Rooma 14:17 - Nyaa Shɔɔ Ɓɔɔ Laa a Ɓɛɛ

¹⁷ Ka ruu ɓɔɔ, vuu ɓɔɔ Laa kasɛ, wukɔ vuu shaanang nɛɛ vuu ɓoonang kpang. Laa kasɛ nɛɛ zang nwang zang tɔ̃ɔ ka tĩng ɓiɓɛ, ti kasɛ nɛɛ zang nwang ka nyaa zɔɔ nɛɛ wu, a zang ti tãa tĩnang ɓɔɔ Suru Laa shingnɛ ɓɛɛ.

Rooma 14:17 ပူးပေါင်းရင်းမြစ်များ

Matiyu 3:2

Kɔɔ zang tɔɔ, “Nɔɔ yaa vuu shi kpang manɛ ta, nɔ́ɔ kɔ̃sɔ yeti manɛ, ka ruu ɓɔɔ, kpanti roonang Laa a naabm tɔ ɓɛɛ.”

Matiyu 6:33

Vuu ɓɔɔ ɓa weɓe, nɔɔ kãa gbalang ɓɔɔ nɔɔ zirɛ nɛɛ Laa wukɔ Kpanti, nɔɔ ti palɛ vuu ɓɔɔ wu kasɛ ɓɛɛ ka gbongkarɛ, gisi nɔɔ vuu keɓe ditɔ jong nandon.

Luka 14:15

Ɓɔɔ zang gbete ɓɔɔ nwang nɛɛ Yeesɔ ka nɔng vuu shaanang tãa naa weɓe, kɔɔ wu tɔɔ, “Tĩnang tãanang ɓi ɓɔɔ zang ɓɔɔ naa shaa vuu shaanang ka nɔng ɓɔɔ Laa roo Kpanti ɓɛɛ.”

Yɔhana 16:33

N kɔɔ nɔɔ vuu keɓe, nɛɛ nɔɔ nwáng nɛɛ n, tɔɔ, nɔɔ nwáng kaa waasɛ̃. Nɔɔ dang jĩng katɔ ka koo keɓe. Nɔ́ɔ mã danggn kagn, n ɓá vuu ɓɔɔ ka koo keɓe yuu tɔ.”

Yɔhana 3:3

Yeesɔ kasɛ wu nyaa tɔɔ, “N kɔ̀ɔ́ mɔɔ ruu ɓɔɔ niizang kɔ nwani, naa zang yi mɔɔ tɔkn kpang, mɔɔ daa nɔng ɓɔɔ Laa naa roo kpanti kpang.”

Yɔhana 3:5

Yeesɔ kɔɔ wu tɔɔ, “N kɔ̀ɔ́ mɔɔ ruu ɓɔɔ niizang kɔ nwani, naa zang yi zang nɛɛ mii, a ɓɔɔ nɛɛ bii Suru Laa kpang, zang keɓe daa nɔng ɓɔɔ Laa naa roo kpanti ɓi kpang.

Zang Shonang Yeesɔ 13:52

Zang ɓɔɔ ri dũng Laa ri tãa tĩnang dɔɔli, Suru Laa ti a ka bìí ɓarɛ.

Zang Shonang Yeesɔ 9:31

Ka diki kaɓa, zang ɓɔɔ ri dũng Laa ɓɔɔ ri ka tipi Yahudi, nɛɛ tipi Galili, nɛɛ tipi Samariya nandon, ri tãa tĩnang nwannang ɓarɛ kati. Suru Laa yi ri naa kagn, a mã ri danggn. Ri shang kaa jong ka ɓɔɔ ri nwangnɛ ri a Laa bannang ɓɛɛ.

Rooma 15:13

Laa ɓɔɔ wukɔ shingnɛ nɔɔ shing gn ɓɛɛ, wu shingnɛ nɔɔ tãa tĩnang gbãng gbãng ka yeti manɛ, yeti manɛ wu ti valɛ. Tɔ̀ɔ, Suru Laa wu a nɔɔ naa, nɔɔ shing gn kaa gbãng gbãng.

Rooma 8:6

Naa zang rɛ̃rɛ shi kpang, naa ɓɔɔ bii shɔnzang kasɛ ɓɛɛ kɔ shɛ̃ɛning, nwǎng zang ɓi vɔrɔ. Naa zang rɛ̃rɛ ka yuu vuu ɓɔɔ Suru Laa kasɛ, Laa shingnɛ zang walɛ suru bii ɓɔɔ waa nyaa kpang, a yeti zang ti valɛ katɔ.

1 Koranti 1:30

Nɔɔ ɓákɛ̀ zɔɔ nɛɛ Yeesɔ Kirisi, ka Ruu Laa kɔ gbete. Ti doo Laa kɔ shingnɛ Yeesɔ Kirisi a ruu zũnang ɓɔɔ niizang ɓɛɛ. Ti ka ruu Yeesɔ Kirisi kɔ, Laa zí ruu naa zang ɓiɓɛ ɓɔɔ ri tɔ̃ɔ ɓɛɛ. A ti tá yuu ɓuru tɔ ka vuu shi kpang nandon, risi ruu, ruu nwang zang ɓiɓɛ.

1 Koranti 4:20

Ka ruu ɓɔɔ, kpanti roonang Laa ɓi yee ɓɔɔ zang rangkɛ nɛɛ nyaa waati kpang, ɓi vuu naa vuu palɛnang Laa.

1 Koranti 6:9

Nɔɔ zi tɔ nɛɛ, zang ɓɔɔ ri ta yeti shi kpang, ri daa nɔng ɓɔɔ Laa roo kpanti kpang. Nɔ́ɔ nwãarɛ yuu manɛ kpang. Zang ɓɔɔ ri palɛ dũndũng, zang ɓɔɔ ri bang vaka, zang ɓɔɔ ri rooro nɛɛ soro zang, zang varɛ ɓɔɔ ri rooro doo nɛɛ zang varɛ kɔ ɓɛɛ.

1 Koranti 8:8

Ruu zi tɔ, naa ruu shaa zɔ̃ng vuu shaanang ɓɔɔ naa weɓe, naa ruu shaa doo kpang, vuu shaanang kaɓa, shing ruu, ruu nwang zang tɔ̃ɔ ka tĩng Laa kpang. Naa ruu shaa kpang, palɛ vuu ɓɔɔ kpang. Naa ruu shaayi naa risi ruu, ruu nwang zang tɔ̃ɔ kpang.

2 Koranti 5:21

Yeesɔ Kirisi palɛ vuu shi kpang ɓi gngn kpang, a ka ruu ɓuru, Laa risi wu naa zang ɓɔɔ pálɛ̀ vuu shi kpang ɓɛɛ. A ka ruu vuu keɓe kɔ, yuu ɓɔɔ ruu ɓakɛ nɛɛ Yeesɔ Kirisi shingnɛ, ruu nwàng zang tɔ̃ɔ ka tĩng Laa.

Galati 5:22

A Suru Laa shing zang ɓiri, zang wu kasɛ zang, zang wu tãa tĩnang, yeti zang wu valɛ katɔ, zang wu mã danggn, zang wu palɛ zang tɔ̃ɔ, zang wu pàlɛ̀ vuu ɓɔɔ tɔ̃ɔ ɓɛɛ, zang wu nwang zang ɓɔɔ zang shing danggn katɔ bii ɓiɓɛ.

Filipi 2:1

Wee nɔɔ shing danggn tɔ ka bii Kirisi ɓee, danggn shinnang keɓe zàrɛ́ nɔɔ kana, nɛɛ nɔɔ kasɛ ruu zɔɔ ya? Kasɛnang ɓɔɔ wu kasɛ nɔɔ mã nɔɔ danggn katɔ ya? A nɔɔ ti nwang ka nyaa zɔɔ nɛɛ Suru Laa ya? Nɔɔ kasɛ katɔ ka yeti manɛ nɛɛ nɔɔ pálɛ̀ zɔɔ tɔ̃ɔ ya? A gn zɔɔ ti kɔng nɔɔ katɔ ya?

Filipi 3:3

Ka ruu ɓɔɔ, ɓi rukɔ zang ɓɔɔ zang yee ri shaa ɓɔɔ niizang ɓɛɛ. Rukɔ bang Laa nɛɛ naa vuu palɛnang Suru ɓiɓɛ, a ruu ti walɛ bannang ɓuru ka bii Yeesɔ Kirisi. Ruu pãng yuu ɓuru ka rɛɛ vuu ɓɔɔ ɓi ɓɔɔ bìí shɔnzang kpang.

Filipi 3:9

Ń ti nwang ɓɔɔ ɓiɓɛ. Laa wu tuu m zang tɔ̃ɔ ka tĩng ɓiɓɛ, ka ruu ɓɔɔ, n shing danggn ka bii Kirisi ɓɛɛ. Wu ka ruu vuu ɓɔɔ kagn ɓɔɔ n palɛ ɓɛɛ kpang, wu ti ka ruu ɓɔɔ n dũng nyaa ɓɔɔ zang Yahudi dang ɓɛɛ kpang. Ɓi Laa kɔ risi m, n nwang zang tɔ̃ɔ ka tĩng ɓiɓɛ, ka ruu ɓɔɔ, n shing danggn ka bii ɓiɓɛ ɓɛɛ.

Filipi 4:4

Nɔɔ ɓɔɔ nɔɔ ɓakɛ yuu tɔ nɛɛ Kirisi ɓɛɛ, nɔɔ tãa tĩnang diki diki. N paasɛ nɔɔ kɔɔnang tɔkn, nɔɔ tãa tĩnang.

Filipi 4:7

Naa nɔɔ palɛ nɔngkɔ, yeti valɛnang ɓɔɔ a nɛɛ bii Laa, ɓɔɔ ɓa naa ɓɔɔ shɔnzang zi naa ɓɔɔ nwang ɓɛɛ katɔ, naa gãng jĩng ka ɓoro manɛ nɛɛ rɛ̃rɛnang manɛ, tɔ̀ɔ, vuu ɓɔɔ wu lee nɔɔ naa kaa tɔ̀ɔ́ bii kpang, ɓɔɔ nɔɔ zang Yeesɔ Kirisi ɓɛɛ.

Kolosi 1:11

Laa wu a nɔɔ kaka nɛɛ naa vuu palɛnang ɓiɓɛ, tɔ̀ɔ, jĩng dannang nɛɛ a tɔ, nɔɔ mã danggn kaa vuu piti.

1 Tesalonika 1:6

Nɔɔ kpɛ̃ɛrɛ nwannang tɔ naa ɓɔɔ ruu nwang ɓɛɛ, a ɓɔɔ ti naa ɓɔɔ Kpanti Yeesɔ nwang ɓɛɛ. Zang dang nɔɔ jĩng dɔɔli, a nɔɔ ta ruu ɓɔɔ ka yuu Yeesɔ Kirisi doo nɛɛ mani, nɔɔ tãa tĩnang ɓɔɔ Suru Laa shing zang, zang tãa ɓɛɛ.

1 Tesalonika 2:12

Ruu tusu nɔɔ vuu ɓɔɔ daa bii katɔ ɓɛɛ. Ruu mã nɔɔ danggn, ruu yi tĩng, ruu kɔɔ nɔɔ nɛɛ nɔɔ nwang zɔ̃ng nwannang ɓɔɔ shing Laa, Laa tãa tĩnang ɓɛɛ. Laa ɓɔɔ ɓáa nɔɔ nyaa nɛɛ nɔɔ naa nwang jong ka teteng zang ɓɔɔ wu nwang kpanti ɓarɛ ɓɛɛ, nɔɔ zi bannang ɓiɓɛ.

Yahudi 13:9

Nɔɔ yáa vuu ɓɔɔ zang tusu, ɓɔɔ ka zɔ̃ng zɔ̃ng, nɛɛ ɓɔɔ nɔɔ tãa gngn kpang, wu shing nɔɔ, nɔɔ ning gbalang kpang. Ɓi tɔ̃ɔ ɓɔɔ Laa palɛ ruu kɔ, mã ruu danggn, wu vuu shaanang ɓɔɔ ruu shaa ka zɔ̃ng zɔ̃ng ɓɛɛ kpang. Vuu shaanang keɓe, ti nwàng zang ɓɔɔ ri shaayi vuu tɔ̃ɔ kpang.

1 Bituru 1:8

Nɔɔ zi Yeesɔ gngn nɛɛ jĩng manɛ kpang, nɔɔ kasɛ ruu ɓiɓɛ doo nɛɛ mani, a nɔɔ ti shing danggn tɔ ka bii ɓiɓɛ, ka ruu nɔngkɔ, nɔɔ tã̀a tĩnang ka yeti manɛ dɔɔli ɓa ɓɔɔ zang kɔ̀ɔ́ nɛɛ nyaa ɓɛɛ katɔ.

2 Bituru 1:1

Labeenang keɓe, nɛɛ naa mɛɛ, nkɔ Siman Bituru, nkɔ jaafoo Yeesɔ Kirisi, nkɔ ti zang shonang ɓiɓɛ. N bèé nɔɔ labeenang keɓe, nɔɔ nandon ɓɔɔ nɔɔ shing danggn tɔ ka bii Yeesɔ Kirisi naa ɓɔɔ ruu shing jong ɓɛɛ. Ka ruu tɔ̃ɔ Yeesɔ Kirisi ɓɔɔ wukɔ ta yuu ɓuru nɛɛ nɔɔ, nɛɛ tɔ̃ɔ Laa, ruu walɛ gbalang, a ruu shing danggn keɓe.