Rooma 14:14 - Nyaa Shɔɔ Ɓɔɔ Laa a Ɓɛɛ

¹⁴ N ɓɔɔ n shing danggn tɔ nɛɛ bii Kpanti Yeesɔ ɓɛɛ, n zi m tɔ nɛɛ, vuu shaanang ɓɔɔ ɓi shi kpang, ɓi kagn kpang. Naa zang ɓɔɔ nɛɛ tɔɔ vuu keɓe shi kpang, ɓi ti shi kpang ka jĩng ɓiɓɛ.

Rooma 14:14 ပူးပေါင်းရင်းမြစ်များ

Maraku 7:2

A ri zi zang ɓɔɔ ka teteng zang ɓɔɔ ri mantɛ vuu ka bii Yeesɔ, ri shaa vuu shaanang, ri sɔɔ naa ɓarɛ naa ɓɔɔ zang tĩng ri tusu ɓɛɛ kpang.

Zang Shonang Yeesɔ 10:28

A kɔɔ ri tɔɔ, “Nɔɔ zi tɔ, nyaa dannang zang Yahudi zãa ruu nwannang nɛɛ zang ɓɔɔ ri zang Isirela kpang ɓɛɛ katɔ. Nɛɛ ri ti daa zanti ka gãa ɓarɛ kpang. Laa tusu m, wàasɛ̀ m kpang, tɔ́ɔ, n ɓàa zang ɓɔɔ nɛɛ ri zang shi kpang, kpang.

Rooma 14:2

Zang ɓɔɔ danggn shinnang ɓiɓɛ yàá wu gbalang katɔ wu shaa vuu piti, a zang ɓɔɔ shing danggn doo rɛ̃rɛkɛ shaa ɓi sɔ̃ngkɔ kɔ shɛ̃ɛning.

Rooma 14:20

Mɔɔ lasɛ vuu ɓɔɔ Laa palɛ, ka ruu vuu shaanang kpang. Vuu shaanang piti ɓi tɔ̃ɔ. A naa nɔɔ shaa vuu piti ɓɔɔ shing zang ɓɔɔ, wu pálɛ́ vuu shi kpang, nɔɔ palɛ vuu shi kpang tɔ.

Rooma 14:23

Naa nɛɛ zì kpang, nɛɛ vuu kɔ wu shaa ɓee, naa wu pálɛ̀ vuu shi kpang ya, naa wu palɛ vuu tɔ̃ɔ ya ɓɛɛ. Naa shaayi, Laa dɔng wu ruu katɔ, nɛɛ wu palɛ vuu shi kpang tɔ. Ka ruu ɓɔɔ palɛ vuu keɓe, ka ruu ɓɔɔ ka doo danggn ɓɔɔ wu shing kpang ɓɛɛ. Vuu piti ɓɔɔ zang palɛ ka doo danggn ɓɔɔ zang shingnɛ, nɛɛ vuu bìí tɔ̃ɔ ɓɛɛ kpang, zang keɓe palɛ vuu shi kpang ɓi tɔ.

1 Koranti 10:25

Shaa yɔpɔ ɓɔɔ zang mãlɛ́ ka lumang ɓɛɛ, mɔɔ hɛ̃ɛlɛ zang ruu ka yuu ɓiɓɛ kpang. Ka ruu ɓɔɔ, mɔɔ nɛɛ rɛ̃rɛ nɛɛ mɔɔ palɛ vuu shi kpang tɔ ɓɛɛ.

1 Koranti 8:10

Naa zang ɓɔɔ kɔɔ ɓi nɛɛ zɔ̃ng vuu shaanang kaɓa shing ri, ri nwáng zang shi kpang, ri zì mɔɔ zang ɓɔɔ mɔɔ zì ɓaa tɔ, mɔɔ nwang ka gãa vaka mɔɔ shaa vuu shaanang ɓɔɔ zang nwãa ka ruu vaka bannang. Shing wu katɔ wu naa shaa vuu shaanang vaka jong.

1 Koranti 8:7

A kaa tɔ̀ɔ́ zang piti ri zi tɔ nɛɛ vaka ɓi vuu ɓɔɔ kpang, kpang. Zang ɓɔɔ kagn ɓɔɔ bii ĩi ri tɔ nɛɛ vaka. Kãntang ri zi ɓarɛ nɛɛ vuu shaanang kaɓa ɓi ɓɔɔ vaka. Ka ruu nɔngkɔ, naa ri shaa zɔ̃ng vuu shaanang kaɓa ri rɛ̃rɛ ɓarɛ nɛɛ vuu shaanang kaɓa shing ri, ri nwang zang shi kpang.

1 Timoti 4:4

Vuu ɓɔɔ Laa mãa piti ɓi tɔ̃ɔ, nɔ́ɔ bɛ̃ɛ vuu ɓɔɔ kpang. Nɔɔ ta vuu piti, nɔɔ zãa wu.

Titu 1:15

Ka jĩng zang ɓɔɔ ri dũng Laa nɛɛ yeti gbete, vuu piti ɓi tɔ̃ɔ kɔ nandon. A zang ɓɔɔ vuu shi kpang palɛnang lasɛ ri tɔ, ɓɔɔ ri shing danggn ɓarɛ ka ruu ɓɔɔ niizang kpang, vuu ɓɔɔ tɔ̃ɔ ɓi kagn kpang. Ka ruu ɓɔɔ, vuu shi kpang ɓɔɔ ri palɛ lasɛ rɛ̃rɛnang ɓarɛ tɔ ɓɛɛ.