Rooma 14:13 - Nyaa Shɔɔ Ɓɔɔ Laa a Ɓɛɛ

¹³ Ka ruu nɔngkɔ, ruu yaa ruu ɓɔɔ ruu dɔng zɔɔ ɓɛɛ ta. Nɔ́ɔ shing ka yeti manɛ nɛɛ nɔɔ shing ɓaazung ɓɔɔ dũng doo Laa kɔ, wu kpaa doo kpang, wu ti palɛ vuu shi kpang, kpang.

Rooma 14:13 ပူးပေါင်းရင်းမြစ်များ

Matiyu 16:23

Yeesɔ raa jĩng kɔɔ Bituru tɔɔ, “Dita kaaɓa Sheetang! Mɔkɔ vuu ɓɔɔ nɔɔ m gbalang ɓɛɛ. Mɔɔ rɛ̃rɛ ɓáa vuu ɓɔɔ Laa rɛ̃rɛ kpang, mɔɔ rɛ̃rɛ ɓáa vuu ɓɔɔ shɔnzang kasɛ ɓɛɛ.”

Matiyu 18:7

Jĩng dannang kagn yuu koo keɓe, ka ruu vuu ɓɔɔ nwãarɛ zang ka yeti ɓiɓɛ ɓɛɛ. Vuu ɓɔɔ naa weɓe, a ɓi katɔ, a jĩng dannang kagn yuu shɔnzang ɓɔɔ vuu keɓe a nɛɛ bii ɓiɓɛ ɓɛɛ.

Matiyu 7:1

“Nɔ́ɔ jɛ̃̀ɛ zang ruu kpang, tɔ̀ɔ, Kpanti Laa wu ti naa jɛ̃ɛ nɔɔ ruu kaa takpang kɔ doori.

Luka 12:57

“Nɔɔ ti zi naa ɓɔɔ nɔɔ shɛ̃̀ɛrɛ́ yuu manɛ vuu tɔ̃ɔ ɓɔɔ nɔɔ palɛ kpang, ka ruu viya?

Luka 17:2

Daa ɓɔɔ zang mã wu ree bang ka turu, zang tasɛ wu ka yeti mii waapo tɔ, ka ɓɔɔ wu nɛɛ shing jaa gbete ka teteng wujɛ seseere keɓe, wu palɛ shi kpang ɓɛɛ.

Rooma 11:9

A Dawuda kɔɔyi tɔ, “Vuu shaanang ɓɔɔ ri shaayi wu nwang ri naa saka ɓɔɔ zang langnɛ nɛɛ wu yi ri ɓɛɛ. Ri watɛ ta, zang wu dang ri jĩng. Jĩng ɓarɛ wu zúurú, tɔ̀ɔ, ri zi nɔng kaa takpang. Jĩng ɓɔɔ ri dangnɛ, wu shing ri, ri lang gũntang dòndòng.”

Rooma 14:10

A mɔɔ dɔng ɓaazung, ɓɔɔ dũng doo Laa kɔ ruu ka ruu viya? A mɔɔ zí ɓaazung, ɓɔɔ dũng Laa kɔ naa vuu ɓɔɔ kpang ka ruu viya? Rùu nandon, ruu naa shii ditɔ ka tĩng Laa, wu dɔng rùu, rúu.

Rooma 14:3

Zang ɓɔɔ shaa vuu piti keɓe, wu tɔɔ kpang nɛɛ wu ɓa zang ɓɔɔ shaa ɓi sɔ̃ngkɔ keɓe katɔ kpang. Zang ɓɔɔ shaa ɓi sɔ̃ngkɔ, wu ti dɔng zang ɓɔɔ shaa vuu piti ruu kpang, nɛɛ wu palɛ vuu shi kpang tɔ, ka ruu ɓɔɔ, wu bɛ̃ɛ vuu ɓi gbete kpang ɓɛɛ kpang. Ka ruu ɓɔɔ, Laa tá wu ɓi tɔ ɓɛɛ.

Rooma 14:4

Mɔɔ dɔng zang shonang zang ɓɔɔ ruu kpang. Ɓi dabang gãa ɓiɓɛ kɔ kɔɔ shɛ̃ɛning nɛɛ zang shonang ɓiɓɛ palɛ vuu tɔ̃ɔ. Nɛɛ ti palɛ shi kpang wukɔ kɔɔyi. Shii ditɔ, ka ruu ɓɔɔ, Laa yi wu naa katɔ ka bii wu shiiyi ɓɛɛ.

Rooma 16:17

Manzung, ɓɔɔ ri dũng doo Laa kɔ ɓɛɛ, n gaa nɔɔ katɔ, nɔɔ gãng jĩng ka zang ɓɔɔ ri basɛ teteng zang, a ri ti shing zang ɓɔɔ ri shing danggn, ri yaa gbalang Laa ɓɛɛ. Ri tusu nɔɔ vuu náa ɓɔɔgn naa ɓɔɔ zang tusu nɔɔ tɔ ɓɛɛ kpang. Nɔɔ yaa gbalang ɓarɛ katɔ.

1 Koranti 10:32

Palɛ waasɛ̃, mɔɔ pálɛ̀ vuu ɓɔɔ lasɛ zang ɓɔɔ yeti kpang, naa zang keɓe ri doo zang Yahudi, naa doo zang ɓɔɔ ri dũ̀ng Laa kpang, naa doo zang ɓɔɔ ri dũng Laa ɓɛɛ.

1 Koranti 11:13

Nɔɔ zi ɓu biya ka yeti manɛ viya? Naa zang soro shii paa ka Gãa Laa, gaa Laa, zuu yuu ka takpang tɔ̃ɔ ya?

2 Koranti 5:14

Ɓi kasɛnang ɓɔɔ Kirisi kasɛ ruu nɛɛ mani kɔ yiti ruu. Ka ruu ɓɔɔ, ruu zi ɓuru tɔ nɛɛ, zang gbete vɔ tɔ ka ruu zang piti. Nwang ɓi kaa naa ɓɔɔ ri nandon ri vɔ jong nɛɛ wu ɓɛɛ.

2 Koranti 6:3

Ruu kasɛ kpang nɛɛ ruu shing zang wu palɛ vuu shi kpang, kpang, ka ruu nɔngkɔ, ruu kasɛ kpang ruu nɔɔ zang ɓɔɔ gbalang kpang.

Filipi 1:10

Tɔ̀ɔ, nɔ́ɔ zunung ɓɔɔ nɔɔ zɔ̃ng vuu ɓɔɔ wukɔ tɔ̃ɔ ɓa Vuu piti ɓɛɛ kati. Vuu keɓe kɔ ri shingnɛ ka diki ɓɔɔ Yeesɔ Kirisi naa jɛ̃ɛ zang ruu kagn, nɔɔ nwáng manɛ zang ɓɔɔ yeti ɓarɛ tɔ̃ɔ ɓɛɛ. Zang ɓɔɔ zang naa tɔɔ kpang nɛɛ ri palɛ vuu shi kpang tɔ kpang ɓɛɛ.

1 Timoti 5:14

N kasɛ suvɔ ɓɔɔ ri doo jasang, ri gee varɛ, ri yi jaa. Ri gãng jĩng ka gãa ɓarɛ, tɔ̀ɔ, ruu yàa zang ɓɔɔ ri shing jĩng nɛɛ ruu kpang gbalang kaa tɔ̀ɔ́, ri rang yee shi kpang ka yuu ɓuru kpang.

Yakubu 2:4

Nɔɔ nɛɛ palɛ tɔ naa weɓe, nɔɔ palɛ vuu gn dang gbete. Nɔɔ jɛ̃̀ɛ zang ruu tɔ shi kpang.

Yakubu 4:11

Manzung, nɔ́ɔ rang yee shi kpang ka yuu zɔɔ kpang. Zang ɓɔɔ nɛɛ rang yee shi kpang ka yuu zang ɓɔɔ dũng doo Laa kɔ, a ti dɔng wu ruu, rang yee shi kpang ka yuu nyaa dannang Laa a ti tuu yuu ɓiɓɛ naa wu ɓa nyaa dannang Laa katɔ. Mɔɔ nɛɛ tɔɔ, mɔɔ ɓa nyaa dannang Laa katɔ, mɔɔ ɓáa zang ɓɔɔ palɛ vuu ɓɔɔ nyaa dannang Laa kɔɔ ɓɛɛ kpang. Mɔɔ ɓaa zang ɓɔɔ ɓa nyaa dannang Laa katɔ ɓɛɛ.

1 Yɔhana 2:10

Zang ɓɔɔ kasɛ ruu ɓeezung katɔ, nwàng ɓi ka nɔng ɓɔɔ yakɛ katɔ ɓɛɛ. Vuu ɓɔɔ shing zang, zang palɛ vuu shi kpang, ɓi ka bii ɓiɓɛ kpang.

Vuu ɓɔɔ zang nwangsɛ Yɔhana 2:14

A vuu shi kpang ɓɔɔ nɔɔ palɛ kaa gn, ɓɔɔ n kasɛ kpang ɓɛɛ. Zang ɓɔɔ kagn ka teteng manɛ ɓɔɔ ri palɛ vuu ɓɔɔ yɔɔ ɓɔɔ zang ɓaa wu nɛɛ Balamu tusu zang ɓɛɛ. Balamu ɓɔɔ kpɛ̃ɛrɛ Balak naa ɓɔɔ wu shing zang Isirela, ri palɛ vuu shi kpang, nɛɛ ri shaa vuu shaanang ɓɔɔ zang a vaka, nɛɛ ri palɛ dũndũng.