Rooma 13:2 - Nyaa Shɔɔ Ɓɔɔ Laa a Ɓɛɛ

² Ka ruu nɔngkɔ, zang ɓɔɔ nɛɛ shii bàng nɛɛ zang bang, bɛ̃ɛ ɓi vuu ɓɔɔ Laa palɛ ɓɛɛ. Zang ɓɔɔ nɛɛ palɛ nɔngkɔ, shingnɛ, zang wu dɔng wu ruu.

Rooma 13:2 ပူးပေါင်းရင်းမြစ်များ

Matiyu 23:13

“Vuu gn kɔnang kagn yuu manɛ zang ɓɔɔ tusu zang vuu nɛɛ zang Farisi, nɔɔ ɓɔɔ nɔɔ nwãarɛ zang nɛɛ vuu palɛnang ɓɛɛ. Ka ruu ɓɔɔ nɔɔ nɔ̀ɔ́ zang gbalang ɓɔɔ zang zi kagn nɛɛ Laa wukɔ Kpanti ɓɛɛ. Nɔɔ ta wu kpang, a nɔɔ ti yàa zang ɓɔɔ ri kasɛ wu tanang katɔ gbalang kpang ɓɛɛ.

Maraku 12:40

Ri mulu suvɔ, ri talɛ vuu ɓɔɔ ka naa ɓarɛ nandon. Ri ti gaa Laa sasak nɛɛ tɔ̀ɔ, zang zi ri kati. Ka ruu nɔngkɔ, jĩng dannang ɓɔɔ Kpanti Laa naa dang ri naa ɓa ɓɔɔ zang piti katɔ.”

Luka 20:47

Ri mulu suvɔ, ri talɛ vuu ɓɔɔ ka naa ɓarɛ nandon. Ri ti kasɛ Laa gaanang sasak nɛɛ zang zi ri kati. Laa naa dang ri jĩng ɓa ɓɔɔ zang piti.”

Rooma 13:1

Zang ɓu wu ɓaa shoo ka nyaa zang ɓɔɔ ri zang bang ɓarɛ ɓɛɛ. Ka ruu ɓɔɔ, ɓi Laa kɔ gbete a zang naa bannang nwannang ɓɛɛ. A zang kɔ ri nwáng zang bang ɓee, ɓi Laa shingnɛ ri nwàngnɛ.

Rooma 13:3

Zang ɓɔɔ ri nɛɛ palɛ vuu tɔ̃ɔ, ri kaa vɔrɔ zang bang kpang. Zang ɓɔɔ ri pálɛ̀ vuu shi kpang kɔ, ri kaa vɔrɔ. Mɔɔ kasɛ nɛɛ mɔɔ kaa vɔrɔ zang bang kpang ya? Palɛ vuu ɓɔɔ tɔ̃ɔ, zang bang dɔ̀ɔ́ mɔɔ ditɔ.

Rooma 13:5

Ka ruu nɔngkɔ, ɓaa shoo ka nyaa rɛɛ zang bang. Wu ka ruu ɓɔɔ mɔɔ kaa vɔrɔ, Laa dang mɔɔ jĩng ɓɛɛ kɔ shɛ̃ɛning kpang. Ka ruu ɓɔɔ, mɔɔ zi tɔ ka yeti ɓaaɓɛ nɛɛ, mɔɔ nɛ̀ɛ́ pálɛ̀ nɔngkɔ ɓɛɛ.

Rooma 9:19

Zang gbete ka teteng manɛ hɛ̃ɛ m katɔ nɛɛ, “Laa nɛɛ palɛ vuu ɓi nɔngkɔ ɓɛɛ, kɔ̀ɔ́ ka ruu vi nɛɛ, ruu palɛ vuu shi kpang tɔ viya? Wi zunung ɓɔɔ wu bɛ̃ɛ vuu ɓɔɔ Laa kasɛ palɛnang wiya?”

Titu 3:1

Kɔɔ ri nɛɛ ri ɓaa shoo ka nyaa rɛɛ kpanti, nɛɛ rɛɛ zang bang tipi. Ri ti kpalɛ bii diki diki, ri pálɛ́ shonang ɓɔɔ tɔ̃ɔ ɓɛɛ.

Yakubu 3:1

Manzung nɔ́ɔ nwàng zang ɓɔɔ ri tusu zang vuu kɔ nandon kpang, ka ruu ɓɔɔ nɔɔ zi tɔ wee ruu tusu zang vuu ɓee, zang naa jɛ̃ɛ ruu rúu ɓa ɓɔɔ zang piti katɔ ɓɛɛ.

1 Bituru 2:13

Nɔɔ ɓaa shoo ka nyaa rɛɛ zang piti ɓɔɔ zang shing ri zang bang ka yuu zang ka koo keɓe ɓɛɛ, ka ruu Yeesɔ Kirisi. Nɔɔ seng kpanti ɓɔɔ ɓa rɛɛ kpanti piti ɓɛɛ.