Rooma 13:12 - Nyaa Shɔɔ Ɓɔɔ Laa a Ɓɛɛ

¹² Nwàng kaa naa ɓɔɔ nɔng gãntɛ kana, nɔng laagɛ̃ a kaa tɔ ɓɛɛ. Ruu yaa vuu shi kpang ɓɔɔ zang ri palɛ ka nɔng ɓɔɔ tɔ̀ɔ katɔ ɓɛɛ ta. Ruu palɛ vuu ɓɔɔ zang ɓɔɔ ri nwàng ka nɔng ɓɔɔ yakɛ katɔ ri palɛ ɓɛɛ.

Rooma 13:12 ပူးပေါင်းရင်းမြစ်များ

Rooma 13:14

Nɔɔ yaa Kpanti Yeesɔ Kirisi wu ta rɛ̃rɛnang manɛ. Nɔ́ɔ ràa shoo tɔ̀ɔ́ vuu ɓɔɔ bii manɛ ɓɔɔ palɛ vuu shi kpang kasɛ ɓɛɛ kpang.

1 Koranti 10:11

Vuu kɔ palɛ ri doo tɛ̃ɛ tɛ̃ɛ ɓa, nwàng ɓi kaa vuu ɓɔɔ shaarɛ zang nyaa nɛɛ, tɔ̀ɔ, ri palɛ kaa waasɛ̃ ɓɛɛ. Zang bèe vuu keɓe ka yeti labeenang nɛɛ tɔ̀ɔ, zang shaarɛ ruu nyaa nɛɛ mani. Ka ruu ɓɔɔ, rùu nwàng ɓuru kaa làa ɓɔɔ diki ɓɔɔ koo waa nyaa kagn a naabm tɔ ɓɛɛ.

1 Koranti 7:29

Manzung, mɔ́ɔ ɓaa shoo ka vuu kɔ n kɔɔrɔ ɓee. Diki ɓɔɔ Laa ka ruu ɓɛɛ, bee takpang, ka ruu nɔngkɔ, vuu ɓɔɔ gaayu nɛɛ lɛɛkɔ, zang ɓɔɔ ri gee soro tɔ, ri nwang naa zang ɓɔɔ soro ɓarɛ kagn kpang ɓɛɛ.

2 Koranti 10:4

Ka ruu ɓɔɔ, vuu waa ɓɔɔ ruu tá sĩiri nɛɛ mani, ɓi zɔ̃ng vuu waa ɓɔɔ zang koo keɓe ri ta sĩiri nɛɛ mani kpang ɓɛɛ. Ɓi vuu waa ɓɔɔ Laa a ruu ɓɛɛ, ɓɔɔ ruu ningsi zang ɓɔɔ ri ta sĩiri nɛɛ ruu nɛɛ mani ɓɛɛ.

2 Koranti 6:7

Ɓɔɔ nɛɛ yee niizang ɓɔɔ ruu rang ɓɛɛ, a ɓɔɔ kaa nɛɛ naa vuu palɛnang Laa. Nwannang zang tɔ̃ɔ ka tĩng Laa kɔ nwang kaa naa vuu waa ɓuru, ɓɔɔ ruu ta sĩiri nɛɛ mani, a ruu ti gãng bii nɛɛ mani ɓɛɛ.

Afisa 4:22

Ka ruu nɔngkɔ, nɔɔ yaa vuu ɓeleng ɓɔɔ bii manɛ kasɛ ɓɛɛ ta, ɓɔɔ shing nɔɔ, nɔɔ nwang naa ɓɔɔ nɔɔ nwang ɓɛɛ. Vuu ɓɔɔ nwãarɛ nɔɔ katɔ, ɓɔɔ nɔɔ kasɛ ɓɛɛ, bɛ̀ɛ́ lasɛ bii manɛ kana.

Afisa 5:11

Ruu manɛ wu hãa ɓi kagn nɛɛ vuu ɓɔɔ daa naa palɛnang kpang, ɓɔɔ zang palɛ ka nɔng ɓɔɔ tɔ̀ɔ katɔ ɓɛɛ kpang. Nɔɔ nwangsɛ vuu ɓɔɔ naa weɓe katɔ ka dalɛ kɔ jong.

Afisa 5:8

Ɓeleng bɛ̀ɛ́ nɔɔ nwang ka nɔng ɓɔɔ tɔ̀ɔ katɔ ɓɛɛ, a wee nɔɔ raa zang Kpanti Yeesɔ tɔ ɓee, nɔɔ manɛ kaa nɔng ɓɔɔ yakɛ katɔ ɓɛɛ. Ka ruu nɔngkɔ, nɔɔ nwang nwannang manɛ kaa naa zang ɓɔɔ ri ɓarɛ kaa zang nɔng ɓɔɔ yakɛ katɔ ɓɛɛ.

Yahudi 10:25

Ruu yaa nɔɔ yuu kpalɛnang nɛɛ zɔɔ kpang, naa ɓɔɔ zang ɓɔɔ ri kɔng bii yaarɛnang ɓɛɛ. Ruu mã nɔɔ zɔɔ danggn ruu ti mã nɔɔ zɔɔ kaa gbãng gbãng, ka wee ruu zi tɔ, diki ɓɔɔ Yeesɔ gbãayu kagn, a naabm kana ɓee.

Yahudi 12:1

Ka ruu nɔngkɔ, wee zang ɓɔɔ ri kɔ̀ɔ ruu rúu, ri shang nɔngkɔ, ri kiiri ruu nyaa ka teteng ɓee. Ruu vang nɔɔ vuu piti ɓɔɔ zãa ruu gbalang, nɛɛ vuu shi kpang ɓɔɔ kpãa ruu, ɓɔɔ ruu wii kagn ɓɛɛ. Ruu mã danggn, ruu yuu nɔɔ yunang kɔ zang shing ka tĩng ɓuru ɓee.

Yakubu 1:21

Ka ruu nɔngkɔ, nɔɔ yaa gbalang vuu shi kpang ɓɔɔ nɔɔ palɛ, nɛɛ gɔ̃ɔ ɓɔɔ nɔɔ kãa ɓɛɛ nandon. Nɔɔ ta Ruu Laa ɓɔɔ Laa shing nɔɔ ka yeti manɛ ɓɛɛ. Nɔ́ɔ ti tà nɛɛ jĩng gbakɛnang kpang. Ka ruu ɓɔɔ, ruu keɓe ta yuu manɛ katɔ ɓɛɛ.

Yakubu 5:8

Nɔɔ mã danggn dɔɔ nɔngkɔ. Nɔɔ shing gn kagn, ka ruu ɓɔɔ, diki ɓɔɔ Kpanti Yeesɔ a kagn a naabm tɔ ɓɛɛ.

1 Bituru 2:1

Ka ruu nɔngkɔ, wee Laa a nɔɔ suru bii shɔɔ tɔ ɓee, nɔɔ nwangsɛ gnvɔ ta nandon ka yeti manɛ, nɔ́ɔ suu zang sèé takpang, nɔ́ɔ nwãarɛ zang nɛɛ vuu palɛnang kpang, nɔ́ɔ shing jĩng ka vuu zang kpang, nɔ́ɔ ti rang yee shi kpang tɔ̀ɔ́ ka yuu zang kpang.

1 Bituru 4:7

Diki ɓɔɔ koo keɓe waa nyaa kagn, a naabm tɔ, ka ruu nɔngkɔ, nɔɔ yiti yuu manɛ waasɛ̃, nɔ́ɔ shii tɔ̃ɔ, tɔ̀ɔ, nɔ́ɔ gaa Laa kati.

2 Bituru 3:11

Wee nɔɔ zi tɔ nɛɛ, vuu piti naa yaalɛ nɔngkɔ ɓee, nɔɔ nwang nwannang manɛ waasɛ̃. Nɔɔ a Laa yuu manɛ dɔ̃ɔ gbete, nɔɔ dũng wu ka vuu piti ɓɔɔ wu kɔɔ nɔɔ ɓɛɛ.

2 Bituru 3:9

Zang ɓɔɔ ri kɔɔyi nɛɛ Laa sùu zang kãng dɔɔli, pálɛ̀ vuu ɓɔɔ wu kɔɔyi nɛɛ wu palɛ ɓɛɛ kpang. Ɓi nɔngkɔ kpang, Laa mã ɓi danggn kɔ jong nɛɛ nɔɔ. Laa yaa zang ɓi gbalang nɛɛ, wu yaa vuu shi kpang ɓɔɔ wu palɛ ɓɛɛ. Kasɛ kpang nɛɛ zang ɓɔɔ wu shaarɛ kpang, kasɛ nɛɛ zang piti ri kɔ̃sɔ yeti, ri yaa vuu shi kpang ɓɔɔ ri palɛ ɓɛɛ.

1 Yɔhana 2:18

Wujɛ mɛɛ, diki ɓɔɔ koo keɓe waa nyaa a naabm tɔ. Nɔɔ tãayi nɛɛ, zang ɓɔɔ shing jĩng nɛɛ Yeesɔ kpang a ditɔ, kãntang keɓe, zang ɓɔɔ shing jĩng nɛɛ Yeesɔ kpang, ri nwangsɛ yuu tɔ dɔɔli. Ka ruu nɔngkɔ, ruu zi tɔ nɛɛ, diki ɓɔɔ koo keɓe waa nyaa gn keɓe kɔ.

Vuu ɓɔɔ zang nwangsɛ Yɔhana 1:3

Tĩnang tãanang ɓi ɓɔɔ zang ɓɔɔ gã ruu kɔ Laa nwángsɛ̀ ɓee. Tĩnang tãanang ɓi ti ɓɔɔ zang piti, ɓɔɔ ri tã̀a ruu keɓe, a ri dũng vuu ɓɔɔ zang bee kagn ɓɛɛ. Ka ruu ɓɔɔ, làa ɓɔɔ vuu keɓe naa palɛ a naabm tɔ ɓɛɛ.

Vuu ɓɔɔ zang nwangsɛ Yɔhana 22:10

A ti kɔɔ m nɛɛ, “Ruu ɓɔɔ a nɛɛ bii Laa kɔ, zang bee ka labeenang keɓe ɓee, mɔɔ waasɛ zang kpang. Ka ruu ɓɔɔ, laa ɓɔɔ vuu keɓe ri palɛ kagn, a naabm tɔ ɓɛɛ.