Rooma 12:12 - Nyaa Shɔɔ Ɓɔɔ Laa a Ɓɛɛ

¹² Gn ɓɔɔ nɔɔ shing ka vuu ɓɔɔ a ɓɛɛ, wu shing nɔɔ, nɔ́ɔ tãa tĩnang. Zang nɛɛ dang nɔɔ jĩng, nɔɔ mã danggn. Nɔɔ gaa Laa diki diki.

Rooma 12:12 ပူးပေါင်းရင်းမြစ်များ

Matiyu 5:12

Nɔɔ dɔɔ bii ta, nɔ́ɔ ti tãa tĩnang, ka ruu ɓɔɔ, Kpanti Laa shing nɔɔ vuu ɓɔɔ kagn lapa ɓɛɛ. Zang dàng zang nyaa shonang Kpanti Laa ɓɔɔ ri a ka tĩng manɛ jĩng doo nɔngkɔ.

Luka 10:20

Nɔ́ɔ tãa tĩnang ka ruu ɓɔɔ suru shi kpang ɓaa shoo ka nyaa manɛ kpang. Nɔɔ tãa tĩnang manɛ, ka ruu ɓɔɔ, zang bee nung manɛ tɔ ka lapa ɓɛɛ.”

Luka 21:19

Nɔɔ nɛɛ mã danggn tɔ kagn nɔɔ ta yuu manɛ katɔ.

Luka 8:15

Jĩng vuu ɓɔɔ ri shili ka tipi tɔ̃ɔ, nwang kaa naa zang ɓɔɔ tãa Ruu Laa ɓɛɛ. Ri tarɛ, ri shing ka yeti ɓarɛ, ri mã danggn, a ri naa nwang kaa naa jĩng vuu ɓɔɔ bangnɛ ra jaa gaagaa ɓɛɛ.

Zang Shonang Yeesɔ 1:14

Ri kpálɛ̀ zɔɔ diki diki, ri gaa Laa nɔng gbete nɛɛ rɛɛ zang soro ɓɔɔ kagn, nɛɛ Marayamu nàá Yeesɔ, nɛɛ rɛɛ jaa nàá Yeesɔ ɓɔɔ varɛ.

Zang Shonang Yeesɔ 12:5

Ka ruu nɔngkɔ, ya Bituru ka sãa ka nɔngkɔ. A zang ɓɔɔ ri dũng Laa, ri ti gàá Laa ɓi kana gbãng gbãng ka ruu Bituru.

Zang Shonang Yeesɔ 2:42

Zang keɓe ri shing yuu ɓarɛ ɓi ka vuu ɓɔɔ zang shonang ri tusu ɓɛɛ. A ɓɔɔ kaa yuu ɓɔɔ ri kpalɛ nɛɛ zɔɔ ɓɛɛ, ɓɔɔ ti ka vuu shaanang ɓɔɔ ri shaa ka nyaa zɔɔ ɓɛɛ, a ɓɔɔ ti ka Laa gaanang.

Zang Shonang Yeesɔ 6:4

Rùu ráa jĩng ɓuru kaa Laa gaanang, nɛɛ Ruu Laa kɔɔrɔnang.”

Rooma 15:13

Laa ɓɔɔ wukɔ shingnɛ nɔɔ shing gn ɓɛɛ, wu shingnɛ nɔɔ tãa tĩnang gbãng gbãng ka yeti manɛ, yeti manɛ wu ti valɛ. Tɔ̀ɔ, Suru Laa wu a nɔɔ naa, nɔɔ shing gn kaa gbãng gbãng.

Rooma 15:4

Vuu ɓɔɔ zang bee ka yeti labeenang Laa piti, zang beeyi nɛɛ wu kpɛ̃ɛrɛ ruu, wu mã ruu danggn, tɔ̀ɔ, ruu shing gn kati.

Rooma 2:7

Zang ɓɔɔ ri yi tĩng, ri palɛ ɓarɛ tɔ̃ɔ kɔ sasak, nɛɛ tɔ̀ɔ, Laa wu a ri bannang, wu dɔ̀ɔ ri, ri ti nwáng ningkãari dòndòng. Laa naa a ri suru bii ɓɔɔ waa nyaa kpang ɓɛɛ.

Rooma 8:25

Naa ruu shing gn ka vuu ɓɔɔ ruu zi gn kpang, ruu mã danggn, ruu gã vuu bìí.

1 Koranti 13:13

Vuu kagn taati ɓɔɔ ri waa nyaa ɓarɛ kpang ɓɛɛ. Vuu keɓe rikɔ danggn shinnang, nɛɛ gn ɓɔɔ zang yaa naa kpang ɓɛɛ, nɛɛ zang kasɛnang, ka teteng vuu taati keɓe, zang kasɛnang kɔ ɓa ri.

2 Koranti 12:8

N gàa Laa tɔ, daa doo taati ka yuu kɔnang keɓe, n tɔɔ wu masɛ m jong.

Filipi 3:1

Rɛɛ manzung, ń gisi nɔɔ ruu keɓe. Kpanti ɓuru wu shingnɛ nɔ́ɔ tãa tĩnang dɔɔli. Naa wee n bee nɔɔ doo vuu ɓɔɔ n bèe nɔɔ tɔ ka tĩng ɓee, vuu keɓe kpãa m kpang. Niizang n palɛ nɔngkɔ, tɔ̀ɔ, vuu ɓɔɔ wu lee nɔɔ naa kaa tɔ̀ɔ́ bii kpang.

Filipi 4:4

Nɔɔ ɓɔɔ nɔɔ ɓakɛ yuu tɔ nɛɛ Kirisi ɓɛɛ, nɔɔ tãa tĩnang diki diki. N paasɛ nɔɔ kɔɔnang tɔkn, nɔɔ tãa tĩnang.

Kolosi 1:11

Laa wu a nɔɔ kaka nɛɛ naa vuu palɛnang ɓiɓɛ, tɔ̀ɔ, jĩng dannang nɛɛ a tɔ, nɔɔ mã danggn kaa vuu piti.

Kolosi 1:27

Vuu ɓɔɔ Laa mang ka yeti ɓiɓɛ keɓe, kasɛ nɛɛ wu nwàngsɛ̀ zang ɓiɓɛ vuu ɓɔɔ bɛ̀ɛ́ wu waasɛ katɔ ka teteng zang ɓɔɔ ri zi wu kpang ɓɛɛ. Vuu ɓɔɔ wu waasɛ katɔ, ɓɔɔ bannang kagn, ɓɔɔ wu shìng zang piti ɓɛɛ. Vuu ɓɔɔ wu waasɛ katɔ keɓe kɔɔyi nɛɛ, “Kirisi kagn yeti manɛ, ruu zi ka wukɔ nɛɛ Laa naa a nɔɔ bannang ɓiɓɛ katɔ.”

Kolosi 4:12

Epafara ɓɔɔ dòo zang manɛ kɔ, a ti pàlɛ́ Yeesɔ Kirisi shonang, jee nɔɔ nyaa, gaa Laa ka ruu manɛ gbãng gbãng, gaa wu nɛɛ, wu shing nɔɔ, nɔ́ɔ shii nɛɛ kaka, nɔ́ɔ zũng danggn, nɔ́ɔ ta ruu ɓiɓɛ katɔ, ka ɓɔɔ nɔɔ palɛ vuu ɓɔɔ wu kasɛ dɔ̃ɔ gbete ɓɛɛ.

Kolosi 4:2

Nɔɔ gaa Laa diki diki, nɔɔ gãng jĩng waasɛ̃, nɔɔ ti zãa wu.

1 Tesalonika 1:3

Diki ɓɔɔ ruu gaa Laa ɓuru ɓɔɔ wukɔ ti Daa ɓuru ɓɛɛ, danggn manɛ ning ruu kpang. Ruu ɓaa nung manɛ ka naa ɓɔɔ nɔɔ túsù danggn ɓɔɔ nɔɔ shing ɓɛɛ ka vuu ɓɔɔ nɔɔ palɛ ɓɛɛ. Naa ɓɔɔ nɔɔ palɛ shonang gbãng gbãng, ka ruu ɓɔɔ nɔɔ kasɛ Kpanti Yeesɔ Kirisi katɔ ɓɛɛ. A ɓɔɔ ti naa ɓɔɔ gn ɓɔɔ nɔɔ shing ka bii Kpanti ɓuru Yeesɔ Kirisi ruutu kpang tingkiring ɓɛɛ.

1 Tesalonika 5:8

A ruu ɓuru zang nɔng laagɛ̃, rúu yiti yuu ɓuru waasɛ̃. Danggn ɓɔɔ ruu shing ka bii Laa nɛɛ kasɛnang ɓɔɔ ruu kasɛ zɔɔ, wu nwàng ruu naa kãati. Gn ɓɔɔ ruu shingnɛ nɛɛ Laa naa ta yuu ɓuru ditɔ dɔ̃ɔ gbete, wu nwang ruu naa wàálaa ka yuu ɓuru.

2 Tesalonika 1:4

Ka ruu nɔngkɔ, ruu rangkɛ ruu bang bang ka yuu manɛ, ka ɓɔɔ ruu lengke zang ɓɔɔ ri dũng Laa ka nɔng ɓɔɔ ɓɛɛ. Yusɛ̃ɛ tuu ruu kpang. Ruu rangkɛ ruu ka yuu naa ɓɔɔ nɔɔ mã danggn, a nɔɔ shing danggn sasak ka yeti jĩng kɔ nɔɔ dang nandon ɓee ɓɛɛ.

2 Tesalonika 3:5

Ruu gaa Kpanti wu sɔɔ nɔɔ tĩng, nɔ́ɔ zí kasɛnang ɓɔɔ Laa kasɛ nɔɔ nɛɛ mani ɓɛɛ gbãng gbãng. Laa wu ti shíng nɔɔ nɔ́ɔ mã danggn, nɔ́ɔ gã anang Kirisi.

1 Timoti 6:11

A ɓɔɔ ɓaaɓɛ Timoti, ɓɔɔ mɔɔ ɓaa zang Laa ɓɛɛ, yaa vuu keɓe ɓaa nandon. Kãa ɓaa gbalang ɓɔɔ mɔɔ nwang zang tɔ̃ɔ ka tĩng Laa ɓɛɛ diki diki, zang ɓɔɔ dũng Laa niizang ɓɛɛ, zang ɓɔɔ shing danggn ka bii Laa ɓɛɛ, zang ɓɔɔ kasɛ zang katɔ ɓɛɛ, zang ɓɔɔ mã danggn dɔɔli ɓɛɛ, a ɓɔɔ zang ɓɔɔ pàlɛ́ zang tɔ̃ɔ ɓɛɛ.

2 Timoti 3:10

Ɓɔɔ ɓaaɓɛ, mɔ̀ɔ dũng vuu ɓɔɔ n tusu ɓɛɛ tɔ, mɔɔ zi nwannang mɛɛ tɔ, a mɔɔ ti zi vuu ɓɔɔ n shing jĩng mɛɛ kagn tɔ. Mɔɔ zi danggn ɓɔɔ n shing ka bii Laa tɔ, nɛɛ danggn ɓɔɔ n mã nɛɛ zang, nɛɛ naa ɓɔɔ n kasɛ zang ɓɛɛ a ɓɔɔ danggn ɓɔɔ n mã ka jĩng dannang ɓɛɛ.

Titu 2:13

Ka wee ruu nwangnɛ, ruu gã diki tĩnang tãanang ɓɔɔ ruu shing gn nɛɛ naa a ɓɛɛ. Diki ɓɔɔ bannang Laa ɓuru Yeesɔ Kirisi ɓɔɔ wukɔ ɓa zang piti, ɓɔɔ wukɔ ti ta yuu ɓuru naa nwangsɛ bii ɓɛɛ.

Titu 3:7

Tɔ̀ɔ, ka ruu tɔ̃ɔ Yeesɔ Kirisi, ruu nwang zang tɔ̃ɔ kaa tĩng Laa, a ruu wàlɛ́ suru bii ɓɔɔ waa nyaa kpang ɓɔɔ ruu shing gn ɓiɓɛ kati.

Yahudi 10:32

Nɔɔ kpaa danggn diki ɓɔɔ ɓa tɔ ɓɛɛ, ka knti ɓɔɔ nɔɔ zi ruu ɓɔɔ niizang ɓɔɔ ka yuu Kirisi tɔ. Nɔɔ mã danggn, a nɔɔ táarɛ́ yuu gbãng gbãng ka jĩng dannang.

Yahudi 10:36

Nɔ́ɔ yaa danggn mãnang kpang, tɔ̀ɔ, nɔ́ɔ pálɛ́ vuu ɓɔɔ Laa kasɛ ɓɛɛ. Wu a nɔɔ vuu ɓɔɔ wu a nyaa nɛɛ wu á nɔɔ ɓɛɛ kati.

Yahudi 12:1

Ka ruu nɔngkɔ, wee zang ɓɔɔ ri kɔ̀ɔ ruu rúu, ri shang nɔngkɔ, ri kiiri ruu nyaa ka teteng ɓee. Ruu vang nɔɔ vuu piti ɓɔɔ zãa ruu gbalang, nɛɛ vuu shi kpang ɓɔɔ kpãa ruu, ɓɔɔ ruu wii kagn ɓɛɛ. Ruu mã danggn, ruu yuu nɔɔ yunang kɔ zang shing ka tĩng ɓuru ɓee.

Yahudi 3:6

A Yeesɔ nwáng zang ɓɔɔ zang shing gn katɔ ka bii ɓiɓɛ ka Gãa Laa nandon, ka ruu ɓɔɔ, wu ɓi Jaa ɓɛɛ. Rukɔ Gãa keɓe, ruu nɛɛ yiti danggn ɓɔɔ ruu mãrɛ gbãng gbãng, nɛɛ gn ɓɔɔ ruu shingnɛ kɔ, ruu dɔɔ bii nɛɛ mani ɓee ɓɛɛ.

Yahudi 5:7

Ka diki ɓɔɔ Yeesɔ nwáng ka koo keɓe, rangkɛ yee nɛɛ Laa a gaarɛ wu, mɛɛ nyaa ka lapa nɛɛ miiri ka jĩng. Gaa Laa ɓɔɔ zunung ɓɔɔ ta yuu ɓiɓɛ katɔ, wu vɔ kpang ɓɛɛ. A Laa tãa wu ka ɓɔɔ wisi wu paa nɛɛ saa ɓɛɛ, ka ruu ɓɔɔ, tuu yuu ɓiɓɛ kpang, a ti a Laa yuu ɓiɓɛ katɔ ɓɛɛ.

Yahudi 6:12

Ruu kasɛ, nɔɔ si rang kpang, nɔɔ màsɛ̀ rɛɛ zang ɓɔɔ, ka ruu danggn ɓɔɔ ri shingnɛ, nɛɛ danggn ɓɔɔ ri mã ɓɛɛ, rikɔ naa walɛ vuu ɓɔɔ Laa a nyaa ɓɛɛ.

Yahudi 6:15

A ka knti ɓɔɔ Ibirayi mã danggn, gã tɔ, Laa a wu vuu ɓɔɔ wu a wu nyaa ɓɛɛ.

Yakubu 5:7

Ka ruu nɔngkɔ manzung, n kɔɔ nɔɔ, nɔɔ mã danggn kagn, nɔɔ gã diki ɓɔɔ Kpanti Yeesɔ gbãayu ɓɛɛ. Nɔɔ zi zang ɓɔɔ ri lang jaa ɓɛɛ. Ri gã vuu ɓɔɔ ri ɓaa ka tipi ɓɛɛ, mii tĩng shɔɔnang nɛɛ mii ɓɔɔ gɔɔ nyaa wu arɛ. Mã danggn sasak diki ɓɔɔ wu kpalɛ vuu shaanang ka jaa ɓiɓɛ a nɛɛ mani.

1 Bituru 4:13

Nɔ́ɔ tãa tĩnang kɔ jong, ka ruu ɓɔɔ nɔɔ kpalɛ yuu manɛ doo ka jĩng dannang ɓɔɔ Kirisi dang ɓɛɛ kɔ. Ka ruu ɓɔɔ, ka diki ɓɔɔ zang nɛɛ tusu bannang ɓiɓɛ tɔ, nɔɔ tãa tĩnang kaa dɔɔli.

1 Bituru 4:7

Diki ɓɔɔ koo keɓe waa nyaa kagn, a naabm tɔ, ka ruu nɔngkɔ, nɔɔ yiti yuu manɛ waasɛ̃, nɔ́ɔ shii tɔ̃ɔ, tɔ̀ɔ, nɔ́ɔ gaa Laa kati.

2 Bituru 1:6

Wu zũnang kɔ shɛ̃ɛning kpang, nɔɔ ti yiti yuu manɛ waasɛ̃. Nɔɔ ti mã danggn gbãng gbãng, nɔɔ nɛɛ mã danggn tɔ, nɔɔ ti nwang nwannang ɓɔɔ Laa tãa tĩnang ɓɛɛ.

Vuu ɓɔɔ zang nwangsɛ Yɔhana 13:10

Zang ɓɔɔ naa zang zɔ̃ng wu, nɛɛ zang naa yi wu katɔ ka nyaa sĩiri, zang ti yi wu ɓi katɔ niizang. Zang ɓɔɔ naa zang zɔ̃ng wu nɛɛ zang nyɔ wu vɔrɔ ɓi nɛɛ yere bang, zang ti nyɔ wu vɔrɔ ɓi nɛɛ yere bang niizang. Ka ruu nɔngkɔ, zang Laa ri mã danggn katɔ, ri ti yaa danggn shinnang ka bii Laa kpang.