Rooma 12:18 - Nyaa Shɔɔ Ɓɔɔ Laa a Ɓɛɛ

¹⁸ Palɛ vuu piti ɓɔɔ mɔɔ zunung katɔ ɓɛɛ, mɔɔ nwang ka nyaa zɔɔ nɛɛ zang piti.

Rooma 12:18 ပူးပေါင်းရင်းမြစ်များ

Matiyu 5:24

yaa vuu ɓɔɔ mɔɔ tɔɔ mɔɔ a Kpanti Laa ka nɔngkɔ ka gbongkarɛ, mɔɔ daa gaa wu, wu yaa mɔɔ gbalang. Tɔɔ mɔɔ gbãayu, mɔɔ naa a Kpanti Laa vuu ɓaaɓɛ kati.

Matiyu 5:5

Tĩnang Tãanang ɓi ɓɔɔ zang ɓɔɔ ri tuu yuu kpang ɓɛɛ. Laa naa a ri vuu ɓɔɔ wu kɔɔyi, nɛɛ wu a ri ɓɛɛ.

Matiyu 5:9

Tĩnang Tãanang ɓi ɓɔɔ zang ɓɔɔ ri kasɛ nɛɛ zang nwang ka nyaa zɔɔ ɓɛɛ. Zang naa ɓaa rikɔ nɛɛ wujɛ Laa.

Maraku 9:50

“Tãa ɓi tɔ̃ɔ. Naa lanang tãa nɛɛ takpang, zang palɛ bɛɛ nɛɛ mani wu la tɔkn viya? Tãa ɓɔɔ shing zang, nɛɛ zang nwáng ka nyaa zɔɔ, wu nwang ka bii manɛ ning. Nɔɔ ti nwang ka nyaa zɔɔ nɛɛ zɔɔ.”

Rooma 1:15

Ka ruu nɔngkɔ, bii shaa m, n kasɛ n tɔɔ, n naa rang nɔɔ ɓɔɔ nɔɔ kaa gari Rooma, Ruu Tɔ̃ɔ Laa jong.

Rooma 14:17

Ka ruu ɓɔɔ, vuu ɓɔɔ Laa kasɛ, wukɔ vuu shaanang nɛɛ vuu ɓoonang kpang. Laa kasɛ nɛɛ zang nwang zang tɔ̃ɔ ka tĩng ɓiɓɛ, ti kasɛ nɛɛ zang nwang ka nyaa zɔɔ nɛɛ wu, a zang ti tãa tĩnang ɓɔɔ Suru Laa shingnɛ ɓɛɛ.

Rooma 14:19

Ka ruu nɔngkɔ, diki diki, rúu shing jĩng ka vuu ɓɔɔ shingnɛ zang ri nwang ka nyaa zɔɔ ɓɛɛ. Ruu ti yì zɔɔ naa kagn, ruu shing danggn gbãng gbãng.

1 Koranti 7:15

Naa zang ɓɔɔ dũ̀ng Laa kpang kasɛ nɛɛ wu yaa zang ɓɔɔ wu gee ɓɛɛ katɔ, wu yaa wu. Ri nɛɛ yaa zɔɔ tɔ, zang ɓɔɔ dũng Laa ka teteng ɓarɛ, nɛɛ zang varɛ, nɛɛ ti zang soro, tá nyaa dannang kpang, ka ruu ɓɔɔ, Laa kasɛ nɛɛ ruu nwang ka nyaa zɔɔ ɓɛɛ.

2 Koranti 13:11

Manzung ɓɔɔ ri dũng doo Laa kɔ ɓɛɛ, n di nyaa labeenang keɓe nɛɛ, “Laa wu nwang nɛɛ nɔɔ.” Nɔɔ palɛ vuu ɓɔɔ shingnɛ nɔɔ nwang nyaa kiiri ɓɛɛ, nɔ́ɔ ɓaa shoo ka vuu ɓɔɔ n kɔɔ nɔɔ ɓɛɛ, nyaa manɛ wu daa zɔɔ gbete, a nɔ́ɔ ti nwang ka nyaa zɔɔ. Laa ɓɔɔ kàsɛ̀ ruu zang katɔ, a ti shingnɛ zang ri nwáng ka nyaa zɔɔ, naa nwang ditɔ nɛɛ nɔɔ.

Galati 5:22

A Suru Laa shing zang ɓiri, zang wu kasɛ zang, zang wu tãa tĩnang, yeti zang wu valɛ katɔ, zang wu mã danggn, zang wu palɛ zang tɔ̃ɔ, zang wu pàlɛ̀ vuu ɓɔɔ tɔ̃ɔ ɓɛɛ, zang wu nwang zang ɓɔɔ zang shing danggn katɔ bii ɓiɓɛ.

Afisa 4:3

Nɔɔ pálɛ́ vuu ɓɔɔ nɔɔ zunung katɔ piti, nɔ́ɔ shingnɛ yuu kpalɛnang ɓɔɔ Suru Laa shing nɔɔ nɛɛ nɔ́ɔ kpalɛ, wu tántɛ̀ kpang. Nɔɔ ɓakɛ yuu gbete ka nwannang ɓɔɔ nɔɔ nwang ka nyaa zɔɔ ɓɛɛ.

1 Tesalonika 5:13

Nɔɔ seng ri katɔ dɔɔli, nɔɔ kasɛ ruu ɓarɛ katɔ, ka ruu shonang ɓɔɔ ri palɛ ɓɛɛ. Nɔɔ nwang ka nyaa zɔɔ waasɛ̃.

2 Timoti 2:22

Yaa vuu ɓɔɔ bii jasang kasɛ ɓɛɛ, mɔɔ kãa ɓaa gbalang ɓɔɔ mɔɔ nwang tɔ̃ɔ ka tĩng Laa ɓɛɛ, mɔɔ shing danggn ka bii Laa. Mɔ́ɔ kasɛ ruu zang ɓɔɔ ri dũng dòo Laa kɔ ɓɛɛ. Mɔ́ɔ nwang ka nyaa zɔɔ nɛɛ ri. Palɛ vuu keɓe nɔng gbete nɛɛ zang ɓɔɔ ri dũng Laa nɛɛ yeti gbete ɓɛɛ.

Yahudi 12:14

Kãa gbalang mɔɔ nwang ka nyaa zɔɔ nɛɛ zang piti, mɔɔ ti nwang zang ɓɔɔ shi kpang, ka bii ɓaaɓɛ kpang ɓɛɛ. Naa mɔɔ nwàng zang ɓɔɔ shi kpang, ka bii ɓaaɓɛ kpang ɓɛɛ kpang, mɔɔ zi Laa kpang.

1 Bituru 3:11

Wu yaa vuu shi kpang palɛnang, wu palɛ vuu ɓɔɔ daa bii katɔ ɓɛɛ. Wu kãa gbalang ɓɔɔ wu nwang nɛɛ zang ka nyaa zɔɔ ɓɛɛ, wu shing jĩng ka wukɔ shɛ̃ɛning.