Rooma 11:22 - Nyaa Shɔɔ Ɓɔɔ Laa a Ɓɛɛ

²² Ka ruu nɔngkɔ, nɔɔ zi naa ɓɔɔ Laa jɛ̃ɛ zang ruu nɛɛ gnvɔ, nɛɛ tɔ̃ɔ ɓɔɔ wu palɛ zang ɓɛɛ. Jɛ̃ɛ zang ɓɔɔ ri palɛ vuu shi kpang ruu nɛɛ gnvɔ ning, a pàlɛ́ ɓi kaa nɔkɔ tɔ̃ɔ, nɔɔ nɛɛ yaa tɔ̃ɔ ɓɔɔ wu palɛ nɔɔ kpang ɓɛɛ. Naa nɔngkɔ kpang, zang dɔlɔ nɔɔ ditɔ jong.

Rooma 11:22 ပူးပေါင်းရင်းမြစ်များ

Luka 8:15

Jĩng vuu ɓɔɔ ri shili ka tipi tɔ̃ɔ, nwang kaa naa zang ɓɔɔ tãa Ruu Laa ɓɛɛ. Ri tarɛ, ri shing ka yeti ɓarɛ, ri mã danggn, a ri naa nwang kaa naa jĩng vuu ɓɔɔ bangnɛ ra jaa gaagaa ɓɛɛ.

Yɔhana 15:2

Nasãng mɛɛ ɓɔɔ nɛɛ ra jaa kpang, Daa mɛɛ dɔng katɔ. Nasãng ɓɔɔ nɛɛ ra jaa katɔ, kpɛ̃lɛ bii ɓiɓɛ katɔ, tɔ̀ɔ, wu gisi jaa ránang kaa dɔɔli.

Yɔhana 8:31

Yeesɔ kɔɔ zang Yahudi ɓɔɔ ri shing danggn tɔ, ka bii ɓiɓɛ nɛɛ, “Nɔɔ nɛɛ yiti ruu kɔ n tusu nɔɔ ɓee gbãng gbãng, nɔɔ zang ɓɔɔ ri mantɛ vuu ka bii mɛɛ ɓɔɔ niizang kɔ.

Zang Shonang Yeesɔ 11:23

Ɓɔɔ daa shɛ̃ɛ nɔng, a zi naa ɓɔɔ Laa á ri tĩnang tãanang tɔ, tãa tĩnang jong. A mã ri danggn nɛɛ ri dũng Laa nɛɛ yeti ɓarɛ nandon.

Zang Shonang Yeesɔ 14:22

Ri mã zang ɓɔɔ ri shing danggn tɔ danggn, ri kɔɔ ri nɛɛ ri yáa danggn kɔ ri shing ɓee kpang. Ri kɔɔyi nɛɛ, “Rùu dàng jĩng dɔɔli ka gbongkarɛ, tɔ̀ɔ, ruu daa nɔng ɓɔɔ Laa roo kpanti ɓɛɛ kati.”

Rooma 11:21

Laa nɛɛ yaa nasãng laa inabi ɓɔɔ zang ɓaa katɔ ɓɛɛ kpang. Nɔɔ kɔ̀ɔ́ ɓu nɛɛ naa yaa nɔɔ katɔ ya?

Rooma 2:7

Zang ɓɔɔ ri yi tĩng, ri palɛ ɓarɛ tɔ̃ɔ kɔ sasak, nɛɛ tɔ̀ɔ, Laa wu a ri bannang, wu dɔ̀ɔ ri, ri ti nwáng ningkãari dòndòng. Laa naa a ri suru bii ɓɔɔ waa nyaa kpang ɓɛɛ.

1 Koranti 15:2

Laa ti tá yuu manɛ kana ka ruu ruu kaɓa, nɔɔ nɛɛ dũng vuu ɓɔɔ n kɔɔ nɔɔ nɛɛ yeti gbete ɓɛɛ. Nɔɔ nɛɛ ti zi vuu ɓɔɔ nɔɔ shing danggn kagn tɔ niizang ɓɛɛ.

Galati 6:9

Ruu lee tɔ̃ɔ palɛnang kpang. Ka ruu ɓɔɔ, ruu nɛɛ leeyi, ruu nɛɛ yaa kpang, diki a ditɔ ɓɔɔ naa nwǎng ruu vuu tɔ̃ɔ ɓɛɛ.

1 Tesalonika 3:5

Vuu ɓɔɔ shingnɛ ruu shong Timoti ɓɛɛ kɔ. Daa naa ɓɔɔ n tí ɓɛɛ takpang, ka ruu nɔngkɔ, ruu shong wu, nɛɛ wu daa zi ruu naa ɓɔɔ danggn shinnang manɛ nwang ɓɛɛ. Ruu zi kpang naa Sheetang gãsɛ nɔɔ tɔ, nɔɔ yaa danggn ɓɔɔ nɔɔ shing ɓɛɛ tɔ. Nɔɔ shing tɔ shonang ɓuru nandon shaarɛ tɔ waati ya?

1 Tesalonika 3:8

Wee nɔɔ shii nɛɛ kaka ka yuu ɓɔɔ nɔɔ ɓakɛ tɔ nɛɛ Kpanti Yeesɔ ɓee, ruu tãa tĩnang nwannang ningkãari kaa tɔ.

Yahudi 10:23

Rúu yiti vuu ɓɔɔ ruu kɔ̀ɔ ka yuu danggn ɓɔɔ ruu shing ɓɛɛ gbãng gbãng, rɛ̃rɛnang ɓuru wu vãarɛ kpang. Ka ruu ɓɔɔ, zang ɓɔɔ a nyaa, ɓi zang ɓɔɔ palɛ vuu ɓɔɔ wu a nyaa kagn katɔ ɓɛɛ.

Yahudi 3:14

Ka ruu ɓɔɔ, ruu ɓuru kaa zang ɓɔɔ ri walɛ vuu ka bii Kirisi ɓɛɛ. Ruu nɛɛ yaa gn ɓɔɔ ruu gaayu, ruu shingnɛ kpang, diki ɓɔɔ koo waa nyaa wu a nɛɛ mani ɓɛɛ.

Yahudi 3:6

A Yeesɔ nwáng zang ɓɔɔ zang shing gn katɔ ka bii ɓiɓɛ ka Gãa Laa nandon, ka ruu ɓɔɔ, wu ɓi Jaa ɓɛɛ. Rukɔ Gãa keɓe, ruu nɛɛ yiti danggn ɓɔɔ ruu mãrɛ gbãng gbãng, nɛɛ gn ɓɔɔ ruu shingnɛ kɔ, ruu dɔɔ bii nɛɛ mani ɓee ɓɛɛ.

1 Yɔhana 2:19

Ri nwáng nɛɛ teteng ɓuru, ka ruu ɓɔɔ, bɛ̀ɛ́ ri ɓarɛ zang ɓuru ɓɔɔ niizang kpang kɔ nwani ɓɛɛ. Naa ri nɛɛ zang ɓuru, ri nɛɛ nwàng dòo nɛɛ ruu. Daanang ɓarɛ kɔ tusu zang nɛɛ, zang ɓuru kagn teteng ɓarɛ gbete kpang.

Vuu ɓɔɔ zang nwangsɛ Yɔhana 2:5

Ka ruu nɔngkɔ, nɔɔ kpaa danggn zɔ̃ng nwannang ɓɔɔ nɔɔ nwang ka tĩng ɓɛɛ ta, nɔɔ kɔ̃sɔ yeti, nɔɔ gaayu vuu ɓɔɔ nɔɔ pálɛ́ ka tĩng ɓɛɛ palɛnang tɔkn. Naa nɔɔ kɔ̃sɔ yeti nɔɔ yaa vuu shi kpang ɓɔɔ nɔɔ palɛ keɓe kpang, n a ditɔ ka bii manɛ. N naa tuu vuu ɓɔɔ nɔɔ shĩili waa zàáng sɔɔ manɛ kagn ɓɛɛ, n daa nɛɛ mani.