Rooma 14:19 - Nyaa Shɔɔ Ɓɔɔ Laa a Ɓɛɛ

¹⁹ Ka ruu nɔngkɔ, diki diki, rúu shing jĩng ka vuu ɓɔɔ shingnɛ zang ri nwang ka nyaa zɔɔ ɓɛɛ. Ruu ti yì zɔɔ naa kagn, ruu shing danggn gbãng gbãng.

Rooma 14:19 ပူးပေါင်းရင်းမြစ်များ

Matiyu 5:9

Tĩnang Tãanang ɓi ɓɔɔ zang ɓɔɔ ri kasɛ nɛɛ zang nwang ka nyaa zɔɔ ɓɛɛ. Zang naa ɓaa rikɔ nɛɛ wujɛ Laa.

Maraku 9:50

“Tãa ɓi tɔ̃ɔ. Naa lanang tãa nɛɛ takpang, zang palɛ bɛɛ nɛɛ mani wu la tɔkn viya? Tãa ɓɔɔ shing zang, nɛɛ zang nwáng ka nyaa zɔɔ, wu nwang ka bii manɛ ning. Nɔɔ ti nwang ka nyaa zɔɔ nɛɛ zɔɔ.”

Rooma 12:18

Palɛ vuu piti ɓɔɔ mɔɔ zunung katɔ ɓɛɛ, mɔɔ nwang ka nyaa zɔɔ nɛɛ zang piti.

Rooma 15:2

Zang ɓu wu pàlɛ̀ ɓeezung ɓɔɔ dũng doo Laa kɔ, vuu ɓɔɔ shing wu tãa tĩnang ɓɛɛ, wu ti shing wu, wu zũng danggn.

1 Koranti 10:23

Nɔɔ kɔɔrɔ nɛɛ, zang zãa nɔɔ vuu ɓɔɔ kagn gbete kpang. Niizang, zang zãa nɔɔ vuu ɓɔɔ kagn gbete kpang, a wu kaa tɔ̀ɔ́ vuu piti yǐ zang naa ka bii kpang. Niizang, zang zãa nɔɔ vuu ɓɔɔ kpang, a vuu kaa gn ɓɔɔ ri shíng zang, zang ri shíi nɛɛ kaka ka vuu Kpanti Yeesɔ Kirisi kpang ɓɛɛ.

1 Koranti 10:33

Naa ɓɔɔ n kãa m gbalang n shing zang ri tãa tĩnang ka vuu piti ɓɔɔ n palɛ ɓɛɛ. N shing jĩng m ka vuu ɓɔɔ yi nkɔ naa ka bii shɛ̃ɛning kpang. N shing jĩng m ka vuu ɓɔɔ, yi zang dɔɔli naa ka bii ɓɛɛ. Tɔ̀ɔ, n atɛ ri, Laa wu ta yuu ɓarɛ kati.

1 Koranti 14:26

Manzung, nɔɔ nɛɛ n kɔɔ nɔɔ ruu biya? Nɔɔ nɛɛ kpalɛ zɔɔ tɔ nɛɛ nɔɔ bang Laa, zang gbete wu tusu soo ɓɔɔ zang gaa ɓɛɛ. Zang gbete wu tùsù zang Ruu Laa. Zang ɓɔɔ wu tùsù zang vuu ɓɔɔ Laa tusu wu ɓɛɛ. Zang ɓɔɔ wu rang yee nɛɛ nyaa ɓɔɔ wu kpɛ̃ɛrɛ katɔ kpang. Zang ɓɔɔ wu ti kɔɔ zang ɓi dĩiri ruu keɓe. Zang ri palɛ vuu piti naa ɓɔɔ yi zang naa ka bii, zang ri zi Ruu Laa kaa gbãng gbãng ɓɛɛ.

1 Koranti 14:3

Zang ɓɔɔ kɔɔ ruu ɓɔɔ Laa tusu wu, rang yee ɓi nɛɛ shɔnzang. Ruu ɓɔɔ wu kɔɔ ɓɛɛ, yi zang naa katɔ ka bii. Ruu bìí mã zang danggn katɔ, wu shingnɛ yeti ɓarɛ wu valɛ.

1 Koranti 14:4

Ka ruu nɔngkɔ, zang ɓɔɔ rang yee nɛɛ nyaa ɓɔɔ wu kpɛ̃ɛrɛ katɔ kpang yi ɓi yuu ɓiɓɛ naa ka bii. A zang ɓɔɔ kɔɔrɔ zang ruu ɓɔɔ a nɛɛ bii Laa, yi ɓi zang ɓɔɔ ri dũng doo Laa kɔ naa ka bii.

1 Koranti 14:5

N kasɛ nɛɛ Suru Laa wu a zang ɓu naa wu kɔɔ ruu nɛɛ nyaa ɓɔɔ wu kpɛ̃ɛrɛ katɔ kpang ɓɛɛ. Naa nɔɔ kɔɔrɔ zang ruu ɓɔɔ a nɛɛ bii Laa, n kàsɛ̀ wukɔ gbãng gbãng. Zang ɓɔɔ kɔɔrɔ zang ruu ɓɔɔ a nɛɛ bii Laa ɓa zang ɓɔɔ rang yee nɛɛ nyaa ɓɔɔ wu kpɛ̃ɛrɛ katɔ kpang katɔ. Zang ɓɔɔ nɛɛ kagn ɓɔɔ nwàngsɛ́ zang ɓɔɔ ri dũng Laa dĩiri ruu bii kpang ɓɛɛ.

1 Koranti 7:15

Naa zang ɓɔɔ dũ̀ng Laa kpang kasɛ nɛɛ wu yaa zang ɓɔɔ wu gee ɓɛɛ katɔ, wu yaa wu. Ri nɛɛ yaa zɔɔ tɔ, zang ɓɔɔ dũng Laa ka teteng ɓarɛ, nɛɛ zang varɛ, nɛɛ ti zang soro, tá nyaa dannang kpang, ka ruu ɓɔɔ, Laa kasɛ nɛɛ ruu nwang ka nyaa zɔɔ ɓɛɛ.

1 Koranti 8:1

N kaaɓi, n rang yee ka yuu vuu shaanang ɓɔɔ zang bang vaka nɛɛ mani ɓɛɛ. Nɔɔ tɔɔ, ruu nandon ruu zi vuu ɓɔɔ niizang tɔ. Niizang, ruu nandon ruu zi vuu tɔ. A zɔ̃ng vuu zinang kaɓa shing zang, zang wu tuu yuu ɓiɓɛ. Ɓi zɔɔ kasɛnang kɔ yi zang naa ka bii dɔɔli.

2 Koranti 12:19

Nɔɔ rɛ̃rɛ manɛ ɓu nɛɛ, ruu tɔɔ ruu ta yuu ɓuru ka tĩng manɛ ya? Manzung ɓuru, ɓɔɔ ruu kasɛ nɔɔ dɔɔli ɓɛɛ, ruu ráng nɔɔ yee ka tĩng Laa, wee ruu ɓakɛ yuu tɔ nɛɛ Kirisi ɓee. A vuu piti ɓɔɔ ruu palɛ ɓɛɛ, ruu palɛ nɛɛ tɔɔ ruu yi nɔɔ naa ka bii.

2 Koranti 13:11

Manzung ɓɔɔ ri dũng doo Laa kɔ ɓɛɛ, n di nyaa labeenang keɓe nɛɛ, “Laa wu nwang nɛɛ nɔɔ.” Nɔɔ palɛ vuu ɓɔɔ shingnɛ nɔɔ nwang nyaa kiiri ɓɛɛ, nɔ́ɔ ɓaa shoo ka vuu ɓɔɔ n kɔɔ nɔɔ ɓɛɛ, nyaa manɛ wu daa zɔɔ gbete, a nɔ́ɔ ti nwang ka nyaa zɔɔ. Laa ɓɔɔ kàsɛ̀ ruu zang katɔ, a ti shingnɛ zang ri nwáng ka nyaa zɔɔ, naa nwang ditɔ nɛɛ nɔɔ.

Afisa 4:12

Pálɛ̀ vuu keɓe nɛɛ tɔ̀ɔ zang ɓɔɔ ri dũng Laa ri kpalɛ bii ka ruu shonang ɓɔɔ ri naa shòng zang ɓɛɛ. Tɔ̀ɔ ri shingnɛ, zang ɓɔɔ ri shing danggn tɔ ka bii Yeesɔ Kirisi, ri zũng danggn kati.

Afisa 4:29

Nɔ́ɔ rangkɛ yee sãnsãnrãng takpang. Nɔɔ ráng kaa yee ɓɔɔ yi zang naa katɔ ka bii ɓɛɛ, zɔ̃ng yee ɓɔɔ shing zang, zang bangnɛ ka doo vuu ɓɔɔ zang kasɛ ɓɛɛ. Tɔ̀ɔ, vuu ɓɔɔ mɔɔ kɔɔ ɓɛɛ wu nwàng zang ɓɔɔ ri tãa mɔɔ vuu tɔ̃ɔ kati.

1 Timoti 1:4

Mɔ́ɔ kɔ̀ɔ ri nɛɛ ri suukãng waati ka nɔng ruu gbãagbãa kɔɔrɔnang, nɛɛ nɔng ɓɔɔ ri gã zɔ̃ng rɛɛ dabang ɓarɛ ɓɛɛ kpang. Vuu keɓe shing ɓi nyaa laanang waati. Shingnɛ ruu zi vuu tɔ̃ɔ ɓɔɔ Laa mang ka yuu ɓuru nɛɛ ruu walɛ ɓɛɛ kpang. Danggn ɓɔɔ ri shing ka bii ɓiɓɛ kɔ tusu vuu keɓe shɛ̃ɛning.

2 Timoti 2:22

Yaa vuu ɓɔɔ bii jasang kasɛ ɓɛɛ, mɔɔ kãa ɓaa gbalang ɓɔɔ mɔɔ nwang tɔ̃ɔ ka tĩng Laa ɓɛɛ, mɔɔ shing danggn ka bii Laa. Mɔ́ɔ kasɛ ruu zang ɓɔɔ ri dũng dòo Laa kɔ ɓɛɛ. Mɔ́ɔ nwang ka nyaa zɔɔ nɛɛ ri. Palɛ vuu keɓe nɔng gbete nɛɛ zang ɓɔɔ ri dũng Laa nɛɛ yeti gbete ɓɛɛ.

Yahudi 12:14

Kãa gbalang mɔɔ nwang ka nyaa zɔɔ nɛɛ zang piti, mɔɔ ti nwang zang ɓɔɔ shi kpang, ka bii ɓaaɓɛ kpang ɓɛɛ. Naa mɔɔ nwàng zang ɓɔɔ shi kpang, ka bii ɓaaɓɛ kpang ɓɛɛ kpang, mɔɔ zi Laa kpang.

1 Bituru 3:11

Wu yaa vuu shi kpang palɛnang, wu palɛ vuu ɓɔɔ daa bii katɔ ɓɛɛ. Wu kãa gbalang ɓɔɔ wu nwang nɛɛ zang ka nyaa zɔɔ ɓɛɛ, wu shing jĩng ka wukɔ shɛ̃ɛning.