Rooma 10:4 - Nyaa Shɔɔ Ɓɔɔ Laa a Ɓɛɛ

⁴ Ka ruu ɓɔɔ, Kirisi shing tɔ naa vuu palɛnang nyaa dannang Laa di nyaa tɔ ɓɛɛ. Zang ɓɔɔ nɛɛ shing danggn ka bii Laa, Laa risi wu kaa tɔ wu nwang zang tɔ̃ɔ ka tĩng ɓiɓɛ.

Rooma 10:4 ပူးပေါင်းရင်းမြစ်များ

Matiyu 3:15

A Yeesɔ kasɛ wu nyaa tɔɔ, “Pàlɛ̀ m gbã̀ágbãa, tɔ̀ɔ vuu ɓɔɔ Kpanti Laa kɔɔyi, wu ɓee nyaa kati.” A Yɔhana naa kasɛ, palɛ Yeesɔ batizima kati.

Yɔhana 1:17

Naa ɓɔɔ nyaa dannang Laa a nɛɛ bii Musa, tɔ̃ɔ palɛnang Laa, nɛɛ ruu ɓɔɔ niizang, a ɓi kaa nɛɛ bii Yeesɔ Kirisi.

Rooma 3:22

Laa shíng zang, zang nwáng zang tɔ̃ɔ ka tĩng ɓiɓɛ, ka ruu danggn ɓɔɔ zang shing ka bii Yeesɔ Kirisi ɓɛɛ. Ɓi ɓɔɔ zang piti ɓɔɔ ri shing danggn ka bii Kirisi ɓɛɛ, ka ruu ɓɔɔ, Laa shɛ̃ɛrɛ zang ɓi kpang ɓɛɛ.

1 Koranti 1:30

Nɔɔ ɓákɛ̀ zɔɔ nɛɛ Yeesɔ Kirisi, ka Ruu Laa kɔ gbete. Ti doo Laa kɔ shingnɛ Yeesɔ Kirisi a ruu zũnang ɓɔɔ niizang ɓɛɛ. Ti ka ruu Yeesɔ Kirisi kɔ, Laa zí ruu naa zang ɓiɓɛ ɓɔɔ ri tɔ̃ɔ ɓɛɛ. A ti tá yuu ɓuru tɔ ka vuu shi kpang nandon, risi ruu, ruu nwang zang ɓiɓɛ.

Galati 3:24

Ka ruu nɔngkɔ, nyaa dannang kɔ yiti ruu sasak, tɔ̀ɔ, wu atɛ ruu ka bii Kirisi. Tɔɔ ruu nwang zang tɔ̃ɔ kati ka tĩng Laa, nɛɛ bii danggn ɓɔɔ ruu shing ɓɛɛ.

Galati 4:5

Nɛɛ tɔɔ wu ta yuu zang ɓɔɔ ri dũng nyaa dannang Laa ɓɛɛ. Tɔ̀ɔ, ruu raa wujɛ Laa kati.

Kolosi 2:10

a zang a nɔɔ vuu piti tɔ, nyaa kiiri ka ɓɔɔ nɔɔ ɓakɛ yuu nɛɛ wu ɓɛɛ. Yeesɔ kɔ zang bang ka yuu rɛɛ kpanti nɛɛ rɛɛ zang bang bang.

Kolosi 2:17

Vuu keɓe nandon nwàng ɓi naa jasuru vuu ɓɔɔ a doo ka tĩng ɓɛɛ. Vuu ɓɔɔ niizang ɓi Yeesɔ Kirisi.

Yahudi 10:14

Nɛɛ vuu dɔɔnang ɓɔɔ gbete ɓɔɔ dòndòng keɓe, Kirisi shing tɔ, zang ɓɔɔ zang kɔsɔ ri vuu shi kpang ɓarɛ tɔ, ri nwang tɔ nyaa kiiri.