Rooma 13:7 - Nyaa Shɔɔ Ɓɔɔ Laa a Ɓɛɛ

⁷ Vuu ɓɔɔ ri nɛɛ dṹng nɔɔ, nɔɔ shu ri ta. Nɔɔ shù zang ɓɔɔ ta saka tipi, saka tipi. Nɔɔ a zang ɓɔɔ ri ta saka ka yuu vuu ɓɔɔ nɔɔ mãlɛ́ ɓɛɛ, saka ɓiɓɛ. Zang ɓɔɔ nɛɛ daa naa sennang katɔ, nɔɔ seng wu. Nɔɔ a zang ɓɔɔ daa naa bannang katɔ, bannang.

Rooma 13:7 ပူးပေါင်းရင်းမြစ်များ

Matiyu 17:25

A Bituru kasɛ ri nyaa tɔɔ, “Shu katɔ.” A Bituru naa yaa ri, a ka yeti gãa, a Yeesɔ kɔ naa gaa tɔɔsung yee rannang kaa shɔɔnang nɛɛ wu. Yeesɔ tɔɔ, “Mɔɔ zi ɓu bɛ̀ɛ́ ka yeti ɓaaɓɛ viya, Siman? Kpanti ɓɔɔ ka koo keɓe, ri ta saka tipi ɓu ka naa wiya? Ri ta ka naa wujɛ ɓarɛ ya, kɔ ka naa zang zanti?”

Matiyu 22:21

Ri kasɛ wu nyaa tɔɔ, “Ɓɔɔ Kayisa.” A Yeesɔ kɔɔ ri tɔɔ, “Nɔɔ a Kayisa vuu ɓiɓɛ ta, nɔɔ ti a Kpanti Laa ɓɔɔ ɓiɓɛ.”

Maraku 12:17

A Yeesɔ kɔɔ ri tɔɔ, “Vuu ɓɔɔ nɛɛ ɓɔɔ Kayisa, nɔɔ a wu, nɔɔ ti a Kpanti Laa vuu ɓiɓɛ.” Ɓɔɔ ri tãa naa weɓe, ri mã naa ka danggn, ka ruu nyaa ɓɔɔ wu kasɛ ɓɛɛ.

Luka 20:22

Kɔɔ ruu jong, daa naa ɓɔɔ ruu shu kpanti Kayisa saka tipi katɔ ya, kɔ ruu shu kpang?”

Luka 20:25

A kɔɔ ri nɛɛ, “Nɛɛ nɔngkɔ, nɔɔ a Kayisa vuu ɓɔɔ ɓi ɓɔ̀ɔ́ Kayisa ɓɛɛ, nɔɔ ti a Laa vuu ɓɔɔ ɓi ɓɔ̀ɔ́ Laa ɓɛɛ.”

Luka 23:2

Ri kãa gbalang ɓɔɔ ri kɔɔrɔ wu ruu ka yuu ɓiɓɛ nɛɛ, “Ruu ĩi zang keɓe nwãarɛ zang ɓuru, nɛɛ zang wu shù Kayisa kpanti tipi Rooma saka tipi kpang. Nɛɛ wukɔ ti Kirisi, nɛɛ wu doo kpanti kɔ.”

Rooma 12:10

Nɔɔ kasɛ ruu zɔɔ gbãng gbãng, ka ruu ɓɔɔ, nɔɔ kaa gbete ka gbalang Kirisi ɓɛɛ. Nɔ́ɔ zarɛ bii ka nɔng ɓɔɔ nɔɔ a zɔɔ bannang kpang.

Rooma 13:6

Wee doo vuu ɓɔɔ shingnɛ nɔɔ shu saka tipi ɓɛɛ kɔ. Ka ruu ɓɔɔ, zang bang ri ɓarɛ zang shonang Laa ɓɔɔ ri a yuu ɓarɛ nɛɛ ri palɛ shonang keɓe ɓɛɛ.

Afisa 5:33

Zang ráng nɔkɔ ruu keɓe jong. Varɛ ɓu wu kasɛ ɓeeso naa ɓɔɔ wu kasɛ yuu ɓiɓɛ ɓɛɛ, a soro ɓu wu seng ɓeevɛ katɔ.

Afisa 6:5

Jaafoo, nɔɔ dũng nyaa dabang gãa manɛ katɔ. Nɔɔ seng ri, nɔ́ɔ ti kaa vɔrɔ ɓarɛ gbãng gbãng. Nɔɔ palɛ vuu keɓe nɛɛ yeti gbete, naa nɔɔ shòng kaa Kirisi.

1 Timoti 5:13

Naa ti nɔngkɔ kpang, ri si kaa rang, ri kɔng kaa bii ɓɔɔ ri rakɛ ka gãa gãa ɓɛɛ. Bɛ̀ɛ́ ri gaa kaa yuu zang rannang, ri ti ràngkɛ́ yee kaa yuu vuu ɓɔɔ ruu ɓarɛ hãa kagn kpang ɓɛɛ.

1 Timoti 5:17

Zang bang ɓɔɔ ri gãng jĩng ka zang ɓɔɔ ri dũng Laa ɓɛɛ. Ri nɛɛ palɛ shonang tɔ̃ɔ, zang shu ri saka tìng ziti. Zang ɓɔɔ shonang ɓarɛ ɓi Ruu Laa kɔɔrɔnang nɛɛ vuu tusunang, zang wu shu rikɔ nɔngkɔ gbãng gbãng.

1 Timoti 6:1

Mɔɔ nɛɛ jaafoo, mɔɔ zì dabang gãa ɓaaɓɛ, naa zang ɓɔɔ dàa naa ɓɔɔ mɔɔ a wu bannang katɔ ɓɛɛ. Tɔ̀ɔ, zang ɓɔɔ wu rang yee shi kpang kaa tɔ̀ɔ́ yuu Laa nɛɛ yuu vuu kɔ ruu tusu zang ɓɛɛ kpang.

1 Bituru 3:7

Ɓɔɔ nɔɔ varɛ zang ɓɛɛ, nɔɔ nwang nwannang tɔ̃ɔ nɛɛ soro manɛ, nɔɔ zi tɔ, ri lakɛ naa ka bii naa nɔkɔ kpang. Ka ruu nɔngkɔ, nɔɔ a ri bannang jong ka ruu ɓɔɔ nɔɔ nandon nɔɔ wàlɛ́ suru bii ɓɔɔ Laa a zang waati kɔ ɓɛɛ. Naa nɔɔ palɛ nɔngkɔ, vuu ɓɔɔ zãyi, Laa tãa gaanang ɓɔɔ nɔɔ gaa wu kpang ɓɛɛ kagn kpang.