Rooma 12:16 - Nyaa Shɔɔ Ɓɔɔ Laa a Ɓɛɛ

¹⁶ Nɔɔ gãng jĩng ka zang ɓɔɔ, naa ɓɔɔ nɔɔ gãng jĩng ka yuu manɛ ɓɛɛ. Nɔ́ɔ tuu yuu manɛ kpang. Nɔɔ ɓakɛ̀ yuu manɛ nɛɛ zang ɓɔɔ ri zang bang bang kpang. Nɔɔ rɛ̃̀rɛ̀ kpang nɛɛ nɔɔ zũng manɛ katɔ kpang.

Rooma 12:16 ပူးပေါင်းရင်းမြစ်များ

Matiyu 11:5

Zang jĩng ringtang ri zi nɔng kana, zang ɓɔɔ kàa katɔ ri ti ra kana, a kɔnang zang vuu bii ti yaa ri nɔng kana. Zang ɓɔɔ shoo gbooto ri ti tãa nɔng kana, n ti wisi zang ɓɔɔ ri vɔlɔ ɓɛɛ paa kana. Zang ti rǎng zang ɓɔɔ vuu ka naa kpang Ruu Tɔ̃ɔ Laa kana.

Matiyu 26:11

Nɔɔ nwálɛ̀ manɛ nɛɛ zang ɓɔɔ vuu ka naa kpang diki diki, a n nwáng nɛɛ nɔɔ sasak kpang.

Luka 14:13

Mɔɔ nɛɛ tɔɔ mɔɔ a zang vuu shaanang, gáarɛ́ zang ɓɔɔ vuu ka naa ɓarɛ kpang, nɛɛ zang ɓɔɔ kàa katɔ, nɛɛ zang ɓɔɔ doo shãa katɔ, nɛɛ zang ɓɔɔ jĩng ringtang ɓɛɛ.

Luka 6:20

Yeesɔ tuu jĩng pɛ̃ɛrɛ zang ɓɔɔ ri mantɛ vuu ka bii ɓiɓɛ, a kɔɔ ri nɛɛ: “Tĩnang tãanang ɓi ɓɔɔ manɛ, ɓɔɔ vuu ka naa manɛ kpang ɓɛɛ. Ka ruu ɓɔɔ, Laa naa a nɔkɔ vuu tɔ̃ɔ ɓɔɔ wu a zang ɓɔɔ ri ta wu nɛɛ wukɔ Kpanti ɓɛɛ.

Zang Shonang Yeesɔ 4:32

Zang ɓɔɔ ri shing danggn tɔ nandon, yeti ɓarɛ gbete. Zang ɓɔɔ tɔɔ kpang nɛɛ vuu naa ɓiɓɛ, ɓi ɓɔ̀ɔ́ ɓiɓɛ ka bm kpang. Ri basɛ vuu ka naa ɓarɛ nɛɛ zɔɔ ri nandon.

Rooma 11:20

Nɔngkɔ niizang. Zang dɔlɔ ri, ka ruu ɓɔɔ ri shing danggn kpang ɓɛɛ. A nɔɔ tèng nɔng ɓarɛ ɓi kaa ruu ɓɔɔ nɔɔ shing danggn tɔ ɓɛɛ. Nɔ́ɔ tuu yuu manɛ ka ruu ɓɔɔ nɔɔ tèng nɔng ɓarɛ tɔ kpang, nɔɔ kaa vɔrɔ kɔ jong.

Rooma 11:25

Rɛɛ manzung, ɓɔɔ nɔɔ zang Yahudi kpang, n kasɛ nɔɔ tuu yuu manɛ kpang. Tɔ̀ɔ n kɔɔ nɔɔ dĩiri vuu ɓɔɔ palɛ zang Isirela ɓɔɔ nɔɔ zi kpang ɓɛɛ. Zang ɓɔɔ ka teteng ɓarɛ ri taarɛ yuu dɔɔli. Ri nwáng nɔngkɔ sasak Laa wu ta yuu manɛ zang ɓɔɔ nɔɔ zang Yahudi kpang nandon.

Rooma 12:3

A ka ruu tɔ̃ɔ ɓɔɔ Laa pàlɛ̀ m ɓɛɛ, n kɔɔ nɔɔ nandon. Zang ɓu wu rɛ̃rɛ nɛɛ wu ɓa zang piti katɔ kpang. Wu rɛ̃rɛ teetee kɔ jong, wu gãsɛ yuu ɓiɓɛ nɛɛ danggn ɓɔɔ wu shing ka bii Laa ɓɛɛ.

Rooma 15:5

Laa ɓɔɔ wukɔ shing nɔɔ, nɔɔ mã danggn, nɔɔ ti yi tĩng ka vuu ɓɔɔ nɔɔ shing gn palɛnang ɓɛɛ, wu shingnɛ nɔ́ɔ nwang ka nyaa zɔɔ. Nɔ́ɔ pálɛ́ shonang ɓɔɔ Yeesɔ Kirisi pálɛ́ ɓɛɛ.

Rooma 6:2

Kpang, ruu palɛ nɔngkɔ kpang. Ɓɔɔ ruu yaa vuu shi kpang palɛnang ɓuru tɔ, ruu palɛ takpang.

1 Koranti 1:10

Manzung, n gaa nɔɔ ka ruu Kpanti ɓuru Yeesɔ Kirisi, nyaa manɛ wu daa gbete, ka vuu ɓɔɔ nɔɔ kɔɔ ɓɛɛ. Nɔ́ɔ ti kusu zɔɔ kpang. Rɛ̃rɛnang manɛ wu daa gbete, nɔ́ɔ ti palɛ vuu gbete.

1 Koranti 3:18

Nɔ́ɔ nwãarɛ yuu manɛ kpang. Naa zang ɓɔɔ ka teteng manɛ tuu yuu ɓiɓɛ nɛɛ wu zũng dɔɔli ka yeti vuu koo keɓe, wu risi yuu ɓiɓɛ naa shoko, tɔ̀ɔ, wu zũng kati.

1 Koranti 4:10

Ruu nwang kaa naa zang shoko, ka ruu Yeesɔ Kirisi. Nɔɔ tuu yuu manɛ naa zang ɓɔɔ ri zũng katɔ ɓɔɔ ri ɓakɛ yuu kaa nɛɛ Yeesɔ Kirisi ɓɛɛ. Rùu lakɛ naa ɓuru bii kpang. Kaka ɓi kagn bii manɛ. Zang seng nɔɔ manɛ katɔ, ruu ɓuru zang ɓɔɔ zang palɛ ri vuu yusɛ̃ɛ ɓɛɛ.

1 Koranti 6:5

Yusɛ̃ɛ tuu nɔɔ kpang ya? Zang kagn teteng manɛ gbete ɓɔɔ zũng katɔ ɓɔɔ naa dɔng zang ɓɔɔ ri dũng doo Laa kɔ ruu kpang ya?

1 Koranti 8:2

Naa zang ɓɔɔ tuu yuu ɓiɓɛ nɛɛ wu zi vuu tɔ, zi vuu ɓɔɔ wu nɛ̀ɛ́ zi ɓɛɛ gn kpang.

2 Koranti 13:11

Manzung ɓɔɔ ri dũng doo Laa kɔ ɓɛɛ, n di nyaa labeenang keɓe nɛɛ, “Laa wu nwang nɛɛ nɔɔ.” Nɔɔ palɛ vuu ɓɔɔ shingnɛ nɔɔ nwang nyaa kiiri ɓɛɛ, nɔ́ɔ ɓaa shoo ka vuu ɓɔɔ n kɔɔ nɔɔ ɓɛɛ, nyaa manɛ wu daa zɔɔ gbete, a nɔ́ɔ ti nwang ka nyaa zɔɔ. Laa ɓɔɔ kàsɛ̀ ruu zang katɔ, a ti shingnɛ zang ri nwáng ka nyaa zɔɔ, naa nwang ditɔ nɛɛ nɔɔ.

Filipi 1:27

Nwannang manɛ, wu nwang naa ɓɔɔ Ruu Tɔ̃ɔ Yeesɔ Kirisi kɔɔ ɓɛɛ. Wukɔ daayi, tɔ̀ɔ, naa n naa leng nɔɔ, naa n nɛɛ ti leng nɔɔ dòo kpang, n tãa nyaa katɔ nɛɛ rɛ̃rɛnang manɛ dàá gbete. N ti tãa katɔ nɛɛ nɔɔ kpalɛ yuu nɛɛ zɔɔ, nɔɔ shii gbãng gbãng, nɔɔ kasɛ nɛɛ zang ri shing danggn ka Ruu Tɔ̃ɔ Laa.

Filipi 3:16

Vuu ɓɔɔ ɓa vuu piti ɓɛɛ, ruu dũng rɛɛ vuu ɓɔɔ bɛ̀ɛ́ ruu dũng ɓɛɛ kɔ sasak.

Filipi 4:2

Ruu ɓɔɔ n kɔ̀ɔ́ Afodiya nɛɛ Sitiki keɓe. N gaa ri gbãng gbãng, n zɔ̃ɔrɔ ri katɔ, ri nwang ka nyaa zɔɔ, ka ruu ɓɔɔ, ri ɓarɛ zang Kpanti Yeesɔ ɓɛɛ.

Yahudi 13:5

Ka nwannang manɛ, nɔɔ tɔɔ kpang nɛɛ, nɔɔ shing jĩng ka saka kasɛnang kpang. Vuu ɓɔɔ ka naa manɛ, wu tiisi nɔɔ katɔ. Ka ruu ɓɔɔ, Laa kɔɔyi nɛɛ, “N yàasɛ̀ mɔɔ gn naa kpang, n ti yaa mɔɔ kpang ɓɛɛ.”

1 Bituru 3:8

N hangsɛ nɔɔ nyaa ruu kaa nɛɛ ruu keɓe. Nɔɔ nandon nyaa manɛ wu daa gbete, gn zɔɔ wu kɔng nɔɔ katɔ, nɔɔ kasɛ ruu zang ɓɔɔ ri dũng doo Laa kɔ katɔ, ka ruu ɓɔɔ ri ɓarɛ rɛɛ ɓaazung ɓɛɛ. Nɔ́ɔ ti pàlɛ̀ zɔɔ tɔ̃ɔ katɔ, a nɔ́ɔ ti lakɛ jĩng kpang.

1 Bituru 5:3

Nɔ́ɔ pálɛ̀ zang ɓɔɔ Laa a nɔɔ ri ka naa, nɛɛ nɔ́ɔ gãng jĩng ka ri nɛɛ kaka kpang. Nɔɔ nwang nwannang ɓɔɔ ri zirɛ, ri dũng ɓɛɛ kɔ jong.

3 Yɔhana 1:9

N bèe nɔɔ ɓɔɔ nɔɔ dũng Laa labeenang ɓɔɔ kagn, a Diyotirifi ɓɔɔ tuu yuu ɓiɓɛ nɛɛ wukɔ bang, kasɛ nɛɛ wu ɓaa shoo ka yee ɓɔɔ n bèe nɔɔ kpang.