Rooma 11:31 - Nyaa Shɔɔ Ɓɔɔ Laa a Ɓɛɛ

³¹ Zang Yahudi doo nɔngkɔ, kãntang keɓe, ri ɓaa shoo ɓarɛ tɔ̀ɔ́ ka nyaa Laa kpang. Tɔ̀ɔ, gn ɓarɛ wu kɔng Laa kaa jong, naa ɓɔɔ kɔng wu ka yuu manɛ ɓɛɛ.

Rooma 11:31 ပူးပေါင်းရင်းမြစ်များ

Rooma 10:16

A kaa tɔ̀ɔ́ zang piti ri dũ̀ng vuu ɓɔɔ Ruu Tɔ̃ɔ Laa kɔɔ ɓɛɛ kpang. Ka ruu ɓɔɔ Ishaya kɔɔ ka yeti Labeenang ɓiɓɛ tɔɔ, “Kpanti, zang ɓɔɔ ri shing danggn ka ruu ɓɔɔ ruu kɔɔ ri ɓɛɛ kpang.”

Rooma 11:15

Ka ɓɔɔ Laa bɛ̃ɛ ri, Laa raa zang koo ri yi wusang nɛɛ wu. A Laa nɛɛ ta ri tɔ tɔkn ɓɛɛ, naa nwang naa ɓɔɔ zang ɓɔɔ ri vɔlɔ tɔ, ri walɛ suru bii tɔ kpang ya?

Rooma 11:25

Rɛɛ manzung, ɓɔɔ nɔɔ zang Yahudi kpang, n kasɛ nɔɔ tuu yuu manɛ kpang. Tɔ̀ɔ n kɔɔ nɔɔ dĩiri vuu ɓɔɔ palɛ zang Isirela ɓɔɔ nɔɔ zi kpang ɓɛɛ. Zang ɓɔɔ ka teteng ɓarɛ ri taarɛ yuu dɔɔli. Ri nwáng nɔngkɔ sasak Laa wu ta yuu manɛ zang ɓɔɔ nɔɔ zang Yahudi kpang nandon.

Rooma 11:30

Ɓɔɔ nɔɔ zang ɓɔɔ nɔɔ zi Laa kpang ɓɛɛ, naa ɓɔɔ ka tĩng nɔɔ ɓaa shoo ka nyaa Laa kpang, kãntang keɓe gn manɛ kɔng Laa tɔ, ka ruu ɓɔɔ, zang Yahudi ri ɓaa shoo ka nyaa Laa kpang ɓɛɛ.

Rooma 11:32

Ka ruu ɓɔɔ, Laa risi zang piti naa zang ɓɔɔ wu mã ri ka sãa, ka ruu ɓɔɔ, ri ɓaa shoo ka nyaa ɓiɓɛ kpang ɓɛɛ. Nɛɛ tɔɔ, gn ɓarɛ wu kɔng wu kati.