Rooma 14:18 - Nyaa Shɔɔ Ɓɔɔ Laa a Ɓɛɛ

¹⁸ Zang ɓɔɔ nɛɛ palɛ Kirisi shonang naa weɓe, shingnɛ, Laa tãa tĩnang, wu ti shingnɛ, shɔnzang wu kasɛ vuu ɓɔɔ wu palɛ ɓɛɛ.

Rooma 14:18 ပူးပေါင်းရင်းမြစ်များ

Maraku 13:34

Diki ɓɔɔ Jaa Shɔnzang gbãayu kagn, nwang naa zang ɓɔɔ tɔɔ wu daa zanti, yáa gãa ɓiɓɛ ka naa zang shonang ɓiɓɛ ɓɛɛ. Basɛ ri vuu ɓɔɔ ri naa palɛ ka knti ɓɛɛ katɔ nandon. A ti kɔɔ zang ɓɔɔ gãng jĩng ka nyaa gãa, nɛɛ wu gãng jĩng tɔ̃ɔ tɔ̃ɔ.

Yɔhana 12:26

Zang ɓɔɔ nɛɛ shòng m shonang, wu dũng, m ka knti. Nɔng ɓɔɔ n kagn zang shonang mɛɛ nwáng doo ka nɔngkɔ. Daa mɛɛ ti naa a zang ɓɔɔ palɛ m shonang bannang katɔ.”

Zang Shonang Yeesɔ 10:35

Ka zɔ̃ng zang kɔ ka koo nandon, zang ɓɔɔ nɛɛ kaa vɔrɔ Laa, nɛɛ ti palɛ vuu ɓɔɔ wu kasɛ, Laa ta wu ɓi katɔ.

Rooma 12:11

Nɔɔ pálɛ́ shonang nɛɛ kaka, nɔɔ si rang kpang. Nɔɔ pàlɛ́ Laa shonang nɛɛ yeti gbete.

Rooma 14:4

Mɔɔ dɔng zang shonang zang ɓɔɔ ruu kpang. Ɓi dabang gãa ɓiɓɛ kɔ kɔɔ shɛ̃ɛning nɛɛ zang shonang ɓiɓɛ palɛ vuu tɔ̃ɔ. Nɛɛ ti palɛ shi kpang wukɔ kɔɔyi. Shii ditɔ, ka ruu ɓɔɔ, Laa yi wu naa katɔ ka bii wu shiiyi ɓɛɛ.

Rooma 16:18

Ka ruu ɓɔɔ, zang ɓɔɔ ri palɛ naa weɓe ri pàlɛ́ ɓarɛ Kpanti ɓuru Kirisi shonang kpang, ri kãa ɓarɛ ɓɔɔ buru ɓarɛ. Ri nwãarɛ zang ɓɔɔ ri zi vuu kpang nɛɛ nyaa ɓɛlɛɓɛlɛ, nɛɛ nyaa tĩnang ɓarɛ.

Rooma 6:22

A kãntang keɓe zang ta nɔɔ tɔ nɛɛ, naa vuu shi kpang palɛnang, nɔɔ kaa jaafoo Laa. Vuu keɓe shing nɔɔ, nɔɔ nwang zang ɓɔɔ shi kpang ka bii ɓarɛ kpang ɓɛɛ. Wu ti shingnɛ nɔɔ wàlɛ̀ suru bii ɓɔɔ waa nyaa kpang ɓɛɛ.

1 Koranti 7:22

Ka ruu ɓɔɔ, naa mɔɔ jaafoo ka ɓɔɔ Laa ɓaa mɔɔ nyaa nɛɛ mɔɔ naa dũng Kpanti Yeesɔ Kirisi kãntang keɓe, mɔɔ ɓaa tɔ̀ɔ́ jaafoo kpang. Ka ruu ɓɔɔ, mɔɔ ɓákɛ́ yuu tɔ nɛɛ Kpanti Yeesɔ Kirisi ɓɛɛ. Doo nɔngkɔ, zang ɓɔɔ nɛɛ jaafoo kpang, ka ɓɔɔ Laa ɓaa wu nyaa, nwáng jaafoo Kirisi tɔ.

2 Koranti 4:2

Rùu dɔ̃ vuu ɓɔɔ zang waasɛ katɔ, nɛɛ vuu yusɛ̃ɛ tɔ piti nɛɛ kaa. Ruu palɛ vuu tɔ̀ɔ́ nɛɛ sèé kpang. Ruu ti risi Ruu Laa tɔ̀ɔ́ wu raa sèé kpang. Ruu kɔɔ rúu ɓɔɔ niizang ka dalɛ, ka tĩng Laa. Ruu kasɛ nɛɛ zang ɓu wu zi ka yeti ɓiɓɛ nɛɛ ruu ɓuru zang tɔ̃ɔ.

2 Koranti 5:11

Ruu zi vuu ɓɔɔ zang ɓaa nɛɛ zang kaa vɔrɔ Laa tɔ, ka ruu nɔngkɔ, ruu bàkɛ́ zang piti. Laa zi ruu nung tɔ dɔ̃ɔ gbete, n ti shing gn nɛɛ, ka yeti manɛ, nɔɔ zi ruu nung tɔ gbãng gbãng.

2 Koranti 5:9

Ruu kasɛ, naa ruu doo ka bii keɓe, naa ruu doo ka lapa, ruu palɛ vuu ɓɔɔ shing wu, wu tãa tĩnang ɓɛɛ.

2 Koranti 6:4

Ka vuu ɓɔɔ ruu pálɛ́ ɓɛɛ nandon, ruu tusu yuu ɓuru katɔ kɔ jong, nɛɛ ruu ɓuru zang shonang Laa ka danggn ɓɔɔ ruu mã́ ka jĩng dannang, nɛɛ naa ɓɔɔ zang kpãa ruu, a ɓɔɔ vuu ɓɔɔ kpãa ruu ɓɛɛ.

2 Koranti 8:21

Ruu mang ɓuru ka yeti ɓuru nɛɛ ruu palɛ vuu ɓɔɔ tɔ̃ɔ ɓɛɛ. Wu ka jĩng Kpanti Yeesɔ kɔ shɛ̃ɛning kpang, ka jĩng shɔnzang jong.

Filipi 4:18

Nɔɔ a m vuu piti ɓɔɔ daa naa katɔ ɓɛɛ tɔ. Nɔɔ ti gisi vuu ɓɔɔ tɔ dɔɔli ɓa vuu ɓɔɔ n shing gn ɓiɓɛ tɔ. Ɓɔɔ Abafaroditu atɛ m vuu ɓɔɔ nɔɔ alɛ wu. Vuu bìí daa m katɔ, vuu ɓɔɔ n kasɛ ɓɛɛ takpang. Vuu keɓe nwang naa vuu ɓɔɔ á sɛ̃ɛ tɔ̃ɔ ɓɛɛ, vuu ɓɔɔ zang dɔɔ Laa ɓɔɔ shingnɛ Laa tãa tĩnang ɓɛɛ.

Filipi 4:8

Rɛɛ manzung, ruu ɓɔɔ n gɔɔ nyaa nɛɛ mani keɓe. Nɔɔ rɛ̃rɛ ka yuu rɛɛ vuu ɓɔɔ niizang ɓɛɛ, ɓɔɔ daa naa ɓɔɔ zang seng katɔ ɓɛɛ. Rɛɛ vuu ɓɔɔ teetee ɓɛɛ, vuu ɓɔɔ shi kpang kagn kpang ɓɛɛ, vuu ɓɔɔ shi dɔɔli ɓɛɛ, vuu ɓɔɔ zang kasɛ, a zang ti a wu bannang katɔ ɓɛɛ, vuu nandon ɓɔɔ daa naa dɔɔnang katɔ ɓɛɛ.

Kolosi 3:24

Danggn wu ning nɔɔ kpang, Kpanti Yeesɔ naa sɔ̀ɔrɔ́ nɔɔ doo ditɔ. Naa a nɔɔ vuu ɓɔɔ wu shìng zang ɓiɓɛ katɔ ɓɛɛ ditɔ. Ka ruu ɓɔɔ, ɓi Yeesɔ Kirisi kɔ dabang gãa ɓɔɔ niizang ɓɔɔ nɔɔ pàlɛ́ wu shonang ɓɛɛ.

1 Timoti 2:3

Zɔ̃̌ng Laa gaanang keɓe, wukɔ tɔ̃ɔ. Laa ɓɔɔ wukɔ ta yuu ɓuru kasɛ zɔ̃ng gaanang keɓe kɔ.

1 Timoti 5:4

Suvɔ ɓɔɔ wujɛ ɓiɓɛ nɛɛ wujɛ wujɛ ɓiɓɛ kagn, wujɛ keɓe ri kpɛ̃ɛrɛ naa ɓɔɔ ri gaayu shonang Laa palɛnang, ka ɓɔɔ ri palɛ zang ɓɔɔ yi ri shonang ɓɛɛ. Ka gbalang keɓe, ri wàá rɛɛ zang ɓɔɔ yi ri, nɛɛ rɛɛ dabang ɓarɛ pãng, vuu ɓɔɔ ri pàlɛ̀ ri ɓɛɛ. Ka ruu ɓɔɔ vuu ɓɔɔ naa weɓe Laa kasɛ wukɔ ɓɛɛ.

1 Bituru 2:12

Nɔɔ nwáng nwannang tɔ̃ɔ, tɔ̀ɔ, zang ɓɔɔ ri zi Laa kpang ri zirɛ. Ka ruu ɓɔɔ, naa ri rang yee shi kpang doo ka yuu manɛ, ri zili vuu tɔ̃ɔ ɓɔɔ nɔɔ palɛ ɓɛɛ, ri naa dɔ̀ɔ Laa ditɔ, ka diki ɓɔɔ wu naa a ka bii ɓarɛ ɓɛɛ.

1 Bituru 2:20

Naa zang ɓɔɔ palɛ vuu shi kpang, a mã danggn ka ɓɔɔ zang nyɔ wu, ka ruu vuu shi kpang ɓɔɔ wu palɛ ɓɛɛ, zang dɔ̀ɔ́ wu katɔ ya? Zang pálɛ̀ wu ɓi vuu ɓɔɔ daa naa ɓɔɔ zang nɛɛ palɛ wukɔ nwani. Naa zang ɓɔɔ palɛ tɔ̃ɔ, a zang dang wu jĩng ka ruu tɔ̃ɔ ɓɔɔ wu palɛ, a mã danggn, zang keɓe daa naa ɓɔɔ Laa dɔ̀ɔ́ wu tɔ.

1 Bituru 2:5

Nɔɔ ɓɔɔ Yeesɔ Kirisi a nɔɔ suru bii tɔ ɓɛɛ, nɔɔ nwàng doo naa rɛɛ tari kɔ. Tari ɓɔɔ Laa mãa gãa ɓɔɔ suru nwang kagn ɓɛɛ. Nɔɔ manɛ zang ɓɔɔ Laa zɔ̃ng ri nɛɛ ri nwang zang ɓɔɔ ri dɔ̀ɔ́ wu vuu ɓɛɛ. Nɛɛ tɔ̀ɔ, nɔ́ɔ shòng wu kaa nɛɛ yeti manɛ piti naa ɓɔɔ wu tãa tĩnang ɓɛɛ, ka ruu Yeesɔ Kirisi.

1 Bituru 3:16

Ka ɓɔɔ nɔɔ kɔɔ zang Ruu Laa ɓɛɛ, nɔɔ tuu yuu manɛ katɔ kpang, nɔɔ seng zang katɔ. Nɔɔ ti pálɛ́ vuu ɓɔɔ nɔɔ zi ka yeti manɛ nɛɛ tɔ̃ɔ ɓɛɛ. Ka ruu ɓɔɔ, zang ɓɔɔ ri nɛɛ tɔɔ ri rang yee shi kpang ka yuu manɛ, yusɛ̃ɛ wu tuu ri ka ɓɔɔ ri dãlɛ nɔɔ ɓɛɛ. Ka ruu ɓɔɔ, ri naa zǐ nwannang manɛ ɓɔɔ daa naa ɓɔ̀ɔ́ zang ɓɔɔ ri dũng Kirisi ditɔ ɓɛɛ.