang ɓɔɔ ri zang Yahudi kpang shaa katɔ ɓɛɛ.

1 Timoti 4:4

Vuu ɓɔɔ Laa mãa piti ɓi tɔ̃ɔ, nɔ́ɔ bɛ̃ɛ vuu ɓɔɔ kpang. Nɔɔ ta vuu piti, nɔɔ zãa wu.

Titu 1:15

Ka jĩng zang ɓɔɔ ri dũng Laa nɛɛ yeti gbete, vuu piti ɓi tɔ̃ɔ kɔ nandon. A zang ɓɔɔ vuu shi kpang palɛnang lasɛ ri tɔ, ɓɔɔ ri shing danggn ɓarɛ ka ruu ɓɔɔ niizang kpang, vuu ɓɔɔ tɔ̃ɔ ɓi kagn kpang. Ka ruu ɓɔɔ, vuu shi kpang ɓɔɔ ri palɛ lasɛ rɛ̃rɛnang ɓarɛ tɔ ɓɛɛ.

Yahudi 13:9

Nɔɔ yáa vuu ɓɔɔ zang tusu, ɓɔɔ ka zɔ̃ng zɔ̃ng, nɛɛ ɓɔɔ nɔɔ tãa gngn kpang, wu shing nɔɔ, nɔɔ ning gbalang kpang. Ɓi tɔ̃ɔ ɓɔɔ Laa palɛ ruu kɔ, mã ruu danggn, wu vuu shaanang ɓɔɔ ruu shaa ka zɔ̃ng zɔ̃ng ɓɛɛ kpang. Vuu shaanang keɓe, ti nwàng zang ɓɔɔ ri shaayi vuu tɔ̃ɔ kpang.

Yahudi 9:10

Rɛɛ vuu keɓe, ɓi ka yuu vuu shaanang nɛɛ vuu ɓoonang nɛɛ rɛɛ vuu sɔ̀ɔrɔ̀nang kɔ shɛ̃ɛning ka zɔ̃ng zɔ̃ng. Wee ɓi nyaa dannang ka ruu vuu ɓɔɔ zang palɛ ka bii biling kɔ shɛ̃ɛning, tɔ̀ɔ laa ɓɔɔ Laa naa kɔ̃sɔ vuu piti, wu a nɛɛ mani.